المتمرد والصغيره

البارت ٥٦

#المتمرد_والصغيره

البارت56

من شفت التليفون ماكو استغربت صارت بية خوفة نزلت ردت اكلة لكيتة طالع شفت زيد كاعد يلعب بتليفونة
أديان: زيد زيد
زيد: ياستار ها بوية
اديان: اكلك تليفوني ماكو العصر عفتة
زيد : خو ما بي صور
اديان: اي
زيد : اشتعلووو .. تعاي
.. صعد فوك ودك على رقمي شكددد ما سمعنة اي صوت ابد
زيد : راح اخابر ابو فهد حتى يكون عندة علم
.. دك عليه و راح لغرفتة اني هم طبيت لغرفتي الدنيا حارة بس مادري ليش اطك سن ب سن شوية و اندك الباب
زيد : ابو فهد يريدج
... اخذت التليفون و ايدي ترجف كلت راح يوكع تليفون الرجال
ابو فهد: لج سا*** بت الكو**يد مو اكللللللج ثوووولة ثووووولة يالحمززة روحي هسة حارن شسون و انتي خلي بالج اي صورة توصلني الج اذبحج و حق لا اله الا الله
اديان : لعد اني شعلية قابل
ابو فهد: هسة جاي قابل تطيرين
.. سد التليفون بوجهي و طلعت دكيت الباب على غرفة زيد انطيتة التليفون سويت لصكر ممة و كعدت انيم بي من الخوف ضلت دموعي تنزل
شوية و انفتح الباب طب هو
أبو فهد : امشي نزلي الجاهل وتعاي بساع منتظرج لتخليني اسويلي فضيحة و افجر روسكم كلكم
.. اخذت صكر و نزلت هم كاعدين يسولفون
زيد :جيبي جيبي
.. انطيتة لزيد و صعدت بس كلهم عرفو اكو شي طبيت للغرفة لكيتة يفتر بالغرفة اجة هو قفل الباب و دفعني يم الجرباية
اديان : بس خل افهمك
ابو فهد : يلة
اديان : مو انتة كتلي روحي قفلي الغرفة نوب فدعة صاحتلي رحت شفتلهة العلاج و صعدت قفلت باب الغرفة و نزلت و هسة دورت على التليفون ماكو اني شعلية لعد
ابو فهد: لججججج بابا انتي ثووووولة جااااهلة مووو حريصة تدرين بيهن محدد تحبج تعوفين غرفتج مفتوحة ليششششش الله اليعلم شحطن بيها و صور مو كااااايلج متاخذين بت النعااال ليش تعاندين
اديان : زين اني شعلية اذا اكو حيايا بالبيت ترى والله اني هم مليت
.. ضربني راشدي وكعت بالكاع ضليت لازمة خدي و ابجي رفعني من ايدي و طلع من الغرفة قفلها و لازمني من زندي و نزل سريع و يسحل بية هم كلهم وكفو بس فدعة كاعدة
ابو سراب : ها خوية شجاك و ام صكر شبيها
ابو فهد : ياااابة وروح امي و ترابها اذا شفت اي حركة من هذا البيت و سالفة صور ما صور و لا كو** يبقى بالبييييييت كلكمممم برة منا لباجر اذا ما رجع تليفونها اسوي سواية النغ* ميسويها حفظوها زيييين
ابو سراب : عليمن انتة مو حاط كامرات افتحهن
ابو فهد : مطفيييييهن هذااا العااار
زيد : شمدريني يا خوية من احترك بيت عمي و اجوي هنا طفيتهن جا زحمة شني
ابو فهد : كو** شايفنة نباوع لعرضضض العالم هنا شنو استشرفت غير من راحو ترجع تفتحهن
زيد : نسيت بعد
فدعة : جا البت ليش ضاربها فوك حكة طكة
ابو فهد : فدعة رحمة لدينج عوفيهااا محد طلللع عينها غيرجججج
فدعة : انا شمسويتلها شو وياك دوم اوكف و ارزلها و هي ساكتة يتيمة هاي خاف الله بيها ما دكلي شبيك وياها
.. نتر ايدي و طلع اخذت صكر و كعدت بالمطبخ ماكدر اصعد لان مفتاح الغرفة عندة اجتي بشرى
بشرى : شنو حبيبة شصاير
.. حجيتلهة كلشي
بشرى : خاف ابنج مضيعة خاف ناسية وين حاطتة
اديان : لا هو اني اخلي فوك الثلاجة صكر ميلوحة و ما اتذكر حاطتة بغير مكان
بشرى : و الله سالفة تدوخ جا هو ليش يضربج انتي شعليج
اديان : مادري
بشرى : اوففف شبيدي عليج ياحبيبة ما دكليلي امشي صعدي لغرفتج
اديان : هسة
.. صكر نام رحت حطيتة يم فدعة
فدعة: خوب صعدي حتى يرتاح يمة
.. شاورتها .. قافل الغرفة و ماخذ المفتاح
فدعة : جيبيلي ماي حبيبة
.. رحت جبتلهة و كعدت يم راس صكر العب بشعرة هم كلهم كاعدين احس بيهم يباوعولي بس ضليت منزلة راسي
بدو يصعدون واحد ورا الثاني و سليمة و الحجي راحو لغرفتهم فدعة اخذت تليفونها تريد تخابر ... طلعيلي اسم ابو فهد
اديان: شتسوين بي
فدعة : شلج غرض
.. طلعتة الها و دكت عليه
.. هلا .. ما رايدة .. ليش قافل الغرفة و عايف البت متهجولة هي و الوليد .. شالفايدة ما دكلي .. سوادين يحبوبة .....
فدعة : هسة جاي لا تتكدرين
اديان : ليش كتيلة هسة يكول هي كالتلهة خابري
فدعة : دلصمي و اكرصي لا تصير مو خوش
.. حطيت راسي على القنفة نمت .. فزيت على صوتة
ابو فهد: كومي صعدي
.. حط المفتاح يم راسي اخذتة و اخذت صكر و صعدت غطيتة و نمت يمة بالكاع لان بعد ما نيمتة بجربايتة صاير يوكع
سمعت صوت الباب انقفل دخل هو يمشي و يستغفر غطيت راسي و ضلت دموعي تنزل منين ما اندار الكاني يمة يضربني يطردني ياخذني بوحشية غصباً ما علية ابقة ويا لان ماعندي غيرة
عيشتي صعبة حتلو هو مدللني بس وكت اليصير عصبي يطلع الايام الحلوة كلها من خشمي و فوك القهر كلة اني احبة متعلقة بي ساعة اكول لو غيرة منو يتحملني
بعدين اكول خو شوكت تحملني شو على اقل شغلة لزمني و ضربني اكو شي بداخلي يدافعلة و شي يكلي عوفي بعدج صغيرة و الحياة كدامج اني وي نفسي اصلا متناقضة و ماعرف شنو اريد .. انتضر منة يعرف شنو اريد
مرات احس روحي مخبلة من كد التناقض لمن يسويلي شغلة اضل اطلعلة اعذار و اوكف ويا علية و بعدين اضحك على روحي
نمت ... كعدت على صوت صكر مدري شيحجي كلة تع و بع
غسلتلة و غيرت ملابسة و نزلت حضرت وياهن الريوك هم بدو يكعدون
هو نزل و طب للمطبخ بيدة تليفون مفلش تفلش شكيت بي تليفوني
ابو فهد : جا الله يساعد كلوبجن يابة على هذا الحقد
زيد : تليفون اديان مو
ابو فهد :اي لكيتة مشمور بالصالة الفوك
زيد : ههههه يلا هاي و لا غيرها
ابو فهد : قابل ما اعرفة منو اعرفة وداعتك
زيد : ولو اني زعلان
ابو فهد : خلي نراضي ذولاك الناس و الله كريم
.. حجاها و كام يضحك هم هَم ضحكو بس اني ضايجة مو على ضربة لا والله بس على الاهانة من نزلني يمهم و من طلع و ضليت كاعدة بنصهم ضلت تحز بخاطري
رحاب : اكو مولات هنا
زيد : جا جايين من الصخول احنة ترى بالنسبة للبضاعة البصرة ارقى محافظة بالعراق
رحاب : مولات بغداد تجنن
فدعة : شلون انا بالماشايف و شاف
رحاب :خالة ترى اني ملاحظة من اجيت لهذا اليوم انتي تشمرين كلام
فدعة : حبيبة انا الاعوج اعدلة هاي اديان مو جانت كاعدة ببغداد جا شو مو مثلج
رحاب : يجوز جانو ساكنين بمنطقة شعبية عادي اكو هناك مثلهم
اديان : حبي لتاكلين روسنة ترى هي بغداد مو فرنسا لو امريكا بعدين ترى احنة مو جنة ببغداد عادي هم نحجي مثل البصرة شحال ما انتي جنتي عايشة هنا
فدعة : جا تلوموني ليش احبنهة
.. اباوعلهم كلهم يضحكون و هو صافن علية
رحاب : و انتي شبيج راح تموتين
اديان : اسم الله علية ليش اموت
.. هي عافت الريوك و طلعت من المطبخ
زيد :دستجني رحمة للاسلام
.. اتعجب على رجلها ابد ميشارك بشي لا يحل و لا يربط لا يوكف وياها و لا يحجي عليها ادري رجال جيس حب
سليمة : جا شعليج بالبت شني هالخباثة
اديان : ما راح انزل لمستواج و ارد عليج
... اباوعلهم صافنين بوجهي صدك هاي اني شبية اليوم هو كام يضحك بصوت عالي عاف الريوك وراح يغسل يم السنك اخذ تليفونة و طلع
ساعدتهن بالغدة شوية و رحت كعدت يم فدعة
فدعة : شفتي ربج ما يخلي شي على حطيتة كل ما كبرت تصغر يحبوبة
اديان : اي صحيح
فدعة : هم على كيفج لا تطولين بالزعل مبين ندمان .
اديان : خلي يتندم
.. لحد الظهر اجة جنت واكفة بالمطبخ صاحلي بس ما رحتلة اجة للمطبخ
ابو فهد:حياهم الله
.. كلهن ردن عليه
أبو فهد: ام سراب باجر عمامي وولدهم هنا الجن خلك لو اجيب جاهز
بشرى: لا صدك جذب خوية هلا بيهم
ابو فهد: انتي مو اصيحلج
.. باوعتلة بطرف عيني .. دا اشتغل متشوف
بشرى : عوفي سراب تكمل
.. غسلت ايدي و رحت يمة يباوعلي و يضحك طلع من المطبخ وكف يم الدرج و اني هم امشي ورا
اديان : يلا شتريد
ابو فهد: صعدي فوك
اديان: ما اصعد كول شتريد هنا
ابو فهد: طبج طووب
.. عفتة و درت وجهي رجعت للمطبخ صلو و كملو بدو يتغدون
ابو فهد: علي انتة بعد تطلع العصر للشركة تريد الصبح بكيفك تراهمو انتة و زيد
علي :صار خوية
زيد : انا ما عندي شي شوكت ما تطلع انتة انا اطلع الشفت الثاني
الحجي : جا انتة تعب ذيج الدراسة وين راح
زيد : يابة وين اكو تعيين عوفها على الله
الحجي : جا حكومة قنادر الدكاترة بيها ما تتعين
ابو فهد : يومية زاكطيلنة واحد مدعبل و مانشوف منهم فايدة
فدعة : هم الاقزام دوم مابيهم حظ
ابو فهد : عاد بهاي ما جذبتي والله
... يباوعلي و يضحك
زيد : اشم ريحة قصف ماكو قزمة بالبيت غير اديان
اديان : انتو طوال كلش مو اني القزمة
زيد : اي سولفيهن على روحج ذني هو غير بطول فهد انتي
اديان: أستغفر الله
ابو فهد: هههههه دعوفها لك متشوف كامت تستغفر
زيد : لا تعصبين بوية غير تخلصين
ابو فهد : شلون اجي اكسر ضلوعه هذا
.. ضحكت اخذت صكر و صعدت نيمتة شفت علاكة على الجرباية بدون ما احزر عرفتها تليفون اخذت دشداشة خفيفة و قصيرة دخلت للحمام لان احس روحي انشوويت من الحر طلعت لكيتة ينزع بملابسة
ابو فهد: انخوووك
.. هو دخل للحمام و اني نمت بالكاع شوية و طلع ينشف بشعرة بي عادة يعوف جسمة مبلل و ينشف بس شعرة حتى اذا شتة
راح تمدد على الجرباية
ابو فهد: تعايي احاجيج
.. ما جاوبتة
ابو فهد:خل احاجيج عود و ازعلي
..... ضليت ساكتة
نزل من الجرباية سحبني من ايددي سحبت ايدي رجع لزمها قوي
اديان: الطفل راح يكعد وخر
أبو فهد: جا كومي ارد احاجيج
.. كمت كعدت على الجرباية هو اجة كعد بصفي
ابو فهد: شلونهم الزعلانين
اديان :شتريد
ابو فهد: ما احجي الا تروح الزعلة
اديان : فضها اريد انام
ابو فهد: ما تنامين احد لازمج
.. كمت من عندة لزمني من ايدي قوي وكعت على الجرباية تمدد و صار نص جسمة فوكاي ويرجع بشعري ليورة
ابو فهد: هو راشدي اكلتي الاكبر منة و ما زعلتي
اديان : ما مقهورة على الراشدي اني بس ضايجة على الاهانة مال البارحة نزلتني سحل كدامهم و اخذت مفتاح الغرفة ضليت كاعدة بالصالة يمهم
احتاريت وياك اذا اكلك انضرب و اذا اضل ساكتة هم انضرب و ماعرف تاليها وياك شنو روحي خلصت والله
ابو فهد: اني ما ضربتج علمود التليفون بس انتي فاهية خبلتيني و اجت افكار براسي كومة كلت الصور توزعن بالعشيرة هسة و انتي تدرين كلها شمات و حاقدة
و ماضل شي وداعت عيونج حسبت شهر و نص و اطلعج بيت وحدج و تخلصين بس كون تحترمين نفسج و تبطلين فهاوة
و هذا ايفون بدال تليفونج المفلشاتة
تأمرين بشي بعد
اديان : ليش عبالك اني اتقشمر بالفلوس لو بتليفون ما اررريد
ابو فهد: بت النعل هسة منو جاب هيج طاري
اديان : دوخر يلا
ابو فهد: والله دنعل ابوج لابو الينزل روحة لخلقتج
اديان : هسة اني شكتلك
ابو فهد: لا اله الا الله
.. ضم راسة بركبتي و كام يبوسني ضليت ساكتة ادري بي ضاج و ادري السالفة هسة تنكلب ضدي و اكعد اني اصالح و اراضي
ابو فهد: منتظر اللحظة التشوفين بيها البيت من يكمل
اديان : هيفاء مثل الزعلانة دكول ليش محد يسئ
ابو فهد: تقصد زيد و محمد اني اول بارحة جنت يمها
اديان :هااا
ابو فهد: تعبااااااااان
اديان: شبيك
ابو فهد : كلبي صاير يوجعني هالايام و ضايج من هاي مرت علي مبينة شلولو
اديان : ختولي و انتة ليش ما رحت للدكتور
ابو فهد : هالايام اروحلة
... مادري انقهرت بعدين اجاني شعور اذا اخسرة شيصير بية بعدين كلت لا يمة اسم الله حضنتة قوي هو رفع راسة مصدوم مني
عدل نومتة و سحب راسي لصدرة رفعت راسي
اديان : بعدة يوجعك
ابو فهد : انا من احطج بحضني ارد عشرين سنة ليورة يا وجع يا كلب شتحجين بوية
.. ابتسمتلة .. ووووووووووو
ابو فهد: اووووف منج
اديان : اني شكو
ابو فهد : شايل هم لرمضان من هسة تدرين
اديان : ههههههه بعدنة بداية شعبان
.. راح هو دخل للحمام شوية و صاح خاولي و هدوم اخذتة و دكيت الباب اول ما فتح الباب سحبني من ايدي
ابو فهد: دتعاي لج تستحين و انا حافظ كل شبر بجسمج
.. باوعتلة بسرعة غمضت عيوني و هو يحجي
ابو فهد: والله دنعل ابوج لابو هاي الفهاوة
.. نزلت راسي و طلعت و اسمعة يضحك و يسب اخذت ملابس و هو طلع من الحمام
ابو فهد : تستحين مو
..ضحكت و طبيت للحمام .....
ثاني يوم نزلت نفس الروتين
بشرى : اليوم شنسويلهم غدة حايرة
.. اتذكرت راح يجون عمامهم اهووو
اديان : اكلج زين شنو المناسبة
بشرى : مادري بس اضن هيج بدون شي
.. كعدو كلهم على الريوك
أبو فهد: ام سراب خوية كتبي التردينة بورقة و خل زيد يجيبلج
بشرى :ان شاء الله خوية
رحاب : بس شنو سبب حضورهم ما عرفنة
بشرى : هيج حبيبة بدون سبب
الحجي : بوية افراح يريد يجيبها اخوها تتعذر منك سامحها بوية و ربك موجود زحمة تفشلهم
ابو فهد : اي خابرني
اديان : بدينة برحمة الله
زيد : هههههه يا علي يا ابا الحسن
ابو فهد : هههههههه سدج امين بوية نامي رغد
اديان : تؤ تؤ شبعانة نوم
ابو سراب : ابو فهد هاي تربيتك انكلبت عليك
ابو فهد : هو اني اريدها تصير وكحة ما فاهية تنجلب علية
اديان : هاي اني
ابو فهد: ههههههه لا بوية ام صكر دولة و علم
فدعة : دير بالك عليها هاي اديان
زيد : اي رفيجة الدرب هاي
فدعة :مالج غرض حبيبة
اديان : لو ساكت مو احسلك
زيد : ها بوية كلبتي علية
اديان: لعد البارحة انتة مو استلمتني تصنيف
زيد : تربية ابو فهد شترجة منج
ابو فهد :لك كو** شبي ابو فهد
زيد : شني غير تاج الراس انتة يلا شبعت
ابو فهد: هههههه دشوفهم شيردون
.. الساعة ب 12 بدو يجون مجموعة ورا مجموعة اخذت صكر لبستة ملابس حلوة و اني لبست فستان زيتوني طويل حطيت مكياج شوية و عدلت الشال و نزلت
لكيتة واكف يم باب الصالة يحجي وي ابن عمة اجة علية شال صكر
ابو فهد: شني هاي
اديان : شنو مستور
ابو فهد: دطبي للمطبخ ممنوع تطلعين
اديان : اي تريد تاخذ راحتك وي افراح
.. عفتة و رحت للمطبخ سجن اسم الله لكيت هيفاء واكفة تخوط بالجدر العشيرة كلها اني ما احب بس هي و فدعة و بشرى
غسلت ايدها و اجتي حضنتني
هيفاء:مشتاقتلج ولج كل ما اعوفج تردين احلا
اديان: حتى اني مشتاقتلج
هيفاء : اي اشوفج مسوية الدرب سجة
اديان : منو يجيبني
هيفاء: يعني اذا كلتي لابو فهد ما يجيبج
- جا مرت الشيخ ما تعرف تسلم
اديان: هلو حبيبتي
ام غزوان : شونج حبيبة شو ما تنشافين
اديان : هلو خالة والله ما اطلع اصلا لان حارة
سليمة : هي دوم محبوسة احنة ما نشوفهة مو النوب تطلع من البيت
- اي سمعنة ابو فهد يحبس مرتة
.. عفتهن و طلعت للممر الي يم الحمام ادري بروحي اذا اضل يمهن من كد الفشلة اكوم ابجي اجة هو رافع الردن مالتة
ابو فهد : ياهو وياج
اديان : محدد
.. عافني و راح عدلت ملابسي و رجعت للمطبخ لكيتة واكف يم الدرج و هيفاء تسولف ويا
بشرى : معليج بيهن خليهن نارهن تاكل حطبهن من الغيرة
.. شوية و دخل هوَ للمطبخ
ابو فهد:السلام عليكم
.. كلهن ردن السلام
ابو فهد: بوية الغرفة مقفولة لو لا
اديان : اي
ابو فهد: اطيني المفتاح
.. انطيتة الة و صعد شوية و صارت هوسة مال سلام بالصالة باوعت شفتها افراح بس شصايرة فددد سمينة انصدمت بشكلها دنكت تريد تبوس ايد ابو فهد هو ما قبل سحبها
ابو فهد: الله يسامحج بوية
.. راحت سلمت على فدعة و الحجي بس زيد طلع من الصالة بدو يصبون غدة اني صبيت ماعون الي ولصكر كعدت اوكلة خلص و رحت اريد اغسل ماكو صابونة على السنك طلعت من المطبخ رحت للممر مال الحمام
اريد افتح المي مال المغسلة سمعت صوت بالحمام استغربت
فتحت الباب ......
___________
كُل عام و انتو بخير ❤😍