المتمرد والصغيره

البارت ٥٤و٥٥

#المتمرد_والصغيره

البارت 54

حبيت مرة شحصلت ؟
سالوفة للعالم صرت
خلاني ما اثق ببشر
جي بالكلب خليتة !
_____
مشت الايام عادية ..
شكيت بنفسي حامل بس اني ماريد لان صگر و گوة شايلة مسؤليتة
رحت لبشرى
اديان : اكلج بشرى اني يمكن حامل بس ما اريد
بشرى : شجاج حبيبة حرام هاي هالتشوفين النسوان كاتلات روحهن على الطفل ووحدة منهن اني و شيخلصچ من ابو فهد و علي يذبحچ
اديان : ماريدة بشرى عندي صگر كافي ماكو داعي
بشرى : والله حبيبة هاي روح انا ما اوگف وياج ارضي بالكاتبة ربچ
اديان : زين جيبيلي اختبار حمل
بشرى : عگب باجر اروح لهلي و اجيبلج وياي
..عفتها و نزلت لغرفتي ضليت فكرة تجيبني و فكرة توديني هو چان نايم
ابو فهد : ها بوية بيمن صافنة
اديان : لا هيج
ابو فهد: تعاي بسدي
.. نمت على صدرة و هو يلعب بشعري
- محتاجة شي اكو شي مضوجج
- لع
- چا شبيج تحوصين اركدي بعد طولي
- ادري بيك شتريد ترى
- هههههههههه كبرانة و صايرة تفهمين بساع
- قابل جديدة السالفة
- هههههه دنچبي كافي بعدين حضري روحچ نروح لأربيل و فهد و صگر ويانة
- يعني شوكت
- الاسبوع الجاي
.. حضني حيل بستة من رگبتة
وووووووو....
- شگد مرن علية نسوان بس مثلچ و مثل ترافتچ فلا مرت علية
اديان : اي صحيح مو انتة خبرة يعمري
- هههههههههه شلون بالتريدلها نعال اليوم
اديان : بلة بشرفك شكم وحدة
ابو فهد : هههههه وداعتچ مادري بس متزوج متعة هواي و اثنين ضلن اشهر مدري سنة و طلگتهن و سهام الله يرحمهة و افراح و انتي
اديان : اي و اني تذكرني بالاخير
ابو فهد : هو صفيت عليج بالاخير
اديان : يعني شون تتزوج متعة
ابو فهد : باعي بوية بدال ما اروح اخذهن هيج بدون عقد و يعتبرو زنى اني اخذها اعقد عليها مثلا ساعتبن يومين اسبوع شهر حسب بمزاجي واطيها فلوس و اطلگها
اديان : و هنَ شلون يقبلن
ابو فهد : يقبلن هو غير شغلهن
اديان : بس حرام
ابو فهد : لا مو حرام
اديان : زين جنت شيخ من تتزوجهن
ابو فهد : لا بس ضابط و هنَ يجن للمركز و شقق قريبة على المركز و اجرلها شقة
اديان : لعد مو متزوج جنت
ابو فهد : هي بس طردة من الطردات ضلت عد اهلها اربع سنين
اديان : ومن اجيت اني هم تزوجت بعد
ابو فهد : ههههه لا وروح امي بعد حرمن علية النسوان
اديان : اي مبين يومية جايبلك وحدة عاقد عليها
ابو فهد : لج هو الشيخ لازم يضحي يعني اذا اجت فصلية و محد رضة بيها غصباً ما عليه ياخذها و اذا يستر على وحدة هم هو يعقد عليها و اذا تجي هدية مرة لازم ما يردها و مرت الشيخ دامها اخذتة تتحمل و ترضى بالامر الواقع
بس اني ادري بيچ تذبلين و ما تقبلين وحدة وياچ بالبيت اضل اطم السالفة منا و منا في سبيل ما تجي فوگاچ مرة و انا ادري بروحي غيرچ ما اريد
اديان : و لان تدري ماكو غيري تتحملك
ابو فهد : ههههههه دمشي لچ انا شمسويلچ من تسويلچ غلط اعاقبچ عليه ما ضاربچ لو معاقبچ من غير سبب و متحمل لسانچ و صوتج العالي و النتر و الغلط لان احبچ لا اكثر
اديان : بس والله لو غيري متبقة وياك
ابو فهد : قصدچ لو غيري ميبقيچ على ذمتة
اديان : مو حزورة هيَ كل ما اگول كلمة تگولها وراي
ابو فهد : ههههههه دگومي حضريلي هدوم اريد اطلع
...سبح و حضرتلة ملابس لف الغترة و طلع .. نضفت الغرفة و دخلت اسبح هذا كلة و صگر نايم
نزلت جوة العصر لگيت فدعة تتعارك وي سليمة ..
فدعة : دكومي گومي من يمي لا انام بخوانيگچ
سليمة : مستخطيتچ اگولن مرة چبيرة ما اريد اغلط عليها
فدعة : اي دجربي بعد بيتي حتى ادزچ لاهلچ مگرمة
سليمة : مو انا تايهتلچ ما عندي اهل
فدعة : والله من انعل ابوچ لابو هلچ
زيد : هههههه لج فدعة ابوها ميت شجاج
فدعة : چا الابوها ميت ما تگرص و تسد حلگها
سليمة : ان شاء الله يشور بيچ ابوي
.. ركعتهة بالنعال راحت للغرفة مالتها و اني گمت اسويلهم چاي سمعت صوت الحجي
الحجي : مانها جاهلة حتى ترگعيهة بالنعال
فدعة : ها لازم جرتك من ياختك
الحجي : لا اله الا الله
زيد : هههههههه سدو الموضوع يمعودين
.. فاطمة و بشرى راحن للمطبخ يسون عشة رحت وياهن ساعدتهن
و عفت صگر يم فدعة صار اللليل همَ اجوي تعشو ورحت غسلت مواعين العشة و فاطمة مرت ابو سراب ساعدتني هي البنية حبابة
ابد مينسمعلها صوت
و راح يصيرلها ست اشهر عايشة عدنة و لا سمعنالها صوت لو عركة كلش هادئة الله يرزقني مثل الهدوء العدها هههه
خلصت ولگيت فهد شايل صگر يلعبة كعدت يمهم شوية و صعدت سبحت صكر و طلعتلة العاب و اني گعدت العب بالتليفون ..
ورا يومين جابتلي بشرى اختبار حمل سويتة طلعت صدگ حامل
اديان : عزا بشرى صدگ حامل طلعت
بشرى : الف مبروك حبيبة
اديان : بشرى شبيج ماريدة
بشرى : اديان شجاج لا تخليني اغلط عليج هاي نعمة ربچ اكو واحد يدفر نعمتك بعدين عندج رجل ما يتفاهم شتحجين انتي ايدة و الضرب
اديان : لعد شلون ماريدة والله
بشرى : لا تفتحين هذا الموضوع وياي بعد ترى اكول لرجلج مو بكيفج تكتلين الجاهل حبيبة
.. طلعت هي من غرفتي ضليت اضغط على بطني ما اريدة و حتلو اريد جهال ما اريد هسة الا صگر يكبر بقيت اربع ايام اني ضايجة و افكر بطريقة اخلص من الطفل
ابو فهد : شني شجاج هالايام بس توزعين صفنات
اديان : لا ماكو شي ضايجة بس
ابو فهد : مابقة هاي الايام و اخذج تغيرين جو
اديان : ما اريد اروح
ابو فهد : ليشش
اديان : ماريد اروح و بس
ابو فهد : ها سيرت عليج الطناگير ترى حافضيهن
احچي شبيچ
اديان : مابية والله
ابو فهد : جا ياهو مضوجج
اديان : محد
ابو فهد :شو تعاي بحضني دتعاي
... سحبني لحضني و ضل يمشي ايدة على شعري
- بوية انعلبو اليغثج انا جم حليوة عندي
نمت على ايدة ...
كعدت العصر لكيتة جاي يرش عطر
اديان : لعد ليش ما كعدتني
ابو فهد : بوية مطنكرة كلت خاف اكعدج وتطلعين الضوجة بية
اديان : هههههه هاي شنو
ابو فهد : تعاي خل ابوسج اريد اطلع
.. باسني وراح
صكر لكيتة كاعد شلتة و نزلت جوة خليتة يم فدعة صحت لسراب كتلها اريد ادني ميز المرايا تعاي وياي هي ماكالت لا صعدنة شلت المكياج من يمة و رفعتة وياها خليتة مقابيل الجرياية
جنت ادعي بلكت يسقط الطفل و اخلص بس ماكو ضليت ضايجة بعدني دا ارتب بالغرفة و دخلت بشرى
بشرى : ولج صدك شايلة ميز المرايا انتي شني ما تخافين شجاج حبيبة .
اديان : ماكو شي شبيج اصلا خفيف و سراب شالت وياي
بشرى : اديان حبيبة كعدي راحة حرام عليج والله
اديان : ان شاء الله
.. عافتني و طلعت كملت الغرفة و سبحت و نزلت جوة شلت اخذت صكر من فدعة
فدعة : هاج هاج شو هاج شني ابتليت انا بت الموش اوادم
اديان : ههههههه اسفة بس جنت انضف غرفتي
.. صار الليل اجوي كلهم على العشة حسيت اكو الم ببطني بس ما اهتميت خليت صكر يم فهد و رحت ساعدت بشرى بالمطبخ لكيتهة وحدهة
بشرى : لجججج اديان هاي شنو دشداشتج
..باوعتلهة انصدمتت شنو هيج ثولة ما حسيت بطني كامت توجعني حيل نوب منا صارت بية خوفة
بشرى : لج انا شكتلج الا تسوين البراسج راح الجاهل كتلتي
اديان : بشرى خلصيني حبابة بطني توجعنييي
بشرى : طيح الله حظج على هاي السواية دخل يدري الجاهل مات الا يذبحج شني فرقج جا عن سليمة
ابو فهد : شنووووو هذا الدددددم يا جاهل هاااااذ
بشرى : اعصابك خوية البت تنزف خل ناخذها للمستشفى
.. اني من شفتة صاح و الالم الي كتلني بعدد ما حسيت بشي كعدت و اني بالمستشفى و بشرى كاعدة يمي و تقرا ايات
اديان : منو جابني هنا
بشرى : رجلج حبيبة بس داوي نار و انا هم صرت ثولة و ما باوعت من حجيت
اديان : والطفل مات
بشرى : هسة جاي يحجي وي الدكتورة هوَ
اديان : خاف ياخذ مني صكر
بشرى : هسة دطلعي منها سالمة انتي عوفي صكر ما عليه شي .
... شوية و اجة رفع البردة مال الجرباية
ابو فهد : طيحتي الطفل مو اعلمج بسيطة
بشرى : شيخ جاهلة و غلطت على كيفك وياهة بروح امك ..
ابو فهد : يلا ام سراب كوميهة الجاهل و طاح بعد شعدها هنا
بشرى : صار خوية يلا حبيبة كومي
.. لزمت ايد بشرى و سندتني طلعنة من المستشفى و صعدنة بالسيارة هو يسوق و يضرب بالستيرن مال السيارة وجهي صار اصفرر و بشرى لازمة ايدي و دكلي لا ماكو شي ان شاء الله ..
ابو فهد :كبل فوك فوك للغرفة
بشرى : ابو فهد خوية توهة البت طالعة من المستشفى خلها تطيب و حاسبها
ابو فهد :بالله رحمة لوالديج ام سراب طلعي منها من يوم شفتيها حاطة هاي السالفة براسها تجين تكليلي مو طرطور اني بالبيت تدرين بيها ادبسزز و طايح حضها هم يطيح حضج وياها
.. نزلت راسها و طبت جوة
ابو فهد : شكللللللت انييييييي
.. طبيت جوة صاحتلي فدعة عفتها و صعدت قفلت باب الغرفة ضليت كاعدة عل الجرباية اطكطك بأصابيعي .. اندك الباب
ابو فهد :فتحي الباب لا انعل والديج والقران
اديان : تريد تضربني
ابو فهد : اديااااااااااااان
اديان : عليك القران والله غلطت
ابو فهد : لتكفرينة بالقرااااااان افتحييييييي الباب
.. رحت فتحت الباب و ختلت ورا هو دفع الباب حيل
و طب قفل الباب و سحبني من شعري للجرباية ٠
ابو فهد : لجججججج ليشششش بس قنعيني ليشششششش
مو جنتي تبجين تردين جهال شغيرجججج هسة شلون كلبج اطاج تطيحين الطفل و شلون طيحتي اريد اعرف يعني كل ما اكول كبرتي و صرتي مرة تسويلج سالفة و توكعين من عيني
هسة اني شسوي اتفنن بعذابج شسويلج فهمينييييي لا ضرررب يفيد لا غلط يفيد لا اهانة لا زواج لا من احرمج من ابنج انتي شيفيد وياجججج احجييييي
احترمججج و اسويج ادمية و بت اوادم و الزم روحي حتى متدا اضربج على اقل شي تالي تكتلين الجاااهل ليششش جا تحجين على سليمة اثنينجن نفس النعل شنووو الفرق هااااااااا
اديان : غلطت والله
ابو فهد : لجججج شغلطتي حامل و توكعين الجاهل و من اسئلج شبيج تجذبين و عوووود بعدين من ادري بالسالفة تطلعين غلطانة و تعال يا ابو نعل على كيفك وياها لا تضربها يتيمة ما عدها غيرك ادري ما عندج غيري هيججججج تسوين بية ليش مدكليلي شجاج
اديان : ما اعيدها بعد
ابو فهد : لا لا بوية تعيديها و تسوين الاضرب من عدها غير انتي اديان شني يابة جديدة علية لو مادري بيج انا انتي بيج مرض مال اليحبة ابو فهد هذا ما اسوي
انتي تردين تموتيني قهر حتى تبقين على راحتج تصولين وتجولين صحيح لو انا غلطان
اديان : والله مو هيج والقران بس اني كلت ما اريد طفل هسة الا من يكبر صكر
ابو فهد : بعددددد صاررر غصباً ما على راسج ترحينننن توكعينة شلوووون ما رف كلبج ما انقهرتي بت الكو**يد والله من انعل ابوج لابو ساعة السودة الجابتج يمي يا كلبة يا بت السطعش كلب
اديان : غلطت والله صرت ثولة
ابو فهد : لجججججج بعديشششش بعديشششششش
... حطيت ايدي على وجهي ضليت ابجي
ابو فهد: انا اعرف شني دواج بسيطة
.. ضليت اباوعلة راح للجرارات يفتح بيهن وحدة وحدة اولشي عبالي يريد يطلع الكلبجات بس انصدمت من شفت المكص بيدة كبل سحب شعري و لزمتة بايدي
اديان : لالا بروح امك اضربني عادي بس عوف شعري عليك القران
ابو فهد : هشششش صوت ما اريد
اديان عليك الله بداعت فهد و روح امي غلطت و هاي اخر غلطة شتريد اسويلك بس عوف شعري
ابو فهد : على شعرج ترجفين و ابنج من طيحتي ما رف كلبج
اديان : والله والله غلطت عاقبني اي شي بس مو بصكر و لا تكص شعري
ابو فهد : جا صدك جنت ناسي سالفة صكر
اديان : لا ابراهيم شبيك و القران ما اعيدها بعد والله شترؤد اسويلك قابلة عادي تزوج والله عادي بس مو صكر تحرمني منة
ابو فهد : تسوين روحج تحبي جا مو كبل شوية مات اخو من وراج
.. ضليت ابجي
ابو فهد : تبجين مو بسيطة انا ما راح اضربج توج طالعة من المستشفى بس الي كعدة ثانية وياج و هسة ضلي هنا و تحرم عليج شوفة صكر
اديان : بروح امك لا و النبي ما اعيدها شبيك و الله
ابو فهد : ابنج لو شعرججج
اديان : شبيكككككككك والله غلطت ليشششش هيج وياي
.. ضربني راشدي طلع و قفل الغرفة ضليت ابجييي على غبائي هسة اني ليششش انثولت شحصلتت بلة و مثل كل مرة اغلطط و اكعد الوم بنفسي لحد ثاني يوم محد اجة للغرفة و منا ميتة من الجوع دكيت عليه خمس مرات ما جاوب
ورا شوية اجة حط علاكة على الميز
رحت يمة لزمت ايدة
اديان :الله عليك جيبلي ابني والله ما اعيدها بعد
... دفعني من ايدي و طلع ضليت اسبوع على هذا الحال متتت من القهر مشتاقة لابني روحي متعلقة بي
خابرتة مرتين ما جاوب المرة الثالثة رد
- شكوووووو
- عادي كص شعري بس لتحرمني من صكر عليك الله
- عود بالليل من اجي بس حضري المكص
... سديتة من يمة و ضليت لازمة شعري و ابجي انتضرتة بالليل الساعة ب 11 انفتح باب الغرفة دخل هوَ نزع الساعة و المحابس و حطهن على الميز و شمر الغترة على الجرباية
ابو فهد: يلا وين المكص
اديان : هذاك على الميز
ابو فهد : فلي شعرج
.. فتحتة و اني دموعي تجري اجة لزم شعري من ورة درت وجهي حضنتة حيل .. عليك الله لتكصة ..
ابو فهد : انتي الخابرتي لو لا
.. مشتاقة لابني و القران .. عاف المكص و راد يطلع
ابو فهد : جا ضلي
اديان : لالا هاك يلا بس احلف تجيبلي ابني
.. سحب المكص من ايدي و رجع كعد على الجرباية كعدت كدامة و حاطة ايدي على وجهي
ابو فهد : هاي حتى بعد من تغلطين هيج غلطة تتذكرين شعرج
.. ضليت منزلة راسي و احس بي يلعب بشعري بس ما ادري شيسوي
مديت ايدي على شعري دار وجهي الة ضربني راشدي صار وجهي على الجرباية شمر المكص بالكاع و ضل يغلط
رفعني من ايدي و ضل يجيبني براشدي و يرجعني براشدي بس من مديت ايدي على شعري و شفتة ما كاصة حتى الراشديات ما حسيت بيهن
دفعني على الجرباية صار عكس ايدة على ركبتي اختنكت
ابو فهد : اديان توكعين ابني يرخصلج بعد ابوج بس اعلمج
.. صار فوكاي حط ايدة على حلكي حسيت روحي كامت تطلع من جسمي بس بشكل بطيئ حتى من كد ضخامة جسمة ماكدرت احرك ايد لو رجل وخر ايدة من حلكي صرت اسحب النفس من خشمي و حلكي من كد ما اختنكت
هو كام من يمي ضل منتجي على باب الكنتور يباوعلي و يدخن
ابو فهد : سبحي و نزلي اخذي صكر يم فدعة
... ضليت ابجي بصوت عالي هو عافني وراح للحمام كمت من الجرباية
و احس بروحي تايهة شوية و اطيح من طولي شيخلصهة يربي ويا و شيفضها اني اذا اضل هيج قبل الخمسة وعشرين سنة اموت
نضفت الغرفة و سحبت الفرشة بعدين كلت خاف يسوي بية مثل هذيج المرة كبل فتحت الباب و نزلت للصالة اركض لكيت فدعة نايمة و صكر نايم يمها و مغطيتة بعبايتها اول ما شلتة هي كعدت
فدعة : ولججج شونج حبيبة ما تكليلي شجاج تجيبين الاذية لرويحتج شباقي بيج خلصانة
اديان : غلطت فدعة والله غلطت
فدعة : الله يهديج و يكبر عكلج يحبوبة انا هم روحي تفرفح من اشوفنة حابسج و مايخلي احد يدنالج
اديان : بس راح اخذ صكر
فدعة : اخذي يمة اخذي الوليد هم تعلعل
.. حطيتة بحضني و ابوس و اشم بي صعدت للغرفة لكيتة ينشف بشعرة حطيتة على فراشة و كعد ضليت امشي ايدي على راسة و ابوس بوجهة
ابو فهد: مجبورة جا تطيحين اخو
اديان : مالك شغل خوش لو لا
ابو فهد : والقران ارجعج لنفس المأساة
اديان : كتلك غلطت والله
ابو فهد : اي عفية حبابة
.. اخذت فرشة فرشتهة على الجرباية و طبيت للحمام سبحت و طلعت لكيتة متمدد على الجرباية يلعب بالتليفون مالتة سحبت فراش من لكنتور ردت انام بالكاع
ابو فهد: يابة و القران اذا ما اجيتي انطمرتي بمكانج اكوم انهيج
.. رجعت الفراش و رحت نمت على الجرباية و درت وجهي مد ايدة وسحبني الة
ابو فهد : ما اريد حركة ضلي خانسة
... غمضت عيوني و ضلت دموعي تنزل و امسح بيها
ابو فهد : اششششششش كافي يلا بعد ما اخذة منج
___________
للكاتبة رسُل#المتمرد_والصغيره