المتمرد والصغيره

البارت ٤٦ و٤٧

#المتمرد_والصغيره

البارت 46____47

للكاتبة رسُل ❤︎
_____
أسف ولو فات الوكت تعبتك !
چم مرة گتلك ما اخون و خنتك ؟
چنت أبيض من المستحة و سومرتك ..
لليوم أحس أنا السبب كل ما تكض خاصرتك
_______
ركضت للدرج شفت عمامهم و ولد عمهم و افراح بالگاع تبچي و اخوها لازمها من شعرها
ابو فهد : لججججججج اسافر اجي الگاچ تگو**
ضرغام : ذبحوها هاي
سلام: متوقع كلشي بس مال هيچ تنزلين لهذا المستوى و تخونين رجلج و تنزلين راسنة ما توقعتها كتلوها عمي
حسام : اني اذبحها و اخلص من عارها
ام افراح : ولجججج ليش يمگموعة خسرتي حياتچ من ورا سوالفچن هاي ليش شناگصچ انا هم هيچ بت ماريدها و متبرية منچ
.. ركضت للغرفة اخذت شال و نزلت واني ارجف بس اريد اعرف السالفة شنو رحت للمطبخ لگيتهن كاعدات يبچن
اديان : شبيج بشرى شكو
بشرى : اوووف اديان شحجيلج
.. سحبتني من ايدي و دخلنة للمطبخ الحار و هي تحچي بصوت ناصي
بشرى : ولج قبل يومين افراح راحت مادرب وبن كالت للصالون و جان زيد ستوة طاب للبيت ورة ما طلعت زيد هم اختفة طلع لاحگها يشوفهة وين تروح
و المغرب سمعنة عياط و افراح تتوسل بزيد و خابر اخوتهة اجوي طلعت افراح رايحة لكشاف يسويلها سحر
و هذا الكشاف ما ياخذ فلوس يطلب علاقة بالحرام
و زيد مادري ششايف جابها سحل حتى ضرب ضربها
و اخوها سجاد هم كتلها هنا واخذها و كالو منتصرف الا يجي الشيخ و البارحة خابرو اهلها طلعت مو حامل اصلاً
اديان : عزا و خاف يذبحوهة
بشرى: و الله ما ادري خية كون الله يطلعنة من هاي الشدة سالمين
.. وگفنة يم باب المطبخ و هم داير مدايرها موقف يخووف لحد الان من اتذكرة اضل ارجف
ابو فهد : اني هيج گح** بعد متشرفني و لا تنعد على عرضي مرة
طالگ و حزام انتة اخوها و تكفلها بس لا تذبحها
سلام : نايمة وي زلمة غريب شني ما تنذبح
ابو فهد : لا تذبحوهااا عاقبوها ذلوها لا تذبحوها
ضرغام : وعلي صدگ من گالو المرة تنزل راس عشيرة كاملة و المرة تطيح عگل بلة هسة هاي سوايتها النايمات بالملاهي ما يسونهة
ابو فهد : روح حزام راسك مرفوع انتة مالك غرض بسواية اختك
و كلكم روسكم مرفوعة و هي الرداتة ما تحصلة بعد
.. ضلت هوسة و افراح اخذها اخوها سحل من البيت و هم كعدو بالمضيف و كل شوية نسمع صياح و لحد الساعة ب 12 بالليل و هم موجودين
فدعة : هاي تالي اليمشن بالسحورة نهايتهن انگس نهاية مو سليمة
سليمة : اي فدعة اي بس هدي عني
فدعة : ديري بالچ لا هم يرگعوچ مية چلاق ترى انتي هم مشبوهة
سليمة : هسة دگصري حسچ شبيچ
فدعة : لا خايبة انا ما استر للغلط وراح اضل مراقبتچ گلبي هم ناغزني منچ
سليمة : صار صار والله بس سكتي
.. بالوحدة و نص دخلو للصالة و راحو ولد عمهم
ابو فهد : امشيي حضريلي الحماممم
.. شفتة عصبي و يصيح گدامهم ما حچيت ويا حقة ضايج صعدت طلعتلة ملابس و هو طب للغرفة
يمشي و يشمر حسرات و دمارات ايدة و گصتة مبينات
ابو فهد : اطلع الگةة چااااي
اديان : اي
.. نزلت سويتلة چاي و صعدت شربة و گعد على الچرباية
ابو فهد : اطيني التليفون
.. رحت اجيب التليفون هو من يطلع من الحمام عادتة ميتنشف ابددد
و الگاع تضل بيها مي و اني كل مرة امسح اخذت التليفون اول ما وصلت يم المراية زلگت و وگعت اول مرة بحياتي اوگع هيج وگعة
هو اجاني يركض اباوع للتليفون انكسرت الشاشة
ابو فهد : مدكليلي شنو هاي الفهاوووووة
اديان : هسة يلا هي بس كسر
ابو فهد : دسكتي لا انعل والديج هسة
اديان : لتسب يلاا مو رجعت ريمة لعادتهة القديمة
ابو فهد : وحق محمد اديان اذا ماسديتي حلگچ ارگعچ بالنعال
اديان : هو عليمن گدرتك انتة
.. لزمني من الصدر مال الدشداشة
ابو فهد : لچ هذا حچي الگح** اذا ما بطلتي انعل عشيرتچ
اديان : والله مو اني الگح** الگح** عدكم ربو نسوانكم و تعالولي
ابو فهد : لج ساق** برب** منو معلمج هذا الحجي و طولة السان لو اشتاقيتي لايام الاهانة و المذلة
اديان : هدني يلا منين تعلمت منك غير
.. ضربني راشدي و سحبني من ايدي و شمرني على الجرباية
ابو فهد: انطمري يلا وعلي اذا سمعتلج صوت انعل والديج
.. غطيت راسي و كمت ابجي
ابو فهد : كاااااااافي صمي حلگچ لا اشگة
.. رفعت اللحاف من راسي
اديان : ادري بيك تريد تتعارك وياي حتى تروح تتزوج
ابو فهد : شنو خايف منج اذا اتزوج مو تزوجت و ما حسبتلج حساب جري عدل و اتأدبي و لتخليني اعيد ذيج المأساة وياج
.. ودار وجهة و نام رفعت الغطة و صلت يم الباب اريد اطلع
ابو فهد : انطمررري لا اكسر راسچ وحق محمد مو ختيلان هيَ
اديان : ماريد ابقة هنا يلا
ابو فهد : ادياااااااااااااااان
اديان : انطمرررنة يلاااا ماتت اديان و خلصت منككككك
... جنت واكفة يم الباب و طفر من الچرباية لزمني من شعري
ابو فهد : لجججججججج صوتج صوتج چم مرة كايلج بطلي هاي النترة
اديان : هد شعري يلا
.. سحبني من ايدي و شمرني على الچرباية هو اجة تمدد صار ظهري بصدرة ايد حاطهة على حلگي و الثانية لازم ايدي
و رجليّ فوگ رجلي
ابو فهد : خل اسمعلچ حس لو حركة وعلي انهيچ
.. بقيت خانسة حتى النفس اخذة على كيف .. نمت
گعدت الصبح هو ماكو الله ما اصدگ افراح تطلگت يابة بحياتي ما فرحانة هلگد غسلت وجهي و نزلت بعدهم مگاعدين بس بشرى تحظر ريوگ
مديت راسي على الحديقة لگيتة كاعد يدخن رحت يمة
اديان : صباح الخير
ابو فهد : خيرررر
اديان : شبيك هسة شمسوية
ابو فهد : طبي جوة امشي
اديان : مو صوچك والله
.. طفة الجگارة و گام اني سويتها طفرة للمطبخ باوعتلة من الشباك يضحك
بشرى : خية ديري بالچ على رجلچ لا تخلي يتزوج بعد
اديان : لا ان شاء الله
مر 3 ايام الوضع متوتر و هو ميحچي وياي من ذاك اليوم بس من يريد شغلهة يگولهة بصيغة امر
ابو فهد : اكوي الدشداشة بساع
اديان : وين تروح
ابو فهد : اكويهاااا بساع
اديان : ما اكوي يلا
ابو فهد : لچ انتي شنو هاي الصلافة الصايرة بيج
.. لزمني من ايدي و يهز بية و يحچي
ابو فهد : فهميني منيلجججججججج هاي الصلافة
اديان : معليك يلا وخر
.. جان لازم التليفون بأيدة سدة و شمرة على الچرباية
ابو فهد : هاي مال وخر يلا ليش متبطليها
اديان : دوخر يلا هد ايدي
.. ضربني راشدي حسيت وجهي خدر
اديان : اني من اكلك كدرتك بس علية تضوج لان احجي الصدك
.. ضربني مرة ثانية نزلت دموعي
ابو فهد : اكويهااا يلا
... سحبتها اكوي و دموعي تنزل و هو واكف فوك راسي منتضر اكملها كويتها و عفتها على الميز
اريد اطلع ..
ابو فهد : الساعة و الفلوس
.. انطيتهن الة اخذهن و طلع نضفت الغرفة و سبحت و نزلت
فدعة : يا خايبة شبيهن عيونج حمر
اديان : جنت نايمة
فدعة : مو تسويلج مكسورة و يرجع يتزوج عليج
اديان : لا ما اسوي
.. نزلت بشرى تسوي عشة و اجتي هيفاء و رجلهة سلم على فدعة و راح
هيفاء : همزين الله چفاچ شرها
اديان : ديلا هسة اخوج شلونة ايدة و الضرب
هيفاء : خية انتي هم صايرة ما تنجرعين
اديان : هو كلة اني اطلع الغلطانة
هيفاء: خايبة اذا تتلگي بكلمة حلوة و ما تضلين تنگين و تعاندين اكيد ما يضربچ و يبچيچ
اديان : يصيح
هيفاء : كلهم زلمنة اعصاب چا المرة غير تتحمل رجلها و تهدي خو ما فوگ ضيمة تعلاوة
اديان : انتي كل مرة تفرين السالفة لاخوچ
هيفاء : ترى اخوي ما يعيل بيچ والله كل الزعلات انتي سببها
اديان : اليوم ضربني راشديات شو سكتي
هيفاء: وچ حبيبة هو هالايام عصبي و مو بس هو كلهم حتى رجلي چا سهلة من درو بسالفة هاي الادبسزز و هنا عدنة محد يگول معلية
كلهن ينحسبن عرضهم
.. بقن هنَ يسون عشة صعدت سبحت و حطيت مكياج و نزلت
سويت مواعين الزلاطة و الفواكه
كعدو ينتظرونة بعدة مجاي لمن اجة صبن العشة
هو باوعلي بس سوة روحة ممهتم
فدعة : ولك خايب زويدان
زيد : ها
فدعة : ووجعا ما دگلي شوكت تتزوج البگدك جهالهم راح تتزوج
زيد : ماريد اتزوج اني
الحجي : هو شنو بكيفك شبيك شناقصك
ابو فهد : عوفو براحتة
فدعة : شصاير و احنة ماندري
زيد : ما صاير
سليمة : هسة الرجال ميريد يحچي لا تلحين
ابو فهد : وانتي شنو تگليلهة لا تلحين اختچ الصغيرة هيَ
احنة وياها ميانة انتي شنو
سليمة : يا عود علمودكم انا
فدعة : خايبة انتي ما مليتي من الرزايل انا من يمي گمت استحي
سليمة : هو انتو شادين عداوة وياي
فدعة : چا اذكرچ بسالفتچ وي اديان حتى البت من عيونچ بعد ما حبلت
الحجي : سدن السالفة كافي
فدعة : دسكت يالحضينة اسكت
.. گامو يضحكون بس من فدعة گالت بعد ما حبلت ضجت عود صدگ اني ليش لسة ما صرت حامل
عفت الاكل و صعدت فوگ يربي اريدد طفل خاف ميصير عندي اطفال و يتزوج هم
اندك الباب ..
مسحت دموعي ورحت فتحتة دخل هو باوع لعيوني نزلت راسي اريد اطلع لزمني من ايدي
ابو فهد : تعاي احاچيچ
اديان : ما اريد
ابو فهد : شبيچ
اديان : عوفني اني مو صلفة ما افيدك
ابو فهد : دتعاي طبي هسة
اديان : ها
ابو فهد : شبيهن عيونچ
اديان : مو جديدة شنو خايف علية انتة مو الظهر ضربتني و بچيت گدامك شو ما نزلت عليك الحنية
ابو فهد : ضربتچ لان تستاهلين
اديان : متقصر ادري
.. عفتة و نزلت من الغرفة هيفاء اجة رجلها اخذها
و هو نزل مغير ملابسة و طلع صعدت فوگ لبست دشداشة مال نوم و فتحت التليفون و ضليت اباوع
ب 11 نعست سديت التليفون و نمت كعدت على صوت الدوش عرفتة جاي يسبح ورا شوية اجة على الچرباية باسني بخدي ما تحركت
سحبني لحضنة سويت روحي نايمة عود مادري
ابو فهد : نايمة مو نامي نامي
اديان : و هسة شتريد وخر يلا
ابو فهد : خرب بيچ شگد كمت اتعقد من هاي الكلمة
اديان : ديلا وخر
ابو فهد : اليوم ليش تبچين
.. گبل نزلن دموعي هو گعد
ابو فهد : اديان شجاج منو وياج
اديان : اخاف بعد ميصير عندي طفل
ابو فهد : نعلعلة عشيرتج و اني مية حسبة اجتي ببالي
.. حط راسي على صدرة و يمسد على ظهري
ابو فهد : اششش يبعد العشيرة اششش الله بعدة ما كاتبة بعدين انا هم خطية شني ذنبي اربيلي جاهلة و جهالهة دخلي اگدر عليج انا بالاول
اديان : يعني متتزوج
ابو فهد : هو انتي و متندم عليج
اديان : اني
ابو فهد : ههههههههههههه احبچ و حگ علي
گعدت الصبح سبحت و نزلت هو بعدة نايم بشرى بعدها منازلة شوية و نزلت سوينة ريوگ و گعدو
ورا يومين بشرى گالت راح نروح للسوگ اني و سراب ياخذنة محمد ترحين تغيرين جو
اديان : لا اخذو راحتكم
بشرى : دمشي ولچ نتونس هسة شعاجبج من كعدة البيت
اديان : خلي اشوف ابو فهد
بشرى : يلا العصر احنة نروح
.. ورا الغدة صعد هو ينام
اديان : راح اكلك شي
ابو فهد : خل اسبح و اطلع و غردي
.. سبح و طلع و شغلت السبلت و اجة تمدد على الچرباية
ابو فهد : اي يابة گولي
اديان : بشرى اليوم
ابو فهد : غرديها كلها بوية لتضلين تجرين
اديان : بشرى تريد تطلع و كالتلي تعاي ويانة
ابو فهد : وين
اديان : للسنتر اكيد اكو غيرة
ابو فهد : ومنو ياخذها
اديان : رجلها
ابو فهد : تعاي نامي ماكو روحة
.. ما حچيت شي لان متأكدة ميقبل نمت
كعدت على صوتة ..
ابو فهد : يلا گومي مو تردين ترحين وي بشرى
اديان : مو كتلي مترحين
ابو فهد : دكومي بدلي هسة و فلوس اخذي من القاصة
.. طلع و دگت الباب بشرى كالت ها قبل كتلها اي بدلت و اخذت فلوس و نزلت اني و سراب لابسين جبة و بشرى عبا
هنَ اشترن هواي بس اني ماخذت اشياء هواي لان هو هذاك اليوم اشترالي ابو سراب بكل محل ندخلة يوكف بالباب ينتصرنة
بعدين دخلنة لمحل مال جبب تريد لسراب جبة بس صاحب المحل بس يباوع
ابو سراب يباوع بس الولد عبالة هذا مو يانة
من نريد نطلع حط الرقم بيدي گبال بشرى و سراب
ابو سراب : هاي شنو لك
- وانتة شكو
ابو سراب : شنو اني شكو گوا*
حضر عمامك ماريد افضحك بالسوگ
- خوية اعصابك
ابو سراب : اعلمك سا**
... صار وجهي اصفر و بشرى يمكن صار بيها سكر تمشي و تقرا ايات
ابو سراب : امشن صعدن بالسيارة
.. يسوق و يغلط و يفشر على الولد يمة كلهم نفس العصبية
ابو سراب : وانتي خوية ترى ميصير هيج لبسي عبا منا وغاد
.. ما جاوبتة وصلنة للبيت جان ابو فهد واكف بالباب وي ولد عمة احنة ما تأخرنة اقل من ساعة
اول ما دخل السيارة صعدت فوگ ضايجة على خجلانة على خايفة
نزعت الجبة و الشال و لبست ملابس بيت اريد انزل اندگ الباب
فتحتة ...
البارت27
كُل ضيم العلي منك
﮼مثل ذاك الحمار برگبة العرسان
﮼فشلة من أنشد عنك 🖤
_____
فتحت الباب و دخل هوَ ..
ابو فهد : هذاااااا منو المتحارشششششش بيج
اديان : والقران ما ادري ما اعرفة
ابو فهد : انااااا چم مرة كتلج بعد منا وغاد تلبسين عبا
اديان : ماعرف البسها والله
ابو فهد : كلتتتتت لو ما كلتتتتتت
اديان : گلت
ابو فهد : بالله هسة اني شسويلچ هم اضربچ و تطلعين المعيشة العيال
و اناااا ما ادري
اديان : بعد ما اطلع
.. كفخني على راسي ضليت اباوعلة و مهضومة
ابو فهد : لججججج طلعتيلي گلب بصف گلبي من ورا ضيمچ
.. طلع و سد الباب شمرت روحي على الچرباية ضليت ابچي لحد ما نمت بالليل كعدت غسلت وجهي و نزلت
فدعة : ها يمگموعة منو هاذ المصچمچ
اديان : هو اني الله شيذب علية غير المصايب
فدعة : الزلمة و عشيرتة بالمضيف
اديان : يمةةةةة شعدهم
فدعة : الشيخ دزلهم تهديد مانشوف شوية و طبت العگل
.. اني من الخوفة صعد الضغط رحت للمطبخ لگيت بشرى تسوي چاي و مي و سليمة گاعدة على الميز
سليمة : ها مكيفة متحارشين بيچ صدگ بدون مستحة
اديان : شبيج بابا
سليمة :  شَبت بيچ
اديان : تعشيتو
بشرى : لا خية خل تفض الطلابة
.. سويت لفة و صعدت عاد اذا اجة ضربني و ازعل اني شبعانة
ب 12 بالليل و هو ما صعد للغرفة و استحي انزل هسة اكيد ابو سراب و زيد يمهم طب هوَ لازم الجگارة بيدة و ضااااااااايج
گبل غطيت راسي و غمضت عيوني
ابو فهد : تعااااااي
اديان : اني
ابو فهد : لا عرگ اذاني
بين ما وصلت يمة هو الف غلطة غلط لان امشي على كيف
ابو فهد : بيا ايد حط الرقم
اديان : عليك الله لتحرگني
ابو فهد : ياااااااااا ايد
.. مديتها الي و اني ضاغطة على چف ايدي
لزمها و ضغط على اصابيعي حيل
اديان : ااخخخخخخخ لا حباب عليك الله عوفني
ابو فهد: گو** لزم ايدچ شتردين ابوسها
اديان : عليك القران عوفني و الله توجع
.. قرب الجگارة گمت ابچي طفاها بالنفاضة
عافني و طلع هسة اني شعلية بلة گايلتلة انطيني الرقم4
ما اجة للغرفة بعد گعدت الصبح  الساعة بالتسعة نزلت جوة لگيتهم گاعدين
الحجي : شعجب فضيتها بدون مصايب
ابو فهد : شتريد افضحهن بالسلف و اگول واحد مصچمهن
و شيخهم صاحبي و اعتذرلي بالمضيف ماگدر افشلة
الحجي : بعد منا و غاد ثگلن حتى طلعات للسوگ ماكو
سليمة : چا اذا اديان يصچموها احنة ليش ننحرم هي مستخفة
ابو فهد : شنو مستخفة
سليمة : لا يعني ما تلبس عبا هيج اگول
ابو فهد : و انتييييييي شنوووووووو چم مرة گايلج هديها
اديان : والله حبيبتي الخفيف عبالة الناس كلها خفاف و الشرف مو بالعبا صاحبتچ افراح مو جانت تلبس عبا
ابو فهد : هشششششششش انتي لا اكسر راسچ
.. عفتهم و صعدت ضالين بس يكسرون روس 3 ايام هوَ ميحچي وياي لا يطلب ملابس و لا چاي و لا شي و ينام بغرفة افراح
ضجت من الوضع اكثر شي اكرها من هوَ يزعل
الزعل مالتة يضوج ميقبل بسرعة و يخلي الواحد تصير بي حالة نفسية
بالليل اريد انام ميجيني النوم الساعة ب 12 كالاسد فتحت الباب و رحت للغرفة مال افراح فتحت الباب چان يباوع بالتليفون باوعلي و رجع يباوع للتليفون سديت الباب و رحت يمة
اديان : شونك َ
ابو فهد : طلعي و سدي الباب
اديان : ما اطلع يلا
ابو فهد : شتردين هسة
اديان : هسة اني شمسوية و هيج زعلان
ابو فهد : طلعي
.. ما ضلت غلطة ما غلطتها عليه و علية بگلبي
اديان : انتة الخسران و اذا اجيتني بعد و كتلي احبج تعرف شعمل بحالك
.. جنت واكفة سمعتة طگها ضحكة و سد التليفون و فتحلي ايدة
ابو فهد : اي شتعملين بلة
اديان : اشاقة شبيك
ابو فهد : طلعة بدون عبا ماكو بعد
اديان : اصلاً ما اطلع بعد
ابو فهد : ترى حلوة العبا ليش عبالچ تنتقص من قيمتچ
اديان : مو هيج بس ما احبها
ابو فهد : زين تدرين
اديان : شنو
ابو فهد : ضلت حسرة بگلبي تبادرين بالبوسة انتي بالاول
اديان : ذيج المرة من زعلت مو بستك
ابو فهد : ادري صاحبي انتي و تبوسيني بخدي
اديان : ههههههههههههههههه بلة عندك هيج صاحب حلو
ابو فهد : اشتعلو اهلچ على هاي الضحكة
اديان : وصدك انتة شنو نايم بغرفة افراح
ابو فهد : روحي لغرفتچ اني هسة اجيج
.. رحت للغرفة لگيتهة هوسة رتبتها هو اجة حط التليفون و الفلوس و السويچ و الجكاير  و تمدد على الجرباية
اخذت ملابس حتى اسبح ..
ابو فهد : عليمن هالتبذير بالمي و انتي شوية و هم تسبحين
.. رفعتلة حاجبي و طبيت للحمام لبست سيت نوم قصير و فوگا الروب مالتة طويل و ردن لحد هذا اليوم استحي منة
طلعت لگيتة مو بالغرفة بس سمعت صوتة يحچي وي زيد شفت المكياج ماگدرت َنفسي دنت عليه بسرعة اجيت دا اخلي وصلت للنص و هو طب
ضل واگف يباوعلي
ابو فهد : ادري شگد صارفين عليچ جمال
.. ابتسمتلة و رجعت اكمل اللوحة الفنية هو تمدد على الچرباية و يباوعلي كل شوي يمسح العرگ من وجهة
ابو فهد : اشتعلت عشيرتج فضيها
اديان : هسة دوگف شبيك
خلصت و اجيت يمة
ابو فهد : مو گايلچ گبل انا اموت ناگص عمر من وراچ
اديان : ههههههه
.. وووووووو
ابو فهد :اشتعلو اهلچ
اديان : هسة اهلي بكلشي و شاعلهم همَ شعليهم
ابو فهد: ههههههه هاي مرة شيخ گاعدين بفصل و ضلينة نتداهر گتلة تسكت لا انعل عشيرتك و عشيرتة گاعدين ويا
هم صارت سالفة شكبرها
اديان : ههههه هاي يعني وي الكل عبالي بس اني
.. طب يسبح و طلع هو يضوج من انتضرة لحد ميطلع يلا اسبح يگول ليش متجين تسبحين وياي
سبحت و طلعت لكيتة هم حاط ايدة على عيونة ماعرف ليش اضوج من هاي الحركة
اديان : صدك ليش بعد متروح للمركز
ابو فهد : اصدقائي يسدون شغلي ليش
اديان : بس جاي اكول
.. فتحلي ايدة نمت بحضنة و غطاني
مشت الايام عادية .. و زهراء بنتة حامل و بشرى تراجع بالدكتور علمود ميتزوج عليها رجلها
فدعة : الخميس عرس كرار ابن نويرة
ابو فهد : اي خابرني ابو
سليمة : نروح مو
فدعة : طبعاً چا الگالات ماتكمل بدونج
زيد : ههههههههههه  انا ابن ابوي
فدعة : غمة التغمك و تغم ابوك اثنينكم مابيكم حظ
زيد : اي يابة انتي حبيبچ ابراهيم
فدعة : چا غير بس هو يفگدني هذا ابوكم يجيب و يعس بحلگ هاي الصخلة ما يگول امي ربتني اجيبلها شغلة من اوهمداك
.. اني هنا ما تحملت طگيتها ضحكة و هم گامو يضحكون
نوب غير اسكت اكل شوية و اتذكرها شلون غمتة ارجع اطگها ضحكة الحجي ضاج و گام
زيد ياكل و يضحك
ابو فهد : كافي سدو حلوگكم انتو مو ما صدگتو
زيد : عمي اني شعلية مرتك كلساع طاگتنة بضحكة
ابو فهد : اجي و اعلمچ انتي
.. اجة يوم الخميس و كلهن بدلن و راحن الظهر هو چان نايم اني نمت ويا گعدت على صوتة
ابو فهد : كومي اكويلي الدشداشة البيجية و الغترة السودة
.. كويتهن و هو طلع من الحمام اخذهن يبدل
ابو فهد : منو بقة بالبيت
اديان : محد
ابو فهد : كلهن راحن شني ما مصدگات
اديان : مادري
ابو فهد : چا امشي بدلي
اديان : ماروح اضوج من نسوانكم
ابو فهد : دمشي لچ محد بالبيت شون ابقيج
اديان : ما البس عبا
ابو فهد : دمشي فضيني هسة
.. لبست جبة سودة و شال ماروني و جنطة ماروني هو نزل حطيت مكياج شوية و نزلت ادعي بلكت ميمسحة
ابو فهد : هايييي شنو عود كل عقلج اطلعج هيج
اديان : هو عرس شبيك حباب
ابو فهد : لتكفريني اديااااان
اديان : امسح المكياج لو شنو هسة
ابو فهد : هذا الون غيري هم
اديان : ماااا يلا
ابو فهد : ابقي هنا ماكو روحة هسة ادز هيفاء تبقى يمج
اديان : ضل ضل بهاي سوالفك شكد كرهتهة
... ركض علية و لزمني من وجهي ضربني راشدي و گعت بالگاع عافني و طلع..
ورا شوية اجة زيد ..
زيد : شنو منتضرة ابو فهد
اديان : اي
زيد : و يخليج هيج تطلعين هههه كولي غيرها
اديان: عادي
زيد : صعدي چا اني اوديچ نسيت تليفوني فوگ
... يضرب و يغلط و بعد شوية يجي يعتذر والله الا اروح
صعدت بالسيارة خابر زيد ..
زيد : ها بوية ناسي تليفوني بالبيت .. شعدها .. هاي جبتها اديان ... بس على كيفك ... اديان انتي مو كلتي منتضرتة
اديان : اي
زيد : هاج يريدج
.. اخذتة حطيتة على اذاني انطرشتتت
ابو فهد : اني اعلمچ گح** تكسرين كلمتي احضة بيج لو ما احضة
.. سديتة گبل و انطيتة لزيد
زيد : اديان عيب هاي التصرفات اني دوم ادافعلج و اوگف بوجهم عليچ لان ادري محد الچ غير ابو فهد و من يصير ضدچ
محد يصير وياج ترى لهذا السبب انا اوگف وياج من يضربچ
و ابو فهد مو بگد عمرج لو اكبر منچ بچم سنة اكبر منچ بجيلين يعني صعب تفهمين عليه و انتي هم لسانچ و العناد ماخذ حقچ
اعتبريني ابوچ اخوچ الچبير و اسمعي نصيحتي ابو فهد فوگ ما اكبر منچ ضابط يعني اذا يلزم مجرم ينهيي و ايدة متعودة على الضرب اني اخو و هذا كبري و شواربي و هم مرات يكفخني
بس اخوي هذا و الشيخ غصباً ما علية اتحملة شحال ما انتي تغلطين اكيد ميرحمج و متسكتين يصير عقابچ عقابين وهسة نزلي يلة و ديري بالچ
.. نزلت و طبيت لبيت عمهم شافتني هيفاء
هيفاء : هلا حبيبة عين الحارة باردة شون طلعچ ابو فهد
اديان : زيد جابني
هيفاء : روحي گعدي يم فدعة لتگومين
فدعة : تعاي بسدي خايبة لا يطگنچ بسحر
ام غزوان : صدقة لمحمد هاي البت ما تكبر شونج خالة
اديان : هلو خالة زينة الحمدلله
سليمة : شعجب خلاج تجين اليوم مو رزلج الصبح
اديان : شوكت رزلني حبيبتي قصدچ رزلوچ
سليمة : ههههههه چا مو يومية مكافش
ام غزوان : كل اثنين بينهم مشاكل شحال ماهو شيخ اعصابة تالفة هم يتصافون وانتي عيب تطلعين مشاكل البيت
سليمة : هسة انتي شني هاي الشفاقة ترى ما يصفگلچ رجلها
فدعة : خايبة انتي الا تترزلين مو اخليهم يكسرون راسچ
.. اشرتلي بشرى بالمطبخ رحت يمها
بشرى : ديري بالج هاي الگاعدة گبال فدعة تصير اخت افراح
اديان : لعد وين اگعد
بشرى : ابقي هنا انا و هيفاء موجودات
هيفاء: بشرى هدي امشن خل نگعد احنة جايين خطار شلنة غرض
.. ضليت اني رايحة جاية كعدت بشرى و كعدت يمها اكو مرة لابسة گلابية وردية و شعرها اصفر اجتي سلمت على بشرى شافتني و ما سلمت الحقيرةة
ام سلام : يگولون الشيخ ماخذ مرتة للخليج صدگ فدعة
فدعة : اي خية
ام سلام : يا شو راد الشيخ شباب و رويحتة خظرة
ام غزوان : چا ماخذلة وحدة بگد بناتة وين لاگيلة هيج صيدة
ام سلام : والله الشيه ابو فهد درة مال الله هنيالها عليه
فدعة : خايبة هم ما ينجرع طبعة مرر
سليمة : چا هي فصلية غصباً عليها تتحمل و تسكت
قابل ماخذها عروس من بيت اهلها
.. ضلن يباوعلي نصهن يضحكن و نص لا و هيفاء تأشرلي عود ختولي اخذت التليفون من الجنطة و خابرتة ما جاوب دگيت عليه خمس مرات بالخامسة يلا جاوب
ابو فهد : شتررررررررررردين
.. انهضمت و گمت ابچي
اديان : تعال لسليمة بس تغلط يلا
سليمة: يا يا دهر ولچ اشاقة يالحية
.. هو سدة بوجهي و بشرى انطتني كلنس دگلي امسحي دموعچ ً و هنَ كلهن يباوعن اجة طفل للصالة
- منو مرت عمي  ابو فهد
بشرى : هاية ليش
- يگول خل تجي راح يروحون
ام سلام : الله لا يطيچ يا سليمة كون فشلتينة يمگموعة
ام غزوان : شگد فشلة يايمة حبيبة لا يطلع الشيخ زعلان
- هسة هو شدعوة ما يصدگ بس طگتلة تليفون اجاها
هيفاء : دحترمي نفسچ لا اخليهم يكسرون راسچ مرتة چا و يحبها لو الغيرة گامت تلعب الدور
.. عفتهن و طلعت لگيتة واگف يم باب الصالة
ابو فهد: امشي خل يدلوچ وين الباب الخلفي و طلعي مناك اني واگفلچ  و اعلمچ شلون تعاندين بعد
.. لگيت بنية گتلها وين الباب الخلفي كالت مناك يم الدرج  و هنَ يباوعن طلعت هم لگيت حديقة تذكرت ايام الشردة گبل صخنت فتحت الباب لگيتة گاعد يدخن
صعدت ليورة  ..
ابو فهد : تكسرين حچايتي بسيطة ليش لا
اديان : ......
ابو فهد : انتي گليلي تحبين الضرب و الاهانة حتى ارتاح ما اتعب روحي وياچ
اديان : لعد ان...
ابو فهد : انتة و انتة و انتة حاطتني جوة لسانججج كلبةةةةةة
گتلج روحة ماكوووووو منو تكسر كلمة رجلها غير الگح**
لابستلي هيج و مكياج و كاعدة بنصهن
يعني متوبين مو تدرين يسوون قنادر و سحورة لو تسوين روحچ غشيمة انتيييي حاطةةةة براسچ
الكلمة اليگولهة ابراهييييييم تنكسر لازم تنكسرررررر
و تدرين اذا الزمچ اكسرچ بس. انتي قابلة يعني انتي تحبين الضرب و الاهانة هسة اتأكد
اضربججججج تطلعين اليتيمة و الما الها احد و تتبچبچين احترمچ تتماديين و تنترين و تعلين صوتچ و تكسرين حچايتي لجججججججج اديان شيوخ شيوووووخ ما كسرت حچايتي
تجين انتي تمشين البراسچ علية و گدام اخوية هسة شيگول هيچ ما مربي مرتة عدل لا تحبيهن و لا يحبنچ رحتي بعنادي
اديان : لعد سليمة تغلط گدامهن
ابو فهد : اني شجااااي احچي هسة شجاب قنادرررررر بالموضووووع هااااااا و لا عبالچ جبتچ لخاطر دموعچ لا اريد ادبچ لان احچي وياهم و اني النار مشتعلة بية
.. وصلنة للبيت طبب السيارة و نزل منها
ابو فهد : امشي گدامي لا انعل والديچ
... وصلت للدرج هو يمشي وراي سويتها ركضة حتى اقفل باب الغرفة بعدني ما واصلة للباب لزمني من ايدي و شمرني بالگاع
ابو فهد : قبل لا اضربچ يلا انطيني سبب تكسرين حچايتي بي
اديان : لان ضربتني راشدي

نزل لمستواي ضربني راشدي حتى الشال وگع
لزمني من شعري طببني للحمام فتح المغسلة و طبب وجهي جوة المي ضاغط على شفتي و يمسح بالحمرة
ابو فهد: ياااااابة و حق ضلع الزهرة اذا شفتج حاطة نقطة مكياچ الا انعل والد والديچ ساق** ادبسززززززززز
گمت اشهگ من المي طلعني من الحمام و ضل يضرب راشديااات
لحد ما حسيت بعد ما عندي خد خدر وجهي كلة
ابو فهد : ارد اشوف يا گح** بعد تكسر حچايتي اني الچ
... گمت ابچي و اشهگ  من الضرب
اديان : ماريدككككككك يلا عوفنييييي
ابو فهد : صوتچ بربو** لا اشگ حلگچ
اديان : وخررررر يلا امشي اطلع
.. سحب الحزام من الكنتور..
ابو فهد : و علي هاي مال وخر يلا اذا ما خليتچ من تسمعيها ترجفين ما اطلع من ظهر ابوي
اديان : عوووفني يلا وخر
.. اجة علية لزم الصدر مال الجبة شگها
ابو فهد : هاي هم بعد متنلبس
اديان : ديلا هسة ارتاحيت طلگني يلا هسة
ابو فهد : هممممم كالت قندررررني
... ضربني بالحزام مرتين ما بچيت ضليت اباوعلة
اديان : يلا خلصت عوفني يلا
ابو فهد : لججججججججج اكره الصلفات
.. رجع ضربني صارت على خاصرتي هنا ما تحملت گمت افرفح عافني و طلع عرفتة چان منتضرني ابچي يلا يهدني
نمت بالگاع ....
كعدت بالليل باوعت للساعة ب 9 رتبت الغرفة باوعت المكياج كلة ماهوَ طبيت للحمام وجهي عبارة عن اثار اصابعة و خاصرتي لسة توجعني ظفرت شعري و نزلت
لكيت بشرى و فدعة بالصالة
فدعة : شبي وجهج خايبة
اديان : مابي
فدعة : ليش ضاربچ مو من اخذچ شحلاتكم كلها حسدتچ
بشرى : هيَ هاي عيونهن
.. اخذت معكرونة و سويتها و صعدت فوگ اكلتة و دورت على الجنطة لان بيها تليفوني ما لگيتها
ورا شوية سمعت صوت طلق قوي طلعت من الغرفة شفت بشرى يم الدرج
اديان : بشرى شنو هذااا الطلق شكوو
بشرى : يا خايبة شجاچ چا ما تعودتي غير البت طلعت شريفة
اديان : هاي لسة ما بطلتو هاي العادة
بشرى : ما يبطلون خية غير سوالفهم هاي
.. بالليل كلش هو طب للغرفة يسبح طلعت منها اريد افتح غرفة افراح مقفولة من يزعل هوَ ينام بيها و من ازعل اني يقفلها حتى ابقة ويا بالغرفة
نزلت كعدت بالمطبخ على الكرسي شوية و هو طب للمطبخ
ابو فهد : يلا فوگ
... نزلت راسي على الميز و ما حاچيتة
ابو فهد : گومي بساع
اديان : ...........
... سحبني من ايدي ضليت لازمة الميز سحبني مرة ثانية قوي انضربت بي
ابو فهد : صوت ما اسمع وحق القران اكسرج مو ضالة تدورين زعلات
.. كمت ابچي اكثر شي اكرها بالدنيا هذا اسلوبة يخليني اكره نفسي اذا اني زعلانة و اذا هو زعلان لازم الحق ويا
_______