المتمرد والصغيره

البارت ١٢ و١٣

#المتمرد_والصغيره

البارتات12_____13

ﺭﺳﻞ ﺍﻟﺸﻤﺮﻱ 💚
.........................
ﺍﻟﺤﻠﻘﺔ ﺍﻟﺜﺎﻧﻴﺔ ﻋَﺸﺮ ﻣﻦ ﺍﻟﻤﺘﻤﺮﺩ ﻭ ﺍﻟﺼﻐﻴﺮﺓ
............................................
ﺃﻧـﺎ ﺍﻟﻔﺮﻫﺪﻭﻫﺎ ﺍﻟﻨﺎﺱ ﺍﻧـﺎ ﺍﻟﻤﺤﺪ ﺑﻘﺔ ﻭﻳﺎﻫﺎ
ﺃﻧﺎ ﺳﻨﻴﻨﻲ ﺿﺎﻋﺖ ﻫﻴﭻ ﻣﺎ ﻣﻔﺘﻬﻤﺔ ﻣﻌﻨﺎﻫﺎ
ﻝ ﺭﺳُﻞ ﺍﻟﺸﻤﺮﻱ 💚
............................................
ﻣﺮﻥ ﺷﻬﺮﻳﻦ ﻉ ﻭﻓﺎﺓ ﺳﻬﺎﻡ ﺍﻟﻠﻪ ﻳﺮﺣﻤﻬﺎ ﺍﻟﻮﺿﻊ ﻋﺎﺩﻱ
ﭼﻨﺖ ﮔﺎﻋﺪﺓ ﺑﻐﺮﻓﺔ ﻫﻴﻔﺎﺀ ﺍﺑﺎﻭﻉ ﻣﺴﻠﺴﻞ
ﻫﻲ ﻣﻤﻮﺟﻮﺩﺓ ﺭﺍﺣﺖ ﻟﻠﺴﻮﮒ ﻭﻱ ﻣﺮﺓ ﻣﺤﻤﺪ
ﺩﺧﻞ ﺍﺑﻮ ﻓﻬﺪ ﻟﻠﻐﺮﻓﺔ ﭼﺎﻥ ﺭﺍﺟﻊ ﮔﺎﻟﻮ ﻋﻨﺪﺍ ﻓﺼﻞ ﭼﺒﻴﺮ
ﺍﺑﻮ ﻓﻬﺪ : ﺷﻮﻧﭻ ﺑﻮﻳﺔ
ﺍﺩﻳﺎﻥ : ﺗﻤﺎﻡ
ﺍﺑﻮ ﻓﻬﺪ : ﭼﺎ ﻣﺎ ﻋﻠﻤﻮﭺ ﺍﻻﺻﻮﻝ ﻣﻦ ﻭﺍﺣﺪ ﻳﺴﺌﻞ ﻋﻨﭻ ﺗﺮﺩﻳﻦ ﺍﻟﺴﺆﺍﻝ ﻋﻨﺔ
ﺍﺩﻳﺎﻥ : ﻣﻮ ﻛﻠﻬﺎ ﺗﺴﺘﺎﻫﻞ
ﺍﺑﻮ ﻓﻬﺪ : ﻃﻮﻻﻥ ﻟﺴﺎﻧﭻ ﺑﻮﻳﺔ
ﺍﺩﻳﺎﻥ : ﻭﻫﺴﺔ ﺷﺘﺮﻳﺪ ﻋﻤﻮ
ﺍﺑﻮ ﻓﻬﺪ : ﻣﺎﺭﺍﻳﺪ ﺑﻌﺪ ﻋﻤﭻ ﺑﺲ ﺳﻮﻳﻠﻲ ﭼﺎﻱ ﻭ ﺻﻌﺪﻱ ﻓﻮﮒ
ﺍﺩﻳﺎﻥ ،،، ﺻﻌﺪ ﻫﻮ ﻓﻮﻙ ﻭﺍﻧﻲ ﻃﻠﻌﺖ ﻣﻦ ﺍﻟﻐﺮﻓﺔ ﺍﺳﻮﻱ ﭼﺎﻱ ﺣﻈﺮﺕ ﺳﺘﻜﺎﻥ ﻭ ﻭﺩﻳﺘﺔ ﺩﮔﻴﺖ ﺑﺎﺏ ﺍﻟﻐﺮﻓﺔ
- ﺍﺩﺧﻞ
- ﻫﺬﺍ ﺍﻟﭽﺎﻱ
- ﺍﻱ ﺑﻮﻳﺔ ﺗﻌﺎﻱ ﺧﻠﻲ ﻳﻢ ﺭﺍﺳﻲ ﻭ ﻃﻠﻌﻲ ﻭ ﺳﺪﻱ ﺍﻟﺒﺎﺏ
- ﮔﺒﺮ ﻋﺒﺎﻟﻲ ﻳﻌﺘﺬﺭ ﻉ ﺍﻟﺮﺍﺷﺪﻱ ﻳﺎﺑﺔ ﻭﻃﺒﻬﻢ ﻃﻮﻭﺏ ﺧﻞ ﺗﺨﻠﺺ ﺍﻟﺴﻨﺔ ﻭ ﺍﺷﺮﺩ ﻭﻳﻦ ﻣﺎ ﻋﻨﺪ ﺍﻟﻠﻪ ﮔﺎﻉ
ﻧﺰﻟﺖ ﻟﮕﻴﺖ ﻫﻴﻔﺎﺀ ﺟﺎﻳﺔ ﺟﺎﻳﺒﺘﻠﻲ ﻣﻼﺑﺲ ﺑﺲ ﻫﻢ ﻟﻮﻥ ﺍﺳﻮﺩ ﻻﻥ ﻳﻠﺒﺴﻮﻥ ﻉ ﺍﻟﻤﻴﺖ ﺳﻨﺔ ﻭﻫﻢ ﺍﺧﻮﻫﻢ ﻭﺳﻬﺎﻡ ﻣﺎﺗﻮ ﻧﻔﺲ ﺍﻟﻔﺘﺮﺓ
ﺣﻮﺭﺍﺀ ﻭ ﺯﻫﺮﺍﺀ ﭼﺎﻧﻦ ﺯﻳﻨﺎﺕ ﻭﻳﺎﻱ ﺑﺲ ﻣﻦ ﻳﺠﻲ ﺍﺑﻮﻫﻦ ﻳﺨﺘﻔﻦ ﻣﻦ ﻳﻤﻲ ﺣﺘﻰ ﺍﺫﺍ ﻧﺰﻟﻦ ﻣﻴﺤﺠﻦ ﻭﻳﺎﻱ
ﺣﺎﻭﻟﺖ ﺑﻮﻗﺘﻬﺎ ﺍﻋﺮﻑ ﺷﻨﻮ ﺍﻟﺴﺒﺐ
ﺑﺲ ﻣﺎ ﺍﺟﺎﻧﻲ ﺗﻔﻜﻴﺮ ﻭﺍﻗﻌﻲ ﻭﺍﻧﻲ ﻣﺎ ﺍﺣﺐ ﺍﺳﺌﻠﻬﻦ ﺧﻠﻴﺘﻬﺎ ﻉ ﺍﻟﻠﻪ ﻫﻮ ﺷﺎﻳﻒ ﻛﻠﺸﻲ
ﺛﺎﻧﻲ ﻳﻮﻡ ﺍﻟﻌﺼﺮ ﺟﻨﺖ ﻛﺎﻋﺪﺓ ﺑﻐﺮﻓﺔ ﻫﻴﻔﺎﺀ ﻭﻳﻤﻬﺎ ﺍﻟﺤﺠﻴﺔ ﻓﺪﻋﺔ ﻭﻛﺎﻋﺪﺍﺕ ﻳﺴﻮﻟﻔﻦ ﺍﻧﻲ ﻛﻌﺪﺕ ﺍﺑﺎﻭﻉ
ﺍﺟﺔ ﺍﺑﻮ ﻓﻬﺪ ﻛﺎﻝ .. ﺍﻟﺴﻼﻡ ﻋﻠﻴﻜﻢ
ﻭﻫﻦ ﺭﺩﻥ ... ﻭﻋﻠﻴﻜﻢ ﺍﻟﺴﻼﻡ
ﺍﺑﻮ ﻓﻬﺪ : ﺗﻌﺎﻱ ﺑﻮﻳﺔ ﻓﻮﮒ ﺭﺍﻳﺪﺝ
- ﻫﻮ ﺻﻌﺪ ﻭﺍﻧﻲ ﺑﺪﻭﻥ ﺗﺮﺩﺩ ﺻﻌﺪﺕ ﻭﺭﺍ ﻣﺎﻋﺮﻑ ﻟﻴﺶ ﻫﻴﺞ ﺑﺴﺮﻋﺔ ﺣﺒﻴﺖ ﺍﺣﺠﻲ ﻭﻳﺎ ،، ﺩﻛﻴﺖ ﺍﻟﺒﺎﺏ
- ﺩﺧﻠﻲ ﻳﺎﺑﺔ
- ﺷﻔﺘﺔ ﺩﻳﻨﺰﻉ ﺑﺪﺷﺪﺍﺷﺘﺔ ﻭ ﻳﺮﻳﺪ ﻳﻌﻠﮕﻬﺎ ﻧﺰﻟﺖ ﻋﻴﻮﻧﻲ
- ﺳﺪﻱ ﺍﻟﺒﺎﺏ ﻭﺗﻌﺎﻱ ﻛﻌﺪﻱ ﻫﻨﺎ
- ﺳﺪﻳﺖ ﺍﻟﺒﺎﺏ ﻭ ﺟﺎﻧﺖ ﺍﻛﻮ ﻗﻨﻔﺔ ﻣﻦ ﺿﻤﻦ ﺍﺛﺎﺙ ﺍﻟﻐﺮﻓﺔ ﻛﻌﺪﺕ ﻋﻠﻴﻬﺎ ﻫﻮ ﻛﻌﺪ ﻉ ﺍﻟﺠﺮﺑﺎﻳﺔ
- ﺟﺎﻧﺖ ﺑﺼﻔﺔ ﻋﻼﮔﺔ ﺳﻮﺩﺓ ﻓﺘﺤﻬﺎ ﻃﻠﻊ ﻛﺎﺭﺗﻮﻥ ﭼﺒﻴﺮ ﻓﺘﺤﺔ ﻃﻠﻊ ﻻﺏ ﺗﻮﺏ ،، ﻭﻣﺪ ﺍﻳﺪﺓ ﻭﻫﻮ ﻻﺯﻡ ﻳﻌﻨﻲ ﺩﻳﺄﺷﺮ ﺍﺧﺬﻱ
- ﻻ ﺷﻜﺮﺍً ﻣﺎﺭﻳﺪ
- ﻣﻮ ﺑﻜﻴﻔﭻ ﺑﻮﻳﺔ ﺍﻧﺎ ﻣﺎ ﺟﺒﺘﺔ ﺣﺘﻰ ﺗﺮﺟﻌﻲ
- ﻣﻮ ﻏﺼﺐ ﺍﻟﺴﺎﻟﻔﺔ ﻣﺎﺭﻳﺪﺓ
ﺗﺮﻯ ﻣﻮ ﻣﻦ ﻓﻠﻮﺳﻲ ﺍﻧﻲ ﺳﺤﺒﺖ ﻣﻦ ﻓﻠﻮﺳﭻ ﺍﻟﻌﻨﺪﻱ
- ﺍﺣﻠﻒ ﻳﻼ ﺍﺧﺬﺓ
- ﺣﺮﺍﻡ ﺍﻟﺤﻠﻔﺎﻥ ﺑﻮﻳﺔ ﻭﻫﺎﭺ ﺍﺧﺬﻱ ﻭﺳﺪﻱ ﺍﻟﺒﺎﺏ ﻭﺍﻟﻀﻮﺓ ﻭﻻ ﺗﺘﻌﺒﻴﻨﻲ
ﺍﺩﻳﺎﻥ ... ﻛﻠﺖ ﺧﻞ ﺍﺧﺬﺓ ﺍﺗﻮﻧﺲ ﻋﻠﻴﻪ ﻋﻠﻴﻤﻦ ﺿﺎﻟﺔ ﻉ ﺍﻟﺘﻠﻔﺰﻳﻮﻥ ﻃﻠﻌﺖ ﻣﻦ ﺍﻟﻐﺮﻓﺔ ﺷﺎﻓﻨﻲ ﺯﻳﺪ
ﺯﻳﺪ : ﺍﻟﻠﻪ ﻣﻮﻓﻖ ﻳﺎﺑﺔ ﻻﺑﺘﻮﺏ ﻭ ﻛﺬﺍ
ﺍﺩﻳﺎﻥ : ﻫﻮ ﺍﺻﻼً ﻣﺎ ﺍﻋﺮﻓﻠﺔً ..
ﺯﻳﺪ : ﻻﺯﻡ ﺍﺧﻮﻱ ﻳﺮﻳﺪ ﻳﻤﻬﻞ ﺍﻟﺪﺭﺏ ﻳﻼ ﻟﻴﺶ ﻻ ﺷﺎﺏ ﻭ ﻣﻦ ﺣﻘﺔ .. ﺍﻣﺸﻲ ﺍﻋﻠﻤﺞ ﻋﻠﻴﻪ
ﺍﺩﻳﺎﻥ .. ﻻ ﻣﺎﻛﻮ ﺩﺍﻋﻲ
ﺯﻳﺪ : ﺩﻣﺸﻲ ﻟﺞ
ﺍﺩﻳﺎﻥ .. ﻛﻌﺪﺕ ﺯﻳﺪ ﺿﻞ ﻳﻌﻠﻤﻨﻲ ﻭ ﺩﺧﻞ ﺭﻣﺰ ﺍﻟﺸﺒﻜﺔ ﻭﻧﺰﻝ ﺍﻟﻌﺎﺏ ﻭﺑﺮﻧﺎﻣﺞ ﺳﻴﻨﻤﺎﻧﺎ ﻭ ﺭﺍﻭﺍﻧﻲ ﺻﻮﺭﺓ ﺑﺮﻧﺎﻣﺞ ﺍﺯﺭﮒ ﺑﻲ ﺣﺮﻑ f ﺍﺑﻴﺾ
ﮔﺎﻝ ﻫﺬﺍ ﻓﻴﺲ ﺑﻮﻙ ﺩﻳﺮﻱ ﺑﺎﻟﺞ ﺗﻨﺰﻟﻲ ﻳﻌﻄﻞ ﺍﻟﺠﻬﺎﺯ
ﻭ ﺑﺮﻧﺎﻣﺞ ﻧﻔﺴﺔ ﻫﻢ ﺍﺯﺭﮒ ﺑﺲ ﺑﻲ ﺷﻠﻮﻥ ﺍﻟﻬﻤﺰﺓ ﻫﻢ ﻟﻮﻥ ﺍﺑﻴﺾ
ﻛﺎﻝ ﻫﺬﺍ ﻣﺎﺳﻨﺠﺮ ﻫﻢ ﻳﻬﻜﺮ ﺍﻟﺠﻬﺎﺯ ﻭﺍﻧﻲ ﺍﻫﺰ ﺑﺮﺍﺳﻲ
ﻭﺍﺷﻮﻓﺔ ﻛﺎﺗﻢ ﺍﻟﻀﺤﻜﺔ ﻛﻮﺓ ﻣﻦ ﺗﺎﺍﺍﻟﻲ ﻳﻼ ﻋﺮﻓﺖ ﺟﺎﻥ ﻳﭽﺬﺏ ﻋﻠﻴﺔ ﺻﺎﺭﺕ ﺍﻟﺴﺎﻋﺔ ﺑﺎﻟﺴﺒﻌﺔ
ﻭ ﺍﺣﻨﺔ ﻧﻔﺲ ﺍﻟﻜﻌﺪﺓ ﻭﻛﻞ ﺷﻮﻳﺔ ﺩﺍﺧﻠﺔ ﺍﻡ ﻣﺤﻤﺪ ﮔﺎﻟﺖ ... ﺷﺒﻴﺞ ﺻﺪﮒ ﭼﺬﺏ ﻣﺎﺷﺎﻳﻔﺔ ﻻﺏ ﺗﻮﺏ
ﺍﺩﻳﺎﻥ : ﻻ ﻣﺎ ﺷﺎﻳﻔﺔ
ﺍﻡ ﻣﺤﻤﺪ : ﺣﻘﭻ ﻣﻌﻴﺪﻱ ﻭ ﻟﺰﻡ ﻃﻮﺍﻃﺔ
ﻫﻲ ﻏﻠﻄﺖ ﻋﻠﻴﺔ ﻭﺍﻧﻲ ﺣﺼﺮﺗﻨﻲ ﺍﻟﻀﺤﻜﺔ ﻉ ﺍﻟﻤﺜﻞ ﻭﻃﮕﻴﺘﻬﺎ ﺿﺤﻜﺔ ﻭ ﺯﻳﺪ ﻫﻢ ﻛﺎﻡ ﻳﻀﺤﻚ ﺍﺟﺔ ﺍﺑﻮ ﻓﻬﺪ ﺩﺧﻞ ﺭﻓﻊ ﺗﻚ ﺣﺎﺟﺐ ﻭ ﺍﺟﺔ ﻛﻌﺪ ﻳﻤﻨﺔ
ﺍﺑﻮ ﻓﻬﺪ : ﻫﺎ ﺑﻮﻳﺔ ﺷﺘﺴﻮﻭﻥ
ﺯﻳﺪ : ﺍﻋﻠﻢ ﺑﻤﺮﺗﻚ ﻏﻴﺮ
ﻣﺤﺪ ﺣﭽﺔ ،،،،،
ﺻﺒﻮ ﻋﺸﺔ ﺻﺎﺣﻮﻟﻲ ﻣﺎ ﺭﺩﺕ ﻓﺮﺣﺎﻧﺔ ﺏ ﺍﻻﺏ ﺗﻮﺏ
ﻋﺒﺎﻟﻚ ﻣﻠﻜﺖ ﺍﻟﺪﻧﻴﺎ ﻛﻠﻬﺎ ﺿﻠﻴﺖ ﺍﺑﺎﻭﻉ ﺍﻓﻼﻡ ﻭ ﻣﺴﻠﺴﻼﺕ ﻧﻤﺖ ﺏ ﺍﻻﺭﺑﻌﺔ ﺍﻟﻔﺠﺮ
ﻭﻫﻴﻔﺎﺀ ﻛﻞ ﺷﻮﻳﺔ ﺭﻓﻌﺖ ﺭﺍﺳﻬﺎ ﻭﻛﺎﻟﺖ
ﻧﺼﻲ ﻳﻤﻌﻮﺩﺓ ﻧﺼﻲ ،،،
ﮔﻌﺪﺕ ﺍﻟﺼﺒﺢ ﻋﻠﻰ ﺻﻮﺕ ﺍﻡ ﻣﺤﻤﺪ ﻳﻠﻌﻠﻊ ﺑﺲ ﺍﻧﻲ ﻓﺮﺣﺎﻧﺔ ﺑﺲ ﺍﺭﻳﺪ ﺍﺧﻠﺺ ﺍﻟﺸﻐﻞ ﺑﺴﺮﻋﺔ ﻋﻠﻤﻮﺩ ﺍﺭﺟﻊ ﺍﻛﻌﺪ ﺍﺑﺎﻭﻉ
ﻛﻤﻠﺖ ﺍﻣﺎﻋﻴﻦ ﺍﻟﺮﻳﻮﻙ ﻭﻧﻮﺏ ﻛﺎﻣﻦ ﻳﺴﻮﻭﻥ ﻏﺪﺓ ﺍﻡ ﻣﺤﻤﺪ ﻭ ﺍﻡ ﺳﺮﺍﺏ ﻭ ﻫﻴﻔﺎﺀ ﻫﻢ ﺑﺲ ﻓﺪﻋﺔ ﻛﺎﻋﺪﺓ ﺑﺎﻟﺼﺎﻟﺔ ﻭﻳﻮﺻﻠﻠﻬﺎ ﺍﻻﻛﻞ ﺑﺲ ﻫﻢ ﻣﺎ ﻋﺎﺟﺒﻬﺎ ﺍﻟﻌﺠﺐ ،،
ﺑﺲ ﺍﻟﺒﻴﺖ ﻛﻠﺔ ﻳﺤﺒﻬﺎ ﺍﻧﻄﻨﻲ ﺍﻟﺨﻈﺮﺓ ﺍﻏﺴﻠﻬﺎ ﻭ ﺍﻟﮕﻄﻬﺎ ﻭﺍﻧﻲ ﻛﺎﻋﺪﺓ ﻋﻠﻰ ﺍﻟﻤﻴﺰ ،،
ﺍﻡ ﻣﺤﻤﺪ : ﭼﻨﺖ ﺍﺳﻤﻊ ﻳﮕﻮﻟﻮﻥ ﺑﻨﺎﺕ ﺑﻐﺪﺍﺩ ﻳﺴﺘﻮﻟﻦ ﻉ ﺍﻟﺰﻟﻢ ﺑﻠﻤﺢ ﺍﻟﺒﺼﺮ ... ﻭﻫﺴﺔ ﺗﺄﻛﺪﺕ
ﻫﻴﻔﺎﺀ : ﻫﻦَ ﺣﻠﻮﺍﺕ ﺑﻨﺎﺕ ﺑﻐﺪﺍﺩ
ﺍﻡ ﻣﺤﻤﺪ : ﻭ ﻋﮕﺎﺭﺏ ﻫﻢ
ﺍﺩﻳﺎﻥ : ﻛﻠﻤﻦ ﻳﺸﻮﻑ ﺍﻟﻨﺎﺱ ﺑﻌﻴﻦ ﻃﺒﻌﺔ
ﺍﻡ ﻣﺤﻤﺪ : ﻭ ﺍﻟﺰﻣﺎﻝ ﻳﺎﺧﺬ ﻋﻠﻰ ﻧﻔﺴﺔ
ﺍﺩﻳﺎﻥ : ﺍﺣﺘﺮﺍﻣﺎً ﻟﻌﻤﺮﺝ ﺭﺍﺡ ﺍﻋﻮﻓﭻ
ﺍﻡ ﻣﺤﻤﺪ : ﻳﻤﺔ ﻳﻤﺔ ﺻﺎﺑﺘﻨﻲ ﺭﺟﻔﺔ ﺑﻨﺖ ﺍﻫﻞ ﺍﻟﻌﺮﮒ ﺗﺨﻮﻓﻨﻲ ﻭﻋﻠﻲ ﺍﺣﻂ ﺭﺍﺳﭻ ﻭﺍﺩﻭﺳﺔ ﻭ ﺍﺷﻮﻑ ﮔﻮ *** ﻳﮕﻮﻝ ﻟﻴﺶ
ﺍﺑﻮ ﻓﻬﺪ : ﺍﻱ ﺑﻴﺪﺍﺀ ﻟﻴﺶ
ﻫﻴﻔﺎﺀ : ﻫﻼ ﺧﻮﻳﺔ
ﺍﺑﻮ ﻓﻬﺪ : ﻫﻼ ﺑﻴﺞ ﺑﻮﻳﺔ
ﺍﺩﻳﺎﻥ : ﺍﻧﻲ ﺑﻴﻦ ﺍﻟﺼﺪﻣﺔ ﻭ ﺑﻴﻦ ﺣﺎﺻﺮﺗﻨﻲ ﺍﻟﻀﺤﻜﺔ ﺩﻧﮕﺖ ﺭﺍﺳﻲ ﻭﺍﻟﺘﻬﻴﺖ ﺑﺎﻟﺨﻈﺮﺓ
ﺍﻡ ﻣﺤﻤﺪ : ﺍﻧﺎ ﻣﺎ ﺣﺎﭼﻴﺔ ﻭﻳﺎﻙ ﻟﻴﺶ ﺗﺠﻴﺐ ﺍﻟﻐﻠﻂ ﻟﺮﻭﺣﻚ
ﺍﺑﻮ ﻓﻬﺪ : ﺍﻧﺎ ﭼﻢ ﻣﺮﺓ ﻣﻨﺒﻬﭻ ﻋﻮﻓﻴﻬﺎ ﻳﻌﻨﻲ ﺷﻠﻮﻥ ﻣﺘﺮﺗﺎﺣﻴﻦ ﺍﻻ ﺍﺩﻳﺤﻜﻢ ﺑﺎﻟﺸﻮﺍﺭﻉ
ﺍﻡ ﻣﺤﻤﺪ : ﻭﺍﻧﺘﺔ ﺷﺪﻋﻮﺍﻙ ﻫﻴﺞ ﻛﺎﺗﻞ ﺭﻭﺣﻚ ﻋﻠﻴﻬﺎ ﺗﺮﺍﻫﺎ ﺑﮕﺪ ﺑﻨﺎﺗﻚ
ﺍﺑﻮ ﻓﻬﺪ : ﻭﺍﻧﺘﻲ ﺷﻠﭻ ﻏﺮﺽ ﺑﻴﺔ ﻟﻮ ﺑﻨﺎﺗﻲ
ﺍﺩﻳﺎﻥ ... ﺿﻠﺖ ﺗﺄﻓﺄﻑ ﻭﻏﺴﻠﺖ ﺍﺩﻳﻬﺎ ﻭ ﻃﻠﻌﺖ ﻫﻮ ﮔﻌﺪ ﻋﻠﻰ ﺍﻟﻤﻴﺰ
ﻫﻴﻔﺎﺀ : ﭼﺎ ﻟﻴﺶ ﺭﺩﻳﺖ
ﺍﺑﻮ ﻓﻬﺪ : ﺍﻟﮕﻌﺪﺓ ﺗﺄﺟﻠﺖ .. ﺷﻨﻮ ﺍﻟﻐﺪﺓ
ﻫﻴﻔﺎﺀ : ﺗﻤﻦ ﺍﺣﻤﺮ ﻭ ﺳﻤﭻ
ﺍﺑﻮ ﻓﻬﺪ : ﭼﺎ ﺧﻮﺵ ﺍﻧﺎ ﺭﺍﻳﺢ ﻟﻠﺠﺎﻣﻊ ﺍﺻﻠﻲ
ﻫﻴﻔﺎﺀ : ﺍﻟﻠﻪ ﻭﻳﺎﻙ ﺧﻮﻳﺔ
ﻓﺪﻋﺔ : ﺧﺎﻳﺐ ﻳﺒﻮ ﻗﺮﺭﺭﺩ
ﺍﺑﻮ ﻓﻬﺪ : ﻫﺎﻱ ﻭﻳﺎﻣﻦ ﻭﻟﺞ ﻓﺪﻋﺔ ﺷﻮ ﺻﺎﻳﺮﺓ ﺗﺘﺠﺎﻭﺯﻳﻦ
ﻓﺪﻋﺔ : ﻭﺍﻛﺴﺮ ﺿﻠﻮﻋﻚ
ﺍﺑﻮ ﻓﻬﺪ : ﺩﺳﻜﺘﻲ ﻭﻟﺞ ﺑﺲ ﺍﻧﻔﺦ ﻋﻠﻴﺠﺞ ﺗﻄﻴﺮﻳﻦ
ﻫﻬﻬﻬﻬﻬﻬﻬﻪ
ﻓﺪﻋﺔ : ﻳﺎ ﺧﺎﻳﺐ ﺗﺘﻤﻀﺤﻚ ﻋﻠﻴﺔ ﻳﺒﻮ ﺍﻟﻨﺴﻮﺍﻥ
ﺍﺑﻮ ﻓﻬﺪ : ﻭﺍﻧﺘﻲ ﺍﻡ ﺍﻟﺰﻟﻢ
ﻓﺪﻋﺔ : ﺷﻮﻛﺖ ﺍﺯﻭﺟﻚ ﻭﻟﻚ
ﺍﺑﻮ ﻓﻬﺪ : ﺍﻧﺎ ﻭﻳﺎﺟﺞ ﻧﺘﺰﻭﺝ ﻓﺮﺩ ﻳﻮﻡ
ﺷﻠﻮﻥ ﻋﻨﺪﻱ ﺍﻟﺞ ﺯﻟﻤﺔ ﻳﻢ ﺍﻟﻤﺮﻛﺰ ﺑﺲ ﺍﺗﻔﻞ ﻋﻠﻴﻪ ﻳﻤﻮﺕ
ﻓﺪﻋﺔ : ﻫﻬﻬﻬﻬﻬﻬﻬﻬﻬﻬﻬﻪ ﻳﺎ ﻣﻜﺴﻮﺭ ﺍﻟﺮﮔﺒﺔ ﺧﻠﻲ ﺍﻟﻚ
ﺍﺑﻮ ﻓﻬﺪ : ﻣﺎ ﺍﺩﻭﺭ ﻭﻟﺪ ﺍﻧﻲ
ﻫﺴﺔ ﺗﺤﺘﺎﺟﻴﻦ ﺷﻲ ﻃﺎﻟﻊ ﺍﻧﻲ
ﻓﺪﻋﺔ : ﺍﻱ ﻭﻋﻠﻲ ﻣﺸﺘﻬﻴﺔ ﻟﺒﻦ
ﺍﺑﻮ ﻓﻬﺪ : ﻫﺴﺔ ﺍﺩﺯ ﺍﻟﻮﻟﺪ
ﺍﺩﻳﺎﻥ ... ﺭﺟﻌﻮ ﻣﻦ ﺍﻟﺼﻼﺓ ﺍﺑﻮ ﻓﻬﺪ ﻭﺍﻟﺤﺠﻲ ﻭ ﺯﻳﺪ ﻣﻴﻄﻠﻊ ﻟﻠﺸﻐﻞ ﺑﺲ ﻧﺎﻳﻢ ﻭ ﺍﺟﺔ ﺍﺑﻮ ﺳﺮﺍﺏ ﻭ ﻓﺮﺷﻮ ﺍﻟﺴﻔﺮﺓ ﺑﺎﻟﺼﺎﻟﺔ
ﻭﮔﻌﺪﻭ ﻳﺎﻛﻠﻮﻥ ﺻﺎﺣﻮﻟﻲ ﺑﺲ ﺷﻔﺖ ﻣﺎﻛﻮ ﻣﻜﺎﻥ ﺳﻮﺗﻠﻲ ﻫﻴﻔﺎﺀ ﻳﻤﻬﺎ ﻣﻜﺎﻥ ﻭﻛﻌﺪﺕ ﺍﻟﺴﻤﭻ ﺍﻧﻲ ﺗﻠﻌﺐ ﻧﻔﺴﻲ ﻣﻨﺔ ﺍﻛﻠﺖ ﺑﺲ ﺗﻤﻦ ﻭﮔﻤﺖ ﺭﺣﺖ ﻟﻠﻤﻄﺒﺦ ﺍﺳﻮﻱ ﭼﺎﻱ ﺻﺒﻴﺘﺔ ﻭ ﺍﭼﺘﻲ ﺳﺮﺍﺏ ﺍﺧﺬﺗﺔ ﺗﻘﺪﻡ
ﻏﺴﻠﺖ ﺍﻟﻤﻮﺍﻋﻴﻦ ﻭﺭﺣﺖ ﺳﺒﺤﺖ ﻭﻣﺸﻄﺖ ﻭﻣﻜﻴﻔﺔ ﻋﻠﻤﻮﺩ ﺍﺭﻭﺡ ﺍﻟﻌﺐ ﺏ ﺍﻻﺏ ﺗﻮﺏ ﺟﻨﺖ ﺣﺎﻃﺘﺔ ﻉ ﺍﻟﺸﺤﻦ ﺷﻮ ﺍﺑﺎﻭﻉ ﻣﺎﻛﻮ ﺍﻧﺼﺪﻣﺖ ﺿﻠﻴﺖ ﺍﺩﻭﺭ ﻣﺎﻛﻮ ﺍﻧﻘﻬﺮﺕ ..
ﺭﺣﺖ ﮔﻠﺖ ﻟﻬﻴﻔﺎﺀ ﺿﻠﺖ ﺗﺪﻭﺭ ﻭﻳﺎﻱ ﺩﻭﺭﻧﺔ ﺍﻟﺒﻴﺖ ﻛﻠﺔ ﻣﺎﻛﻮ ﺻﻌﺪﺕ ﻓﻮﮒ ﺩﻛﻴﺖ ﺍﻟﺒﺎﺏ ﻋﻠﻰ ﻏﺮﻓﺔ ﺍﺑﻮ ﻓﻬﺪ
ﺍﺑﻮ ﻓﻬﺪ : ﺍﺩﺧﻞ
- ﻋﻤﻮ ﻫﻢ ﺷﺎﻳﻒ ﺍﻻﺏ ﺗﻮﺏ ﺍﻧﻲ ﻋﻔﺘﺔ ﻉ ﺍﻟﺸﺤﻦ
- ﻋﻠﻰ ﺍﻟﻜﻮﻣﺪﻱ ﺍﺧﺬﻱ
- ﺷﻌﻨﺪﻯ ﻳﻤﻚ
- ﺗﺮﻯ ﺍﻧﻲ ﺟﺒﺘﺔ
- ﻟﻌﺪ ﺧﻠﻲ ﻳﻤﻚ ﻣﺎ ﺍﺭﻳﺪﺓ
- ﺍﺧﺬﻱ ﻭﺳﺪﻱ ﺣﻠﮕﺞ
- ﻋﻔﺘﺔ ﻭﻃﻠﻌﺖ ﻃﺒﮕﺖ ﺍﻟﺒﺎﺏ ... ﺷﻨﻮ ﻳﺮﻳﺪ ﻳﺬﻟﻨﻲ ﺑﻲ
ﻧﺰﻟﺖ ﺟﻮﺓ ﻻﮔﺘﻨﻲ ﻫﻴﻔﺎﺀ
- ﻫﺎﺍ ﻟﻜﻴﺘﻲ
- ﻋﻨﺪ ﺍﺧﻮﺝ
- ﺷﻴﺴﻮﻱ ﺑﻲ
- ﻣﺎﺧﺬﺓ ﻋﻠﻤﻮﺩ ﻳﻌﻴﺮﻧﻲ ﺑﻲ ﻏﻴﺮ
- ﺍﻧﺠﺒﻲ ﻳﺠﻮﺯ ﺭﺍﺩﺝ ﺗﺼﻌﺪﻳﻠﺔ
- ﻭﺍﻧﻲ ﻫﻢ ﺑﻌﺪ ﻣﺎﺭﻳﺪﺓ
- ﻫﻬﻬﻬﻬﻪ ﻭﺍﻟﻠﻪ ﻳﺎ ﺧﻮﻳﺔ ﭼﻨﻚ ﻭﮔﻌﺖ
- ﺣﻄﻴﺖ ﺭﺍﺳﻲ ﻉ ﺍﻟﻤﺨﺪﺓ ﻭﺗﺬﻛﺮﺕ ﺍﻣﻲ ﻭ ﺍﺧﺘﻲ ﻭ ﺍﺑﻮﻳﺔ ﻟﻴﺶ ﻣﺎ ﺳﺌﻞ ﻋﻨﻲ ﺯﻳﻦ ﺍﻧﻲ ﺣﻴﺎﺗﻲ ﻫﺴﺔ ﺷﻨﻮ ﻣﺴﺘﻘﺒﻠﻲ ﺷﻨﻮ ﻧﻤﺖ ،،،،
ﻛﻌﺪﺕ ﺛﺎﻧﻲ ﻳﻮﻡ ﻭﺣﺪﻱ ﻻﻥ ﻣﺴﻬﺮﺍﻧﺔ ﻃﻠﻌﺖ ﺑﺎﻟﻜﺮﺍﺝ ﺷﻔﺖ ﺍﻟﺤﺪﻳﻘﺔ ﺗﺠﻨﻦ ﺑﻴﻬﺎ ﻣﺮﺟﻮﺣﺔ ﻛﻌﺪﺕ ﺑﻴﻬﺎ ﻭﺷﻔﺖ ﻭﺍﺣﺪ ﻳﺪﻓﻌﻨﻲ ﺧﻔﻴﻒ ﺩﺭﺕ ﻭﺟﻬﻲ ﺷﻔﺘﺔ ﻓﻬﺪ ﻛﺎﺷﺦ ﻭ ﻣﺸﻂ ﺷﻌﺮﺓ
ﺍﺩﻳﺎﻥ : ﻫﻠﻮ ﺣﺒﻴﺒﻲ
ﻓﻬﺪ : ﺭﺍﺡ ﻧﺮﻭﺡ
ﺍﺩﻳﺎﻥ : ﻭﻳﻦ
ﻓﻬﺪ : ﻟﺒﻴﺖ ﺟﺪﻭ ﺍﻧﻲ ﻭﺯﻫﺮﺍﺀ ﻭ ﺣﻮﺭﺍﺀ
ﺍﺩﻳﺎﻥ : ﻭﺷﻮﻛﺖ ﺗﺠﻮﻥ
ﻓﻬﺪ : ﺍﺳﺒﻮﻉ ﺷﻬﺮ ﺑﻜﻴﻔﻨﺔ ﻫﻢ ﺑﻴﺘﻬﻢ ﻫﺬﺍ ﻫﻨﺎ ﻗﺮﻳﺐ ﺑﺲ ﺧﺎﻟﻮ ﻳﻄﻠﻌﻨﺔ ﺑﺎﺑﺎ ﻣﻴﻄﻠﻌﻨﺔ
ﺍﺩﻳﺎﻥ : ﻟﻴﺶ ﻣﻴﻄﻠﻌﻜﻢ
ﻓﻬﺪ : ﻏﻴﺮ ﺍﺍﺑﻮﻳﺔ ﺍﻟﺸﻴﺦ ﺷﻨﻮ ﻳﻄﻠﻊ ﻭﻳﺎﻧﺔ ﺍﻟﺠﻬﺎﻝ
ﺩﻧﺴﻮﻟﻒ ﻭﺩﺧﻞ ...
________________________
ﻛُﻞ ﻣﺎ ﻳﺰﻳﺪﻭﻥ ﺍﻟﻤُﺘﺎﺑﻌﻴﻦ 50 ﻣُﺘﺎﺑﻊ ﺍﻟﻜﻢ ﺑﺎﺭﺕ ﻫﺪﻳﺔ