المتمرد والصغيره

البارت ٥٠ و٥١

#المتمرد_والصغيره

البارتات50

أمشي اعوج و اليهملك هم أهملة
الموس من يمشي عدل
محد يحملة
_____
.. دخلت للغرفة الظهر لگيتة نايم و تليفونة مفتوح اخذتة
ضليت اتصفح بي و ياريت ما دخلت ......
دخلت على الفايبر محادثات بس ارقام ماكو اسماء و من ضمنهم صور بنات دخلت على اول وحدة هي دازتلة بس هو مشايفها صورتة هو نايم و وحدة حاطة راسها على ايدة و ماخذة الصورة
بس الصورة قديمة مبينة
و كاتبتلة جوة الصورة
- ما اشتاقيتلي والله ما تزوجت وراك ..
.. اخذت التليفون و نزلت جوة كعدت بالمطبخ فتحت المحادثة الثانية صديقة مراسلة و الجواها انصدمت صدگ المحادثة متروسة صور افراح لابسة بس ملابس نوم و جسمها كُلة مبين
و تتوسل بالمحادثة تريدة يرجعها ..
افراح ... شيخ اروحلك فدوة خلصني اهلي راح يذبحوني والله انا ما خنتك و لا اطيتة شرفي انا شون اخون الشيخ بس والله انا رحت يسويلي حرز للجاهل و من ورة الضرب وگع الطفل
ابو فهد .. الله كريم بس لتنزلين نفسج لهذا المستوى الرخص مانة حلو للمرة
اديان .. دخلت على المحادثات البقية مابيهن شي بس كاتبات هلو مرحبا اخذت التليفون و صعدتلة فوگ ضليت احرك ايدة
اديان : گوم يلا گوم اگعد
ابو فهد : هاااا
اديان : اكعدددددددد
.. لزمني من زندي و هزني حيل
ابو فهد : شبيجججججح ليش متبطلين صوت الگح** هذا
... طلعتلة الصور
اديان : هاييي شنو
ابو فهد : انعل والديج هسة وعلى هاي مگعدتني
اديان : طلگني يلا و القران ما ابقة يمك يلا
ابو فهد : اوگفي خل افهمج لتضلين تاكلين نعل زايد
اديان : مااااا اريد يلا ما اريد
ابو فهد : باعي هاي وحدة من ذني الگتلج متزوجهن گبل و انتي ما الج حق تدخلين لان چنت ماعرفج من تزوجتها
و هاي الثانية افراح و شفتي شلون جاوبتها
اديان : تريد ترجعها افراح موووو انكسر گلبك عليها خطية و هاي هم كللها حضري روحج اجي اتزوجج مرة ثانية و اجمعهن كلهن هناااا و  لا عبالك اضل مثل ذيج المرة اباوعلكم و ساكتة و حق القران هسة تخابر خوالي ياخذوني
ابو فهد : لج ليش تضلين جاهلة اني هاي حتى ما شايفهة الرسالة مالتها و افراح من كل عقلج ارجعها بس كلت احاجي ابوها يخفون عليها شوية و خوالج مثل ما گتلچ جايين على طمع و حق ربچ
حچيت وي تلاثة منهم انطيهم چم فلس و ينسوچ و بيهم مجال گالو احنة نقنع الكبار شبيچ بابا عايش بگدچ عمرين هاي النماذچ مگلبها وجه و گفة من تشوفين واحد يهوبز گولي عندة شغلة موخالية
اديان : انتة زين ليش هاي الحقارة يعني حتى من طلعولي خوال ما اخلص منك ليش هيج متريد تخلي عندي ناس ليش تكرهني بعيشتي
والله حتى المسجونين احسن من عندي
ابو فهد : انا ما اريد واحد يداعيني بيچ انتي ما عندچ غيري لا عمام و لا خوال و كافي يلة سدي الضوة اريد انام و بعد لتتجسرين و تاخذين التليفون بي سوالف مو بگدج بس حاولت وياهم اعرف منو رايحلهم ماكدرت
اديان : و من اني نزلت ذاك البرنامج صرت شريف براسي و جبت هاي افراح السا*** و اجيتني تركض بس وحق الله اذا رجع افراح اضرب روحي سچينة و اضل ذمة برگبتك
و الله ينتقم منك ان شاء الله و من عمامي و من خوالي كلكم مو شريفين و حق القران لعابة اني ضالين تبيعون و تشترون بية
وانتة عليمن صاير ضابط ترى هو انتة مجرم  و مريض روح اتعالج احسلك والله
ابو فهد : هسة خلصتي لو بعد يلا انطمري لا وعلي اكسر عظامچ
... عفتة و طلعت من الغرفة زيد يريد يطب لغرفتة
زيد : خير بوية  صوتج واصل للكراج
اديان : هو اليشوفكم يشوف الخيررر
زيد : تعاي شبيج يابة منو وياج
... عفتة و نزلت بالحديقة ابچي نص ساعة تعبت من البچي درت وجهي لگيت زيد منتچي على الشجرة و يباوعلي
زيد : كملتي بچي يابة
اديان : شتريد
زيد : منو وياج
اديان : منو يعني اخوك اكو غيرة
زيد : كعدي خل احاچيچ
اديان : وخر حباب شو وخر
زيد : بس دخل احاچيج يمعودة
اديان : شنو
زيد : ما اريد ادخل بيناتكم اني بس سمعت سالفة خوالي ما خوالي شكو شنو السالفة
اديان : يكلي انطيت فلوس لخوالج حتى يقنعون خوالج الكبار الاثنين و بعد محد يجيج و ينسوچ
زيد : هم مدام قبلو يعني رايديج على مصلحة ليش تصيرين ثولة
اديان : لا هو يتعمد هيج يسوي اني اعرفة
زيد : هسة اذا على خوالج اني احجي ويا و اشوف المشكلة عليمن هذا الدگ و النوح هو قبل چم يوم عرفتيهم
اديان : و يريد يرجع افراح
زيد : شني يرجعها شجاچ اصلاً اذا رجعها انا ما ابقة هنا بأعتبار يهين كرامتي لان اني لگفتها و يطلعني غلط بس اني ادري بأخوي ميسويها يتشاقة وياج اكيد
اديان : هي مراسلتة اصلاً
زيد : سدچ امين بوية مالچ غرض و لتضلين على كلشي باچية و صوتچ گصري شوية
.. هزيت راسي و رحت كعدت يم فدعة
فدعة : شجاج تنحوين شفتج و شفتيني تبچين
اديان : لا ماكو شي
فدعة : تعاي نامي على رجلي خل اقرا على راسج
.. نمت و غطتني بعبايتهة ...
كعدت على صوتهم بالصالة هو كاشخ و گاعد يشرب چاي
فدعة : صح النوم حبيبة سمنانة خايبة كسرتي رجلي
اديان : هسة غير انتي صحتيلي
فدعة : چا غير شفتچ تبچين
الحجي : ليش تبچي
اديان : عمو ابو فهد يريد يرجع افراح
الحجي : شني من شوكت هذا الحجي ابو فهد
ابو فهد : لا يابة اني اجيبلي گح** مرة ثانية لهنا بس هاي جاهلة على كلشي و بچت بس انتة حاچي عمي يعگوب يخفون عليها بالضرب
الحجي : صار
ابو فهد : يلا اترخص محتاجين شي
.. عفتة و صعدت فوگ شوية و انفتح الباب
ابو فهد : و الحسين گلبي ميطيني اعوفچ ضايجة و اطلع
اديان : انتة بس تروح من يمي تروح الضوجة
ابو فهد : هااااااااه  حلفي
اديان : والله
.. طلع و سد الباب قوي رتبت الغرفة و گعدت العب بالتليفون و حتى للعشة ما نزلت ب 11 بالليل نمت .. كعدت الصبح لگيتة نايم بس داير وجهة عود زعلان
غسلت وجهي و نزلت ..
مرت 3 ايام هو ميحچي وياي هو اني اصلاً لازم ازعل
بشرى : خوالج اليوم غداهم هنا مو
اديان : مادري
بشرى : زيد هسة گلي
.. ضليت ساكتة شنو شعدهم والله اذا ضل يصيح اروح وياهم احسن شي
سليمة : ساچين السچة شعدهم شني ما مصدگين
اديان : و شبيچ راح تموتين
.. عفتها و صعدت هو ستوة طلع ب 12 ونص طب هو و خوالي و بشرى و سليمة يصبن غدة و اجة زيد اخذة ورا شوية طب هوَ صعد فوگ نزل لازم علاگة سودة مبين بيهة فلوس بس لا صدگ ذولة علمود الفلوس بسرعة عافوني
زيد : اديان امشي خوالچ يردون يسلمون عليچ
.. عدلت شالي و دخلت للديوان لگيت خالو جواد الچبير لازم بيدة العلاگة مال الفلوس
جواد : شونج بعد خالج
اديان : الحمدلله
جواد : خالي احنة چنة ما نعرف رجلج زين بس طلع زلمة معدل و يحبچ ان شاء الله ترتاحين ويا
اديان : اي
جواد : اي بعد خالچ و الزلمة شاريچ ابقي يمة يحفظچ و يصونچ يجوز احنة ما نگدر نسوي التريدي هم عدنة بنات و شغل و انتي مبينة متعلمة على الدلال
اديان : دمشي اطلع برا يلا امشي يلاااااااااا امداكم  و امدا التعتبركم خوالها
... باوعتلة يباوعلهم و يضحك
جواد : ادبسز احترمي نفسج
ابو فهد : يلا اكلتو و اخذتو الفلوس نفس ما گالتلكم برا بساع
زيد : گوا** تراوسوها بفلوس هاي لو مصدكة بيكم چان طلگتوها و بعتوها امشووو براااااا
.. زيد دفعهم و طلعهم و هو اجة حضني ضليت اضرب بصدرة و هو حاط ايدة ورا ظهري
ابو فهد : و العباس علمود اخلصچ منهم بس اطلگچ ياخذون فلوس الغايب و يبيعوچ لو يردوچ ما چان قبلو بخمس ملايين
اديان : حتى انتة تريد تذلني والله حتى انتة
ابو فهد : لا وعلي ما اذلچ لچ انتي غير محسوبة علية  شلون اذلج غير خلصتج منهم و حتى للبيت ما جبت طاري كلت عازمهم حتى محد يعيرچ بيهم فد يوم
اديان : زين اني شمسوية والله يعاقبني بهيج اهل
ابو فهد : هششش بوية هششش انا اهلج وروح امي ما اخلي گو** يمسچ بحچاية غير انا مربيچ اكو واحد يبيع تربيتة
.. حط راسي على بطنة لان من اوگف ما اوصل حتى لصدرة
ابو فهد : عجبتيني من طرديتهم صدگ مهرررة
اديان : اني يمكن حامل
ابو فهد :  لا بشرفچ
اديان : يمكن يمكن
ابو فهد : امشي بدلي خل اخذچ للعيادة
اديان : خاف سليمة تدري و تسويلي شي
ابو فهد : انعل والديها و علي زحمة الزلمة ينغلب مرتين انا اعرف شلون اتصرف وياها
.. لبست جبة من القديمات و شمرت الشال و نزلت ادعي يربي بلكي صدك ماريدد يخيب ضني
بشرى : ها ولج وين رايحة
ابو فهد : لهيفاء
بشرى : براحتكم عيني
... صعدت بالسيارة رحنة للعيادة سويت تحليل و ضليت كاعدة منتضرة بس الا شوية و ابچي من گالو اديان حامد ضليت ارجف رحت استلم التحليل هو واگف يمي
- مبروك حبيبتي حامل
.. يابة بحياتي كلها مفرحانة هيج فرحة الدكتورة مموجودة
ابو فهد : امشي اني العصر اخذج لغير دكتورة
.. صعدنة بالسيارة
ابو فهد : يا يابة اليوم الفرح داير وجهة علية
اديان : اوفف يمة ممصدگة
ابو فهد : لتحچين و لا تجيبين طاري خلي يكبر و اني براسي شغلة اريد اسويها
اديان : شنو
ابو فهد : معليج يجيج الصافي .. جوعانة لو لا
اديان : اي
ابو فهد : شمشتهية
اديان : گص
ابو فهد : صار
.. نزل للمطعم و اجة جايب لفات گص و ببسي
ابو فهد : يلا اكليهن
اديان : عود من نوصل للبيت
ابو فهد : لا يابة مو گنالهم رايحين لهيفاء
اديان : شغل التبريد
ابو فهد : مشغلة وداعتج بس هي البصرة الله غاضب عليها بالحر
.. اكلت لفة وحدة و هو اخذ الثانية دخلنة للبيت سبحت و نمت مادري بالدنيا شصار ما صار بيها كعدت على صوتة
ابو فهد: لج بوية ادري زارعة البساتين و هالكثر تعبانة شو گومي گومي
اديان : الساعة بيش
ابو فهد : بثمانية كومي تعشي
.. حطيت الشال على راسي و هو نزل قبلي طلعت من الغرفة زيد چان يقفل بغرفتة
زيد : مبروك يابة
اديان : شكراً
.. نزلت تعشيت وياهم ..
الحجي : شرادو خوالج اليوم يابة
.. باوعت لابو فهد بسرعة
ابو فهد : يردون يشوفونها
الحجي : خوالها يابة من حقهم لتضوج
فهد : يابة شوكت نروح نشتري هدوم للمدرسة
زيد : اني اخذك مالك غرض بأبوك
فدعة : هو انتة يخايب ما تطلع وي ابوك للمشياات شتفيدك المدرسة
ابو فهد : دسكتي عود حلتها هيَ صار صف خامس ابني السبع
فهد : هو اريد اصير ملازم
ابو فهد : كفووووو
زيد : والله وكفو بالملازم فهد
فدعة : شو نويعم خايب طالع على خوالك نريدك زلمة خشن
ابو فهد : هسة غير تعوف الجاهل
فدعة : يا وطبكم مرض شلي غرض
ابو فهد : اشاقة وياچ شجاچ
فدعة : لا تبچي ياهو گالك زعلت
ابو فهد : هههههه يلا اودعناكم
... نضفت المطبخ لان مواعين العشة علية و صعدت غسلت الملابس و صعدت شريتهن و نزلت نضفت الغرفة و سبحت و كعدت العب بالتليفون فتحت الثلاجة مابيها حلويات هاي شبسرعة يخلصن
دزيتلة رسالة گتلة جيبلي حلويات
ابو فهد : تأمرين
ههههه بعد ابوچ انا منا لحد ما تجيبين مشعولة عشيرتي بالطلبات
اديان : هي من زمان مشتعلة ترى
ابو فهد : ههههههه ادبسز والله
.. ضليت العب بالتليفون بالعشرة هو اجة
اديان : شعجب شو اليوم من وكت
ابو فهد : هسة شلون ارجع اطلع
اديان : ههههه لا
.. انطاني الحلويات و دخل يسبح
اجة گعد على الچرباية و خلاني بحضنة باسني من رگبتي
اديان : حامل ترى
ابو فهد : كملت السبحة يبوية هو گبل و بطلعان الروح مو النوب هسة دكلي اكلي ما اسويلج شي
خلصت و رحت غسلت ايدي حطيت راسي على ايدة ونمت ..
ابو فهد : كعدي يابة تريگي حتى اخذج للدكتورة2
اديان : ماشي
.. نزلت تريگت و صعدت بدلت
رحنة للدكتورة كالت حامل شهرين و نص و كتبتلي علاج هو راح جابة رجعنة للبيت اني دخلت وهو راح
سليمة : ساچات السچة على الدياحة هالايام
اديان : موتي حياتي موتي
.. عفتها و صعدت
مر اسبوع الوضع عادي ..
كعدت على صوت صياح ابو فهد لبس دشداشتة على السريع نزلت ويا جانت الساعة بثمانية و نص الصبح طلع ابو سليمة صايرة بي جلطة و ميت خطية والله خوش رجال
طلعو الزلم كلهم شوية و اجوي اهل سليمة و بدة العياط و اللطم
اديان : شنو ماعدهم بيت
بشرى : لا خية بس ما يصير من يموت واحد چبير لازم فاتحتة ببيت الشيخ احتراماً الة
.. عفتهم و صعدت اني الي خلگ لهذا الصياح هو روحي ما طايقتهة هو شوية و دخل
ابو فهد : الدشداشة السودة بساع و الغترة
.. فتحت الكنتور لگيتهة ممكوية يبوو
اديان : ما مكوية
ابو فهد : ادري وين جنتي نص دشاديشي ما مكويات
اكويهاااا بساع
.. سحبت ميز الكوي و اخذت الاوتي اريد اترسة مي و اجيت حطيتة و فرشت الدشداشة
ابو فهد : لتكفرينة بعدج ماكاوية وراح يصير ربع ساعة امشي صيحي هيفاء
اديان : ما اشتغل عندك اني لتصيح يلا
ضربني على راسي و طلع يصيح لهيفاء كمت ابچي نمت و غطيت راسي
هيفاء : يا شجاك خوية و اديان ليش نايمة
ابو فهد : اكويها و فضيني ماريد لغوة
هيفاء : صار صار
ابو فهد: فاهية منين ما اجيبها تزرگ
هيفاء : هاك خوية هاي الدشداشة و هم على كيفك يجوز نست
ابو فهد : مو اول مرة كل دشداشة الا من اريدها يلا تكويها و هي اربعة و عشرين ساعة مگابلة هذا النعل وگاعدة
انعل يوم الساعة الحبيتچ بيها
اديان : هسة لتخبصنة بهذا الحب يا حب و انتة بس تكفخ
ابو فهد : والله لو ما غربة هنا چان كسرت راسچ بس ادري بيچ عايقة
هيفاء : ها حبيبة شلونج
اديان : عايشة وي اخوج يعني شلوني
ابو فهد : يابة وحق الحسين مشتهية كتلة
.. اخذ فلوس و طلع
هيفاء : صاير عندج كرش يعوبة
اديان : لا حامل
هيفاء : ياااااا صدك بالمبارك حبيبة و الله لو ما اللطم جوة چان هلهلت  چا ليش ما گتولي
اديان : ابو فهد ما قبل اكول لواحد
هيفاء : احسن زين يسوي لبسي اسود و نزلي مايصير الوان
.. اي هسة
نزلت كلهن يبچن و جابو التابوت و هم بدة الصياح اخذتلي تفاحة و برتقالة و صعدت نمت .. كعدت على صوت الباب يندگ قوي رحت فتحتة دخل هوَ
ابو فهد : بت النعال صارلي ساعة واكف مثل الجاهل ادك بالباب متشبعين نوم
اديان: لتسب يلا
ابوفهد : دوخري لا امرد حلگچ هسة
اديان : عمك مات اني شكو تطلع حرگتك بية ترى مو جاهلة
ابو فهد : والله اجهل من الجاهلة
اديان : ميحچي وي الجاهل غير الجاهل ترى
.. ركض علية لزمني من شعري
ابو فهد : ليش متبطلين تحچين حچايات متعرفين معناها بت الگو**يد  بطلي هاي الصلافة .. شمرني على الچرباية
امشي طلعيلي المحابس الفضة
اديان : والله ما اطلع
ابو فهد : اديااان لتخليني اضربج مو انسة انتي حامل وحق القران
.. كمت انطيتة العلبة مال المحابس
ابو فهد : طلعي ابو الشذرة الزرگة
اديان : هاك
... سحبة من ايدي و باسها
ابو فهد : بس صيري عاقلة والله ما اذيج
خلصت ايام الفاتحة و الاربعين صار على حملي اربع اشهر كتلهم كرش من يسئلون و هو يضل يباوعلي و يضحك
بس انقهر على بشرى اذا عرفت
و حوراء حامل و زهراء بعدها مجايبة ....
چنة كاعدين العصر و اندك باب الشارع قوي طلع زيد و اجة يركض
زيد : ابو فهد بت عمي امجد شاردة
ابو فهد : انخووووك
... طلعو كلهم و لحد العشرة بالليل محد اجة ب 12 يلا اجوي ووياهم بنية لابسة عباية
ابو فهد : اخخخخخ يابة وعلي المگو** صايرة بفلس
فدعة: شني شصاير
زيد : اديان جيبي حباية الضغط لابو فهد
فدعة : احچي وي المطايا انا
زيد : هاي بت عمي امجد اسمج نور مو شاردة وي صاحبها و لازميهم وراحو اخوتها داگين بيت الولد وكاتلين اخوتة و هسة الولد محبوس ببيت عمي اسماعيل الله يرحمة سجاد اتكفلة كال انا ما اخليهم يضربو
و البنية سحلها ابوها يريد يذبحها بس ابو فهد ما قبل وجبناها للبيت بين ما تكف المشاكل
فدعة : ليش حبيبة نزلتي راس اهلج شتسوالج هسة
ابو فهد : امشي سراب صعديها بغرفتي الثانية و بالج اديان و سراب يرحن يمها
اديان : ترى حافضتهن هسة راح تگول لحد تتقربلهة و بعد شكم يوم تصير حنين و تتزوجها حتى ميذبحوها اهلهااااا ماكو داعي مقدمااات
ابو فهد : شلون اكوم اكسر راسها هسة
اديان : هو گدرت ابوي عليمن على امي
.. طفر و اجة علية لزمني من رگبتي خنگني
ابو فهد : تسدين حلگچ لو افلش وجهج و القران
... اجة زيد ووخرة من يمي
زيد : حامل البنية حامل عوفها
الحجي : ياهي الحامل
.. طگيتهة  بچية و عفتهم و صعدت
فدعة : يا ولك غير تغار عليك شجاك وي المكرودة
.. تغطيت و كمت ابچي لحد ما نمت ...
__________________
اديان بيها بنية لو ولد ؟#المتمرد_والصغيره