المتمرد والصغيره

البارت ٦٠ و٦١

#المتمرد_والصغيره

البارتات تكمله البارت60_______61

اديان ... العصر هو دخل للبيت و ويا زيد وواحد من ولد عمهم سويت چاي وراح فهد يقدم وراها طلعو زيد و ابن عمهم دخل هو يم فدعة
فدعة : خايب شني ضالة انا هنا مثل الاطرش بالزفة ردني لهذاك البيت ارد اشوفن شيصير ما يصير
ابو فهد : شلج بدوخة الراس ضلي هنا راسج بارد احسلج
فدعة : و هاي حرمتك ليش هاجرها شني انتة سالفتك مو خالية
ابو فهد: هاي ادبسزز جاهلة مو مال عيني و اغاتي ابد
تدرين انتي صبيحة و افراح و مرت قاسم لازمات محمد ابن هيفاء و گايلاتلة نريدك تخلي ابو فهد يطلگ اديان
فدعة : يا يمة يا حبيبة الله لا يوفقهن بيش طالبات هاليتيمة
ابو فهد : مو هي ادبسزز و تستاهل تدرين هذا محمد الكو**
اسبوعين يحجي وياها و يكللها اكتل رجلج لو ابنج اذا ما تطلگتي و هي ما تحچيلي يعني التسوي هيج بشرفج مو تدگ دروب
فدعة : يااا يااا ولج ام المصاااايب طايحة الحظ تعاي
كوم ولك قرد صيحلها
اديان .. هو اني جنت يم الدرج اسمع حچيهم جريت نفس قوي و دخلت للغرفة منزلة راسي هو طلع من الغرفة
فدعة: الله لا ينطيج ولج يا طايحة الحظ هاي كلة مسويتة و انا مادري ليش ولج شلج على الزلمة مفرفحتة
يمن كون فرفحوچن على المغيسل ولو عرج ما يطگچن
اديان : والله خفت من عندة و ما گتلة قابل اني هاي شتسوالي مثلاً غير هم مسوين علية خطة طلع محمد ابن هيفاء هو اني هذا حتى سلام ما اسلم عليه
فدعة: يمة صعد سكري الله لا يوفقهن بجاه هاي العصرية
و انتي ضلي على هذا ثولج كون عايشة انا و اشوف نهايتچ شلونها
.. شالت النفاضة الخشب مالتها و شمرتها علية خليت و طلعت من الغرفة لا تگوملي شيخلصني هسة
صعدت فوگ لكيت بابا الغرفة مردود بس ممقفول
دخلت للغرفة هو جان كاعد على حافة الچرباية و يدخن
سويت روحي اخذ ملابس من الكنتور
وراها تقربت يمة
اديان : لعد محمد اني شمسويتلة
بسرعة سحبني من ايدي وكعت گبالة صار هو گاعد ع الچرباية و اني بالكاع
ابو فهد: دگة ثانية من هاي دگاتچ احطچ بالسيارة و احرگچ و اخلص وحگ هوَ علي جفن ما يرفلي عليچ و انعل ابوج لابو مرضعچ الطايح حظة لابو ساسچ السگط
اديان.. ضليت منزلة راسي و هو لازم ايدي ماهدها
گمت ابچي هو ضغط على ايدي حيل و سحب ظهري الة
و مخلي ايدة على رگبتي مثبت جسمي گام يحچي و يحرك ايدة على وجهي
ابو فهد: دگاتچ هواي كلش صارن يا شاردة لبغداد يا بايتة عد زلمة غريب يا مطيحة الطفل يا منزلة برامج طايح حظها يا مصچميچ بالسوگ يا مفشلتني كدام العالم
انا استاهلهن منچ هذني
اديان : والله متستاهلهن والله
بس والله كل السويتهن مو بدون سبب و انتة تدري
والله اني هم تعبت بعد مابية حيل اذا متتحملني عوفني
والله حتى صگر اخذو بس لا اعذبك و لا تعذبني
ابو فهد: و هيج انا رخيص عندج و مالي قيمة تردين بساع تخلين كلشي و ترحين خمس سنين خلصتيهن يمي ما اضنهن شوية
اديان .. وخرت ايدة من وجهي و وكفت صرت بطولة و هو كاعد حضنتة و الله شِمّر علية البچي هو خلة ايدة على ظهري و سحبني الة
اديان : وحق الله احبك اني
ابو فهد: ولچ انتي هذا الهوى اليصعد و ينزل
انا اگدر بلاچ اكدر اغمض و ما حاطچ على ايدي
اكدر افوت و ماشوف طولچ ال بطول نعال تفترين بالبيت
اديان : يا شنو بطول النعال هستوك تحچي حلو
ابو فهد: چا مچذب انا انتي اضن ما شايفة طولچ بالمرايا
اديان : والله طولي حلو يعني اني ناعمة شسوي
بس انتَ ال طولك مية و تسعين يعني والله والله طولك مو قانوني يعني انتة و زيد اطول شي بالعشيرة
ابو فهد: چا ترديني مدعبل ‏احجي وي العالم و ارفع راسي
انتي ما سامعة من يكولون القزم ما محسوب من الزلم
اديان : هسة ابوك مو گصيرون
كفخني على راسي
ابو فهد: بت الكلب ركضتي على ابوي
.. كام يضحك قوي
دمشي جيبلي ماي امشي ادبسز
اديان .. اخذت بطل مي من الثلاجة و اني حاصرتني الضحكة بس ماكدر اضحك
ورا يومين الساعة ب ١١ الظهر
جان ابو فهد بيومها مطالع
دخل زيد و ست زلم من ولد عمهم شايفتهم و تلث نسوان لابسات بوشيات انصدمت سويت چاي و مي و اجة زيد اخذهن ما خلو فهد يدخل للاستقبال
فهد : شنو اديان شكو
- والله مادري
فهد: باعي ذني يمكن عمة افراح و صبيحة و نهال
لان سمعتي ابوي شكال لفدعة اول البارحة
- اي اني هم شكيت لعد ليش هيج لابسات
فهد : يجوز ابوي ميريد يكبر سالفة النسوان
اديان .. فهد راح كعد يم فدعة بعد ما تحملت رحت يم باب الاستقبال الداخلي جان مسدود
- زيد اقفل باب الديوان لا الصوت يطلع ع الشارع
- والله يابو فهد مادري شلون احط عيني بعينك بس گلي شسوي اذبحهن هسة و اشمرهن للچلاب
اديان .. شوية و اندفعت فزيت شفتها فدعة دفرت الباب بالعوچية مالتها و طبت
فدعة : تفووووو على هاي الخلق الخايسة يا ادبسزيات يالمابيچن ذرة شرف شلجن على اليتيمة هيج تسون بيها ولجن ماتخافن من الفوگاچن ولجن هذا الله هذا الله
والله يا يمة تعبنة وحق هو ابو الحسن تعبنة هسة نحتار بالكبار بالصغار ما عرفنة يعني خواتنة ينزلن روسنة چا ياهو اليرفعها بعد
فدعة : مابيكم حظ و اكضهن و اكسر ظهورهن و اخلي الجهال تتصدق عليهن ذني مو مال رحمة ذني مو شكول نعيم و راحة ذني مال واحد يسوگ عليهن بالعصى لحد ما يجرن عدل
- عمي انا هذني افراح و نهال و هذا رجل نهال تريد تطلگ و تطلع من السالفة عمي گو** ابن گو** اليلومك  ما تطلگ هاي مرتك شتريد تسوي بيها سوي
- لا بوية هي حتى لو جانت ماهي مرتي هي بت عمي اذا ما أدبها ياهو اليأدبها چا
- شتفضلو ولد عمنة راح يجرة على صبيحة و شوف النسيب
شيگول
- شتفصلون انا البس بوية المصيبة مصيبتنة كل احنة
ابو فهد: مو عيب هاي السوالف تسونها هاي السوالف مايسوونها الطالعات من بيوت هيج عدچن انا ما الي تقدير
ما الي حساب وهيچ تسون بحرمتي
.. ضرب افراح راشدي وگعت بالگاع
ابو فهد: و انتي و اليمچ دام زلمچن موجودين انا ما راح امد ايدي عليچن
.. طلع ابو فهد من الاستقبال يدخن بالحديقة و فدعة رجعت لغرفتها اني گلت حيرحون شو انقفل باب الاستقبال و صار صوتهم عالي وصوت الضرب يكزبر الجسم ضليت مصدومة و مخلية اذاني يم الباب اسمع
ما احس غير واحد سحبني من اذاني كبل فزيت لگيتة ابو فهد نزلت راسي و لزمت ايدة الي مخليهة على اذاني
ابو فهد: اطببچ وياهن هسة ؟
اديان : لا والله بس خطية كافي
ابو فهد: امشي سوي چاي لا اطيح حظج
اديان : بس اذاني
وخر ايدة واني ركضت للمطبخ
بقة يروح و يجي للصالة وذولة ما هدئو اتمنيت بس اشوف منظرهم ماكدرت يعني شلون كل اثنين يضربون بوحدة يمة اني افكر و ارجف
ورا ربع ساعة دگ الباب عليهم ابو فهد
- بسكم كافي هو هذا كلة مايفيد وياهن
الما يسوگة مرضعة سوگ العصا ما ينفعة
اديان .. تذكرتها هاي اغنية جنت احبها نوب لزگت بالساني
امشي بالمطبخ و اغني الما يسوكة مرضعة سوك العصا ما ينفعة
باوعت من شباك المطبخ اشتغلت سيارة ابو فهد و زيد صعد و هنَ تلاثتهن ورا و اخذهم و راح انطيت الچاي لفهد راح قدمة
ورا شوية اجة زيد بالوحدة و نص راحو كلهم بقة بس ابو فهد بالديوان دخلت لگيتة يدخن و صافن باوعلي و رجع يدخن
عدلت المخاد مال القنفات و طفيت التبريد اريد اكنس
ابو فهد: شنو الغدا
اديان: هاا
ابو فهد: الگال ها سمع
اديان : شمشتهي
ابو فهد: يعني بعدججج مطابخة
اديان: نسيت والله
ابو فهد: انتي شنو سالفتج شوكت تصيرين صاحبة مسؤولية ما مليتي من هذا البرود نهايتها وياج شنووو
اديان : هسة اسوي والله
ابو فهد: لتسوين ميحتاج رايح لذاك البيت
اديان : لا عيب
.. عافني وطلع ضليت اغمم بنفسي
نظفت الديوان و سديتة
فدعة: خايبة تعاي وين الاچل
اديان : اي هسة هسة
فهد : اديان ابوية موصيلنة مندي هسة راح يوصل لتسوين يكول
اديان : ها ماشي
ورا شوية اجة هوَ خلة الاكل على الكاونتر و صعد
صعدت ورا
- متغدي
- ايي اكلت وي الحجي
- هسة شيكولون علية
- دامچ هيچ تخافين من العيب صيري نادرة محد يجيبچ بالطاري و طلعي وسدي الباب روحي واصلة لخشمي لا اطلعها بيج
- ماشي
عفتة و نزلت تغديت و نيمت صگر و صعدتة فوگ لگيت ابو فهد نايم سحبت ايدة و نمت عليها و تغطيت هو سحبني الة و حضني بأيدة الثانية
اديان : اني احبك
ابو فهد: و انا هم احبچ
- شو اني هم يعني شنو زعلان
- بوية اعشگچ اموت عليچ بعد ؟
- شو عبالك مان علية
- دركدي لا انعل والديچ
.. غمضت عيوني و سكتت
ابو فهد: و تلوميني ليش اغلط لان متركدين الا هيج
اديان : لا گلت سيف الله حديد
يعني ترجع الغلطة عليك
.. ضحك ضحكة قويةةةةةة و كعد كام يكح
يابة وعلي فلا تكبرين
اديان .. مشت الايام عادية توسلت لبشرى تجيبلي مانع حمل ماقبلت و خفت اكول لهيفاء خاف تتعارك وياية
و شكيت بنفسي حامل بس ماضجت هالمرة و اتمنيتها بنية
اجة هو العصر لان چانت عندة گعدة اخذت الغترة و المحفظة مالتة و كال حضريلي الحمام سلم على فدعة و صعد سبح و طلع باوعلي و رفع حاجبة
ابو فهد: ها بوية غردي
اديان : لا والله معندي شي
ابو فهد: خير ان شاء الله تعاي مرغيلي راسي
كعدت و خلة راسة على رجلي و ضل صافن بوجهي ابتسمتلة
- احبج وروح امي
- واني اموت عليك
- والله ؟
- والله و الله
و دا اريد اگولك شي بس ممتأكدة منة يعني
ابو فهد: حامل مو
اديان: هههههه اي
ابو فهد: حلمت بأمي والله حاطة طفل بحضنها و تناغي
اديان : اتمنى تطلع بنية
ابو فهد: اذا تطلع بحلاتچ ما ازوجها
اديان : يااا هههههه
ابو فهد: راح انام و اكعد اخذج للعيادة
- تمام
كعد المغرب كال يلا امشي و الا عبا و سويت تحليل طلعت صدگ حامل و كتبتلي علاج الدكتورة و گالت وضع الجنين تمام
طلعت گتلة و انرسمت الضحكة على وجهة لزم ايدي و نزلني الدرج صعدت بالسيارة و هو راح يجيب العلاج
رجعت گلت لفدعة گامت تهلهل
چانت حياتي كلش حلوة بهاي الفترة
ابو فهد: باجر الصبح اخذج لهذاك البيت
اديان : ليش شكو
ابو فهد: ماكو بس عيب صارلج هواي ما رايحة
اديان : ماشي
ثاني يوم كَشخت صگر و اني لبست فستان لون بيجي ورتبت الشال و ماقبل الا عباية رحنة للبيت الجبير و فدعة ويانة
هواي گرايبهم جايين هناك سراب موجودة بس هيفاء ماكو و صگر اخذة زيد باوعت من المطبخ ولد عمهم شايلينة و يحاچو
عماد : عمك زيد گو**
صگر : اي
عماد : و عمك علي گو**
صگر : اي
عماد : و انا گو**
صگر : اي
عماد : لا يا ابن الخوش اوادم شنو بس ال اي مشكلة بحلگك
حسام : والله زين ابو فهد ابنك مايستغرب
انا هذا حميدان طگ مرارتي ياهو اليشوفة يبچي
بس لا يطلع حريمة
ابو فهد: هههههه لا ماعدنة زلمة يطلع فاهي خلي يطلع بالشارع و يختلط وي ولد ماجد المچاليب هسة يخليك تهج من الديرة
اديان.. راحو الزلم بالديوان لان هواي و النسوان بالصالة رحت كعدت يم فدعة اجتي بت عمهم
شيماء : شونج فدعة
فدعة : هلا حبيبة
شيماء : والله حبيبة البارحة حلمت حلم مو زين لن محلاتنة محتركة و زلمنة محد موجود و بس النسوان وحدة تتعارك وي الثانية
فدعة : خير ان شاء الله حبيبة خير
سليمة : والله خبلتينة يا حلم النجيج عليه كلتي خير جا هذاك اليوم شلون فسرتي حلم ام اسماعيل
فدعة : ولج بالخايبة انا الحلم الاشوفن تفسيرة مو خوش اكولن خير ان شاء الله النبي محمد عليه الصلاة و السلام بيوم من الايام اجتة حرمة كالتلة حلمت هيج حلم كاللها خير ان شاء الله و كل مرة تحلم حلم و تروحلة يكللها هيج
ف يوم من الايام حلمت حايط بيتهم وكع و كعدت تريد تروح للنبي يفسرة الها لگتها جارتها بالدرب كالتلها ها حبيبة وين رايحة
كالتلها والله رايحة للنبي اريدة يفسرلي حلمي حلمت هيج و هيج كالتلها يعني رجلج راح يموت هي ما سمعت كلامها لان اكيد النبي كلامة اصح منها
راحت للنبي كالتلة حلمت هيج كاللها خير ان شاء الله كالتلة بس جارتي كالتلي رجلج راح يموت كاللها لعد صحيح رجلج راح يموت لان الحلم ينوخذ على التفسير الاول و صدك ورا چم يوم مات رجل الحرمة
هنا عرفت ليش النبي جان يكللها خير ان شاء الله حتى من يفسرو غير النبي ميتحقق و النبي جان يعرف التفسير بس ميكللها حتى ما يتحقق اليگولة ربچ ما مخلي شي مابي فايدة
الطيف النشوفة اذا مابي فايدة المن چا موجود چا انطمرنة بالليل و كعدنة الصبح لا حلم و لا خرابيط
و الك بيها ارادة يا خالق الجرادة
شيماء: يعني حبيبة الاحلام تتحقق
فدعة : لا حبيبة تفسيرها اليتحقق وهو مو ياهو الجان يكدر يفسر
زيد : ياستار ياربي شني هاي المة
فدعة : تدنن حبايب اجت اختچن ميلن ميلن
زيد: راح اكول مرة جبيرة و اعذرج
يلا خوية ام سراب صبن
بشرى : كلنة هنا
زيد : اي الكل
سليمة : شنو اديان شو متغيرة خاف مريضة مابيج غير العافية
اديان : لا حبي حامل
.. كلها ضلت تباوعلي
سليمة : ها على الخير
فدعةً : بس كون الله يحفظة من حقد وادم
زيد : وعلي عرفتج راح تذبين حچاية هههههه
اديان.. صبو غدا واني ضليت كاعدة ما گمت وياهن و فدعة استلمتني رزايل و گرص لان گلت حامل
اجة ابو فهد و عمامهم گعدو سفرة شطولها2
باوعلي ابو فهد و و اشرلي بعيونة تعاي رحت يمة
ابو فهد: سلمي على عمامچ
اديان: شونكم عمو
اسماعيل : هلا بوية
ابو سلمان : هلا حبيبتي
الحجي : هلا ب ام صگر
ابو فهد: ولج بوية اليسلم على جماعة ميكول شونكم عمو يكول السلام عليكم
كامو يضحكون انيهم ضحكت على روحي و رجعت يم فدعة
بدو ياكلون...
خلصو اكل و شربو چاي و صارو كل مجموعة تسولف وحدها
الحجي : صدك بوية ابو فهد هذا اخوك زيد شني سالفتة يكضيها لاشغل و لازواج جا هو مو سبع سنين يفتر بالدول
وهسة مكضيها طربگة
ابو سلمان : لا و يالكتلك دكتور دكتور شو حتى نشعة مال دكاترة مابيك ولك
زيد : هسة انتو ليش ضايجين انا مرتاح هيج
ابو فهد: يابة هسة الاوضاع مخربطة و يكلك الشعب راح يگومون على الحكومة و يا طلابة الما تفض على السنة الجاية غصباً ما عليه يراجع أوارقة حتى يباشر بدوامة
عمار : اي هو حتى من رحت ويا للدائرة گالو ببداية الفين و عشرين يشتغل التسجيل
ابو فهد: انا خايف لا ترد معاناة الماي المالح بالبصرة وعلي نتدمر كواو** شادين عداوة وي البصرا دگول كاتلين ولدهم
فدعة : اي چا البصرا بيها زلم ملحة مايكدرولهم يحاربونهم بالماي ولد السايبات والخايبات شيفرقون عن آل آمية
زيد : يروحون فدوا ليزيد هالاقزام ذولة
النوب دخليك ياعلي كلهم ماعدهم شعر يمكن هذا شرط اليلزم العراق كون اصلع
ابو فهد: على طاري الشعر ذكرتني ولك عماد چم مرة محذرك الشوارب ما تزينهن
عماد : تغيير ابو فهد تغيير
ابو فهد: جا هسة من اريد منك چلمة و اگلك الزم شاربك شتسوي
عماد : عادي الزملك غير شي اقوة من الشوارب
ابو فهد: لا يا گو**
.. كلهم الزلم ماكو يضحكون
اديان .. العصر ابو فهد كال يلا صعدنا بالسيارة بس ما رجعنة للبيت اخذنا يم هيفاء فدعةً و فهد ضلو كاعدين نزلنا بس اني ويا هي فتحت الباب و حضنت ابو فهد وكامت تبجي
هو هم حضنها و باسها من راسها
واني سلمت عليها كعدنة بس شوية جان رجلها مموجود و لا سراب
ابو فهد: انتي مالج غرض بالسوا ابنج و حتى هو انا ما ضايج منة لان اعرفنة زعطوط و مضحوك على عقلة
و هسة اخابرهم و اخليهم يطلعو وانا ادري بعد صارتلة عبرة
هيفاء: والله مستحية منك و منچ حبيبة الله يحفظك و يخليك خيمة على روسنة والله بلياك نضيع احنة وانتي اديان وعلي مابية احط عيني بعينج
ابو فهد : ختولي هاي جاهلة ما تكبر وتستاهل اليصير وياها عبنها ماتشغل عقلها واليجي من ايدة الله يزيدة
اديان : هو قابل جديدة كل مرة اطلع اني الغلطانة
ابو فهد : اي لان بكل المرات انتي الغلطانة
اديان : ديلا هسة
رفعلي حاجبة وضل يباوعلي بدون ميرمش نزلت راسي
سلمنة على هيفاء و طلعنة
فدعة : هسة صالبني هنا صارلك ساعة مادكول حديثة كاعدة بالصدر لا يچفتون عليها زلم شني ماتخاف على عرضك انتة
ابو فهد: ههههههههههههه هنا حقج بوية صدگ انا ما فكرت خو ما واحد ذبلچ حچاية گولي حتى اكسر ظهرة
فهد : اي يابة اجوي بس فدعة مانطتهم مجال تالي ملو و راحو
ابو فهد: ماكو واحد كاللها اخذج اخذج
فهد : لالا ما شفت
فدعة : شني انجب اكو ماشفتة ابو الاخضر
ابو فهد: هسة تاهت علي انتي ناصبة علينة احنة ناصبين عليج والله مادري
اديان : ترى اني تعبت اليوم
فدعة : حجت الفاهية وانتي شسويتي حبيبة
اديان : تعبت من الكعدة
ابو فهد: لا انا اعرفها شتقصد عوفيها عوفيها
اديان : شقصد يلا يلا كول
.. حرك الجامة و عكسها علية و غمزلي رفعتلة حاجبي
فدعة: انتي خاف شالعة گلب الزلمة ترى ارفس ببطنچ ومن باچر ازوجة وحدة خليها ترچية بأذنچ
ابو فهد: اي والله انا هم تعبت وروحي بزعت يلا نزلو
اديان .. باوعولي اثنينهم گمت ابچي
شبيكم هسة اني مو حامل
فدعة : جا اول الحبلن انتي يمة يمة شگد عيارة
ابو فهد: هههههههه دنزلي يلا نزلي
فهد: شبيك يابة وياها يابة والله خطية
ابو فهد: نزلها دنزلها تعاي احاچيج
.. فهد اخذ صگر و اني صعدت گبل فوگ سبحت وطلعت لگيتة بالغرفة باوعلي و ضحك
ابو فهد: ها ام دميعة
اديان : ترا حامل
ابو فهد : ههههههههه ادري بوية حامل شني تذلينة
ندري حامل شني اول الحبلن اول الجابن
اديان : انتة والله متحبني
عفتة و نزلت
فدعة : ها ولچ البگة عليمن تبچين گبل شواي
اديان: عبالي بس انتي تحبيني طلعتي حتى انتي مثلهم
فدعة: خايبة دنچبي تعاي خل ابوسچ ولچ اضحك عليچ
ودامچ هيج تحبينة و تغارين عليه شكو شالعة گلبة
اديان: والله مشالعة گلبة
فدعة: دروحي يم الزلمة شلچ عليه
.. صعدت لگيتة متمدد و يلعب بالتليفون رفعت اللحاف ونمت سحبني الة وسد التليفون وضل يمشي ايدة على شعري
ابو فهد: مرتاحة
- لا
- ليش بوية
- صدگ تريد تتزوج وحدة
- اذا ماجريتي عدل اي اتزوج
- هسة اني مو جارة عدل
- اي ابقي هيج
- وتحبني لو لاع
- لا
- والله
- حرام الحلفان نامي
- لا عليك العباس
والعباس اموت عليج
- اقرالي قصة
- دنامي لان اكو قصة ببالي اريد اطبقها وياج و بكيفج بعد
- لا لعد راح انام
- هههههههه ادبسز
جانت الايام عادية و هدوء ...
_______
بداية النهاية 🤍
البارت 61
2019 شهر التاسع العراق - تحديداً البصرة
اديان .. صار على حملي خمس أشهر بس احس نفسي عبالك بشهر التاسع حملي بصگر چان احسن من هذا
بعد خمس ايام اراجع الدكتورة حتى اسوي سونار و اعرف الطفل ولد لو بنية واني امشي و ادعي بنية
فدعة : انتي خايبة شچلبتيلنة بالبت نريد زلم نريد فحولة البت تجي فاهية مثلج لا خير
البيها
زيد: عفية فدعة ماعدچ صاحب صديق هاي عود اديان عليها السلام و هسة گلبتي عليها
فدعة : احنة حبايب بيناتنة اضربها و اكسر راسها انتي شلچ غرض شبيچ ضايجة حبيبة ما تسوة
زيد : غير اكره روحي من تحاچيني هيج خرب انة
ورا خمس ايام رحت للدكتورة سويت سونار اخذني ابو فهد
- شكم طفل عندج
اديان : بس ولد
- يلا أجو اخوان اثنين ولد
اديان : توووووووم الله يعني يتشابهون
- هههههههه اي من هسة راح تحتارين بغيرتهم
.. كتبتلي علاج و طلعت بس والله جنت متمنية بنية بس الله توم شكد حلو هسة اكيد ابو فهد حيفرح لگيتة منتظرني هو من شافني اضحك ابتسم
ابو فهد: ها بوية
اديان : بنية
ابو فهد : الف الحمدلله بس كون تشبهچ و بالشكل بس بس
غيرها ماكو لا لسان و لا صلافة ولا فهاوة
اديان : ديلا عيني يلا
ابو فهد: هههههههه ديلا امشي
صعدنا بالسيارة ردت اگلة بس ضليت ساكتة وصلنة للبيت
فدعة : بشري ولچ
اديان : بنية واخيراً
فدعة : ها ارتاحيتي ما تگدريلها حقچ
اديان : هي شنو
فدعة : الدودة حبيبة
اديان : ههههههه خل اروح ابدل و اجي
.. نزلت و لگيتة طالع گعدت يم فدعة
اديان: راح اكلج شي
فدعة : ياستار ياربي
اديان: لا والله شي يفرحچ بس لدكولين عليج الله
فدعة: دكولي خايبة نشف ريجي
اديان : اني حامل بتوم ولد
فدعة: لا بروح اميمتچ
اديان: اي وحق الله
.. جرتني وباستني و كامت تبچي
فدعة: خايبة والله وطلع بيچ بلة والله ابو فهد يستاهل رايتك بيضة يربي صدگ لو گالو التالي ربة عالي و هاي صارو عندة اربع زلم يشيلون اسمة كلش كافي
اللهم صلي ع محمد و آل محمد
اديان: اني كتلة بنية بالليل من يجي راح افرحة
فدعة : تعاي عينيني خل اكوم اصلي تعاي
بالليل سويت عشا حاجيت فهد گتلة دگ على ابو فهد شوفة يجي للعشا لو لا لانو اني ماعندي تليفون و الحمدلله ..
فهد: اديان ابوي يكول اليوم أتأخر لتحسبولي حساب
اديان : ماشي
فهد بعد شهر يداوم اول متوسط و ابو فهد و زيد فرحانين بي اني احبة لان مؤدب بس ولا مرة بحياتي اجة طلب مني شغلة يعني جنت اتمنى اصير الة ا
بس هو تصرفاتة مال رجال يعني معتبرني اني مثل حوراء و زهراء يعني احسة يبين الي هو اكبر مني و يجيني يگولي خو ما محتاجة شي للبيت
سولفت لابو فهد گام يضحك گال الحمدلله الچنت اتمنى صار
ابو فهد: شوفي بوية هو هنا مو يشوفني مسيطر على الوضع و يشوف زيد عمة وهو انا اعتبرة زيد الثاني ف يتمنى يصير هيچ و يحاول من هسة يفرض شخصيتة ويصير صاحب مسؤولية
اديان.. اني اتمنى صگر و التوأم يطلعون مثل فهد لانو الام من تشوف ابنها هيچ حيصير شخصية و رجال تحس بشعور حلو رغم فهد اني ما تعتبت عليه بس من اشوفة هيچ احس براحة نفسية
... بالليل نيمت صگر و سبحت شغلت التبريد و تغطيت ودا اريد انام دخل هوَ بس شكلة ضايج نزع ملابسة و دخل للحمام
گمت شلت الملابس و حضرتلة ملابس بس والله الغرفة متخلي الواحد يگوم من الچرباية انطيتة الملابس و رجعت نمت
ورا شوية اجة هو نام
اديان: شنو شبيك شو ضايج
ابو فهد: لا بوية نامي ماكو شي
اديان: اني اكدر انام هيچ ؟
.. تمدد و مدلي أيدة نمت عليها و سحبني الة
أبو فهد: ها و هسة
اديان: هسة تمام
- اخذني علاج
- اي و اريد اگولك شي
- اذا بي مغثة أجلي لان مالي خلگ
- لا والله حلو
اديان : شوف
-ششوف
- اني
- راح أكفخ ترى
- حامل
- اي
- بتوأم ولدددددد
.. بسرعة گعد
- اذا تضحكين عَليّ انعل والديچ
- لا وعلي صدگ بس ردت افرحك هنا مو يم الدكتورة
گام من الچرباية و رجع كعد حضني و باسني و فتح التليفون و سدة و مسح عيونة ضل محتار شيسوي بدون ميحچي و لا حرف8
اديان: فرحان
ابو فهد: ألف الحمدلله و الشكر يافرحان يا فرحان بعدين تعاي شو صايرة حيالة و الچذب ما يبين عليچ
اديان : عوفنة من هاي اني اريد بنية مو گتلك
ابو فهد: چنچ على بنية جيبي ذولة و تدللين
حچاها و غمزلي
اديان : بعد والله لو مدري منو يجي ومن اكول كافي لازم تحترم قراري
ابو فهد: ليش لا بوية شابة و من حقچ5
مشت الايام ..
گعدت الصبح دا اسوي ريوگ الهم و اجة زيد هم لان يتريگ هنا كل مرة اندگ الباب قوي طلع زيد يشوف منو وورا ابو فهد وراحو فهد هم دزتة فدعةً يشوف شكو
ضليت خايفة يا ستار شكو ورا ساعة هيچ اجة ابو فهد
ابو فهد: دشداشة سودة و غترة بساع
أديان: شنو شكو
ابو فهد: دفضيني هسةةةةةةةة+
.. رحت اجيبهن هو طب للغرفة فتح القاصة اخذ فلوس و خلاهن على الميز لبس الدشداشة و لف الغترة و لبس المحابس و اخذ الفلوس و نزل سريع1
ابو فهد: ديري بالچ على البيت فدعة راح تروح وياي و فهد يمچ ابو سلمان انطاچ عمرة16
اديان : يااااا الله يرحمة زين خل اروح وي فدعة
ابو فهد: وين تولين ترديهن يطرحنچ اگعدي هنا و انچبي1
اديان: و هسة شبيك تصيح
.. عافني وطلع شغل السيارة و فدعة طلعت ورا
انقهرت والله هذا الرجال عمهم چان بكل العزايم يجي ورا شوية صار صوت التشييع لا اله الا الله
كزبر جسمي
نضفت البيت و ندگ الباب اجة فهد
اديان: شلون مات
فهد: هو صارلة خمس ايام بالمستشفى مرتفع سكرة البارحة عود صاير زين و مطلعي اليوم ميت
اديان: الله يرحمة
فهد: لتسوين غدة اني من يطبخون اجيب
اديان: اي والله احب اكل الفواتح46
لحد الساعة ب 12 محد اجة ضليت كاعدة احس اكو اصوات بالبيت شغلت الاضوية و ضليت اقرا ايات بالوحدة و نص
اندگ الباب و مد ايدة من فوگ الباب
متعودة اذا هو لو زيد يمدون ايدهم حتى ماگول منو اذا اني افتح الباب و هو اساساً محد يجي غيرهم فتحت الباب دخل تعبان
ابو فهد: ليش لسة منايمة
اديان : اخاف والله
ابو فهد: ماكو شي بوية دحضريلي الحمام و نامي
اديان : ماشي
.. حضرتلة الحمام سبح و اجة تمدد
ابو فهد: اخخخخخخخ بوية شني من تعب
اديان: ليش هلكد تعبان
ابو فهد : چا الفاتحة تعب و بعد الجرار يجر والله خسارة چبيرة ابو سلمان
اديان: الله يرحمة هو شگد ولد عندة
ابو فهد: منيلة الزلمة عندة بس بت بكدج مادري اصغر منج
اديان: لعد مو اسمة ابو سلمان
ابو فهد: هو من وعينة على الدنيا الوادم تسمي ابو سلمان
لان جان يريد يسمي ابنة على اسم ابو بس الله ما رزقة غير بت وحدة و على كبر يالله اجت
اديان: لعد شعجب ما تزوج
ابو فهد: ما اعرف بس هي حرمتة بيوم الجابت ماتت وهو ربة بتة وحدة
اديان: يا خطية الله يرحمة لعد شكد حباب
انتة اسم الله بعدني عايشة و تزوجت علية
ابو فهد: نامي لا تخليني اطلع ضيم المگبرة بيج
نمت ...
خلصت ايام الفاتحة و صار الاربعين هم كلهم راحو بقينة اني و فدعة و فهد ماقبل يروح وراها صارت مظاهرات
25 اكتوبر اني جنت اشوفهم بس بالتليفزيون
فدعة: والله حيللل يابعد ايدي كون ذولة كلهم ينعدمون مال الوجع ما خلونة نرتاح من يوم الشفناهم لسة
ابو فهد: العراق صارلة 17 سنة هسة يالله صحى على روحة عاشت ايدهم والله
فدعة : جا هي المظاهرات الزلم تطلع ذني امهات كريع
شعدهن يتطاولن بين الزلم يا يا باع هاي شني مامش زلم وراها
اديان: عادي غير يطالبن بحقهن وذا الولد و البنات نفس الشي
زيد : يعني هسة انتي اذا ابو فهد يخليج ترحين عادي
اديان: اي والله عادي بس الا اجيب طبعاً غير اطالب بحقي
ابو فهد: يا حق بوية التطلعين علمودة
اديان: هو يعني اشوف العالم شتريد و ما اخلي فقراء بالعراق
زيد : غير يگعد راحة سعد البزاز
ابو فهد: لالا عوفها بلة خل اشوف حقها شنو عوفچ من الفقراء كلنة فقرة
اديان: يعني اولاً اريد اكمل دراسة و اريد انزع العبا و اريد تليفون و اريد اروح لفرنسا و اريد اسوي غرفة من عالم الحلويات و اريد اسوق سيارة
ابو فهد: گتلج حق مو امنيات بوية
اديان: شبيك يا حياتي هسة وذا يعني اذا تحقق امنياتي گبل تدخل للجنة ترا هاي الصلاة وحدها متفيد
.. زيد كام يضحك و هو مسح شواربة و حاصرته الضحكة
ابو فهد: ليش ما تنچبين بعد ابوچ
اديان: زين شوف عليك الله سويلي غرفة عالم الحلويات يعني اذا اضوج لو تعصب مني احبسني بيها لو سنة عادي نكعد اني و جهالي
ابو فهد: قصدج انتي و اخوتج
اديان: هسة شكلت
فدعة : كوم حبوبة قرد ذاك نعال ابوك جيبليا
اديان: بس لا الي
فدعة: خايبة و حگ علي اذا ما تسكتين هسة اضربج نعال اجيبچ ولي منا ولييي
ابو فهد: بعد ايدي والله جنچ فارة صارلج ساعة ترعدين دوختينة
.. زيد باوعلي و يضحك
اديان: ها و انتة
زيد : عمي حچيت شي انا
اديان: وحق الله انتو كلكم متحبوني باقين يا تضربون بية يا ترزلوني يا حابسيني بالبيت يا تضحكون علية هسة اني شنو عيشتي اربعة و عشرين ساعة بس اشتغل حتى تليفون ماعندي
ابو فهد: انا اعرفج شتردين و البالچ ميصير بوية روحي نامي مو زين عليج الاعصاب
باوعتلة و عصبت عليه ضليت واكفة ما اتحرك و هو يباوعلي و مبتسم
اديان: خلي يكون بعلمك بعد ما احبك
عفتة و صعدت ورا ساعة هيج هو صعد جنت اباوع مسلسل لانو التلفزيون ابو النت سويت روحي ماشفتة عود ضايجة
اجة تمدد يمي و سحبني من ايدي وخلة ايدة ورا ظهري
اديان: وخر يلا
ابو فهد: شبيج لچ
اديان: عساس متعرف يعني
ابو فهد: تليفون انسي شيلي من بالچ
اديان: لعد عالم الحلويات
ابو فهد: انتي شني هالتمضيگ هذا شني عالم حلويات شوكت تكبرين عيب بابا عيب صرتي ام
اديان: لعد اكمل دراسة
ابو فهد: هووو وين اكو قنادررررررر مو اضرررراب مسوية المدارس
اديان: و هسة شكو تصيح
ابو فهد: نامي لا انعل والديج نامي
اديان: ضل على هاي سوالف ضل شكد مكروه من تصير هيج
... بسرعة ضربني راشدي
ابو فهد: انا اعرفج انتي الا هيج يلا تنامين
.. كمت ابچي غطيت راسي ونمت
كعدت الصبح ع صوت الدوش باوع الساعة بالسبعة طلع هو من الحمام ردت اگوم تذكرت هو ضربني راشدي غطيت راسي باللحاف
ابو فهد: بالعشرة اجي اخذكم للبيت الچبير كولي لفدعة
اديان : ما اروح والله
ابو فهد: باعي لچ روحي واصلة لهنا دخل اجي و اكول يلا و خلي مرة دكول ماروح
اديان: ماااااا يعني مااااااااا شعندي بهذاك البيت تطلعني تونسني اروح للبيت هذاك ما اروح و شتسوي سوي
ابو فهد: اني الچ بس خل ارتب اموري
راح و اني رجعت نمت نزلت بالتسعة سويت ريوگ و نضفت البيت بالعشرة و نص هو اجة
ابو فهد : السلام عليكم
فدعة : هلا ي حبوبة
ابو فهد: يلا همن اديچن خل اخذچن للبيت الچبير
فدعة: خو ما صاير شي
ابو فهد: لا والله ماكو
اديان : اني ما اروح
ابو فهد: ادياااااااااان
اديان: يعني مو غصب هي مو غصب
ابو فهد: لا غصباً ما على راسچ يلاااا لتخليني امد ايدي عليچ
اديان: عساس انتة مقصر البارحة ما ضربتني راشدي
ابو فهد: اديان فضيني رحمة لاهلج تعبان
اديان: بابا ما اريد اروح يعني والله ماريد ليش متفهمني
فدعة : امشي لا اكسر العصى على ظهرچ ضالة مثل الجاهلة معذبة الزلمة طيح الله حظچ و حظ اليصف وياچ ما ينلام وياچ ما تنجرعين
اديان: اي ديلا ما انجرع ما انجرع
.. اجة هوً عصبي سحبني من ايدي و صعدني
فدعة: عوفها يحبوبة حامل وما تفتهم لا تضربها
فهد : يابة خليها لتروح و اني ابقة وياها
اديان.. دخلني للغرفة و سد الباب
ضربني راشدي
ابو فهد: نهايتها وياج شنو
اديان: هسة مو ضربت راشدي يلا وخر
ابو فهد: بدلي كدامي يلا
اديان: ماروح وحق الله
ابو فهد: لج بابا عمال تريد تجي تسوي الميزانية مال الكهرباء
اديان: اقفل الغرفة علية عادي
رجع ضربني راشدي .. انهضمت
اديان: من البارحة ليهسة صار تلث راشديات تراا و لو تموت ما اروح
سحبني من شعري و ضربني راشدي
ابو فهد: وهاي صارن اربعة و يلا لبسي بساع اريد اطلع لا انعل والد والديچ يا كلبة يا بت السطعش كلب
اديان: اطلع خلي ابدل
ابو فهد: لالا هسة گبالي هسة
بدلت و هو مخلي ايد على الميز و ايد على شواربة منتظرني اكمل كملت و غسلت وجهي ولبست الشال
ابو فهد: العبا وين
اديان: هاية
ابو فهد: يلا بساع تأخرت
طلعت من الغرفة و هو طلع وراي نزلت ملابس لصگر و بدلتلة بالصالة وراح يم فهد لزم ايدة و فهد شالة
صعدنا بالسيارة
فدعة : خو ما ضربتها
ابو فهد: لا ما ضربتها
.. ما حچيت وياهم ضليت اباوع من الجامة دقيقتين ووصلنا مدري عليمن الا سيارة
الامة العربية كلها هناك شفت هيفاء سلمت عليها و بشرى
هيفاء: اللهم صلي على محمد و ال محمد بطنچ چبيرة صايرة چنچ بطة هاي البنية تطلع ضخمة مو مثلچ نويعمة
سليمة : اي احسن عاد بيها روح هسة اديان ماتنعرف هاگدوتها
اديان: و انتي ليش ضايجة هسة
سليمة : يا وعوذة باع اللسان همزين خلصانين منچ
اديان: هو اني الطلعت حتى اخلص منج و شو حتى من طلعت جماعتج لحگوني
سليمة: احنة شلنة غرض هاي هيفاء يمچ و عاتبيها
هيفاء : ابني لو ما بنات عمچ مايسوي هيچ سواية و انتن تعرفن كلش زين
سليمة : حبيبة لا اكو وحدة كايلتلة و لابطيخ اخوج كال هيج حتى ماتصير السالفة بس على ابنچ و منو بحال اديان تريدها تتطلگ
اديان: لا حبي تلاثة من بنات عمچ حتى اخوانهن جابوهن للبيت و ضربوهن و حتى ابو فهد ضرب وحدة راشدي و فدعة غلطت عليهن
اني مستمرة بالحجي و كلهن صافنات علية مثل المصدومات
هيفاء : اديان فدعة تصيحلچ
.. طلعت و جرتني من ايدي
هيفاء: انتي شون تحجين هيج ولج شيخلصچ من ابو فهد عفتها و رحت يم فدعة فرشو السفرة و كلهم كعدو
الحجي : صدگ بوية شصار بسالفة بت عمك اليتيمة
ابو فهد: ان شاء الله ماعدنة يتيم انتة تصير ابوها
ابو عدنان : خل ياخذها واحد من الولد يتكفلها ويعقد عليها
اديان ... گبل غصيت وباوعت لابو فهد و كلهم گالو اسم الله اسم الله
ابو فهد: مو انا بوية مو انا والله
.. كامو يضحكون
لحد العصر بقية راحو عمامهم بقو بس همَ و كاعدين ابو فهد و ابو سراب يحاچون زيد
زيد : خوية انتو تدرون سالفتي شني ليش البت تنظلم
ابو فهد: انا ادز عليها و اگللها شني الموضوع قبلت خير على خير ماقبلت احنة سوينة العلينة كدام الوادم
زيد : خوية انا ما راضي بالسالفة والله بس اذا تريحك امشي بيها و التگولة انتة يصير
ابو فهد : مو انا اعرف اذا ما اخذتها انتة راح انا غصباً عَلي اخذها وانتة تدري اذا اخذتها لا انا ارتاح و البت راح تنظلم وياي وانا ما رايد مرة ثانية
زيد : ابو سراب ليش متاخذها انتة
ابو سراب : خوية انا عايز بركبتي اثنين نسوان النوب يصيرن تلاثة لالا بوية ابد شيلوني من راسكم
زيد : وعلي
ابو سراب: علي هذا من كل عقلك هي مرتة اجتي شهرين هنا ما صرفلها الوضع اخذتة و ردو لبغداد هسة بس دگلة مرتة تجرك بزيج
ابو فهد: هههههههههههه ولك مو هيچ
زيد : توكل خوية سوي اليعجبك بس اهمشي تكون تدري بالسالفة
ابو فهد: ان شاء الله
.. ابو فهد حاچة هيفاء گاللها تگولين للبنية هيچ و هيچ وافقت خيراً على خير ما وافقت بعد احنة سوينة العلينة
رجعنة للبيت لگيت الگراج هوسة غيرت ملابسي و نزلت نضفتة ابو فهد و فدعة نامو صارت الساعة بالستة گلت خلي اسوي عشا سويت و صعدت سبحت ونزلت يم فدعة
فدعة : شنو هاي الريحة طيبة انتي مسوية عشة
اديان : اي
فدعة : شسويتي
اديان : تمن و دجاج شوي
فدعة: هاي كلة لان سمعتي راح يتزوج
اديان: لا والله بس گلت خطية خل اسويلهم
فدعة: يا و النوب مانة علينة گومي من يمي لا بارك الله بخلقتچ
اديان: ديلا هسة لو ما اني چان اكلتكم الچلاب
فدعة : والله ماكو چلب غيرچ اوگفيلي خل يگعد صگارچ
اديان: والعباس كاعد اتشاقة وياچ فدعةً شبيچ
فدعة: انا الج انا
.. اني ادري بيها مراح دگلة رحت للمطبخ نصيت النار و اجيت يم السنك اغسل الاشياء الي مطلعتها حسيت واحد حضني من ورا على كيف رجفت بسرعة
ابو فهد: احبچ
اديان: ماحبك أني
ابو فهد: والله ؟
اديان: لا مو والله بس يعني ضايجة منك
و خايفة لا تتزوج هاي البنية
و اليوم كرهتك ضربتني ار..
دار وجهي الة وباسني سكتت ...
ابو فهد: و بعد ؟
اديان: لا هاهية ماكو شي
ابو فهد: بعد شگد و تجيبين
اديان: بعد شهرين و نص
ابو فهد: ماضل شي ان شاء الله و بعد چم يوم راح تجي عاملة تنضف البيت بس لتمد ايدها على الاكل
اديان: بس ما عدنة شي احنة
ابو فهد: لا احسن بعد چم يوم انتي ما تگدرين تمشين
اديان : ليش يمة
ابو فهد: يعني مو متمشين ابد بس تتعبين يعني انتي هاگدوتچ و شايلة اثنين جهال وياج اكيد ما تتحملين
.. ثاني يوم الصبح طلع ابو فهد و زيد
بالوحدة اجة ابو فهد بس ضايج گعد يم فدعة
صار صوتة عالي وكفت يم الباب اسمع
ابو فهد: انطيني حل وياها هسة هاي اذا الزمها هسة افقد و حتى الجهال ببطنها يموتون
فدعة: يحبوبة هاي جاهلة و على نياتها و ثولة ماتحسب حساب الچلمة و حلگها فالت مايضم حچاية
ابو فهد: تعبت والله من عدها تعبت اكبر بيها ما تكبر تسوي المصيبة وانا طيح بيها و تهضمني من اضربها والله تهضمني
فدعة: شتسوي ييمة الله بلاك بيها بعد
ابو فهد: الف الحمدلله و الشكر ..
سكتو .. ضليت افكر اني شمسوية شمسوية والله ممسوية شي
ابو فهد: اديااان
... ركضت على كيف للمطبخ
اديان: هااا
ابو فهد : شنو ماكو غدة اليوم
اديان: لا هسة دا اصب
صبيت و اجة فهد شال الصينية وياي
هو مبين على وجهة ضايج بس ما حاچاني شي صبياتلهم چاي و غسلت المواعين بس ممرتاحة الا اعرف شكو
صاحتلي فدعةً هو مموجود يمها
فدعة: تعاي كعدي ولج
اديان: ها
فدعة: و علا فوگ علا يا ادبسز ولچ انتي شني نهايتهة وياج يومية جالطة الزلمة ليش گايلتلهم اجني مكاميع تلاثة لبيتنة و ابو فهد و زلمهن ضاربيهن مو عيب عليچ يومية مفشلة الزلمة
اديان : وشنو هم ميدرون
فدعة : انا هاي اخر مرة اوكف وياج دكة ثانية يا صخمان اخلي يطگ فوگ راسچ مرة تدللة وتبقين تتحسرين انتي لان بس هذا دواچ
اديان : وهسة شون يعني حيتزوج
فدعة: ولكم يا وادمممممم اكللها ثور دكلي حلبي ولج يمة اكبري يمة عيب عليج چم دوب نضل احنة مشلوعين گلب من وراچ
اديان : و النبي مو قصدي وحق الله بس هي سليمة ضلت دكول لهيفاء ماكو احد بس ابنچ المسوي المصيبة و ابو فهد
كال هيج حتى مايخلي السالفة بس على ابن هيفاء
فدعة : و انتي شنيييي شالتچ الغيرة على هيفاء عوفيهن انچبي هيفاء عدها لسان انتي ليش تصيرين بوجه المدفع ليش تجيبين الاذية لنفسچ
ولج خايبة احنة ما دايميلچ انا هسة ادافعلچ باجر انا اموتن ياهي التصف وياچ
وابو فهد من عمرچ على عمرة بس هم ما يدوم انتي هنا صارو عندچ زلم مجبورة تعيشين هنا مجبورة تموتين بهاي الديرة لان عدچ بيها شي صار
بيچ حظ گعدي على ولدچ طلعيهم زلم ينشد بيهم الظهر حتى باچر من تحچين بزودچ باچر من يجيبون اسمچ عدچ ولد ياخذون حقچ مثل ما هسة ابو فهد واگف بوجه الدنيا علمودچ
بس انتي ما محترمة نفسچ
كومي من يمي كومي ولا تراويني وجهج بعد انا هم اريد ارد لهذاك البيت يومية يا اديان يا طلاب اديان
طلعت من الغرفة ابچي والله ما ادري هيچ حيصير
صعدت فوگ لگيتة نايم سبحت و نمت يمة چان حاط ايدة على عيونة شلت ايدة و خليتها على المخدة حتى انام عليها
نمت و سحبها ورجع خلاها على عيونة
اديان: فدعةً رزلتني ترا
ابو فهد: طبچ سبعين الف مرض
لفيت راسي ونمت
ثاني يوم اجتنة هيفاء گالت انا مو گتلج راح يطشنها
و اجة زيد كالتلهم البنية موافقة