المتمرد والصغيره

البارت ٥٧

#المتمرد_والصغيره

البارت57

فتحت الباب طلعت سراب تعدل بملابسها بس ترجف و طلع وراها ابن هيفاء محمد ضليت مصدومة كبل تفكيري راحححح بعيد و متأكدة الي اجة بالي صحيح مينرادلهة صفنة
بس كطع تفكيري صووت الراشدي باوعت زيد و كمال لازمين محمد اليوم اكيد يوم الصدمة العالمي ذولة شجابهم لهنا
كمال : لتنفضح البنية اخذة بالحديقة اني هسة جايك
زيد : اديان بوية انتي كلشي ما شفتي لتدخلين روحج
.. هزيت راسي و غسلت لصكر و رجعت للمطبخ اني مالي دخل بالموضوع زين ليش ارجف و كمال و زيد شوكت رجعو يحجون اريد واحد يفهمني
شربو جاي و ضلو يسولفون و صكر كام يبجي يريد ينام اشرتلة على المفتاح لان بقة عندة دزة بيد فهد اخذت صكر بدلتلة و نيمتة و اني دخلت للحمام بس المنظر ابد ماراح من بالي
طلعت التليفون من الكارتونة مالتة شحنة عشرين حطيتة على الشحن و قفلت الباب و نمت فزيت على صوت الباب يندك باوعت للساعة بالاربعة
دخل هوَ بس شنو عبارة عن بركان صاير دفعني و طب
ابو فهد: والله من انعل ابوكم لابو ساعة الكشرة الشفت بيها هاي الوجوه الساق** يا كو**يد يا جلاب يا ولد الجلاب
.. ضليت ساكتة عرفت محد يطيح بيها غيري نزع ملابسة و دخل للحمام حضرتلة ملابس اول ما كال ملابس انطيتة و اني واكفة اطكطك بأصابيعي
طلع و كعد على الجرباية
ابو فهد: حباية ضغط انطيني
.. اخذت وحدة من الشريط جان بالجرارة مال ميز المرايا و انطيتهة ال
- شلون نتزقنب غيرر مي
.. ضربت راسي كل كيف شكد ثولة يالكعبة فتحت الثلاجة انطيتة بطل مي شربة و تمدد حط ايدة على عيونة
- شنو شبيك
- انطمري و اسكتي ماريد اطلع حركة كلبي بيج
.. صدك ما كلت لا كبل تمددت بس بعد يبقة نوم ضليت اباوعلة مبين كاعد
سحب تليفونة و خابر ماعرف منو
... لك هيج اريدك تكسرة .. اني ماريد اكضة لان ادري يموت بيدي .. لتجيبلها طاري غير تموت اني اعرف شلون اكللهة .. اذا عمة كمال المني**
شتترجة منة يطلع شيخ جامع
سد الخط و رجع التليفون ... والله من انعل ابو هيج عيشة عشيرة سا** ياهو التكضة كو** ياهي التلزمهة كح**
اديان : عوفهم
أبو فهد: انتي انطمري لا افلش وجهج وحق محمد
.. ضليت ساكتة هو ضل يلوب يدير وجهة منا يرجعة منا تالي كام لبس دشداشتة و شمر الغترة على متنة و طلع سمعت صوت زلم بس بعيد يعني مو بالبيت انتبهت للشباك مال الغرفة
باوعت ليجوة خطية لازمين الولد شسووو بي زيد و ابو فهد و كمال واكف يم باب الشارع سديت الشباك بالبردة و طلعت بس عيوني اباوعلهم
ابو فهد: لك كوووووووواد عرضك هاااااي بس العرك دساس منو عمامك انا هسة اخابر ابوك بعد ضلة بهاي العشيرة ما الك انا ما الفي كواويييييد
محمد : اني همممم بعد ضلة وياااكم ما اريييد العدووو احسن منكم
.. راد يطلع و كمال لزمة من ياختة و كامو يتعاركون بوكسيات هو وعمة ابو فهد ما تحرك بس زيد سحب محمد من جوة كمال
باوعت لابو فهد شفتة صافن على الشباك بسرعة سديت البردة و رحت تغطيت و اني اطك سن بسن بس اكيد ما شافني هو الجام مضلل و هو شنو عندة الحاسة السادسة
شوية و انفتح الباب اجة رفع اللحاف من يمي
ابو فهد: شعندددددج واكفة يم الشباك
اديان : مو اني يمتة
أبو فهد: يعني اجذب عيوني
اديان : هو بس عدلت البردة
ابو فهد: الضوووووة عالي الشمسسس نازلة بالكاع انتي ماعندج حياء بت الجلااااب
.. ضليت ساكتة ضربني راشدي بكفة ايدة
اديان: طلكني يلا لعبت نفسي منك و منكم كلكم مو اي واحد يغلط اني ابتلي ... سحبني من شعري
أبو فهد: جممممم مررررة كايلج لتجيبين طاري القنادر بت القنادر
.. صكر كعد يبجي
اديان: دوووخررر يلا عووووووف شعري
... صار يجيبني بضربة و يوديني بضربة واني ارادد ردت اسكت بس ماكدر احس روحي ماعندي كرامة كل الضرب الحصلتة ما بجيت دموعي اختفن
هو تعب من كد الضرب
خشمة كام ينزف عرفت الضغط ارتفع شكدد ما جنت كارهتة بس كمت ارجف من الخوف عليه
اديان : خشمك دينزززف
... هو شاف الدم كام يستغفر راح للمغسلة رحت يمة هو منزل راسة يغسل وجهة مديت ايدي اغسلة وجهة دفعني رجعت غسلتلة تنهد ما حجة شي
انطيتة حباية ضغط و بطل مي ضل متمدد على الجرباية اخذت صكر ونزلتة يم فدعة و صعدت للغرفة بسرعة ضغط بأيدة على عيونة اعتقد جان يبجي
كعدت يم راسة ضليت اقرالة ايات لحد ما نام اخذت ملابس و طبيت للحمام بس جسمي كلة يوجعني من الضرب طلعت و نزلت كلهم كاعدين بالصالة
زيد: وين ابو فهد
اديان: فوك نايم
زيد :من يكعد كليلي
الحجي : شبي ضايج شو حسيتة مامرتاح شني شكو
زيد : ماكو شي
.. صعد زيد صعدت ورا كتلة ابو فهد صعدت ضغطة و خشمة كام ينزف
زيد : وعلي راح اخسر اخوي من ورة هاي المصايب
.. راح يريد يفتح الغرفة لكاها مقفولة
زيد : فتحي الباب
.. فتحتة و دخل سند ابو فهد و كعدة ضلو يحجون اني عفتهم و نزلت شفت بشرى تلوب سئلتها شكو ما حجت
صعدت فوك لكيتة كاعد عركان و ضاغط على عيونة وشواربة يتحركن حضنت راسة و اني واكفة
اديان : مدكلي شبيك راح تموت منو يستاهل عدهم اهل و يتكفلون بيهم
ابو فهد: شمدريج انتي بالصار
اديان : جنت واكفة يم المغسلة و شفتهم
.. سحب راسة من حضني وكعدني بصفة .. ششفتي
اديان : حجيتلة كلشي
ابو فهد : هي تاهت بعد كلها تجذب
اديان : بس اني ما جذبت والله
ابو فهد: هسة انا كلت انتي
.. لبس دشداشتة و لف الغترة و صعد للطابق الثالث بسرعة دكيت الباب على زيد ادري بي اذا يلزمهة هسة يموتهة خلاص زيد ركض ورا اني نزلت جوة ساعة مدري شكد يلا نزلو يلهثون
والله بس الي الله يريد يطيح حضة بالدنيا قبل الاخرة يحطة بأيد ابو فهد وهو معصب اسئل مجرب و لا تسئل حكيم
ابو سراب بالشغل مالتة البيت كلة عرف اكو شي بس محد يدري شنو
فدعة : شني يا ساتر يا ربي مامش ابن ادم يكلنة شصاير
.. طلعو همَ بالشارع و ضلن وحدة تسئل الثانية صعدت لبشرى لكيتهة تدعي على روحهة الله يخلصهة من هاي العيشة
اديان : اسم الله عليج ان شاء الله ماكو شي و البيت محد يدري ترى
بشرى : قابل تنضم السالفة ما تنضم راح يكولون امها ما عرفت تربي والله كسرت ظهري علمودها و تحملت المهانة و ما تطلكت حتى محد يكللها بت المطلكة تالي هاي مجازاة التعب
اديان : طفلة و غلطت و اكيد عمامها يحلون السالفة
بشرى : اوووووف شلون اذا درة ابوها يذبحها والله يذبحها
... ضليت بغرفتي شفت الايفون مالتي فتحتة اريد انزل تطبيقات كولشي مينزل كلت عود من تفض هاي السالفة يلا اكلة
بالليل تعشيت اني و صكر و غسلت المواعين و صعدت البيت الوضع بي متكهرب كلها تريد تعرف شكو اليوم حتى رجلي كامت توجعني من الصعدة و النزلة
بالليل كلش يلا طب للغرفة سبح و حضرتلة الخاولي و الملابس تمدد و سحبني لحضنة
ابو فهد: انا بيا نار راح انشمر من وراج
.. ضليت ساكتة
ابو فهد: وكفت الشبابيج انا ماحبها كلش استحقر هاي النسوان امهات الشبابيج و البيبان بدي انام بخوانيكهن
و انتي تراددين و منا اني واكفة اعصابي على شعرة طاحت الحركة بيج مثل كل مرة
اديان : تعودت اهمشي انتة زين
ابو فهد: اعوضج وروح امي اعوضج
اديان : ماريد شي بس ابقى زين
ابو فهد: مامش مرة تحمل رجلها مثلج لا واللهّ
.. نزلت دموعي بس مسحتها بسرعة ماريدة يضوج ونمت ...
ثاني يوم العصر اجوي بيت كمال و هيفاء و رجلها يخطبون سراب لمحمد
زيد خابر ابوها حتى يجي كاللهم فترة و اردلكم خبر و من راحو ابوها كال ماكو ما انطيها لبيت عدنان
ابو فهد: ليش
ابو سراب: ما اطيقهم بعيشة الله و سراب بعدها صغيرة
.. ابو فهد سحب ابو سراب من ايدة و طلعو بالكراج شوية و دخل ابو سراب مثل البركان اسم الله كلهم نفس الشكل من يعصبون بس ما صعد فوك بقة كاعد بالصالة
فدعة : خايبين ما تفهموني شني شجاي يصير
ابو فهد: سدج امين ارتاحي
فدعة: وانتة خايب شمالك شبي الوليد و بتك ضالة تتطاول هنا خلها تشوف قسمتها
ابو فهد: كافي هي بكيفها توافق لو لا ما نجبر احد احنة
فدعة : هاي الايام حتى ما تنشاف مختفية
اديان : مريضة
فدعة : هاااا وصلت
.. نصهم ضحكو حتى اني ضليت كاتمة الضحكة فدعة ماعدها غير ذني السوالف
ورا اسبوع وافقو و حددو يوم العقد و اخذو سراب للصالون بس لا ابوها و لا عمامها يحجون وياها يمكن بس اني انتبهت لان ادري بالسالفة
و هم صارت هوسة و عشة صعدت بدلت اني و صكر و حطيت مكياج خفيف لكيت الحبايب كلها ملتمة رحاب و سليمة و افراح و بعد هواي نسوان اكرهن من عشيرتهم مسويات دائرة و كاعدات يسولفن
سراب طالعة حلوة بس امها خطية مقهورة خلصت الخطوبة و الهوسة صعدت سبحت و كعدت انيم بصكر دخل هوَ
ابو فهد:كواهم الله
اديان : هلا بس شنو من وكت
ابو فهد: ليش احسج تردين بس تخلصين مني
اديان: لا والله بس هيج سؤال
ابو فهد: لان تعبان
.. راح سبح و تمدد يلعب بالتليفون حطيت صكر بفراشة و اخذت سيت نوم وردي و فتحت شعري
ابو فهد: بت الجلاب تردين تشلعين كلبي
اديان : شنو شكو
ابو فهد:شكو مو دتعاي لا امطلج بالكاع هسه
.. كمت اضحك رحت يمة سد التليفون وصار نص جسمة فوكاي صافن بوجهي
اديان :شنو مشايفني قبل
ابو فهد: بت النعال ادري متخربين انتي
اديان : تؤ تؤ
.. هجم على شفتي بادلتة بالبداية بعدين اختنكت ضليت ادفع بي ماكو ميوخر لحد ما صرت ارفس جوا اريد هوى يلا رفع جسمة من عندي ضليت اتنفس من حلكي و من خشمي من كد ما مختنكة ..
ابو فهد: صدك تحجين هنَ دقايق
اديان : و تريد دقايق اضل بدون هوا
ابو فهد: شتسوين بالهوى قابل ضروري
اديان :والله هاي بكيفك بعد ضلت مو ضروري هاهية مو ضروري
ابو فهد: ههههههههههههه فد احبج من تصيرين عاقلة
اديان : اكلك تليفوني الجبتة كلشي مينزل
ابو فهد: حيللللل والله ناسي هذا باجر اجيبلج بطاقة الايكلود وياي
اديان :شنو يعني
ابو فهد :كارت بوية كارت مال ايفون
اديان : والله فد ضاااايجة
ابو فهد : طلعيهن بوية انعلي شيب الخلفونة قبل لا نبدي
اديان : مو ادري شكلك هسة توافق
ابو فهد: جا تعاي بوية لا يطلعن المضمومات
..وووووووووو
هدوء ما قبل العاصفة ! و لو هو ماكو هدوء اصلاً !
__________________
للكاتبة رسُل