المتمرد والصغيره

البارت ٥٨و٥٩

#المتمرد_والصغيره

البارتات58____59

كعدت الصبح غسلت و نزلت جوة ساعدتهن بالريوك شوية و غلست صعدت فوك
ابو فهد: هذا صاير يمشي ويوكع ديري بالج عليه لا يروح يم الدرج
اديان : لا يمة اسم الله
.. غسلتلة و غيرت ملابسة و قفلت باب الغرفة و نزلت لكيتهم جاي يتريكون
رحاب : اخي ابراهيم
اديان: يابة شايفة لوكيات بس مثلج ماشايفة والله
ابو فهد: لا اله الا الله اسكتي و انتي خوية تفضلي
رحاب : الغرفة كلش صغيرة عادي نبدلهة بغرفة فهد
ابو فهد: ما ضل شي خوية يخلص رمضان و اطلع اديان بغير بيت و بيت لزيد و هذا يصير لابو سراب و الطابق الثالث الكم و افتحلكم درج على الشارع
الحجي : شني بوية وانا
ابو فهد: و انتة بوية شني تبقة هنا تريد تكعدي ببيتي هلا بيك بس بوية مرتك و مرتي ما يتوالمن وانا ارد ارتاح لان بزعت روحي من المشاكل
فدعة : جا انا اكابلمن بعد شلك بهاي الهوسة خلنة سوة والله العزلة ما تفيد يحبوبة
ابو فهد: فدعة انتي يابيت التردي دفري الباب و طبي كلهن بيوتج بس والله تعبت انا بعد مابية
الحجي : جا شني زيد بيت وحدة و انتة اخو ما دكلة يجيبلة مرة طكت مراراتي و انا احرمصلة شني نيتة ما تفهموني
ابو فهد: بوية زيد مايريد شني اغصبلي زلمة مشورب على زواج عوفة هو مايريد و انا اخذتلة بيت بصف بيتي حتى اذا اطلع تبقى عينة على البيت
الحجي : جا و الشيوخ و الكعدات  شلون لاتخبلني يبوية
ابو فهد: يابة شبيك ما دكلي اجيلك منا تطلعلي بسالفة منا اي عزيمة اي هوسة تنكف هنا بالمضيف ذاك بيتي كلة 300 متر وي الحديقة
الحجي : جا ما مجبور ابقة هنا و خلينة عايشين مثل البشر
ابو فهد: هاي شلون سالفة بالله انا اريد اطلع ارتاح ببيت وحدي كفرت خو ما كفرت
الحجي : روح بوية بكيفك يالله ترضى عليك المرة احنة ما نعجب صرنة
ابو فهد: لتكفرررررنة يابة هسة البت حاجية فاتحة حلكها شو شافت الويل و ما حجت انا اريد اخذها و اهج شمحصل هسة انا شو كضيت عمري بس الكم
فدعة : روح يحبوبة محروس بعين الله ان شاء الله و هاي اليتيمة هم كضت عمرها منفوسة و مالك غرض بابوك و حك عيونك يغار
ابو سراب : هههههههه شلج بهاي
زيد : يابة فدعة راح اخلص منج الله ماصدك
فدعة : اي مو صكارتك انا
زيد : هههه لا وعلي احبج
فدعة : اي حبيبة البزون يحب دامغة انا ما فرحانة بس لهاي الفاهية راح تخلص من حقد نااس الله يساعد كلوبهم
زيد : اي جا ربع الله بعد هاي اديان
سليمة  : بس بعد هواي للعيد خلها تاخذ غرفة فهد خطية
فهد : خالة اعذريني انا غرفتي ما اطيهة شني كوة خو ما كوة رحمة لمحمد
شجلبتن
زيد : هههههه انا غلام ابوي
.. ابو فهد كام يضحك اخذ تليفونة و طلع صعدت فوك فررررحانة راح اخلص من هاي الهوسة ضايجة بس على بشرى و فدعة يبوووو
الظهر تغديت و صعدت نيمت صكر باجر رمضان بس الحر ميسوي واهس للصيام بس لازم نصوم انفتح الباب و دخل هو سبح و طلع بس صكر مطنكر ميقبل ينام
ابو فهد: وين تليفونج
اديان : جوة المخدة مالتي
.. اخذة و طلع بطاقة من محفضتة ضل ماعرف شيسوي بي
شوية و نام صكر حطيتة بفراشة و رحت يمة
- اكلك شي بس متصيح
- شنو
- خلي انزل فايبر لو واتساب والله اكره المكالمات
- شيلي هاي السالفة من راسج
- كلهن عدهن بس اني ممسوية
- و احنة نضل نقلد الرايح و الجاي ماكو هاي فلوس و دزي رصيد اي برنامج ما اريددددد اسمع اسمة افلش التليفون و القران
- هففففف ماشي
- ضلي ذبي حسرات ضلي
- ترى مو سجن والله
- لا بوية سجن سجن
... مشت الايام و خلص رمضان حددو بالعيد زواج محمد و سراب
هو عمرة 19 ماعرف اكثر بس هي 16
و ابو فهد كال تخلص هوسة العرس و نحول بالبيت الجديد
خلصت هوسة العرس و ما قبل اروح للزفة بقينة اني و بشرى بالبيت
رجعو بالليل كلهم اني جنت منيمة صكر صعد ابو فهد  و صعدت ورا
اديان: خطية ما صالحتوها
ابو فهد: باعي لتفتحيلي طاري لهذا الموضوع لو جلدج يحكج
اديان : هسة اني شكتلك هاهية سكتت
.. راح سبح حضرتلة ملابس و اجة تمدد و مدلي ايدة حطيت راسي عليها
ابو فهد: اجتي تتوسل رادت ابوهها يصالحها و باست رجلي بس كارهة طلعت من عيني و ابوها ما رضة يحجي وياها و لايشوفهة بس من طلعت كام يبجي
اديان : خطية غلطت سامحوها يجوز هو ضاحك عليها
ابو فهد: مو هسة خليها تحس بالغلط السوتة و كلشي بوكتة حلو
بس زيد باسها و زفهم
اديان : عاد زين واحد منهم فرحها بلة انتة كلبك حجر متنقهر على الواحد
ابو فهد: لو كلبي حجر جا ما عشكتج
اديان : اين العشق انا لا اراه مشبعني ضرب
ابو فهد: انا هذا عشكي يبوي لو ما تهميني ما اضربج و ادبج جان كبل طكيت فوك راسج مرة
اديان : اي مو اني طاوة بعدين على اساس انتة ما تزوجت علية
ابو فهد: هههه هو صدك ماكو دكة ناقصة ما مسويها بيج
اديان: همزين تعترف
ابو فهد: بس تذكري كبل كل دكة انتي شمسوية
اديان: اكثرهن كلشي ممسوية
ابو فهد: زين اكلج بشرفج تحبيني بكد ما احبج
اديان :  و شمدريني شكد تحبني
ابو فهد: بس سالفة متحمل فهاوتج هاي وحدها عشك
اديان : هههههه احبك والله كومة
ابو فهد: و انا صيت عشكي واصل لذاك الصوب من وراج كلها صيتت علية اليشخ رادة روحة خضرة
اديان : ههههههه مو هذا الشاعر التسمعة يكول العشك تالي العمر عند العرب
فشلة
ابو فهد: ههههههههههههه هذا ابو ماي رفيجي
بوية الكالج ضايك سواد الليل
هم دور بروحة و ما لكة العلة
تعال الولف من يكبر عزيز يصير
غصباً ع الليالي الخربت شكلة
اديان : الله فديتك وين ما احطك ترهم خرب عرضك
ابو فهد: اوكفي اوكفي شكلتي
اديان: لا والقران بالغلط وروح امي
ابو فهد: ههههههههههههه على طاري امج من نستقر بالبيت اخذج الها
اديان : صدددددددك راح يصير تلث سنوات مرايحتلهة
ابو فهد: بس صكر عوفي يم هيفاء ميروح
اديان : متعلق بية و اني هم ماكدر اعوفة
ابو فهد: جا ماكو روحة
اديان : لا يلا اعوفة يمها
ابو فهد: على طاري البيت انا اثثتة كلة و جبت عاملات رتبن و نضفن بس الغرفة اخذتلج صور و اختاري منهن كلت خاف اجيبهة و تطلع مو الترديهة انتي
... فتح تليفونة و شوفني الصور يموتن خاف اخذ هاي نوب اكول ليش ما اخذت هذيج  لان هاي السالفة الما ابطل من عدها
شفت وحدة منهن بيضة و الجرباية مالتهة دائرة اكثر وحدة عجبتني كتلة هاي
ابو فهد: هههه هو انا من شفتها عرفتج تدورين هيج سوالف
اديان : شكلهة شوية غريب حلوة
ابو فهد: جا ما تحنين عليّ انا هم يتيم و غريب
اديان : ههههههههههههه
ابو فهد: بت الجلاب فضحتينة راحت هيبة الغترة
اديان : راحت هيبة الشيخ
ابو فهد: سلام الله ع الشيوخ دنامي لا امرد حلكج هسة
اديان : هههه هاهية والله نمت
... ورا يومين كال كلشي متاخذين غير الفلوس و الذهب و الملابس بس المهمهات حطيتهم بجنطة مال سفر و سلمت عليهم صعدنة بالسيارة ويانة فهد البيت مو بعيد بنفس الشارع بس ركن صاير اني اعتقد شايفة اكو بيت بهذا المكان بس مو هيج يجنن جان قديم
باوعت للبيت عالي واجهيتة مرمر و حجر و بي قمرية خشبية و ملتفة عليها شجرة مال عنب ضليت مصدومة بالجماال الباب لون ذهبي فتح الباب و دخلنة الكراج مقسوم نص حديقة و نص مكان سيارة
ابو فهد: روحي شوفي على راحتج
.. ما كلت لا صدك طفرت للبيت احس كلمة يجنن متوصفة المطبخ جان مرتب بشكل حتى مكان المواعين و الاستقبال و الصالة مرتبات التحفيات بشكل حلو هو جان كاعد بالصالة
اديان:  هاي منو مرتب البيت
ابو فهد: جبت عاملات
اديان : هااااااااا
ابو فهد: ههههه دنجبي لج
.. صعدت للطابق الثاني بي 3 غرف كبار وحدة لفهد و الثانية بيها تخم قنفات و تلفزيون و الثالثة غرفتي تجننن تجننن احلا شي بالبيت كلة الغرفة نفس الشفتها بالصورة بالضبط
صعدت للطابق الثالث هم 3 غرف بس مقفلات نزلت جوة
ابو فهد: عجبج
اديان : يجنن
ابو فهد: هاي بعد ارتاحي لا سليمة تضوجج و رحاب اللوكية على كولتج
اديان : اي وآلله همزين بس ليش الغرف الفوك مقفولات
ابو فهد: نضفنهن و قفلتهن و ذني المفاتيح اذا ردتي وحدة
.. هو راح نام و اني ضليت افتر بالبيت ممصدكة هاي اذا فدعة هنا جان كالت شلون بالماشايف و شاف جانت الساعة بالثنتين نيمت صكر و رتبت الملابس الجبتهم و نزلت
فددددد فرحاااانة فكرة بيت وحدي ومحد يتدخل بي راحة نفسية العصر نزل هو كاشخ على اخر حبة
ابو فهد: شني بوية عايفتني وحدي تصدكين تجذبين
اديان: غير انتة نمت
ابو فهد: بدلي و امشي حتى تخلين صكر يم هيفاء و اشتري هدوم و اليعجبج
اديان : ممتعودة على هذا الدلال
ابو فهد: دمشي لج ليشوفج يكول كاطع عليج الفلوس
اديان : لا ما كاطع بس طلعات و كذا
ابو فهد: دمشي لا بالنعال هسة
... صعدت لبست جبة و شال و بدلت لصكر و نزلت فهد هم ويانة
ابو فهد: عبا
اديان: لا عليك الله بعد لبست ما اكدر
ابو فهد: اي بوية مو مشكلة حطيهة على راسج فوك هذن الابستهن
اديان : اصلا ما جبتهة والله عفتهة هناك
ابو فهد: يلا مو مشكلة امشي هسة اخذلج وحدة
فهد : يابة انا راح ابقة يم عمة هيفاء و اخلي عمي زيد ياخذني يشتريلي
ابو فهد: جا خوش و عينك على اخوك
فهد : صار
... نزلنة لبيت هيفاء شفت سراب سلمت عليها و كعدنة شوية انطيت صكر
لصكر و طلعنة اول ما وكفنة اخذني لمحل مال عبي اخذت هذي الي يصير ردنها مثل الجبة بس ضايجة ماريد
اديان : والله ما احبها العبا ليش تجبرني
ابو فهد: بعد انسي شي اسمة جبة عبا حالج حال النسوان
اديان : الله ياخذ عمري و  يخلصني
أبو فهد: هشششش كافي صوت ما اريد
... اخذت ملابس الي و لصكر ومكياج و اي شغلة شفتها حلوة اخذتها اذا ما اخلي يرجع بدون فلوس ما انحسب اديان
كملت و لكيتة واكف اجة يمي تحاسب وي البنية الواكفة تحسب الاشياء صاح لولد اثنين صغار كاللهم وصلوهن للسيارة و صلوهن و شفتة انطاهم فلوس صعدت بالسيارة ....
ابو فهد: فكيها عاد هي عبا مو جفن
اديان : ما احبها و القران
ابو فهد: لا حبيهة من تحبيهة تشوفيها حلوة عليج وهي مطلعتج ملكة
اديان : ضل قشمرني ضل
ابو فهد: قابل انتي قشمر
اديان : اهوووووو
ابو فهد: تتعشين بالسيارة لو تنزلين للمطعم
اديان: لا انزل
ابو فهد: ههههه يلا نزلي
.. نزلنة هو اكل كباب و اني لفة همبركر رجعنة لبيت هيفاء هو نزل بس شوية و طلع صعد فهد بالسيارة و صكر حطيتة بحضني
ابو فهد: باجر الصبح روح دك الباب على زيد خل ياخذك يشتريلك و القديمات عوفهن خل ياخذهن ابن علي
فهد : يابة هدومي كلهن جديدات
ابو فهد:  هسة اكل نعل و عوفهن لابن عمك لو هم بيك رس مال خباثة
فهد : لا هايهية بوية انا علمودك حتى متصرف
ابو فهد: يسلم مودك بعد ابوك تعشيت لو لا
فهد : اي يابة
.. رجعنة للبيت دخل الغراض هو و فهد و راح كال ساعة و اجي رتبت الملابس و المكياج و الاحذية و الجنط صكر كام بعد ميشرب ممة كل ما اسويلة يشمرها و يمشي
شكلة يجنن بس بكلشي ميشبهني دكول ابراهيم بس من جان صغير نيمتة و نزلت جوة شكد ما جنت فرحانة بالبيت خفت كلساع اتخيل شبح يطلعلي من مكان
ضليت اقرا ايات و صعدت فوك باوعت من البردة البيت القديم يبين كلة و واكفين مجموعة مال زلم كومة اكيد هو وياهم سبحت و لبست دشداشة قصيرة دكيت عليه
- ها يابة
- شنو وين صرت
- واكف يم جماعتي شبيج
- اخاف والله
- منين بوية هو انا واكف و عيني على البيت
- يلا خوش لعد
.. سديتة من يمة و كعدت العب بالتليفون ماكو بس اليوتيوب اجتي رسالة على الخط .. شلون صحتج .. ما جاوبت بس شنو ضليت ارجف شوية و دك ما فتحت خط و لا رفضتة عفتة يدك واني افتر بالغرفة مثل المسويتلهة جريمة
بعدين كلت يجوز فاطمة لو سراب جايبلهة رجلها تليفون رجعت دخلت لليوتيوب رجع نفس الرقم دز رسالة .. امسحي المحادثة اجاج
اني منا خايفة لان وحدي نوب هذا الرقم كملها بسرعة حذفت المحادثة سمعت صووت جوة لكيتة يقفل بالباب مال المطبخ
ركضت حضنتة
أبو فهد: شني بوية شصايرلج اذا تخافين نرد لهناك بس لا ترجفين
اديان : خايفة و الله
ابو فهد: لان اول مرة تكعدين وحدج بعدين فهد موجود و انا واكف  و اباوع للبيت منين تخافين انا يمج
.. غسل وجهي و صعدنة فوك تغطيت و هو راح يسبح و طلع
ابو فهد: بعدين شلون نازلة و لابسة هيج بلة فهد نزل لو زيد جفت للبيت بدون ما يدك الباب
اديان : شلون يعني ما تغير شي هم شال و دشداشة
ابو فهد: لا يابة لبسي التردي بس لبس معقول و الحجاب هاي ضلت يمج تلبسين تنزعين براحتج
اديان : انزع
أبو فهد:هههههه هايهية بوية
.. ثاني يوم اجوي بيت اهلة كلهم يشوفون البيت قفلت الغرفة و هو جاب غدة جاهز اني لبست و حطيت مكياج عود ام البيت و كذا هههه
هن رتبن الاكل وياي و كعدنة كلنة
الحجي : مبروك يابة
اديان: شكرا عمو
رحاب : تصميم البيت و الديكور مبالغين بي
اديان : احنة هيج نحب نبالغ براحتنة
سليمة : جا هسة هي شحجت وياج
اديان : و انتي منو داسلج على طرف
زيد : الله مشتاق للنكرة و القصف صار تلث ايام افتقدهن
فدعة: حبيبة تشوفين كل الخير ان شاء الله
زيد : هو انتن مافيا مادري شلون راح تتفاركن
اديان : ابقي هنا حبابة
ابو فهد: اي فدعة بروح ابوج هاي البارحة كضيتهة بالليل جنهة سعفة ترجف
فدعة : جا شني تردوني حارس
اديان : لا بس اني متعودة عليج و صكر هم ابقي يمنة احسن
فدعة : جا هايهية يمكم
زيد : جا عبالي راح اخلص منج
الحجي : جا تعوفيني ابنج
فدعة : لا تصيرون تحبوني كلكم ترى عاجنتكم و خابزتكم
.. ابو فهد دك صدرة و كاللها يمي يمي مالج غرض .. خلص الغدة و راحو و ابو فهد دز زيد يجيب غراض فدعة كلهن متقبل تنام على جرباية لو قنفة الا فراش بالكاع فرشتلهة بالغرفة و كعدت اسولف وياها
فدعة: انا مو كتلج التالي ربة عالي
اديان : شالفايدة هو ابو فهد نفسة هناك و هنا اني منو يأذيني غيرة
فدعة : دكومي من وجهي لا اركعج بالنعال يجيب و يحط بشليلج و ما يغزر بعينج تاليتج تخسري و تضلين تتحسرين
اديان : لا يمة اسم الله شبيج فدعة و القران اشاقة
فدعة : جا صيري حبابة و اتأدبي
اديان : صار
... شغلتلهة التلفزيون و صعدت لكيتة يلعب بتليفونة
و صكر نايم بمكاني على الجرباية شلتة حطيتة بفراشة و رحت تمددت على الجرباية هو دخل ايدة جوة راسي و سحبني الة
- هيج تحبين فدعة
- اموت عليها
- جا  كابليها منا و غاد
- هههه انتة الاصل بوية
- اخخخخخ يابة باع البوية
... نمت وكعدت العصر لكيتة جاي يرش عطر
- وين راح تروح
- كعدة جبيرة عندي اليوم و شايللها هم
- اهمشي ماكو فصليات و هدايا و هاي الهوسة
- هههههههه لا انجبي حتى لو اكو اني مالي غرض لان انا الطرف الثالث
- مو انتة ابو كلب الرهيف ادري بيك متتحمل
- شلون بالتريدلهة كتلة
.. ضحكت و نزلت خلصانة لا اقفلي الغرفة و لا شي هو راح و اجة زيد اخذ فهد يمكن علمود الملابس  صعدت اخذت تليفوني و نزلت يم فدعة سويتلهة جاي دك تليفوني شفتة الرقم مال هذاك اليوم
اخاف اكول لابو فهد اولشي ميتفاهم و راح يحرمني من التليفون وبعد وين انطي وجهي و شاكة انو هذا مقلب لان منو قابل فتحت خط محد حجة
اجتني رسالة
( محد موجود بالبيت مو ؟ )
.. شفتها ما جاوبت رجع دز رسالة
( اشبعي من وليدج هالايام بوية ما بقة شي )
...ركضت للمطبخ دموعي تجري يمة هذا منو لازم اكول لابو فهد غير اموت اذا يصير لابني شي
دزيتلة رسالة .. منو انتو ؟
________________________
يتبع
البارت 59
انتو منو ؟
- صفني زين بوية هسة اخطر على بالج
- شتريدون
- عدنة حساب وياج
- زين بس كول منو انتو بنية لو ولد
- راح ادك فتحي خط
.. بسرعة دك فتحت خط .. تؤ تؤ يابة ليش هيج جبانة
اديان: منو انتة
- رجلج كبالي اردة الج مكتول لو متتحملين
اديان: انتة شدتحجي و منو و شتريد الله يخليك عوفنة
- يكلك اليجن بالكوة يصيرن عزاز
اديان: زين شتريد
- اريدج
... كبل سديت الخط كمت اشيل مي و اشمر على وجهي بلكي يطلع كلشي حلم و هسة اكعد رجع اتصل الرقم .. فتحت خط
- ههههههههه شجاج يا بوية هسة اختاري رجلج لو ابنج
اديان: شنو
- انا اكول ادزلج رجلج مكتول احسن لان هذا كبالي حتى ما اتعب اكتلة بطريقي و ارجع للبيت
اديان : شمسويتلك اني و منو انتةةةةة
- وكاحة ما اريد صيري مطيعة حتى متخسرين هواي
.. سديت التليفون و كعدت ابجي يربي هذا منو و شيريد بس صوتة اني سامعتة والله تذكرت حازم بس لا مو هيج صوتة و شنو مصلحتة الرجال بعدين اجة كمال بس قابل يكتل ابن عمة هاي وين صايرة
يمة غير اموت اذا صار شي لابو فهد خابرتة بسرعة
- ها بوية
- شونك و شوكت تجي
- توني طالع من يمج فد ساعة ساعتين و اجي
- خلصت الكعدة شبسرعة
- اجلوها لان صارت عركة
- هاا
- شبيج محتاجة شي
- لا بس لتتأخر
- صار
.. سديتة و اتطمنت شوية اجتي فدعة كعدت على الكرسي يمي بالمطبخ
اديان: راح اسوي تمن و دجاج شوي بس اذا اكو غلط كليلي
- عفية بالنادرة عفية
..بالسبعة كملت العشة بس حسيت نفسي شيف و كذا بس شبعت رزايل من فدعة اجة هو بالليل ويا زيد
ابو فهد: لج خاف ناصبة علينة انا جبت زيد وياي حتى يصير شاهد
اديان : اهووو ترى بعد ما اسوي اكل والله
أبو فهد: هسة دصبي خل نتأكد بالاول
.. صبيتلهم كعدو بالغرفة يم فدعة ياكلون
زيد : والله هاي المناسبة يرادلهة عزيمة لشيوخ البصرة
أبو فهد: هو انا هم فكرت هيج
اديان : استغفر الله
ابو فهد: هههههه عاشت ايدج يابة والله الاكل طيب ولو بعدني ما متأكد هاي انتي
زيد : بعد من تطبخين صوري فيديو حتى نتأكد
ابو فهد : انجب لا تعلمها على التصوير النوب
.. ضلو ناصبين علية واحد يرفع واحد يكبس اخذت صكر نيمتة سبحت و لبست تراك و نزلت  لكيتهم طالعين كعدت يم فدعة كاعدة تباوع فلم مصري
دك تليفوني شفتة الرقم نفسة طلعت من الغرفة فتحت خط
- شونج شخبارج
- شتريييد
- مو كتلج اريدج
- انتة مو تدري متزوجة و عندي طفل ترى والله اكول لابو فهد
- ههههه دجربي و لعبي بذيلج
... سديتة و كلت لفدعة راح اصعد انام صعدت و دموعي تنزل يربي يعني شلون ما مكتوبلي افرح هستوني عود كلت الدنيا ضحكتلي
بهاي الاثناء وصلتني رسالة من نفس الرقم ..
- تخلصين من هاي الهوسة بشرط بس
.. شفتها و ما جاوبت رجع دز
- طلبي الطلاك بالمحكمة و فضيها
... بسرعة حطيت التليفون جوة راسي و ضليت ابجي لا اكدر اخذ و انطي ويا بالحجي و لا اكدر اكول لابو فهد
.. مرن خمس ايام اني لا ليلي لليل و لا نهاري نهار احس روحي مثل الطير المذبوح لا اكدر اكول لابو فهد خاف يأذو و لا اكدر اضل ساكتة
.. انفتح باب الغرفة دخل هو سبح و اجة تمدد اني انطيتة ظهري و نمت هسة يعرفني باجية و لازم ادور عذر
ابو فهد: شو باعيلي
اديان: نعسانة اريد انام والله
ابو فهد: بوية قابل حارمج من النوم
انا بس خل اشوفج شبيج شو باوعي
اديان : والله نعسانة عوفني .. و سحبت اللحاف غطيت راسي ساعة اكول خلي اكلة و ساعة لا فوك النص ساعة و اني حاطة اللحاف على راسي كلت خلي اشوفة نايم لو لا ...
رفع الغطة بسرعة و لزمني من زندي و كعدني
- هذااااااااااااا منوووووووو
.. باوعت بيدة تليفوني و مفتوح على سجل المكالمات  كمت اتشاهد  اني حاذفة كل الرسايل بس باقية المكالمات مادري بيهن
- ادياااااااان و القران اذبحجججججج هذا ياهووو
اديان : مادري
... جرني من شعري و ضل يهز براسي
لجججججججج منو لتكفرينةةةةةة
اديان : والقران ما ادري منو بس اوكف خل افهمك
- لجججججج شتفهميني هذا شكددددد حاجية ويا
.. صكر كعد يبجي كام يجيبني بضربة و يوديني بضربة من كد البجي و الصياح ما انطاني حتى مجال افهمة شنو
- لججججج يا كو** هذااا التحجين ويا ضلة هنا بعد ما الجججججج
تحملتج هواااااااي
..سحبني من ايدي و طلعني من الغرفة وصل يم الدرج و ضرب المحجر قوي و جرني من ايدي للطابق الثالث دفعني بالغرفة و راح
باوعت للغرفة فارغة كلشي مابيها غير البردات جسمي ضل يون علية من الم الضرب سمعت صوت صكر يبجي طلعت من الغرفة بس اتذكر اني نزلت اول بايتين من الدرج بعدها مادري شصار
كعدت على صوت فدعة تدعي
فدعة: ليش يمة ليش هيج تسوين بحالج راح تموتين بس من الدك و الكتل
اديان: وآلله ما سويت شي
ابو فهد: كووووووومي فضينيييييي
فدعة: شجاك حبوبة ما تفيد العصبية ما تكتل غير صاحبها
.. لزمني من ايدي و دخل للاستقبال
أبو فهد: هذااااا منو
اديان: شوف والقران بس خلي افهمك
أبو فهد: طبعاً تفهميني جا اهدج هيج
.. كعدت بالكاع و هو كاعد على القنفة و لازم ايدي اثنينهم بأيد وحدة و حاطهن على ركبة رجلة
أبو فهد: احجيييي
اديان : والله مادري منو وروح امي هذا الرقم صارلة اسبوع يتصل و يدز رسايل ساعة يكول اشبعي من ابنج هاي الايام لو يكلي امسحي الرسايل اجاج
و بعدين كام يتصل و اني اجاوبة والله علمودك انتة و صكر و كل ما اريد اكلك اخاف منك والله و هو من عدكم لان يعرف شوكت تطلع و شوكت
تجي للبي..
.. بعدني ممكملة ضربني راشدي
ابو فهد: لججج لو ساطي على البيت و اني ما موجود لجججج تحجين ويا علمود اعيش لا والله لو عايفتني اموت ولا هاي المصيبة لج مكرن اني كو** كدامجججج
عمرجججج واحد و عشرين سنة ابنججج صار رجاللل مو جااااهلة انتي موووو جاهلة تعبتيني كلللل سالفة تسويها اكبر من القبلهة لجججج ليشششش اذبحج هسة واشمرج للجلاب هم اكو كلب ابن سطعش كلب يكلي خطية
لجججج تعبت منج الله ما ياخذ امانتة و يخلصني و خلي خوالج الكو** يطلعوج حافية لج شوكت تكبريننن انا هسة شسوييي بيج والله من دنعل ابوج لابو الخلفچ لابو مرضعچ الطايح حظة يا كلبة يا بت السطعش كلب
اديان : طلكني و اخلص مني
.. ضربني راشدي و دفعني انضرب ظهري بالحافة مال القنفة شاغت روحي طكيتهة بجية بصوت عالي هو فتح باب الاستقبال طلع ضليت الوب من الالم جااان كلششش قوي
شوية و دخل هو ..
- طلعي برة زيد يريد يطب
.. طلعت اسحل بروحي وصلت يم باب الاستقبال ووكعت
ابو فهد: ساق** فوك ما مبيقج على ذمتي لسة بالله طلكتج و شمرتج منو يلفيج وين اوديچ الا ترحين تكو**
.. ما جاوبتة سندت روحي و مشيت للمطبخ كعدت على الكرسي و ابجي مادري من المشكلة الصرت بيها لو من وجع ظهري لو من الذلة هاي صدك اذا اريد اتطلك اروح المن و اكدر هسة اروحلهم و افهمهم السالفة بس احس روحي تاهت بعد صدكو و اذا ما صدكو ميهمني
صعدت فوك و قفلت الغرفة و غطيت راسي اذن الاذان و اني ابچي نزلت جوة مديت راسي للاستقبال لگيت ابو فهد منزل راسة و حاط ايدة على عيونة و يهز برجلة
و زيد يمسح على ظهري و يهدي بي شكد كرهت نفسي بهاي اللحظة صدك راح يموت بسببي رحت يم فدعة لكيتها نايمة ضليت يمها
ورا ساعة هيج انفتح الباب اشرلي بيدة تعاي و هو صاير نار
رحت يمة و اني اتشاهد اشرلي بعيونة على الاستقبال رحت و اني احس ماعندي رجلين من گد الرجف
لكيت زيد واكف
زيد : كعدي اديان
كعدت على القنفة ووكفو گبالي اثنينهم اني راح بحيث ما اشوف الحايط كمت بسً هم صايرين كبالي
زيد: ندك عليه هسة
ابو فهد : انتة شبيك غبي اذا من عدنا مراقبنة و هسة شافك من طبيت خلي تاخذ فترة ايام و يتطمن و يتصل
زيد: اي والله صدك
ابو فهد: لك انا تالي وكتي اتختل حتى اعرف ياهو اليحجي وي مرتي اخخخخخخ يا يابة
زيد : بس كون اكضة بيدي وعلي الا اطلع ضيم الوظيفة بي
ابو فهد: هسة انتَ ابقة هنا لتطلع بعد الصبح نطلع سوة
زيد : صار يابة
.. زين هم هسة شكو صاحولي شو بس هم يحچون طلعت من الاستقبال وصلت يم الدرج حسيت واحد يمشي سريع لان صوت السويج من يتحرك عالي
درت وجهي شفتة هوَ لزمني من زندي و صعد فوك يمشي سريع كلت حيدخلني بغرفتي بس لا صعد الدرج الثاني فتح غرفة من الغرف الفارغات و شمرني بيها و قفل الباب
ما حچيت كلمة لان شيسوي بية حقة اخذت وضع الجنين و نمت بالكاع ..
كعدت على ايد تهز بچتفي فتحت عيوني لگيتة هو لابس دشداشة و شماغ و كاشخ
ابو فهد: باعي لج هسا انا مجبور اطلع الرقم عند المكافحة بس يتصل فتحي خط و طولي ويا بالحچي ولو انا متاكد مايخابر بعد
هسة لو كايلتلي اول ما دك عليج جان وصلت لهاي المرحلة اعوف مرتي تحجي وي زلم حتى انا الزمهم لج وحق ابا عبد الله انتي ذبحچ حلال بس صبريلي خل تفض هاي على خير
اديان .. رفع ايدة راد يضربني خليت ايدي على وجهي لف السبحة على أيدة و طلع يستغفر و قفل الباب
ورا شوية انفتح الباب دخلو هو و زيد
زيد : باعي راح نطلع ورا ساعتين هيج دزي للرقم رسالة
كولي الله عليكم بعد لتدكون البارحة ابو فهد راد يكشفني
اذا دك عليج خير على خير
ما دك نشوف غير صورة حل
هسة فهمتي
اديان : اي
ورا ما طلعو ضلت فكرة تجيبني و فكرة توديني
ورا ساعتين صدگ دزيت رسالة
- عفية الله عليك بعد لتتصل وعوفني البارحة ابو فهد راد يكشفني
كتبو تم التوصيل
ورة شوية دز رسالة
- حتى لو يدري ميسوي شي
حرت شدز بعد
ورا شوية هم دز رسالة
- مسحي الرسايل اجة
صدك ورا شوية سمعت صوت باب الشارع انفتح و دخلت سيارتة كلت هسة يصعد بس صارت ساعة و ما صعد اتصلت عليه و ما جاوبني
تعبت من التفكير نمت كعدت لكيت الدنيا ضلمة هسة صگر منو يمة و اني ميتة من الجوع و العطش دكيت عليه انطاني رفض باوعت للساعة ب 8 يعني هو مو هنا
رحت للباب اريد ادگة بلكت فهد موجود و يفتحة بالسچين طلع الباب مفتوح نزلت لكيت فدعةً كاعدة و صگر يمها و فهد كاعد يقرا
اديان : لعد وين ابو فهد
فهد : طلع قبل شوية
فدعة : روحي اكليلج لگمة و تعاي اخذي ابنج مرمرني انا ارد لهناك اسوگ عليهن بالعصى و لا اضل حايرة بالبزر هذا
اديان .. رحت يمها و اخذتة منها هي تباوعلي بنظرة المقهورة علية و رحت للمطبخ اكلت تفاحتين و موزة من كد مجوعانة و صگر قرد مال موز اكل موزتين
سويت لفدعة چاي لان مبينين ماكلين اكو مواعين سفري على السنك و كعدت صگر بالحجلة و نضفت البيت و بخرتة
و غسلت الگراج و سمعت صوت تليفوني يدگ ركضت
الرقم نفسة
فتحت خط گال مو باردة عليج هسة تغسلين الگراج فيضتي الشارع
اديان : شتريد انتَ
- : ما مليتي من هالسؤال
اديان : عليك الله كافي عوفني
- : احنة لا نحبج و لا نريدج يابة بس عدنة حساب نريد نصفي وياج
اديان : شمسويتلكم
- : هههههههه ديلة كملي تنظيف و راسليني
ياا مرت الشيخ ابو صگرررر
.. و سدة بوجهي اتصلت بسرعة على ابو فهد طلعلي انتظار
ضليت انتظر اتصلت مرة لخ انطاني رفض
اخذت ملابس و رحت سبحت و نزلت يم فدعة
سراب .. ورا ما تزوجت محمد ابن عمة هيفاء جان يگومني بكتلة و يگعدني بكتلة يكول انا ما رايدج انجبرت بيج لان انا اصلا ما اريد اتزوج هسا
بس مو مال ازعل و ارجع لاهلي ابوي و عمامي يذبحوني هو كبل الزواج جان يكلي احبج و اريدج بالحلال ورا الخطوبة تغير بس جان ماعندي حل لان عمامي عرفو بسالفتنة كلت ورا الزواج يرجع نفس قبل بس كام ميطيقني بالزايد
يوم من الايام رحنة لبيت جدة بيت ابو عمو عدنان و حتى عمة هيفاء ويانة و جانت جاية عمة نهال اخت افراح و عمة افراح و عمة صبيحة بت عمهن شفت عمة نهال صاحت لمحمد هو طلع وياها ورا شوية لكيتهن تلاثتهن يسولفن ويا بالمخزن مال البيت
سولفت لامي كالت الستار الله من لمتهن
انتي معليج كسبي رجلج و خيولن
ورا كم سمعتة يخابر عمة افراح يكللها لا هي ثولة كلش طلعت نفس ما كلتن اكللهة يلا اجاج سدي دكلي باي حباب
ردت اكول لعمة هيفاء بس كلت هو منا يكرهني نوب اسوي مشكلة
لحد ما هذاك اليوم كاعد اغسل مواعين العشة و اندگ باب الشارع قوي راح عمي فتحة دخلو عمو ابو فهد و عمو زيد
و وياهم رجال
ابو فهد: منو هنا تليفونة جي سفن و ابنك وين
عدنان : و عليكم السلام شيخ
ابو فهد : نعلعلة ابو الشيخ ابنك وين
عدنان :هستوة اجة خو ماكو شي
سراب .. ركض عمو زيد للاستقبال و صعد فوگ
و عمتي صعدت وراهم تلطم انيهم صعدت لكيت عمو زيد نايم فوگ علي و يجيبة ببوكس و يرجعة بكفخة طب عمو ابو فهد و قفلو الباب اولشي هدوء النوب صار صياح
عمتي ماعت روحها ووكعت بالكاع و اني حرت بيها و عمي عدنان بس يريد يعرف شكو صار الصوت عالي دخلو ولد عمهم للبيت بالگوة سحبو محمد من ايد عمو ابو فهد لان راد يخنگة
ابو فهد: هذاااا الگ*** ودو بالديوان وحگ هو علي الا أربي لك تطعن خالك بس انتة عمك عار
: صلي على محمد شيخ جوة رجلك ينذبح هذا
ابو فهد: باجر الكعدة بالديوان و انا مو من ظهر ابوي انما خليتها كلها تتحاسب و الما يعرف يضب حرمتة انا اضبها
نسوان فلتت كمت اتيه ياهو متزوج منو راكباتكم بالسحورة من طيح الله حظكم
سراب .. الزلم واحد كام يباوع للثاني يردون يعرفون شكو و مبين عليهم الخوف من گعدة باچر
عمو زيد و حيدر ابن عمهم اخذو محمد سحبو من ياختة
عمتي كعدت كامت تبجي و تغلط على محمد دكول يومية مفرفح خوالة الله لايوفقة و ضل بيتنة لل ثنتين هوسة و نصهم طلعو ورا عمو ابو فهد
اديان .. نيمت صگر و نزلت لگيت فدعة نايمة بس فهد كاعد يلعب بالتليفون لحد الوحدة فات ابو فهد بس ما دخل السيارة
اني صعدت فوگ بغرفتي كعدت الصبح هو ماكو
سراب .. الصبح عمو زيد اجة يشوف عمتي لان تخربطت البارحة و كاللهة امشي بالبيت الجبير لان الكعدة هناك
رحت وي عمة هيفاء وبدت سوالف العزيمة بس كلها خايفة حتى عمة سليمة ما نطقت بحرف سوينة الغدة و ورا چايات
و بدو يحچون
فاخر : ها بوية عسى ما شر يكولون البارحة طاك ابن ابن عمك و ابن اختك موصلة للموت
ابو فهد: زيد كوم جيبة ..
ابو فهد: الله بالخير
الكُل : الله بالخير و العافية شيخ
ابو فهد: اولشي و گبل لا ابدي بأي چلمة الزلمة بعد ما يخلي تليفون ببيتة انتو تدرون بحريمكم شنو لحد يفك حلگة ويكول انا مرتي غير كلهن نفس القنادر
تليفون بهاي العوايل كلها ماريد و الالمح تليفون عند حرمة اتصرف ويا غير تصرف انا گلت چلمتي وان ما تمشي عدكم كولو حتى اشمر عگالي واكوم
الشيخة الما ينحسب حساب لچلمة راعيها انا شلي بيها
حيدر : شيخ انتة فصل و احنة نلبس انا بالنسبة الي تليفون ببيتي ماكو لان كلنة نعرف محد يهجم البيوت غيرة بس مخلي عند امي هذا الصرصور من يحتاجون شي يدكولي
ابو فهد: و ان جانت حجتهن اهلهن احنة بيوتنا بيت كبال الاخر اخذوهن يسيرن عد اهاليهن
ابو سليمان : ان شاء التريدة يصير و حجايتك ما تگع بالگاع و كفاً الطلايب كلمن يجر جهاز حرمتة و خلهن يتأدبن بس احنة صارت عدنة طراگيع الله واكبر
ابو فهد : هسة بوية نحجي بطلابتي ياهو البيكم يقبل واحد يندگ بعرضة لو اخو يندگ بعرضة شيسويلة
... ينذبح والله كلشي ولا العرض
ابو فهد: رحمة الله والديكم زين انا بهاي الحالة من اشوفن جم وحدة زايحة المستحة و الشرف و مابراسها ذرة ناموس لازماتلهن طلي و يقنعن يي فلانة مرت الشيخ ما تحبنة وسوتلك فلان شغلة ترا
نريدك تخلي الشيخ يطلكها و يردها لاهلها
انا عمي حرمتي عندي من هاگدوتها وهيَ فصلية و غريبة و فوگ ضيم الله يتيمة من كل صوب لامن ام و لا من ابو ولا اخوة و لا اخوات اجي فوگ ضيمة الله اخليها بنص وادم تشتغل كلة بالشرف
كل سالفة يطيحنها بيها انگس من الگبلها و انا اجي انهيها و تردلي عبن ماعدها احد غيري هذا مو كفر بالله
هسة ياهي من نسوانكم تنطگ و تبقى يمكم ساعة مو يهدون اخوتها هاي العدها سند جا و الماعدها نستولي عليها احنة
و هاي انا مربيها على ايدي اعرف هيج سوالف من عدها ما تطلع هسة انتو مو تحلفون على بناتكم كلهن عفيفات
.. طبعاً محد ينطي بعرضة و كلمن يعرف تربيتة
ابو فهد: هاا اها زين انا من اشوفن واحد ماخذ رقم حرمتي و يهددها الا تتطلگين لو نكتل رجلج و هاي تخاف بهاي الحالة انا شتصرف
لو جايتني من غريب وحق لا اله الا الله ما انكسر هچي بس من ابن ابن عمي گبل لا اكول ابن اختي هذا مراهق زعطوط گو** انضحك على عقلة بس النسوان شجاها
هيج صارت سفردحي معقولة هيج ما يخافن انا ما راح اجيب اسمائهن هسة لان انا اريد اريد اتصافة وي اخوتهن و رجولتهن
عيب و زحمة انا نسوانكم من تسوي هيج يعني حتى الي ما حاسبات حساب و هاي سالفة ما ينسكت عليها و هذا الچلب ينشمر بالسجن لحد ما يطلع زلمة
الحجي : لا بوية خلي عمامة يأدبو ابن اختك هذا
ابو فهد: والله لو ابن امي اليغلط وياي يتحاسب حتى لو انتة
ماعندي لحية مسرحة انا
عماد : لا يستاهل خل يتأدب و يطلع زلمة لان احنة ماعدنة زلمة يندگ بمرة الزلمة يگابل زلمة عيب هاي الدگة
ابو سليمان : شيخ ما يكون خاطرك الا طيب هذا ينشمر بالسجن و التليفونات كلها تنسحب بعد هاي العملة و الادبسزيات الماعرفهن ياهن مو زلمة الما يخلي كسر بظهورهن
ابو فهد: لا بوية هو انا ارد اكضهن بالاول ابن عمهن و امون عليهن و استرخص من اخوتهن
شتتوقعون ابو فهد شحيسوي ؟
يتبع