المتمرد والصغيره

البارت الاخير

#المتمرد_والصغيره

البارت الاخير

عدن اسبوعين هو ميحچي وياي و لا ينام بالغرفة كلة بالاستقبال و لا حتى من اسوي اكل ياكل و فدعة متحچي وياي و كرهت نفسي الى درجة و حملي متعبني بس اريد واحد يگلي شبيچ حتى ابچي بحضنة
تمرضت حرارتي ارتفعت و جسمي بالگوة احركة بس ما گلت لاحد بعدها گمت استفرغ خفت على التوأم
چانت الساعة ب 10 ونص بالليل
نزلت الدرج بالگوة رحت للاستقبال چان هو يلعب بالتليفون
باوعلي عقد حواجبة و گام
ابو فهد: شنو شبيچ ليش وجهج اصفر
اديان: يمكن راح اموت
ابو فهد: انچبي لجججج
احچي شيوجعچ شگاعد تحسين
اديان: مادري بس بالگوة كاعد اتنفس
ابو فهد: عباتچ وين
اديان: فوگ
.. صعد على السريع جابلي العباية و خلاها على راسي و صعدني بالسيارة و شغلها واجة فهد يركض
فهد: هايابة شكو
ابو فهد: ماكو يابة بس افتح الباب
.. اخذني للمستشفى اجتي الدكتورة شافتني ورا شوي اجتي هيفاء و زيد سوتلي الدكتورة سونار
الدكتورة: مابيها شي بس لان توأم و هي ناعمة و قربت على الولادة طبيعي يصير هالشي تستفرغ و ضيق بالتنفس لازم تثبت متتحرك هواي
ابو فهد: يعني هسة اطلعها
- اي تگدر
هيفاء: حبيبة لا تتحركين اني ادزلكم الطبخ بعد يومية
و اني اجيج للبيت
زيد: هو الاسبوع الجاي انا اجيب المرة و اخليها يم اديان عود بالليل ترد للبيت
هيفاء: لا زحمة خوية البت عروس خو ما تجي گبل تنظف
و على كيفك البت هم يتيمة شو چنك ما هاوي
زيد: لا والله مو هيچ بس انا من شفتها كلت يتوالمن هي و اديان
اديان : يعني حلوة مثلي مو
زيد : تخبل بس انتي احلا
ابتسمت ..
رجعت للبيت لزمني من ايدي و صعدني لگينة فدعةً نايمة و فهد يلعب بوبجي
فهد: ها اجيتو يابة شبيها اديان
ابو فهد: يابة لان حامل مابيها شي مابيها
.. دخلت للغرفة هو خلاني على الچرباية و غطاني
باوعتلة بنضرة مال وحدة مهضومة
ابو فهد: تجبريني هيج اتعامل وياچ والله
اديان: زين مو كافي ؟
ابو فهد: لا يالله كافي
أديان: مشتاقتلك ترا
ابو فهد: مو بگدي بوية
.. اجة تمدد و فتحلي ايدة اثنينهم حضنتة و گبل گمت ابچي
ابو فهد: ابچي ارتاحي
اديان: والله ما متقصدة اسوي هيچ اشياء بيك بس مادري هم ليش شادين عداوة وياي
ابو فهد: هاي مالها غرض بالعداوة انا كايلچ اليصير بالغرفة ما يطلع منها و اليصير بالبيت هم ما يطلع منة عيب بوية لازم تكبرين و تگومين تعرفين تتصرفين
انا ما دايملچ و انتي هنا راح تخلصين عمرچ خو ما تضلين ينضحك عليچ بحچايتين لا صيري سباعية ما تنغلبين
عيب الرجال حرمتة تفشلة الوادم ما دگول مرتة فاهية و ما تكض الحچاية لا يگولون الشيخ عندة مرة مايگدر يضبها مرة ماتمشي بشورة تريد تهجم بيتة
تدرين بوكت الگالولي يابة هيج و هيج الحچي بوكت العزيمة حرمتك هيچ گايلة للنسوان لو لازمچ وحق لا اله الا الله
اذا مو ميتة مكسرة بس بيچ بخت
گلت يا موسى ابن جعفر شيلها من راسي جاهلة و حامل لا تخليني ارتكب جريمة ب تلث جهال
گبل اجيت لفدعة لان ادري بيها راح تدافعلچ حتى انقهر عليچ والحمد لله عدت على خير و مرضچ اليوم لان عايفچ
انا ادري بيچ واشوفچ تذبلين گدامي بس مجبور اعاقب حتى ما تنعاد
اديان: اني اختنگ من تزعل هيچ النوب حتى فدعة متحچي وياي لعد وين اروح الليل كلة اخلصة ابچي بس صگر شوي ملهيني
ابو فهد: لا تغلطين محد يتصرف وياچ هيچ
اديان: بعد ما اغلط و الله
ابو فهد: نشوف
اديان: ما گتلي
ابو فهد : شني بوية
اديان: التوأم شنو نسميهم
ابو فهد: شتحبين انتي
اديان: اني احب اسم عمر و اسم علي واحد منهم على ذوقي و الثاني على ذوقك
ابو فهد: لا هايهية علي و عمر ان شاء الله
اديان: فددددددديت اني بس اتمنى يطلعون يتشابهون كلش بس راح اخليهم يخبلون اشتريلها ملابس نفس الشي و كلشي نفس الشي و ما اضربهم و اخليهم يكملون دراسة و يصيرون دكتورين
و اعلمهم ميعاندون و لا يرفعون صوتهم على الكبار و لا يتجاوزون الله شكد حلو هيچ
ابو فهد: دتعلميهن انتي بالاول النوب همة
اديان: يااااا و شبية اني
ابو فهد: ههههه احبچ
فدعة رجعت تحاچيني ورا اسبوع عقدو لزيد البنية ماقبلت لا زفة و لا شي لانو ابوها ميت گلت لهيفاء خوب خل تنتظر سنة ابوها گالت لا نسوان عمامها حقيرات و هيَ هسة و بدن يطلعن عليها حچي و اضنها عاشگة زيد
بيوم العقد العصر صارت هوسة بالشارع صعدت فوگ اشوف نزلت البنية من السيارة لابسة كبوس ابيض و عبا على چتفها وولد عمهم گامو يهوسون
عماد : ها خوتي ها ..
أليمشي وياكم يعبر بزماطة ..
و صوت الدبچة مال رجلهم عبالك هزة ارضية
مؤيد : ها خوتي ها
احنة الخاوينة و بس المالح نمشي ويا
و زيد يخلي ايدة على راسة عود يتشكر منهم
تَشبيه ...
صَبو عشا بالشارع وضلت هوسة لحد الساعة بثمانية  يلا هدئو انرمت طلقتين بالجو و صار صوت الزلم عالي يگولون ها ها ولك ساقط و كامو يهلهلون وصوت ضحكهم عالي
بالتسعة اجة ابو فهد بس يضحك همزين
اديان : هاي شلون الزلم يهلهلون
ابو فهد : جماعة زيد الساقطين مثلة
أديان: احضرلك الحمام
ابو فهد: اي بعد ابوچ تعبان
.. صعدت حضرتلة الحمام و شغلت المُكيف
سبح و اجة تمدد
ابو فهد: بعدلچ شگد و تجيبين
اديان : عشرين يوم و اصير بشهر التاسع
ابو فهد: الله يسهل ان شاء الله ..
ورا اسبوعين چنت نايمة و دگ تليفون ابو فهد جاوبة و گام
لا يربك .... و ما عرفتو وين .. كفو هسة انا جاي
اديان: شنو شكو
ابو فهد: كومي حضريلي هدوم بساع بساع
.. لبس دشداشة و لف الغترة و اخذ محفضتة و تليفونة
ضليت خايفة بس لا هم سالفة بنية
نزلت گلت لفدعة كالت يا ساتر يا ربي لحد الظهر ابو فهد ماكو اجة زيد العصر كال لا ماكو شي ارتاحي بس عدهم طلابة
اديان: اريد اشوف البنية
زيد : هسة اجيبها
اديان .. اتحمست اشوف البنية ورا ربع ساعة اجتي اني استحيت منها و هي مستحية مدري شلون طلعت من حلگي كلتلها هلو
بتول : هلو بيج
اديان : تعالي هنانة يم فدعة
.. راحت للغرفة و اني قدمتلها كيك و عصير
بتول : اسمج اديان مو
اديان: اي و انتي
بتول : بتول
ورا شوية ضلينة نسولف
بتول : شگد عمرچ
اديان: مواليد تسعة و تسعين
بتول : اني الفين اوكفي يعني ابو فهد اكبر منچ بشگد
اديان : تلاثة و عشرين سنة
بتول : ياااا والله فرق قوي زيد اكبر مني ب 13 سنة و اكول هواي
اديان: هههههه بالنسبة الي لا زين
بالليل اجة ابو فهد و زيد وراحت البنية
اديان: شنو مدگولي شكو من الصبح لسة ماكو
ابو فهد: خل ارتاح هسة خل ارتاح
.. سبح و صلى و كعد يم فدعة
ابو فهد: وعلي الدنيا خربت
فدعة: خير يمة شكو
ابو فهد: وحدة ادبسز جاهلة من عشيرة .... عاشگتلهة واحد ببغداد هي تدرس طالعة من بيت اهلها ورايحة لبغداد لازمها صديق ابن عمها
گبل خابرني بعد سالفة ستر و البت يومين اهلها يدورون عليها و اذا درو بسالفتها يذبحوها وتصير طلابة الها اول ما الها تالي و العاشگتة مدري الضاحك عليها من عدنة بس من بعيد
جبتها منا وديتها منا خابرت زيد و عماد و محمد يابة السالفة هيج و هيج عاد عماد صار ذكي كال نخليها بالمستشفى و ندز خبر لاهلها مدعومة عاد خل يبطلوها يكتلوها بس ما يموتوها
اتفق زيد وي الطبيب جيب الليف ودي الليف لفو راسها و گتلها هلچ عبالهم مدعومة ولو ما تستاهلين بس الله وصة بالستر كامت تبچي بس البت سبحان الله مبينة مو راحة
عاد گتلهم ردو و خابرو على اهلها بين ما تطمنت على الوضع و السالفة مشت على ابوها المسكين يالله رديت بوية وعلي اكو نسوان مال ذبح
ونص اليمشن بهالدرب سبحان الله يطلعون اهلهن ناس فقرة و مخليها على الله بس الله يبليهم بخلفة طايح حظها
فدعة : دخيلك يا ربي والله لو يظهر المهدي و يعدل الدنيا شو هاي الوادم كامت ما تتعارف
ابو فهد: النوب ذولة الصين ولد الچلاب ياكلون خفاش و تماسيح ماعرف شني ونازل عليهم وباء كاتلهم نصهم
فدعة : يا يمة عوووذة هم الله غاسلهم من زمان مخليهم كلهم يتشابهون
ابو فهد: هههههه والله ياربي الحمدلله والشكر
.. بالليل هو صعد فوگ و اني ضليت يم فدعة انطيتها علاج و طفيت الاضوية و صعدت قبل لا اوصل للغرفة سمعت صوتة يصيح
ابو فهد: اذا ما تتأدبين اجيبج يمي و اخلي اليروح و اليجي يتصدق على حالچ ادبسزز انزاحت منچن الكرامة فد نوب
و سكت بعد ...
دخلت للغرفة لگيتة كاعد على الچرباية و يگلب بالجهاز
اديان: هاي منو
ابو فهد: انطمري انتي لا ارتكب بيچ جريمة وحگ هوَ علي
اديان : ليش بس اني الاسكت شو كلها تسمعلها
ابو فهد: اديان اسكتي عني و انطمري
اديان: شوف خلي يكون بعلمك اذا الك نية تجيب اي وحدة للبيت ف قبلها تروح للمحكمة تطلگني يالله
.. اجة علية و لزمني من زندي ووداني يم الچرباية
ابو فهد : انطمررررررررري بساع
اديان... خفت من الصيحة مالتة گبل غطيت راسي اجة هو نام و كام يستغفر رفعت اللحاف گتلة يلا كول هاي منو
ضربني راشدي غمضت عيوني بسرعة ماعرف ليش
ابو فهد: من اكلج كافي يعني كافي
اديان.. رفعت اللحاف اريد اكوم سحبني من ايدي و رجع ضربني
ابو فهد: نامي و ركدي كافي
اديان: هاي شبيك كاااااااااااافي
.. رجع ضربني راشدي گمت اشهگ
بسرعة كمت من الچرباية و طلعت من الغرفة ابچي نزلت يم فدعة نمت على القنفة و اشهگ بصوت ناصي
فدعة: هم تبچين ولجججج حبيبة شلون وياچ
اديان.. ما حاچيتهة
فدعة: تعاي نامي بسدي يمة تعاي
نمت يمها و غطتني بعبايتهة
اديان: والله ماسويت شي چان يخابر وحدة كتلة هاي منو ضربني راشدي اريد اجي يمج هم ضربني
و كتلة كافي هم رجع ضربني والله هو و لا يحبني
لان لو يحبني جان انقهر علية
فدعة: شوف شصاير ويا و هيچ انگلب گبل شوي چان مابي شي دنامي نامي و انا الصبح احاچي
اديان.. نمت كعدت الصبح على صوت القران و فدعة كاعدة تصلي ضليت نايمة بلكت ترجع نومتي لان دا احس جسمي نحلان
ورا شوية سمعت صوت واحد ينزل من الدرج اكيد هوَ اريد اشوف فدعة شتحاچي
ابو فهد: السلام عليكم
فدعة: صدق الله العظيم هلا ييمة
ابو فهد: مقبولة ان شاء الله شونج
فدعة: الف الحمدلله و الشكر
ابو فهد: كعديها خل تسويلچ ريوگ ليش كاعدة وحدچ
فدعة: امشي إعليك ابو فاضل عوف الطفلة لا تگرب صوبها بعد الله يساعد جسمها شكد حمل دگ من وراك هم حامل و هم مريضة و هم يتيمة مالها احد و هم انتة ما ترحمها و لا المايخافن الله عايفاتها بحالهة و هي جاهلة مادكلولي شتتحمل
ابو فهد: هي ما تمشي الا بالضرب
فدعة: و حگ اخو زينب و هاي انا حلفت اذا اشوفنها هيچ مفرفحة من وراك اخذها و اهج بيها شني عود مستفحل علينة انتة وعلي اشگك شك
ابو فهد: هااااااااه بوية شني هاي زحمة من العربان
فدعة: والله من دنعل ابوك لابو العربان
ابو فهد: ههههههههه عمي هنيال حظها اذا هيچ مستقتلة عليها بعدين انا جوعان هسة شلون
فدعة: روح حير بروحك ما اكعدها هسة لو تبلج
ابو فهد: احلف عليها كاعدة هيَ
اديان: و هسة شتريد
ابو فهد: باعيييي فدعة من اگلچ الميت ميتي و انا اعرفة ما تصدگين
اديان .. كمت اريد اطلع هو جان واكف يم الباب سحبني من ايدي و قربني الة وخرت ايدة اريد امشي
ابو فهد: كاعد احجي وياج
اديان: شتريد
خلة ايد على رگبتي و ايد يرجعلي شعري ورا اذاني احسة يريد يحچي بس حاير بيمن وخرت ايدة وطلعت من الغرفة بديت اسويلهم ريوگ و اسمعة يگول لفدعة محد طلع عينها غيرچ
.. بعد اسبوع و ادخل بشهر التاسع ابو فهد انطة لهيفاء فلوس جهزت التوأم احلا شي صگر ما احس بي بس وكت التبديل متعلق بفهد الى درجة حتى يمة ينام و بالاكل الا يگعد يمة
بس اني ما حچيت وي ابو فهد لان يجي يريد يصالحني اگولة هاي منو السمعتك تحجي وياها يكلي وحدة طايح حظها عوفيها و اعوفة ما احاچي
.. چنت نايمة الظهر گعدت على الم قوي ببطني گبل فزيت عبالي حلم ورا شوية الالم گام يزيد بعد ما قاومت هو چان مموجود گمت اصيح لفهد
صعد يركض
فهد: ها اديان شبيج
اديان: خابر ابو فهد خلي تجي هيفاء
.. خابرة بسرعة و نزل يركض ورا شوية اجة و جاب بتول مرت زيد
بتول : راح تولدين مو
اديان: اييي
بتول : يلا امشي زيد شغل السيارة وراح تجي هيفاء
حَطت العباية على راسي واريد انزل ماكدر گوة لحد ما وصلت للمستشفى
اشوف و اسمع الهوسة اليمي بس ما اركز من كد الالم بس جنت اتمنى اشوف ابو فهد حسيت نفسي اريد اموت
اديان: اريد ابو فهد
زيد : جاي جاي بالطريق
حَطولي مغذي و گالت الدگتورة عندها ولادة اليوم
ابو فهد: السلام عليكم ها بوية
.. اجة يمي باسني من راسي
ابو فهد: لا تخافين انا ما اهدچ والله
اديان: عليك الله تحبني لو لا
ابو فهد: وحق الله اعشگچ چا غير تربات ايدي
اديان... حسيت الالم كلة راح المغرب رجع الوجع قوي
قاسو ضغطي طلع مرتفع و اني بية فقر دم اسمع صارت هوسة ناس تروح و ناس تجي واني فوگ الالم ارجف
اجتي الدكتورة گالت اتفضلو عيني طلعو و بقت بس هيفاء يم راسي اصعب لحظات بحياتي لحد الان هيَ هذا اليوم سمعت صوت اول طفل و بعد فقدت الوعي
فتحت عيوني ابو فهد يم راسي و بتول كاعدة على قنفة بالغرفة يم الشباك و زيد واكف يم الباب ووحدة ماعرف شتسوي بالمغذي
- الحمدلله على السلامة
ابو فهد: ها بعد ابوچ شلون صرتي
اديان .. اريد احچي ما اگدر ضليت بس اباوع واريد استوعب و اتذكر شصار حتى نسيت اني جنت حامل
دخلت هيفاء و بنية تدفع بچرباية صغيرة تشبه هاي الي يجيبون بيها اكل بالفندق ابو فهد گام و زيد يضحك
ابو فهد: اللهم صلي ع محمد و آل محمد
.. شال اول واحد و گال يم اذانة ' اشهد ان لا اله الا الله و اشهد ان محمداً رسول الله الله اكبر
ابو فهد: تعال كبر بأذن الثاني
.. اجة زيد و احسة فرحان اكثر حتى من ابو فهد
اديان : شنو هذولة ولدي مو
ابو فهد: هههههههه اي بوية
- لازم يرضعون و انتي لازم تتغذين هواي
اديان: خل اشوفهم هسة
.. سندني ابو فهد و خلاني اكعد قربوهم يمي و احسهم كلهم حاصرتهم الضحكة
اديان: لعد شو ميتشابهون كلش
زيد : هههههه ولج غير بعدهم صغار هسة شتفتهمين منهم
.. يومين بقيت بالمستشفى و هيفاء تبات وياي وراها سجلو خروج و كال ابو فهد تروح للبيت الچبير لان خطار كومة تريد تجي و البيت مالتنة مو مال عزايم
اول ما وصلت فدعةً واكفة چانت گامت تهلهل و استشهدن طليان اثنين بجالي
فدعة : و أبشرو يا أهل هالدار
اجوكم موش زلمة اثنين
ابشرو يا اهل هالدار
كَلفين و ولد كلفين
ابشرو يا اهل هالدار
ذولة الخلفاهم زين16
و ولد عمهم يصورون بيها ويردون وياها أبشرو يا اهل هالدار
صارت عدهم ضَجة لمن جبت توأم ولد لان همَ چانو يدرون بنية و عبالهم احنة هم مصدومين و كل شوي جاي زيد ماخذهم للديوان و جايبهم متروسين فلوس اقل شي چانت
وواحد من اصدقاء ابو فهد من اجة دز عليهم رجعهم مخليلهم كل واحد بروش ذهب مكتوب عليه اسمة واحد علي و واحد عُمر
سليمة : چا عليمن ما گلتو توم شني راح ناكلهم قحط
فدعة : خفنة منچ والله مو جديدة عليچ تكتلين جهال
سليمة : و انتي شدعوة عليج هيچ مستقتلة هي اديان ترى
زيد : وانتي ليش ضايجة و بعدين ابو فهد مو متوبچ متراددين فدعة لتخلينة نتصرف وياچ غير تصرف
.. طلعت من الغرفة ما حچت شي ...
ورا يومين سمعنة صياح ابو فهد و الحجي
الحجي : ولك انتة شلك غرض اذا هو مو زين هاي الشيوخ كلها راح تروح انا من زمان اكول انتة مو مال شيخة
ابو فهد: اكلك و شني عادل عبد المهدي الله خو ما الله
اروحلة علمود يكولون عشيرة فلان شيخها كعد يم رئيس الوزراء والله خليها بعلمك ما اخطي خطوة و اكعد يم ولد الحرام ذولة
محمد : بس اذا ما رحت تنحسب علينة
ابو فهد: خل تنحسب انعلبوهم لابو الجابهم مشبعين الوادم ضيم و يردون الشيوخ تروح تصفگلهم و حگ علي كل واحد يروح لوگي و گو**
.. و طلع من البيت ابو فهد ورا اربع ايام چان الحجي كاعد يم فدعة بالغرفة و اجة زيد
زيد : وعلي لو شايف شسوو بالشيوخ الراحت الا يصعد سكرك شهروهم تشهر يعني لو رايح ابو فهد چان راح صيتنة بالرجلين
الشيوخ الراحت كلها حاطين عليها دوائر حُمر و كاتبين فلان شيخ عشيرة فلان و متبرين منهم نص ولدهم
فدعة: چا هو ياهو اليجي يكض الشيخة انا اول مرة اشوفن الابو اغم و الابن فحل ما يتلاوة
اسبوعين و رجعت للبيت بتول يومية تجيني للبيت من الصبح لحد الليل يلا تروح طلع الاربعين ورحت للصالون خصلت شعري رصاصي لانو ذيچ المرة كلش لاگلي
و حفيت و سويت تنضيف بشرة طلعت اطگ بالگاع هو من شافني غمزلي و ضحك
بالليل رَضعت علاوي و عمر و نامو النوب لو ينامون سوة لو يكعدون سوة ماكو حل وسط خبلوني و صگر ميعرفني بس من يريد ممة لو تتو عود ككو عمرة صار سنتين و نص
اجة هو تمدد يگلب بالتليفون فتح المَجر طَلع علبة مال جهاز گبل عرفتها الي بس سويت روحي ممهتمة شغلت التلفزيون و اجيت على الچرباية انطاني تليفون القديم
اكس ماكس
ابو فهد: يحتاج احچي ؟
اديان : لا
ابو فهد: هذا اخر تليفون تلزمة ايدچ يعني بعد ورا انسي
اديان: ماشي
اديان: اكلك شي بس متصيح
ابو فهد: احچي
اديان : منية هاي الهذاك اليوم ..
ابو فهد: افراح
شهگت بسرعة .. و شتريد هاي اللزكة الحية السحارة
ابو فهد: انتي كلتيها لزكة بعد
.. فتحلي حضنة
تعاي شو تعاي مشتاقلچ ادبسز
.......
عدت الايام هدوء بيوم من الايام نايمين و صار صوت زلم و رمي عالي ابو فهد بسرعة لبس دشداشتة و اخذ الغترة و السلاح و نزل
ابو فهد: ديري بالج توكفين يم الشبابيج لتجي طلقة بالغلط
اديان .. ضليت مخلية دمي بشيشة يربي شكو
__
سراب : ورا ما طلع محمد من السجن صار زين عبالك صحى على نفسة و يحاول بكل طريقة يسوي شي حتى عمي ابو فهد يرجع ويا مثل قبل اني حامل شهرين صارلي
رحت يم امي ابات يومين بالليل صار رَمي عالي كلها نزلت
اندك الباب قوي راح ابوية يفتحة طبت بنية بنص الگراج و نزعت شالها گالت دخيلة عدكم دخيلة
بساع اجة عمي ابو فهد وولد عم ابوية
وواحد بالشارع يصيح طلعوها لا نهد بيوتكم والله
ابو فهد: تهد يا بيت ولك چنك ما تدري دايس عتبة يا باب
وهاي الطبة ما ينسكت عليها من يا عمام انتو
- احنة ....
ابو فهد: جيب جبيركم وحولو يمنة و البت ما تطلع
.. لحد الصبح ضل الشارع متروس زلم مسلحة بالستة اجتي زلم معگلة فاتو للديوان و دزو على البنية
-: الله بالخير ابو فهد
ابو فهد: الله بالخير عليك
اولشي الرمي بنص سلفنة توالي الليل هاي ما مرجية من
آل ....
احنة نعرفكم احسن من هيچ
وهسة خل البت تحچي نعرف سالفتها شني
رهام : عمو انا امي مطلگة و جنت عايشة يم ابوي بس ابوي مات كبل خمس اشهر و ذولة اربعتهم يصيرون عمامي الصغار يومية يجيبون شرب للبيت و يجيبون بنات و لازم اني اخدمهم
زين اني شلون اخدمهم و هم سكرانين انتة هم اعقلها و رحت للشيخ مرتين حاجاهم وكالي بعد متنعاد و هم يلزموني يموتوني ضرب يعني هو شيعرف من يرجعني الهم
وروح امي شيخ انا صارلي خمس اشهر ما نايمة مثل العالم اخاف منهم و جيرانة كالت اكو شيخ اسمة ابو فهد ماكو غيرة يشوفلج صورة حل
و اليوم عمي يكلي امشي وياي اريد اطلع وي جماعتي جايبين صاحباتهم عود انتي صاحبتي و اني كلت اليوم اشرد حتى ميحسون بية بس ماعرف شلون لحگوني
و انا بصاية الله و صايتك
ابو فهد: لا ابشري بوية زيد خابر سيد رحيم
ابو فهد: زين انتة ابو علي من اجتك البت شلون تسلمها الهم مرة ثانية هاي هم ما مرجية منك
زيد : تفضل ابو فهد يردوك
ابو فهد: صب كهوة للزلم و انتي بوية طلعي من الديوان عندي حچاية وياچ
سراب .. عمو ابو فهد ضل يحچي وي البنية و هي تهز راسها وراها اجة سيد رحيم و عمو زيد و عماد ابن عمهم واكف السيد عقد و انطة الورقة لعمر ابو فهد
كبل اديان صارت بعيني كلت هسة شراح تسوي اذا تدري
دخل ابو فهد للديوان و البنية دخلت للصالة
ابو فهد: الله بالخير
الكُل : الله بالخير
ابو فهد: هسة بوية الحرمة صارت جوة صايتي و هذا عقد سيد العندة چلمة لا يضمها
و ديواني ما يلفي هيچ وادم الشيخ اليسكت أعلى الباطل مايتسمة شيخ و مضيفي يتعذركم
تعال عود انتة ششايف روحك عود شني لان انتو هواي و احنة شوية وعلي ندگكم دگ
لزمة زيد من ياختة تدگ منو لك
الشيخ : صلو على محمد
و انتو امشو لا بارك الله بيكم
طلعو كلهم و مبين عليهم خاسرين الطلابة
صار الظهر و حضرنا غدة للديوان و العصر يلا فض كلشي
ابو فهد: اسمعن اديان ما يوصلللها هسة تلفلها حرگة و تموت
البت چم شهر و ادزها لخوالها وين گلتي خوالچ
رهام : بالسويد
ابو فهد : بالسويد و الحچاية ما تنعاد مرة الخ كلامي واضح
سراب .. سليمة گبل راحت صادقت البنية وكعدت تسولف وياها
___
اديان .. المغرب يلا اجة ابو فهد صلى و كال اصعد انام تعبان و العشى لا تحسبون حسابي
اجة زيد سلم و سئل على ابو فهد گتلة نايم
فدعة : تعال ولك شني طلابة اليوم
زيد: دخيل اجة شارد من وادم تريد تكتلة و ابو فهد حلها
اديان: لعد شبي ضايج
زيد : لان اليوم تعب هواي
اديان.. مشت الايام بس ابو فهد مدري شبي احسة يباوعلي مثل المقهور علية حتى فدعة و زيد
مرة دا اگلب بالتليفون باليوتيوب لان صگر ياخذة مرات يباوع جوني جوني راويتة غرفة الحايط و المجرات عبارة عن حلويات
اديان: شوف عليك الله هاي الي اتمناها
اخذ التليفون من ايدي احس السالفة صارت صدگ
ابو فهد: زيد تتكفل هاي المهمة و تسوي وحدة من الغرف الفوگ هيچ
.. شاف زيد الفيديو وكال صار باچر اروح أفصل الرفوف حتى نسويها
ابو فهد: هسة انا اسويها الج ميخالف بس انتي ما تستحين من روحچ
اديان: لا وعلي
فدعة : الك بيها ارادة يا خالق الجرادة
ابو فهد: يگلك واحد عراقي جاي من ايران بمطار النجف طالع بي هذا الوباء
فدعة : يا ستار بس لا تجينة الكرونا
زيد: اصير اكثر شي بالكبار و الجهال الصغار لان ماعدهم مناعة البالي خلي يحضر روحة
فدعة: مو اكوم اهفچ بنعال
ابو فهد: هههههههه
صدگ ثاني يوم اجة زيد العصر ترس الكراج قطع بالطول لون ابيض و جاب مرتة يمنة و صعد هو و فهد يسوون و صوت الدرين يطرش الاذان كمل حايط و گال باچر اكمل اذا ماصارتلي شغلة
ثاني يوم ما اجة وراها اجة الصبح و بتول هم اجتي ويا هي من تجي تضل كاعدة يم علاوي و عمر تناغي بيهم بس اذا زيد كاعد متسوي روحها مهتمة حتى مينقهر و اني حبيتها من هاي الفقرة
يومين و خلصها الغرفة و گال باچر يوصلون اهل الحلويات يحچي وحاط ايدة على عيونة و يضحك و ابو فهد و فهد هم يضحكون علية
اديان : هاي شبيكم وذا والله يعني ترا مو بس الجهال تحب الحلويات
ابو فهد: ليش حاسبة روحچ من الكبار انتي بوية
.. رفعتلة حاجبي
ورا يومين يلا وصلو اهل الحلويات و اني من جنت حامل ما تعبت على انتظار جهالي هيج
ابو فهد: بلة هسة اذا سئلتني ولد عمي هاي السيارة مال شنو شكلهم مرتي تريد تسوي عالم الحلويات من طيح الله حظج على هاي السواية
اديان .. و لا جاوبتة و لا هاي فرحانة مالي خلگ اتعارك
زيد: هسة تجيج بتول و رتبن الحلويات لو تردين انا و ابو فهد نصعد نرتبلج
اديان: لا يابة شكراً و شبيك مان على الله
زيد : هههههه دنچبي
رتبنة الحلويات نسوي شوية بعدين ننزل يم فدعة و صگر يگمز هم فرحان انترست الرفوف و بقت حلويات كومة خليتها بالغرفة الفارغة بعدين رتبت الغرفة من الكارتونات و شغلت الاضوية الي بالرفوف صارت تجنن
يعني والله بحياتي كلها مفرحانة هيج فرررحة
يعني والله اني اموت على هالسوالف مو بيدي
بالليل اجوي همَ
زيد: ها كملتي
اديان: اييي و صارت تجنن
زيد : هسة شوية و نصعد نشوفها
اديان : بس محد يمد ايدة
زيد : باع ام نفس الدنية لا خلفة الله عليچ
قبل ليروح زيد صعد هو و ابو فهد و حاصرتهم الضحكة
ابو فهد: والله صدگ عاشت ايدك
اديان : اي والله شكرا جدا جدا
ابو فهد: هسة بعد تطلبيني شي بوية
اديان: لا والله انتة وين اكو منك بالدنيا انتة الحبيب
ابو فهد: ههههههه انتي ولج شو ما تخجلين
زيد : و انتي اسويلچ مثلها
بتول: بكيفك
زيد: صار بوية
بدت كورونا بالعراق و الدنيا كلها خايفة نزلت اريد احمي مي للجهال سمعت ابو فهد يحچي وي فدعة
ابو فهد: ما بيدي شي النوب هسة الحدود كلها سدوها يعني منا لحد ما الله يخلصنة من هذا الوباء
فدعة: جا وهاي اذا درت
اديان: منين تدري انا محذرهم و ما مخلي احد يوصل لهناك و لا هي تروحلهم حتى مرت زيد ما تدري
فدعة : انتة هذيچ البت اخذتها
ابو فهد: شاخذها هو انا ذاك البيت بالتصدف اطب جوة
فدعة : چا شني ضلتها البت
ابو فهد: نصبر و نشوف
فدعة: انا هاي البت ما مرتاحتلها شني هيج زاتيها حتى محد سئل وراها لو تخليها گبال عينك لو تشوفلها صرفة شني شامرها هناك هم الله ما يرضاها
ابو فهد: انا دزيت واحد من ربعنا يسئل عليهم گبل چم يوم بس لسة ما رد
اديان: منية هاي
ابو فهد: يااا صلاتك ياا محمد انا عايز دوخة راس فهميها انتي فدعة
‏فدعة : سمعي زين وكبري راسچ گبل اسبوع من سمعنة صوت الرمي و الهوسة جاية بت دخيلة اعلة ابو فهد و عود عمامها يتحارشون بيها يمة اسم الله و ابو فهد ما لگة حل غير يستر عليها و يقعد
اديان: يعني هسة هو متزوج
فدعة : بس ينفتح الدرب يوديها لخوالها بالسودان ماعرف وين المهم هو ما متگربلها لاتحچين ويا منا احد ما يوديها بس لا تسويلچ مصيبة تخربين الاول و التالي
اديان : شنووووووو متزوج علية و ازعل هسة يطلكني والله
عيشة هنااااااا ما الي ما طلعت هااي بس هو شيخ هاي بس الشيوخ هلكد تتزوج و الحسين هوً يكيف
زيد : هاي شنوووووو الصوت ادياااان اتأدبي
اديان: كدرتكم على صخمان ما عقدت عليها انتة لو الا اديان يوكعن براسها يا المطلقات يا الارامل
.. انطبگ باب الشارع على حيل و اجة ابو فهد ركض علية
ضربني راشدي
ابو فهد: روح شوف الزلم بين ما افض مصيبتي
اديان: وخرررر يلا و هسة تطلگني هسة والله و انعلبوكم
لابو التعيش يمكم
سحبني من شعري و صعدني فوگ
ابو فهد: تسبين منو انتي ولچ
اديان: وخرررر عوفني يلاااا مو متزوج و جاي تضرب
لعبت نفسي منك گد ما تزوجت ايعععععع متشبع انتة شنو
ابو فهد: منين تلعب نفسچ ما سمعت
اديان : منكككككككك
خلة ايدة على حلگي ... ...
گمت أشهگ يالله عافني
بسرعة سحبت اللحاف و نمت على الگاع ضليت مغمضة عيوني قوي و اطگ سن ب سن ما حسيت الا على هيفاء تگعدني
هيفاء: گومي حبيبة شو گومي
.. سحبت الدشداشة لبستها و سلمت عليها ودخلت للحمام
طلعت بالبرنص لگيت هيفاء ماكو بدلت و نزلت
لگيتهم كلهم كاعدين حتى زيد و مرتة
اديان: يلا شو ما طلگتني
باوعلي صفح و رجع يلعب بالتليفون
هيفاء: تعاي شوفي جهالج يبچون
اديان: ماريدهم متبرية منهم و منكم
كام هو اني جنت واكفة يم الباب طفر فهد اجة يمي عبالة راح يضربني
ابو فهد ضل يباوعلة و كلهم ضلو يباوعون
ابو فهد: تعاي احاچيج
اديان : مااا
خزرني خزرة تخوف
گبل مشيت ورا للمطبخ
ابو فهد: باعي ترى بهاي تصرفاتج جاي تثبتيلهم انتي لا عندج شخصية و لا كرامة لتغشمين روحچ و تسوين روحچ ما تعرفين انا رايد هالزواج لو لا
هي حچاية وحدة تثگلين و تخليني احل الامور لا وحق محمد اجيبها هنا و اخليچ تشيلين روحچ و ترگعيها بالگاع
و تعاي بعدين من كل عقلچ اطلگ تطلعين من البيت بشرط
اديان : شنوً
ابو فهد: جنازة بس
اديان: شوف مو عبالك تسوي روحك عصبي انسالك سواياتك وياي بس حالياً مفارغة من يهداأ عقلي تتحاسب عليهن وحدة وحدة و انسى بعد عندك مرة اسمها اديان
ابو فهد: گتلچ خل تصير عندچ شخصية بس مو علية بوية
.. عفتة و رحت يم الجهال قررت من اليوم اشيلة من حياتي خلي يتزوج يطلگ بكيفة شيسوي خل يسوي
اسوي اكل و ما اصب بس لفدعة و لزيد و بالغرفة ما انام و حتى ملابسة ما اغسلهم مرر اسبوعين على الحال
فدعة: والله يالغمة اضنچ ساحرة الزلمة عود شني فد نمونة انتي ما يتزوج عليج
اديان : هسة انتي وياي علية ما افتهمت
فدعة: لا والله عود شني هيچ أمرمرة افادة هسة شمحصل منچ هوَ
اديان : والله هذا الموجود
فدعة : يااا يلوگ لام شلوگ لبس الدندشة
بالليل اجة زيد
زيد : عندي خبرين الاول زين و الثاني مو زين بيمن ابدي
اديان: بالموزين
فدعة: دومچ لطامة ابدي ولك بالبي حظ
زيد: شعجب حاچيتيني بصيغة زلمة
فدعة : ابدي ولچ بالبي حظ
زيد : هههههههه البي حظ البنية اجني خالاتها و خوالها العراق لان الاصابة بي كلش قليلة و ابو فهد طلگ البنية و انطاها فلوس و وديناها يم خوالها وعود من يردون ياخذوها وياهم
اديان: لا بشرفك
زيد : و شرفچ
اديان: احلف بروح امك
زيد : وروح امي
فدعة: كللللوووووش يايمة افتكينة من الضيم
اديان: و المو زين
زيد : الحجي يمكن بي اعراض كرونا
فدعة: يايمة يا ستار دخيلك يا ربي منين اجتة
زيد : اخذنا للمستشفى سوينالة مسحة بس بعدها مطالعة و حجزو هناك هو و محمد لان محمد اخذة
بالليل هو اجة ضايج ما حاچيتة ورا تلث ايام محمد طلعو بس الحجي طلعت صدگ بي كورونا و صارت ضجة بالعشيرة لان جانت كورونا ببدايتها و العالم كلها خايفة
ابو فهد صارت اعصابة نار ميتحاچة و فدعة تبچي على الحجي و الوضع بهذيچ الفترة كلش چان يخلي الواحد تصير بي كأبة الحظر چان كلش قوي بمنطقتنا2
شهر و توفة الحجي بس ما سوو فاتحة كلنة انقهرنة عليه بس اكثر شي بين عليها الحزن فدعة و ابو فهد يگول لا اعتراض على حكمك يا ربي بس ماردت ابوية يموت هيچ موتة
سليمة رجعت لاهلها و فدعة گالت لابو فهد اريد ارجع لهذاك البيت انا گبل لا اموت اريدكم كلكم ببيت واحد
طلع ابو فهد عمال و سوو طابق رابع صار البيت اعلى بيت بالمنطقة و ما كدرو يكسرون بخاطر فدعة و رممو البيت من جديد صار كلة مرمر و الدرج صار ذهبي و جددو السقف الثانوي و خلو بلكونات بالغرف الي على الشارع
و واجهية البيت غيروها صارت فدشي و الغرف صبغوها و اثاث البيت تغير و الديوان صبغو ابيض جانت الگعدة ديوانية جابو بدالها تخم ملكي ابيض و ذهبي
و ابو فهد وصة غرفة جديدة كال لان هذيچ اذا افتحها و ارجع اشدها هنا تخرب الغرفة تنشد مرة وحدة طول البناء شهر غرفة الحلويات مدري منو خلة عينة عليها
حتى ما تهنيت بيها
الطابق الثاني الي و الثالث لابو سراب و الرابع لزيد
و فاطمة مرت ابو سراب هم حامل بس ببنية
كملو البيت باجر نروح نكعد بي نيمت الجهال و ابو فهد بعدة مجاي سبحت و دا امشط شعري دخل هوَ نزع الغترة و المحابس اجة حضني من ورة
ابو فهد: اووووف مشتاگلچ
اديان: حتى اني
ابو فهد: رفيجة العمر انتي
اديان: اموت عليك
ابو فهد: باجر نرد لهناك زعططة ما اريد بأعتبار هسة انتي كبرتي و عندچ جهال تلاثة و صرتي ام بيت و لا سليمة يمج و لا قنادر هي بشرى و مرت زيد و اثنينهن يحبنچ
اديان: لتتزوج ما اسوي اي شي
ابو فهد: هو بهذا الزلگ وين اكو حتى طلايب ماكو كلمن گاعد ببيتة و منچب
اديان : تحبني ؟
ابو فهد: انتي شدگولين بضميرچ
اديان : متحبني
ابو فهد: وعلي انتي بر***
اديان : ههههههه احبك والله
وَووو
حياتنا بهذاك البيت صارت احلا بهواي لا مشاكل و لا شي بُشرى هي احرص وحدة على البيت لان هي اكبر وحدة و فدعة نفسيتها تغيرت و حتى ابو فهد احسة مرتاح من يشوفنة هيچ
ورا شهرين بتول كامت تتخربط
بشرى : ولج مادري ليش احسچ حامل
اديان : اني من اول ما تزوجو حسيت يجي يوم و تصير حامل
بتول : اخذيني بس لدكولين لزيد خاف اطلع مو حامل و يضوج
بشرى : راح اجيبلج اختبار حمل اذا طلع اي حامل هم اخذج نحلل و اذا لا بعد ننتظر رزق رب العالمين
جابتلها العصر و حللت طلعت صدك حامل كامت تبجي حتى اني دمعت عيوني بشرى خابرت هيفاء و اجتي هيفاء و راحن
اجتي هيفاء تهلهل فدعةً ابشرج مرت زيد حامل
زيد نزل يركض هاهاها ياهو العرس
هيفاء: ولك مرتك حامل زويدان
زيد : لا شني تتشاقين
هيفاء: وحگ الحسين
زيد بساع حضن بتول و باسها براسها هي كامت تبجي
زيد : اشششش اششش بوية عليمن راح يجيج زعطوط تلتهين بي
فدعة: ها يالاغم ما ارتاحيت الا تحبلها
كام يضحك
زيد: شبيج فدعة النسوان منا
و ابو فهد سوة غدة بس ما عزمهم دز لكل بيت صحن مال اكل و كلنة فرحنة لزيد لان هو چان مصادق الچبير و الصغير
زهراء و حوراء هذيج الفترة كلها ما شفتهن بس من رجعنة لهذا البيت اجني مرتين يعني حوراء احسن من قبل لا تذب حچاية و لا شي بس تسلم و تسكت
كمال بعد ما عرفت اي خبر عنة هو موجود وياهم بس مادري بي و لا اتجرأ افكر بي اصلاً علاوي و عمر گامو يزحفون
ابو فهد زين كلش صار ورا اخر كتلة بهذاك البيت و اني صرت حبابة شويونة بس ابد ما تعاركنة بعد و هو گال ضلي هيچ عاقلة ما امد ايدي عليچ والله ..
_________
اديان : و لهنا خلصت قصتي شُكراً هواي على كلامكم و نصائحكم الي ولو اكو ناس صارت وية ابو فهد بس يلا ماشي ابو فهد مو غريب 😂 كلش حبيت قصتي تشوفوها اعرف مابيها احداث قوية بس يعني احنة عايشين بالعراق شيريد يصير غير الضرب و الغصب بس الحمدلله على كُل حال و ان شاء الله حبيتو قصتي احبچن 😔❤️
_________
الكاتبة رسُل :
لحد هنا و اختم وياكم القصة ضحكتو و بچيتو وياهم