المتمرد والصغيره

البارت ٤٤و٤٥

#المتمر_والصغيره

البارت44

🔞🔞🔞🔞

ﺳﻠﻄﺎﻧﺔ ﺃﺻﻴﻞ 🖤
..................
ﺍﻟﺤﻠﻘﺔ ﺍﻻﺭﺑﻌﺔ ﻭ ﺍﻻﺭﺑﻌﻮﻥ ﻣﻦ ﺍﻟﻤﺘﻤﺮﺩ ﻭ ﺍﻟﺼﻐﻴﺮﺓ 🖤
....................
ﺳﺄﻟﺘﻨﻲ ﮔﺒﻞ ﺣﺒﻴﺖ ؟
ﮔﺘﻠﻬﻪ ﺍﻧﻪ ﺍﻧﺤﺒﻴﺖ ﺑﺲ ﻣﺎﺣﺎﺏ ﺻﺪﮔﻴﻨﻲ،
ﻭﻻ ﻓﺪ ﻳﻮﻡ ﺻﺎﺭ ﺍﻟـ ﻫﺴﻪ ﺻﺎﺭ ﻭﻳﺎﻱ !
ﺍﻭﻝ ﻣـﺮﻩ ﺍﮔـﻮﻝ ﻟﻮﺣﺪﻩ ﺣﺒﻴﻨﻲ ،
... ﻫﺬﺍ ﺍﻟﻲ ﺟﺎﻱ ﻳﺴﻮﻱ ﻛﻠﺔ ﻋﻠﻤﻮﺩ ﺍﺭﻭﺡ ﺍﻋﺘﺬﺭ ﻣﻨﺔ
ﺿﻠﻴﺖ ﻻ ﺍﻧﻲ ﺍﻻﮔﺪﺭ ﺍﻋﺘﺬﺭ ﻭ ﻻ ﺑﻴﺔ ﺍﺗﺤﻤﻞ ﺍﺷﻮﻓﻬﺔ ﻳﻤﺔ
ﺣﻘﺪﺕ ﻋﻠﻴﻪ ﺑﺲ ﻣﺎ ﮔﺪﺭﺕ ﺍﻛﺮﻫﺎ ﻟﻮ ﺑﻌﻴﺪﺓ ﻋﻨﺔ ﭼﺎﻥ ﺗﻨﺎﺳﻴﺘﺔ ﻭ ﻛﺮﻫﺘﺔ ﺑﺲ ﺍﻟﻤﺸﻜﻠﺔ ﮔﺒﺎﻝ ﻋﻴﻨﻲ ﻛﻠﺸﻲ ﻳﺼﻴﺮ ﮔﺒﺎﻟﻲ
ﺍﻧﻔﺘﺢ ﺍﻟﺒﺎﺏ ﺩﺧﻞ ﻫﻮ ﻭ ﻗﻔﻞ ﺍﻟﺒﺎﺏ ﺭﺍﺡ ﻳﻢ ﺍﻟﺸﺒﺎﻙ ﺿﻞ ﺻﺎﻓﻦ ﻭﺭﺟﻊ ﻟﻠﺤﻤﺎﻡ ﻏﺴﻞ ﻭﺟﻬﺔ ﻭ ﻃﻠﻊ ﻭﮔﻒ ﻳﻢ ﺍﻟﺸﺒﺎﻙ
ﻣﺒﻴﻦ ﻋﻨﺪﺓ ﺳﺎﻟﻔﺔ ﺑﺲ ﻣﻴﮕﺪﺭ ﻳﺤﭽﻲ ﺣﺎﻓﻀﺘﺔ
ﺍﺑﻮ ﻓﻬﺪ : ﻭ ﺑﻌﺪﻳﻦ ﺗﺒﻘﻴﻦ ﻫﻴﭻ
ﺍﺩﻳﺎﻥ : ﻏﺎﺛﺘﻚ ﻃﻠﮕﻨﻲ
ﺍﺑﻮ ﻓﻬﺪ : ﻫﻢ ﺭﺟﻌﺖ ﻝ ﻗﻨﺪﺭﻧﻲ
ﺍﺩﻳﺎﻥ : ﺍﻱ ﺷﺘﺮﻳﺪ
ﺍﺑﻮ ﻓﻬﺪ : ﺍﺭﻳﺪﭺ
ﺍﺩﻳﺎﻥ : ﻣﻮ ﺫﻳﭻ ﺍﻟﺘﺘﻘﺸﻤﺮ ﺑﺴﺮﻋﺔ
ﺍﺑﻮ ﻓﻬﺪ : ﻋﺎﺟﺒﺘﺞ ﻫﺎﻱ ﺍﻟﻌﻴﺸﺔ ﻳﻌﻨﻲ
ﺍﺩﻳﺎﻥ : ﻣﺎﺑﻴﻬﺎ ﺷﻲ
ﺍﺑﻮ ﻓﻬﺪ : ﺑﺎﻋﻲ ﻣﺎ ﺍﮔﻠﭻ ﻧﺪﻣﺎﻥ ﻋﻠﻰ ﺍﻟﺴﻮﻳﺘﺔ ﺑﻴﭻ ﻻﻥ ﺳﻮﺍﻳﺘﭻ ﺍﻛﺒﺮ ﺑﺲ ﺍﮔﻠﭻ ﭼﻨﺖ ﻧﺎﻭﻱ ﺍﻋﺎﻗﺒﭻ ﻭ ﻫﺎﻱ ﺗﺼﺎﻓﻴﺖ ﻭﻳﺎﭺ
ﺍﺩﻳﺎﻥ : ﻋﻮﺩ ﻫﻮ ﻫﺬﺍ ﻫﻢ ﻋﻘﺎﺏ ﺗﻌﺘﺒﺮﺓ ﻣﺎ ﺣﺴﻴﺖ ﺑﻲ ﺗﺮﻯ
ﺍﺑﻮ ﻓﻬﺪ : ﺯﻳﻦ ﺍﻧﺘﻲ ﺷﺘﺮﺩﻳﻦ ﺑﺎﻟﻀﺒﻂ
ﺍﺩﻳﺎﻥ : ﺗﻄﻠﮕﻨﻲ
ﺍﺑﻮ ﻓﻬﺪ : ﻣﻦ ﻛﻞ ﻋﻘﻠﭻ ﺍﻃﻠﮕﭻ ﺧﻮﺏ ﭼﺎﻥ ﻣﺎ ﺣﺎﺳﺒﺘﭻ ﮔﺒﻞ ﻃﻠﮕﺘﭻ
ﺍﺩﻳﺎﻥ : ﻟﻌﺪ ﺷﺘﺮﻳﺪ ﻣﻨﻲ
ﺍﺑﻮ ﻓﻬﺪ : ﻣﺎﺭﻳﺪ ﺷﻲ ﺍﺭﻳﺪﭺ
ﺍﺩﻳﺎﻥ : ﻣﻦ ﺗﺰﻭﺟﺖ ﻋﻠﻴﺔ ﻟﻌﺒﺖ ﻧﻔﺴﻲ ﻣﻨﻚ ﻭﺍﻟﻠﻪ
ﺍﺑﻮ ﻓﻬﺪ : ﺍﺩﻳﺎﻥ ﻣﺎ ﺍﺭﻳﺪ ﺍﺿﺮﺑﭻ
ﺍﺩﻳﺎﻥ : ﻫﺴﺔ ﻣﻮ ﺳﺘﻮﻙ ﺟﻨﺖ ﻭﻳﺎﻫﺎ ﺷﺘﺴﻮﻱ ﺑﻴﺔ ﺍﻧﻲ
ﺍﺑﻮ ﻓﻬﺪ : ﻭ ﺍﻧﺘﻲ ﺗﻘﺎﺭﻧﻴﻦ ﺭﻭﺣﺞ ﺑﻴﻬﺎ
ﺍﺩﻳﺎﻥ : ﺍﻱ ﻟﻴﺶ ﻣﻮ ﻣﺮﺗﻚ
ﺍﺑﻮ ﻓﻬﺪ : ﺩﺧﻴﻞ ﺭﺑﭻ ﻣﻦ ﺗﺰﻭﺟﺘﻬﺔ ﻣﺘﻘﺮﺑﻠﻬﺔ ﻉ ﮔﺪ ﻋﺪﺩ ﺍﺻﺎﺑﻴﻌﻲ
ﻭﻫﺎﻱ ﺻﺎﺭ ﺷﻬﺮ ﺑﻄﻮﻟﺔ ﻣﺎ ﻣﺘﻘﺮﺑﻠﻬﺔ
ﺍﺩﻳﺎﻥ : ﻭ ﺍﻧﻲ ﺷﻌﻠﻴﺔ ﻫﺎﺍﺍ ﺷﻌﻠﻴﻴﻴﻴﻴﻴﺔ
ﺍﺑﻮ ﻓﻬﺪ : ﺍﺩﻳﺎﻥ ﻭﺍﻟﻠﻪ ﻟﺴﻮﻳﺘﻴﻬﻦ ﻫﺪﻥ ﺣﻴﻠﻲ ﺑﻨﺎﺗﻲ ﻣﻦ ﺷﻔﺘﻬﻦ ﻣﻨﺰﻻﺕ ﺑﺮﺍﻣﺞ ﻭ ﻫﻦَ ﻣﺎ ﻣﺘﺰﻭﺟﺎﺕ ﺷﻌﺮﻫﻦ ﮔﺼﻴﺘﺔ ﻭ ﻭﺣﺪﺓ ﺍﻳﺪﻫﺎ ﻛﺴﺮﺗﻬﺎ
ﺍﺣﻨﺔ ﺩﻳﺮﺓ ﺷﻴﻮﺥ ﻣﻮ ﺩﻳﺮﺓ ﺑﻐﺪﺍﺩ ﺍﻟﺒﻨﻴﺔ ﺍﻗﻞ ﺯﻟﺔ ﺗﻨﺬﺑﺢ ﻻ ﺩﮔﻠﻴﻠﻲ ﻫﻤﺞ ﻭﺍﻧﺘﻮ ﻣﺘﻌﺮﻓﻮﻥ ﺗﺘﺼﺮﻓﻮﻥ ﻫﺎﻱ ﻫﻴﺞ ﺍﺣﻨﺔ ﺗﺮﺑﻴﻨﺔ ﻭ ﻫﺎﻱ ﻋﺎﺩﺍﺕ ﻋﺸﺎﻳﺮﻧﺔ
ﻏﺼﺒﺎً ﻣﺎ ﻋﻠﻴﻨﺔ ﻧﻘﺒﻞ ﺑﻴﻬﺎ ﻭ ﻛﻤﻠﻦ ﻳﻤﺪ ﺭﺟﻠﺔ ﻋﻠﻰ ﮔﺪ ﻏﻄﺎ
ﻫﺬﺍﺍ ﻣﻦ ﺟﻬﺔ
ﻭ ﺍﻟﺠﻬﺔ ﺍﻟﺜﺎﻧﻴﺔ ﺍﻧﺘﻲ ﺗﺪﺭﻳﻦ ﺑﻄﺒﻌﻲ ﺷﻨﻮ ﺍﻧﺘﻲ ﻟﻮ ﻣﺎ ﻣﺘﻐﻴﺮﺓ ﻋﻠﻴﺔ ﮔﺒﻞ ﻻ ﺍﻟﮕﻔﭻ ﭼﺎﻥ ﮔﻠﺖ ﻏﻠﻄﺖ ﻭ ﺍﺿﺮﺑﻬﺎ ﻭ ﺑﻌﺪﺩ ﻣﺘﻌﻴﺪﻫﺎ
ﺑﺲ ﺍﺩﻳﺎﻥ ﺍﻧﺘﻲ ﻣﻦ ﺍﺳﻠﻮﺑﭻ ﺍﻧﻲ ﺷﻜﻴﺖ ﺑﻴﭻ
ﻭ ﺗﻨﺎﻣﻴﻦ ﻋﺪ ﻏﺮﻳﺐ ﺑﻮﻭﻭﻳﺔ ﺍﻧﺎ ﻫﺎﻱ ﺍﻟﺬﺍﺑﺤﺘﻨﻲ
ﺍﺩﻳﺎﺍﺍﺍﺍﻥ ﺻﻌﺒﺔ ﺻﻌﺒﺔ
ﺍﺩﻳﺎﻥ : ﻭﻫﺴﺔ ﻋﻮﺩ ﺗﺮﻳﺪ ﺍﺳﺎﻣﺤﻚ
ﺍﺑﻮ ﻓﻬﺪ : ﻫﺎﻱ ﺿﻠﺖ ﻳﻤﺞ ﺍﻧﺘﻲ ﺍﻧﺎ ﻣﺎ ﺍﻏﺼﺒﭻ ﻋﻠﻴﺔ ﺑﺲ ﺍﻧﺎ ﻫﻢ ﻣﺎ ﺍﺧﻠﻲ ﻏﻴﺮﻱ ﻳﺎﺧﺬﭺ ﮔﻮﻟﻲ ﺍﻟﺘﺮﺩﻱ ﻳﺠﺮﺍﻟﭻ
ﺍﺩﻳﺎﻥ : ﻣﺎ ﺍﺭﻳﺪ ﻛﻠﺸﺸﻲ
ﺍﺑﻮ ﻓﻬﺪ : ﭼﺎ ﺗﺒﻘﻴﻦ ﻫﻴﭻ ﻣﻌﻠﻌﻠﺔ
ﺍﺩﻳﺎﻥ : ﻋﺎﺩﻱ
ﺍﺑﻮ ﻓﻬﺪ : ﺍﺳﻮﻳﻠﭻ ﺑﻴﺖ ﻭﺣﺪﭺ ﻟﻮ ﺍﻃﻠﻊ ﺍﻓﺮﺍﺡ ﻣﻦ ﻫﺬﺍ ﺍﻟﺒﻴﺖ
ﺍﺩﻳﺎﻥ : ﻣﺎ ﺍﺭﻳﺪ
ﺍﺑﻮ ﻓﻬﺪ : ﺍﻫﺠﺮﻫﺎ
ﺍﺩﻳﺎﻥ : ﻣﺎ ﺍﺭﻳﺪﺩﺩﺩ
ﺍﺑﻮ ﻓﻬﺪ : ﭼﺎ ﺷﺘﺮﺩﻳﻦ
ﺍﺩﻳﺎﻥ : ﺗﻌﻮﻓﻨﻲ
ﺍﺑﻮ ﻓﻬﺪ : ﻣﻮ ﺑﻴﺪﻱ ﻭﺍﻟﻠﻪ ﻣﺎ ﺍﮔﺪﺭ
ﺍﺩﻳﺎﻥ : ﻃﻠﮕﻨﻲ ﻭ ﺍﺑﻘﺔ ﻋﺎﻳﺸﺔ ﻫﻨﺎ ﮔﺒﺎﻝ ﻋﻴﻨﻚ
ﺍﺑﻮ ﻓﻬﺪ : ﻭ ﻫﺴﺔ ﻋﻮﺩ ﺣﻠﻴﺘﻴﻬﺎ ﻳﻌﻨﻲ ﺍﻧﺘﻲ
ﺍﺩﻳﺎﻥ : ﺍﻱ ﺍﻋﺘﺒﺮﻧﻲ ﻣﺜﻞ ﺑﻨﺎﺗﻚ ﻻ ﻣﺮﺗﻚ ﻭ ﻻﺷﻲ
ﺍﺑﻮ ﻓﻬﺪ : ﺷﺎﺭﺑﺔ ﻋﺮﮒ ﺑﻮﻳﺔ ﺷﻮ ﺗﻌﺎﻱ ﺧﻞ ﺍﺷﺘﻤﭻ
ﺍﺩﻳﺎﻥ : ﺗﺮﻯ ﺟﺎﻱ ﺍﺣﭽﻲ ﺻﺪﮒ
ﺍﺑﻮ ﻓﻬﺪ : ﺷﻮﻥ ﺍﺣﺴﺒﭻ ﺑﺘﻲ ﻭ ﺍﻧﺘﻲ ﭼﻨﺘﻲ ﻣﺮﺗﻲ
ﻭ ﺷﻠﻮﻥ ﺍﻃﻠﮕﭻ ﻭ ﺗﻀﻠﻴﻦ ﮔﺎﻋﺪﺓ ﻳﻤﻲ ﻫﺎﻱ ﻋﺪ ﺍﻟﻬﻨﻮﺩ ﻣﺎﺻﺎﻳﺮﺓ
ﺍﺩﻳﺎﻥ : ﻟﻌﺪ ﻃﻠﮕﻨﻲ
ﺍﺑﻮ ﻓﻬﺪ : ﺯﻳﻦ ﻳﺎﺑﺔ ﺍﻧﺘﻲ ﺗﻌﺮﻓﻴﻦ ﺷﻨﻮ ﻃﻼﮒ ﺷﻮ ﺟﺎﻱ ﺍﺣﺲ ﻋﺒﺎﻟﭻ ﺍﻟﻄﻼﻙ ﻧﺴﺘﻠﺔ ﻟﻮ ﻟﻌﺒﺔ ﻛﻞ ﻣﺎﺣﭽﻴﺖ ﻭﻳﺎﺝ ﺣﺮﻑ ﮔﻠﺘﻲ ﻃﻠﮕﻨﻲ
ﺍﺩﺭﻱ ﻣﻜﻮﻛﻴﭻ
ﻟﻮ ﺷﺎﺩﻳﻠﭻ ﺑﺎﺗﺮﻱ
ﺍﺩﻳﺎﻥ : ﻟﻌﺪ ﻃﻠﮓ ﺍﻓﺮﺍﺡ
ﺍﺑﻮ ﻓﻬﺪ : ﻟﻴﺶ ﺗﺨﺘﺎﺭﻳﻦ ﺍﻟﻤﺎ ﺍﮔﺪﺭ ﻋﻠﻴﻬﻦ
ﺍﺩﻳﺎﻥ : ﻟﻌﺪ ﺷﻌﻨﺪﻙ ﻳﻤﻲ
ﺍﺑﻮ ﻓﻬﺪ : ﻳﻌﻨﻲ ﻫﺴﺔ ﺍﻧﺰﻝ
ﺍﺩﻳﺎﻥ : ﺍﻧﺰﻝ ﻭ ﺷﺴﻮﻳﻠﻚ
... ﻧﺰﻝ ﻭ ﻃﺒﮓ ﺑﺎﺏ ﺍﻟﻐﺮﻓﺔ ﺣﻴﻞ ﻣﺎ ﻧﺰﻟﺖ ﺍﻧﻲ
ﺿﻠﻴﺖ ﻛﺎﻋﺪﺓ ﺍﻓﻜﺮﺭ ﺑﻜﻼﻣﺔ ﻟﻴﺸﺶ ﻳﻌﺬﺑﻨﻲ ﻭ ﺑﻌﺪﻳﻦ ﻳﺠﻲ ﻳﺘﻮﺳﻞ ﺍﺭﺟﻌﻠﺔ ﻭ ﻟﻴﺶ ﺍﻧﻲ ﻣﺎ ﺷﺎﻳﻠﺔ ﻣﺜﻞ ﮔﻠﺒﺔ ﻟﻴﺶ ﻫﻮ ﻣﻴﻨﻘﻬﺮ ﻋﻠﻴﺔ
ﻭ ﺍﻧﻲ ﺍﻧﻘﻬﺮ ﻋﻠﻴﻪ
ﺿﺠﺖ ﻧﺰﻟﺖ ﺟﻮﺓ ﻟﮕﻴﺘﻬﻢ ﻳﺸﺮﺑﻮﻥ ﭼﺎﻱ ﻭ ﻳﺴﻮﻟﻔﻮﻥ
ﻓﺪﻋﺔ : ﺍﻛﻠﮓ ﺧﺎﻳﺐ ﺍﻧﺘﺔ ﻫﺎﻱ ﺣﺎﻃﻠﻬﺔ ﻣﻐﺬﻱ ﻓﻮﮒ
ﺷﻮﻭ ﺻﺎﺭﺕ ﺣﺴﺮﺓ ﺑﮕﻠﺒﻲ ﺍﺷﻮﻓﺞ ﺗﺎﻛﻠﻴﻦ
ﺳﻠﻴﻤﺔ : ﺗﺘﻌﻴﻘﻞ ﻋﻮﺩ ﺷﻮﻓﻮﻧﻲ ﻧﺎﺯﻛﺔ
ﺍﺑﻮ ﻓﻬﺪ : ﻳﺎﻫﻮ ﺣﺎﺭﮒ ﺣﻤﺎﻣﭻ ﻳﺎﺑﺔ
ﺳﻠﻴﻤﺔ : ﺷﻮﻥ ﻣﺎ ﻧﺘﺸﺎﻗﺔ ﺑﻬﺬﺍ ﺍﻟﺒﻴﺖ
ﺍﺑﻮ ﻓﻬﺪ : ﺍﻧﺎﺍ ﻣﻮ ﮔﺘﻠﭻ ﺣﺘﻰ ﺍﻟﺸﻘﺔ ﺑﻄﻠﻲ ﻭﻳﺎﻫﺎﺍﺍﺍ
ﺍﻟﺤﺠﻲ : ﺻﺎﺭ ﻳﺎﺑﺔ ﻳﺠﺮﺍﻟﻚ ﻭﺍﻧﺘﻲ ﺳﻜﺘﻲ ﻣﺎ ﺟﺰﻋﺘﻲ
ﺍﺑﻮ ﺳﺮﺍﺏ : ﺍﺑﻮ ﻓﻬﺪ ﺍﻧﺎ ﺍﺭﺩ ﺍﺗﺰﻭﺝ
... ﺑﺴﺮﻋﺔ ﺑﺎﻭﻋﺖ ﻋﻠﻰ ﺑﺸﺮﻯ ﺧﻄﻴﺔ ﻣﺪﻧﮕﺔ ﺭﺍﺳﻬﺔ ﻳﻤﻜﻦ ﻣﺘﻔﻖ ﻭﻳﺎﻫﺎ ﻭ ﻣﻘﻨﻌﻬﺔ
ﺍﺑﻮ ﻓﻬﺪ : ﺷﻜﻮ ﻳﺎ ﺳﺘﺎﺭ
ﺍﺑﻮ ﺳﺮﺍﺏ : ﺍﺭﻳﺪ ﻃﻔﻞ
ﺍﺑﻮ ﻓﻬﺪ : ﻭ ﺍﻡ ﺳﺮﺍﺏ
ﺑﺸﺮﻯ : ﺣﻘﺔ ﺧﻮﻳﺔ
.. ﺭﺣﺖ ﻳﻤﻬﺎ ﻟﺰﻣﺖ ﺍﻳﺪﻫﺎ ﻫﻲ ﺣﻀﻨﺘﻨﻲ ﻭ ﮔﺎﻣﺖ ﺗﺒﭽﻲ ﮔﺎﻡ ﺍﺑﻮ ﺳﺮﺍﺏ ﺣﻀﻨﻬﺎ ﻭ ﺻﻌﺪﻫﺔ
ﻛﻠﻬﻤﻤﻢ ﻧﻔﺲ ﺍﻟﻄﻴﻨﺔ ﺑﺎﻭﻋﺖ ﻋﻠﻰ ﺍﻓﺮﺍﺡ ﻭ ﺳﻠﻴﻤﺔ ﻳﺘﻤﻀﺤﻜﻦ
ﺍﺩﻳﺎﻥ : ﺷﻨﻮ ﺍﻟﻴﻀﺤﻚ ﺑﺎﻟﻤﻮﺿﻮﻉ
ﺍﻓﺮﺍﺡ : ﺷﻠﭻ ﻏﺮﺽ
ﺍﺩﻳﺎﻥ : ﺍﻟﻲ ﻭ ﻧﺺ ﻭ ﺍﻛﺴﺮ ﺭﺍﺳﭻ ﺍﻧﺘﻲ ﻭﻳﺎﻫﺎ
ﺯﻳﺪ : ﻟﻪ ﻟﻪ ﻟﻪ ﻟﻪ
ﺍﺑﻮ ﻓﻬﺪ : ﺍﺳﺘﻐﻔﺮ ﺍﻟﻠﻪ
ﺍﺩﻳﺎﻥ : ﻋﻠﻴﻤﻦ ﺗﺴﺘﻐﻔﺮ ﻫﻮ ﺍﻧﺘﺔ ﺗﻌﺮﻑ ﺍﻟﻠﻪ
ﺍﺑﻮ ﻓﻬﺪ : ﻟﻴﺶ ﺑﻮﻳﺔ ﻣﻮﺻﻠﻴﻠﭻ ﺧﺒﺮ ﻋﻨﻲ ﻳﻬﻮﺩﻱ
ﺍﺩﻳﺎﻥ : ﺣﺸﻰ ﺍﻟﻴﻬﻮﺩﻱ ﺷﺠﺎﺑﻚ ﺷﻤﻮﺻﻠﻚ
.. ﻛﺎﻣﻮ ﻳﻀﺤﻜﻮﻥ ﻭ ﻫﻮ ﻳﺤﭽﻲ ﻭﻳﺎﻱ ﻭ ﺣﺎﺻﺮﺗﺔ ﺿﺤﻜﺔ
ﺍﺑﻮ ﻓﻬﺪ : ﻣﻦ ﺍﻛﻮﻡ ﺍﻟﻌﺐ ﺍﻟﺤﺰﺍﻡ ﻋﻠﻴﭻ ﻫﺴﺔ ﻫﻢ ﺍﻛﻮ ﮔﻮﺍﺩ ﻳﮕﻠﻲ ﻟﻴﺶ
ﻓﺪﻋﺔ : ﻳﺎ ﻭﻟﻚ ﻟﻴﺶ
ﺍﺩﻳﺎﻥ : ﻫﻬﻬﻬﻬﻬﻬﻬﻬﻬﻬﻬﻬﻪ ﺧﺮﺏ
ﺯﻳﺪ : ﺑﻮﻳﻴﺔ ﺻﺎﺭ ﺷﮕﺪ ﻣﺎ ﺳﺎﻣﻌﻴﭻ ﺗﻀﺤﻜﻴﻦ
.. ﺑﺎﻭﻋﺘﻠﺔ ﻟﮕﻴﺘﺔ ﻳﺒﺎﻭﻋﻠﻲ ﺳﺤﺐ ﺟﮕﺎﺭﺓ ﻭ ﻭﺭﺛﻬﺎ
ﺍﻓﺮﺍﺡ : ﻳﻼ ﺷﻴﺨﻲ ﺗﺼﻌﺪ ﺗﻨﺎﻡ
ﺣﭽﻴﺖ ﺑﺼﻮﺕ ﻧﺎﺻﻲ
ﺍﺩﻳﺎﻥ : ﻧﺎﻣﺖ ﻋﻠﻴﭻ ﻃﺎﺑﻮﮔﺔ
ﺍﻓﺮﺍﺡ : ﺍﻥ ﺷﺎﺀ ﺍﻟﻠﻪ ﺍﻟُﺤﺴﺎﺩ ﻭ ﺍﻟﻌﺬﺍﻝ ﺗﻨﺎﻡ ﻋﻠﻴﻬﻢ ﺍﻟﻄﺎﺑﻮﮔﺔ
ﻓﺪﻋﺔ : ﻫﻢ ﮔﺎﻟﺖ ﺣﺴﺎﺩ ﺧﺎﻳﺒﺔ ﻣﺎ ﺩﮔﻠﻴﻠﻲ ﺫﻭﻟﺔ ﻣﻨﻮ ﺍﺭﻳﺪ ﺍﺭﻭﺡ ﺍﺗﻔﻞ ﺑﮕﺼﺼﻬﻢً ﻋﺎﻳﻔﻴﻦ ﺍﻟﺪﻳﺮﺓ ﻛﻠﻬﺎ ﻭ ﺟﺎﻳﻴﻦ ﻋﻠﻴﺞ
ﺍﻓﺮﺍﺡ : ﻭ ﺣﺪﺓ ﻣﻨﻬﻢ ﺍﻧﺘﻲ
.. ﻓﺪﻋﺔ ﺩﺍﺋﻤﺎً ﺗﺤﻂ ﻧﻌﺎﻟﻬﺔ ﻳﻢ ﺍﻟﻘﻨﻔﺔ ﻟﺰﻣﺖ ﺍﻟﻨﻌﺎﻝ ﻭ ﺿﺮﺑﺘﻬﺔ
ﻣﺘﺘﺖ ﻣﻦ ﺍﻟﻀﺤﻚ ﺻﻌﺪﺕ ﻓﻮﮒ ﻧﻤﺖ
ﺍﻟﻌﺼﺮ ﺣﺴﻴﺖ ﻭﺍﺣﺪ ﺑﺎﺳﻨﻲ ﻭ ﻃﻠﻊ ﻋﺮﻓﺘﺔ ﻫﻮ ﻟﺤﺪ 11 ﻣﺎ ﺍﺟﺔ ﻟﻠﺒﻴﺖ ﻭ ﻳﺪﮔﻮﻥ ﻋﻠﻴﻪ ﻣﻐﻠﻖ ﻟﺤﺪ ﺍﻟﻮﺣﺪﺓ ﺑﺎﻟﻠﻴﻞ ﻫﻢ ﻣﺎﻛﻮ
ﻣﺤﺪ ﻧﺎﻡ ﻛﻠﻬﺎ ﻛﺎﻋﺪﺓ ﻟﻠﻔﺠﺮ ﻭ ﻣﺤﺪ ﺳﻤﻊ ﻋﻨﺔ ﺧﺒﺮ ﺍﺟﻮﻱ ﻭﻟﺪ ﻋﻤﻬﻢ ﻭ ﺭﺍﺣﻮ ﻳﺪﻭﺭﻭﻥ ﻭ ﻳﺒﻠﻐﻮﻥ ﺍﻟﺸﺮﻃﺔ
ﻟﺤﺪ ﺍﻟﻈﻬﺮ ﻣﺤﺪ ﺍﺟﺔ ﺑﻌﺪ ﻻ ﻋﺮﻓﻨﺔ ﺷﻲ ﻋﻨﺔ ﻭ ﻻ ﻫﻢ ﺭﺟﻌﻮ
ﻭﺭﺍ ﺷﻮﻳﺔ ﻃﺒﻮ ﻳﺮﻛﻀﻮﻥ ﺍﺧﺬﻭ ﺍﻻﺳﻠﺤﺔ ﻣﻦ ﻓﻮﮒ
ﺗﻮﺳﻠﺖ ﺑﺰﻳﺪ ﻳﮕﻠﻲ ﺷﻜﻮ ﺑﺲ ﻣﺎ ﻗﺒﻞ ﻳﮕﻮﻝ ﺍﺧﺬﻭ ﺍﻻﺳﻠﺤﺔ ﻭ ﻃﻠﻌﻮ
ﻓﺪﻋﺔ ﺧﺎﺑﺮﺕ ﺍﻟﺤﺠﻲ ﻭ ﻋﺎﻃﺖ
ﻓﺪﻋﺔ : ﺭﺍﺣﺤﺤﺤﺤﺢ ﺍﺑﻮ ﻃﻮﻝ ﺍﻟﺤﻠﻮ ﻭﻟﺠﺠﺠﺠﻦ ﺭﺍﺡ
.. ﮔﺎﻣﻦ ﻳﻠﻄﻤﻦ ﻭ ﻳﻌﻴﻄﻦ ﻋﻮﻭﺩ ﺍﺑﻮ ﻓﻬﺪ ﻻ ﻳﺎﺑﺔ ﺷﻨﻮ ﻳﻤﻮﺕ ﻫﻮ ﻣﻮ ﺍﻟﻌﺼﺮ ﺑﺎﺳﻨﻲ ﻭ ﻃﻠﻊ ﺣﺘﻠﻮ ﺣﺎﻗﺪﺓ ﻋﻠﻴﻪ ﺑﺲ ﻣﺎﺭﻳﺪﺓ ﻳﻤﻮﻭﺕ
ﻣﺎﺍﺍﺭﻳﺪﺓ
ﺍﻓﺮﺍﺡ ﻛﺎﻣﺖ ﺗﺨﺮﻣﺶ ﻭﺟﻬﺔ ﻭ ﻓﺪﻋﺔ ﺧﺎﺑﺮﺕ ﻫﻴﻔﺎﺀ ﻭ ﺗﻌﻴﻂ
ﻭ ﺍﺟﺘﻲ ﻫﻴﻔﺎﺀ ﻭ ﺻﺎﺭ ﺻﻮﺕ ﺍﻟﻌﻴﺎﻁ ﻳﻬﺰ ﺍﻟﻜﺮﺓ ﺍﻻﺭﺿﻴﺔ ﺿﻠﻴﺖ ﻭﺍﻛﻔﺔ ﺑﻨﺼﻬﻦ ﻣﺎﺩﺭﻱ ﺷﺴﻮﻱ
ﻻ ﺩﻣﻮﻋﻲ ﺗﻨﺰﻝ ﻭ ﻻ ﻣﺴﺘﻮﻋﺒﺔ ﺍﻟﺼﺎﺭ ﺷﻨﻮ ﻣﺎﺕ ﺷﻠﻮﻥ ﻭ ﺷﻮﻛﺖ ﻭ ﻣﻨﻮ ﻣﻮﺗﺔ ﻋﻔﺘﻬﻦ ﻭ ﺻﻌﺪﺕ ﻟﻠﻐﺮﻓﺔ ﺧﻴﻮﻟﻦ ﻣﻴﺼﺪﻛﻦ ﺑﺲ ﻳﺮﺩﻥ ﻳﻠﻄﻤﻦ
ﻣﺤﺪ ﻣﻦ ﺍﻟﺨﻄﺎﺭ ﻭﺑﻴﻮﺕ ﻋﻤﻬﻢ ﺍﺟﺔ ﺑﺲ ﻫﻦَ ﺳﺎﻋﺔ ﻳﺒﭽﻦ ﻭ ﻧﻮﺏ ﻳﺴﻜﺘﻦ ﻭ ﻳﺮﺟﻌﻦ ﻳﺒﭽﻦ ﺩﮔﻮﻝ ﺣﺰﻭﺭﺓ
ﻣﺤﺪ ﺍﺟﺔ ﻣﻦ ﻋﺪﻫﻢ ﻧﺪﮒ ﻋﻠﻴﻬﻢ ﻣﺤﺪ ﻳﺠﺎﻭﺏ ﺛﺎﻧﻲ ﻳﻮﻡ ﺑﺎﻟﻌﺸﺮﺓ ﺍﻟﺼﺒﺢ ﺍﺷﺘﻐﻞ ﺍﻟﺮﻣﻲ ﺑﺎﻟﺸﺎﺭﻉ ﺍﻧﻔﺘﺢ ﺍﻟﺒﺎﺏ ﻋﻠﻰ ﻃﻮﻟﺔ ﻭ ﺩﺧﻠﻮ ﻭﻟﺪ ﻋﻤﻬﻢ ﻭ ﻫﻮ ﺳﺎﻧﺪﻳﻨﺔ ﺯﻳﺪ ﻭ ﺍﺑﻮ ﺳﺮﺍﺏ
ﺟﻨﺖ ﺍﺑﺎﻭﻉ ﻣﻦ ﺍﻟﺸﺒﺎﻙ ﻣﺎﻝ ﻏﺮﻓﺘﻲ ﮔﻤﺖ ﺍﻓﺮﻙ ﺑﻌﻴﻮﻧﻲ ﻣﻤﺼﺪﮔﺔ ﺷﻨﻮ ﻣﺎﺍﺕ ﺷﻨﻮ ﻫﺴﺔ ﻭﺍﮔﻒ ﺑﺎﻟﺒﺎﺏ ﺭﺩﺕ ﺍﻃﻔﺮ ﻣﻦ ﺍﻟﺸﺒﺎﻙ ﻫﻲ ﻓﺮﺣﺔ ﻭ ﻫﻲ ﺍﻧﺘﺤﺎﺍﺭ
ﻧﺰﻟﺖ ﺟﻮﺓ ﻭ ﺫﻧﻲ ﻧﺎﺱ ﺗﻀﺤﻚ ﻭ ﻭﻧﺎﺱ ﻛﺎﻋﺪﺓ ﺗﺤﭽﻲ ﻭﻱ ﻓﺪﻋﺔ ﻭ ﻫﻲ ﺗﺘﻌﺎﺭﻙ ﻭﻳﺎﻫﻦ
ﻓﺪﻋﺔ : ﺍﻧﺎ ﺷﻤﺪﺭﻳﻨﻲ ﺧﺎﺑﺮﺕ ﻋﻠﻰ ﻣﺎﺩﺭﻱ ﻳﺎﻫﻮ ﮔﺎﻟﻲ ﺿﺎﺭﺑﻲ ﻃﻠﻘﺔ ﭼﺎ ﻳﺎﻫﻮ ﻳﻨﻀﺮﺏ ﻃﻠﻘﺔ ﻣﺎ ﻳﻤﻮﺕ ﻭ ﻻ ﺩﮔﻮﻟﻦ ﺍﻟﻬﻢ ﺧﻠﻨﻬﺔ ﺳﻜﺘﺔ ﻓﺸﻠﺔ ﻋﺒﺎﻟﻬﻢ ﺧﺮﻓﺖ
ﻛﻤﺖ ﺍﺳﻤﻊ ﺻﻮﺕ ﺍﻟﻬﻮﺳﺎﺕ ﺑﺎﻟﮕﺮﺍﺝ ﺑﺎﻭﻋﺖ ﻣﻦ ﺷﺒﺎﻙ ﺍﻟﻤﻄﺒﺦ ﺫﺑﺤﻮ ﺍﺛﻨﻴﻦ ﻃﻠﻴﺎﻥ ﺟﻮﺓ ﺭﺟﻠﺔ ﺑﻠﺔ ﺫﻧﻲ ﺷﻨﻮ ﺫﻧﺒﻬﻦ ﻳﻤﻮﺗﻦ ﺧﻄﻴﺔ
ﺷﻮﻳﺔ ﻭ ﺩﺧﻠﻮ ﺟﻮﺓ ﻭ ﻭﻟﺪ ﻋﻤﺎﻣﺔ ﻛﻠﻬﻢ ﻫﻴﻔﺎﺀ ﻭ ﺍﻓﺮﺍﺡ ﻛﺎﻣﻦ ﻳﻬﻠﻬﻦ ﺍﺳﻢ ﻟﻠﻪ ﻳﺸﺘﻐﻠﻦ ﻋﻠﻰ ﺍﻟﺮﻧﺔ
ﺷﻔﺖ ﺍﻳﺪﺓ ﻣﻠﻔﻮﻓﺔ ﻣﻦ ﻳﻢ ﺍﻟﭽﺘﻒ ﻻﺑﺲ ﺑﺲ ﺑﻨﻄﺮﻭﻥ ﻭ ﻓﺎﻧﻴﻠﺔ ﻭ ﺣﺎﻁ ﺍﻟﻐﺘﺮﺓ ﻋﻠﻰ ﻣﺘﻮﻧﺔ ﮔﻌﺪ ﻋﻠﻰ ﺍﻟﻘﻨﻔﺔ ﻭ ﺭﺍﺣﻦ ﻳﺴﻠﻤﻦ ﻋﻠﻴﻪ ﻭﺣﺪﺓ ﻭ ﺣﺪﺓ ﻭ ﻻ ﺭﺣﺖ ﻭ ﻻ ﻭﺻﻠﺖ
- ﺧﻠﻮ ﻳﺮﺗﺎﺡ ﻭ ﺑﺎﻟﻠﻴﻞ ﻧﺠﻲ ﺍﻛﻴﺪ ﺍﻟﺸﻴﻮﺥ ﻛﻠﻬﺎ ﻋﺸﺎﻫﺎ ﻫﻨﺎ
ﺍﻟﺤﺠﻲ : ﺧﻠﻮ ﻏﺪﺓ ﺑﺎﭼﺮ ﺯﺣﻤﺔ ﻋﺸﺔ ﻣﺎﻳﺼﻴﺮ
... ﻛﻠﻬﻢ ﻛﺎﻟﻮ ﺍﻱ ﺍﺣﺴﻦ
ﻃﻠﻌﻮ ﻭﻟﺪ ﻋﻤﻬﻢ ﺑﻘﻮ ﺷﻜﻢ ﻭﺍﺣﺪ ﻭﺭﺍ ﺷﻮﻳﺔ ﻫﻢ ﻃﻠﻌﻮ
ﺳﻠﻴﻤﺔ : ﻳﺎﻫﻮ ﻣﻨﻜﻢ ﺍﻟﺤﺎﭼﻲ ﻭﻱ ﻓﺪﻋﺔ ﺍﻟﺒﺎﺭﺣﺔ
ﺍﺑﻮ ﺳﺮﺍﺏ : ﺍﻧﺎ
ﺳﻠﻴﻤﺔ : ﭼﺎ ﻏﻴﺮ ﮔﺎﻟﺘﻠﻨﺔ ﺭﺍﺡ ﺍﺑﻮ ﻃﻮﻝ ﺍﻟﺤﻠﻮ ﻭ ﻣﺎﺕ ﻭ ﺍﺷﺘﻐﻞ ﺍﻟﺒﻴﺖ ﻋﻴﺎﻁ ﻭ ﺩﮒ ﻭ ﻟﻄﻢ
... ﻳﻤﻜﻦ ﺭﺑﻊ ﺳﺎﻋﺔ ﺍﺭﻳﺪﻫﻢ ﻳﺴﻜﺘﻮﻥ ﻋﻦ ﺍﻟﻀﺤﻚ ﻣﺎﻛﻮ
ﺯﻳﺪ : ﻭﺍﻧﺎ ﺍﻛﻮﻝ ﺷﺒﻴﻬﺎ ﺍﻟﻮﺟﻮﻩ ﻋﺒﺎﻟﻲ ﻃﺎﻓﺮﺓ ﻋﻠﻴﺠﻦ ﺑﺰﻭﻧﺔ
.. ﻃﻠﻌﺖ ﻣﻦ ﺍﻟﻤﻄﺒﺦ ﺿﻠﻮ ﻳﺒﺎﻭﻋﻮﻥ
ﺍﺩﻳﺎﻥ : ﺍﻟﺴﻼﻡ ﻋﻠﻴﻜﻢ
.. ﻛﻠﻬﻢ ﺭﺩﻭ ﺷﻔﺘﺔ ﻳﺒﺎﻭﻋﻠﻲ ﻋﺒﺎﻟﺔ ﺭﺍﺡ ﺍﺳﻠﻢ ﻋﻠﻴﻪ ﺩﺭﺕ ﻭﺟﻬﻲ ﻭ ﺻﻌﺪﺕ ﻓﻮﮒ ﺳﺒﺤﺖ ﻭ ﻧﻤﺖ ﻛﻌﺪﺕ ﺍﻟﻌﺼﺮ ﺷﻔﺖ ﻣﻼﺑﺴﻲ ﺍﻟﺴﻮﺩ ﻗﺪﻳﻤﺎﺕ
ﻟﺒﺴﺖ ﺍﻟﻮﺍﻥ ﻭ ﺣﻄﻴﺖ ﺷﺎﻝ ﻋﻠﻰ ﺭﺍﺳﻲ ﻭ ﻧﺰﻟﺖ ﻟﮕﻴﺖ ﺯﻳﺪ ﺑﺎﻟﺼﺎﻟﺔ
ﺍﺩﻳﺎﻥ : ﺍﻛﻠﻚ ﺯﻳﺪ ﻫﻮ ﺷﺒﻲ
ﺯﻳﺪ : ﺿﺎﺭﺑﻲ ﻃﻠﻘﺔ
ﺍﺩﻳﺎﻥ : ﻣﻨﻮ
ﺯﻳﺪ : ﺍﺛﻨﻴﻦ ﮔﻮﺍ **
ﺍﺩﻳﺎﻥ : ﺷﻴﺮﺩﻭﻥ ﺷﻨﻮ ﻫﻲ ﻫﻴﺘﺔ
ﺯﻳﺪ : ﺿﺮﺑﻨﺎﻫﻢ ﻛﻞ ﻭﺍﺣﺪ ﻃﻠﻘﺔ ﺑﺮﺟﻠﺔ
ﺍﺩﻳﺎﻥ : ﻋﺰﺍﺍﺍﺍﺍ ﻭ ﺍﻟﺸﺮﻃﺔ
ﺯﻳﺪ : ﻟﺞ ﻫﻢ ﻭﻳﺎ ﺑﺎﻟﺸﻐﻞ ﻣﻦ ﺯﻣﺎﻥ ﻋﺪﺍﻭﺓ ﻣﻦ ﺭﺣﻨﺔ ﺩﻭﺭﻧﺔ ﻋﻠﻴﻪ ﻟﮕﻴﻨﺔ ﺷﺒﺎﺏ ﺟﺎﻳﺒﻲ ﻟﻠﻤﺴﺘﺸﻔﻰ ﻻﮔﻲ ﺑﺤﺪﻳﻘﺔ ﻣﻀﺮﻭﺏ ﻭ ﻭﺍﮔﻊ
ﺭﺣﻨﺔ ﻟﻠﻤﻜﺎﻥ ﻫﺪﺩﺕ ﺍﺑﻮ ﺍﻟﮕﺎﺯﻳﻨﻮ ﻳﻄﻠﻊ ﺍﻟﻜﺎﻣﺮﺍﺕ ﻭ ﻋﺮﻓﺘﻬﻢ ﺫﻭﻟﺔ ﻻﻥ ﻣﻦ ﺯﻣﺎﻥ ﻳﺴﻮﻟﻔﻠﻲ ﻋﻠﻴﻬﻢ ﻭ ﻣﺮﺓ ﺭﺍﻗﺒﻨﺎﻫﻢ ﺍﻧﻲ ﻭﻳﺎ ﻭ ﺍﻧﺪﻟﻴﺖ ﺑﻴﺘﻬﻢ
ﺍﺧﺬﻧﺔ ﺍﻻﺳﻠﺤﺔ ﻭ ﺭﺣﻨﺔ ﻟﺒﻴﺘﻬﻢ ﺩﮔﻴﻨﺎ ﻭ ﺿﺮﺑﻨﺎﻫﻢ ﻻﻥ ﺍﺫﺍ ﺗﻀﻞ ﻳﻢ ﺍﻟﺸﺮﻃﺔ ﻛﻠﺸﻲ ﻣﺎﻛﻮ
ﺍﺩﻳﺎﻥ : ﻭ ﻫﻢ ﻳﺮﺟﻌﻮﻥ ﻳﻀﺮﺑﻮ ﺗﺮﻯ ﻣﺎ ﺳﻮﻳﺘﻮ ﺷﻲ
ﺯﻳﺪ : ﻻﺯﻡ ﻋﻠﻴﻬﻢ ﺗﺼﻮﻳﺮ ﮔﺒﻞ ﺍﺭﺑﻌﺔ ﺍﺭﻫﺎﺏ
ﺍﺩﻳﺎﻥ : ﺧﻮﺏ ﭼﺎﻥ ﻛﺒﻞ ﺍﻧﻄﻴﺘﺔ ﻟﻠﺸﺮﻃﺔ ﻭ ﺣﻮﻟﺘﻬﻢ ﺍﺭﺑﻌﺔ ﺍﺭﻫﺎﺏ
ﺯﻳﺪ : ﺗﺆ ﻳﺎﺑﺔ ﺍﻧﺘﻲ ﺗﻌﺮﻓﻴﻦ ﺷﻲ ﻭ ﺍﺣﻨﺔ ﻧﻌﺮﻑ ﺷﻲ ﺍﺫﺍ ﻫﺴﺔ ﺍﺳﻠﻢ ﺍﻟﺘﺴﺠﻴﻞ ﻭ ﻳﻨﺤﻜﻤﻮﻥ ﻣﺆﺑﺪ ﺭﺍﺡ ﻳﻔﺰﻋﻮﻥ ﻋﻤﺎﻣﻬﻢ ﻭ ﺗﺼﻴﺮ ﺛﺎﺭﺍﺕ
ﺑﺲ ﻫﺴﺔ ﻣﻦ ﺍﻧﺎ ﻛﺎﻣﺶ ﻋﻠﻴﻬﻢ ﻛﻤﺸﺔ ﺍﺑﻦ ﺍﻣﺔ ﺍﻟﻴﺘﻨﻔﺲ
ﺍﺩﻳﺎﻥ : ﺯﻳﻦ ﻭ ﻫﻮ ﺷﮕﺎﻝ
ﺯﻳﺪ : ﻋﺒﺎﻟﭻ ﻳﺴﻜﺖ ﻳﺮﻳﺪ ﻳﻔﺼﻠﻬﻢ
ﺍﺩﻳﺎﻥ : ﺯﻳﻦ ﺍﻛﻠﻚ ﻭ ﻫﺬﺍ ﺍﻟﻮﻟﺪ ﺷﺴﻮﻳﺘﻮﻟﺔ
ﺯﻳﺪ : ﻳﺎ ﻭﻟﺪ
ﺍﺩﻳﺎﻥ : ﺣﺎﺯﻡ
.. ﺑﺎﻭﻋﻠﻲ ﻭ ﺭﻓﻊ ﺣﺎﺟﺒﺔ ﻭ ﺭﺟﻊ ﻳﻠﻌﺐ ﺑﺎﻟﺘﻠﻴﻔﻮﻥ
ﺍﺩﻳﺎﻥ : ﺗﺮﻯ ﻣﺎ ﺳﻮﺓ ﺷﻲ ﺍﻟﺮﺟﺎﻝ
ﺯﻳﺪ : ﺍﺣﻨﺔ ﻫﻢ ﻣﺎ ﺳﻮﻳﻨﺎﻟﺔ ﺷﻲ ﺑﺲ ﺿﺮﺑﻨﺎ
ﺍﺩﻳﺎﻥ : ﺧﻄﻴﺔ ﺗﺮﻯ
ﺯﻳﺪ : ﺍﻧﺘﻲ ﺗﻐﻠﻄﻴﻦ ﻭ ﻏﻴﺮﭺ ﻳﺘﻌﺎﻗﺐ ﺑﻮﻳﺔ
ﺍﺩﻳﺎﻥ : ﻫﻮ ﺍﻧﺘﻮ ﻛﻠﻜﻢ ﻧﻔﺲ ﺍﻟﺸﻲ ﻣﺎﺑﻴﻜﻢ ﻭﺍﺣﺪ ﺧَﻴّﺮ
ﺯﻳﺪ : ﭼﺎﻱ ﺑﺮﻭﺡ ﺍﺑﻮﭺ
ﺍﺩﻳﺎﻥ : ﺻﺪﮒ ﻟﻴﺶ ﻣﺎ ﮔﺘﻠﻲ ﻋﻠﻰ ﺍﺑﻮﻳﺔ ﻣﻦ ﻣﺎﺕ
ﺯﻳﺪ : ﻋﻤﻲ ﻭﺍﻟﻠﻪ ﺍﻟﻠﻪ ﻳﺴﺎﻋﺪ ﺍﺧﻮﻱ ﻋﻠﻴﭻ ﺷﮕﺪ ﺗﻨﮕﻴﻦ ﻭﺭﻭﺡ ﺍﻣﻲ ﻭ ﺗﺮﺍﺑﻬﺎ ﻣﺎ ﺍﺩﺭﻱ ﺑﺄﺑﻮﭺ ﻣﻴﺖ ﺩﺭﻳﺖ ﻭﻳﺎﭺ
ﺍﺩﻳﺎﻥ : ﺯﻳﻦ ﺷﻮﻥ ﻣﺎﺕ
ﺯﻳﺪ : ﻳﮕﻮﻝ ﺭﺟﻠﺞ ﺳﻜﺘﺔ ﻗﻠﺒﻴﺔ
.. ﺭﺣﺖ ﻟﻠﻤﻄﺒﺦ ﺳﻮﻳﺘﻠﺔ ﭼﺎﻱ ﻭ ﻃﺒﻮ ﺑﻴﻮﺕ ﻋﻤﻬﻢ ﻳﺒﻮﻭﻭ ﺷﮕﺪ ﺍﻛﺮﻩ ﺟﻤﻌﺘﻬﻢ ﺳﻠﻤﺖ ﻋﻠﻴﻬﻢ ﻭ ﻧﺰﻟﺖ ﺑﺸﺮﻯ ﻭ ﺳﻠﻴﻤﺔ ﻃﻠﻌﺖ ﻣﻦ ﻏﺮﻓﺘﻬﺎ
ﺑﺸﺮﻯ : ﻻﺯﻡ ﻧﺤﻀﺮ ﺷﺮﺑﺖ ﻭ ﻛﻴﻚ ﻣﻴﺼﻴﺮ ﺟﺎﻱ
.. ﻧﺰﻟﺖ ﺍﻓﺮﺍﺡ ﻣﺘﻤﻜﻴﺠﺔ ﻭ ﻛﺎﺷﺨﺔ ﺻﺎﺣﺖ ﻟﻔﻬﺪ ﺍﻧﻄﺘﺔ ﻓﻠﻮﺱ ﻭ ﺍﻟﺠﻬﺎﻝ ﺍﻟﺠﺎﻳﻴﻦ ﻛﻠﻬﻢ ﺭﺍﺡ ﻭﻳﺎ ﻟﻼﺳﻮﺍﻕ ﻋﺒﺎﻟﻚ ﻋﺰﻳﻤﺔ
ﺻﻌﺪﺕ ﻓﻮﮒ ﻟﻜﻴﺘﺔ ﺳﺘﻮﺓ ﻃﻠﻊ ﻣﻦ ﺍﻟﻐﺮﻓﺔ
ﺍﺑﻮ ﻓﻬﺪ : ﻣﺘﺴﻠﻤﻴﻦ ﻣﻮ ﺗﻬﻮﻭﻥ
ﺍﺩﻳﺎﻥ : ﺭﺑﻚ ﻣﻴﻀﺮﺏ ﺑﺤﺠﺎﺭ
ﺍﺑﻮ ﻓﻬﺪ : ﺗﻌﺎﻱ ﻭﺻﻠﻴﻨﻲ ﻳﻢ ﺍﻟﺪﺭﺝ
ﻋﻔﺘﺔ ﻭ ﻃﺒﻴﺖ ﻟﻠﻐﺮﻓﺔ ﺑﻌﺪ ﻣﺎ ﻧﺰﻟﺖ ﻭ ﻻ ﺷﻔﺖ ﺧﻠﻘﻬﻢ ﺑﺎﻟﻠﻴﻞ ﻛﻠﺶ ﻧﺰﻟﺖ ﻣﺎ ﻟﻜﻴﺖ ﺍﺣﺪ ﺑﺲ ﻓﺪﻋﺔ
ﺍﺩﻳﺎﻥ : ﺷﻮﻧﺞ
ﻓﺪﻋﺔ : ﻳﺎ ﺧﺎﻳﺒﺔ ﺷﺠﺎﺝ ﻣﺎ ﻧﺰﻟﺘﻲ
ﺍﺩﻳﺎﻥ : ﻣﺎﺣﺐ ﺍﺷﻮﻑ ﺍﻱ ﻭﺍﺣﺪ ﻣﻨﻬﻢ
ﻓﺪﻋﺔ : ﭼﺎ ﺗﺨﻠﻴﻬﺎ ﻫﻲ ﺍﻟﺸﻴﺨﺔ ﻭ ﺗﺼﻮﻝ ﻭ ﺗﺠﻮﻝ ﺑﻜﻴﻔﻬﺎ
ﺍﺩﻳﺎﻥ : ﻋﺎﺩﻱ ﻣﻴﻬﻤﻨﻲ ﺑﻌﺪ ﻫﻢَ ﻳﺘﻮﺍﻟﻤﻮﻥ
ﻓﺪﻋﺔ : ﭼﺎ ﺍﻟﻴﻮﻡ ﺍﺟﺎﺝ ﻃﺎﻟﻊ ﻣﻦ ﺍﻟﻤﻮﺕ ﮔﻠﺒﺞ ﻣﺎ ﺭﻑ ﻋﻠﻴﻪ
ﺍﺩﻳﺎﻥ : ﻻ ﻭﺍﻟﻠﻪ ﻣﺎ ﺭﻑ
ﻓﺪﻋﺔ : ﺍﻧﺘﻲ ﺗﺤﺒﻲ ﻳﻮ ﻻ ﺧﺎﻳﺒﺔ
ﺍﺩﻳﺎﻥ : ﻻ
ﻓﺪﻋﺔ : ﺷﻨﻲ ﺟﺎﻫﻠﺔ ﺍﻧﺎ ﻟﻮ ﻏﻤﺔ ﺣﺘﻰ ﻣﺎ ﺍﻋﺮﻑ ﭼﺎ ﻟﻴﺶ ﺗﻠﻮﺑﻴﻦ ﻣﻦ ﺗﻮﮔﻒ ﻳﻤﺔ ﺍﻓﺮﺍﺡ
ﺍﺩﻳﺎﻥ : ﺍﻧﻴﻴﻲ ﻳﻤﺘﺔ
ﻓﺪﻋﺔ : ﻭﭺ ﺧﺎﻳﺒﺔ ﺧﻮ ﻣﺎ ﺗﻀﻠﻴﻦ ﻫﻴﭻ ﺗﻌﺬﺑﻴﻦ ﺭﻭﺣﭻ ﺭﺟﻌﻲ ﻭﻳﺎ ﻧﻔﺲ ﮔﺒﻞ ﻭ ﻫﻮ ﻋﺎﺷﮕﭻ ﻗﺎﺑﻞ ﺗﻐﺸﻤﻴﻦ ﺭﻭﻳﺤﺘﭻ
ﺍﺩﻳﺎﻥ : ﻳﺎ ﻋﺎﺷﮕﻨﻲ ﺍﻧﺘﻲ ﻣﺘﺪﺭﻳﻦ ﺷﺴﻮﺓ ﺑﻴﺔ
ﻓﺪﻋﺔ : ﭼﺎ ﻭﻟﺞ ﺷﺮﺩﺗﻲ ﺷﺮﺩﺗﻲ ﻋﺪﻧﺔ ﺍﻟﺘﺸﺮﺩ ﺗﻨﺬﺑﺢ
ﺍﺩﻳﺎﻥ : ﻟﻮ ﻣﺎ ﺍﻟﺴﻮﺍ ﺑﻴﺔ ﻣﺎ ﺍﺷﺮﺩ
ﻓﺪﻋﺔ : ﭼﺎ ﺿﻴﻌﺘﻲ ﺣﮕﭻ ﺑﻴﺪﭺ
... ﻋﻔﺘﻬﺎ ﻭ ﺭﺣﺖ ﻟﻠﻤﻄﺒﺦ ﺍﻛﻠﺖ ﺗﻔﺎﺣﺔ ﻭ ﺻﻌﺪﺕ ﻧﻤﺖ
ﻓﺰﻳﻴﻴﻴﺖ ﻋﻠﻰ ﺣﻠﻤﻤﻤﻢ ﺟﺎﺍﺍﻥ ﻛﻠﺸﺸﺶ ﻣﺎ ﺍﻛﺪﺭ ﺍﺳﻮﻟﻔﺔ ﺍﺫﺍ ﮔﺘﻠﻬﻢ ﻋﻠﻴﻪ ﺍﻧﺰﺯﺯﻝ ﻣﻦ ﻛﺮﺍﻣﺘﺔ
ﺭﻛﻀﺖ ﻟﻔﺪﻋﺔ ﺟﺎﻧﺖ ﻧﺎﻳﻤﺔ ﻛﻌﺪﺗﻬﺎ
ﻓﺪﻋﺔ : ﻫﺎﻫﺎ ﺧﺎﻳﺒﺔ ﺷﻨﻲ ﺭﻣﻮﻧﺔ
ﺍﺩﻳﺎﻥ : ﻻﻻ ﺑﺲ ﺣﻠﻤﺖ ﺣﻠﻢ ﻳﺨﻮﻭﻑ
ﻓﺪﻋﺔ : ﻳﺎ ﺧﺎﻳﺒﺔ ﺍﺳﻢ ﺍﻟﻠﻪ ﺍﻟﻘﺮﺍﻥ ﺍﺣﺠﻲ ﺷﻜﻮ
ﺍﺩﻳﺎﻥ : ﺍﺑﻮ ﻓﻬﺪ ﻛﺎﻋﺪ ﻋﻠﻰ ﻛﺮﺳﻲ ﻭ ﺍﻳﺪﺓ ﻭ ﺭﺟﻠﺔ ﻣﺸﺪﻭﺩﺓ ﺑﺴﻼﺳﻞ ﻭ ﺍﻓﺮﺍﺡ ﻭ ﺳﻠﻴﻤﺔ ﻭ ﺍﻛﻮ ﻣﺮﺓ ﺷﺎﻳﻔﺘﻬﺔ ﻋﺪﻛﻢ ﺑﺎﻟﻌﺸﻴﺮﺓ ﺑﺲ ﻣﺎ ﺍﺩﺭﻱ ﺑﺄﺳﻤﻬﺎ
ﻭ ﺍﮔﻔﺎﺕ ﻳﻄﺒﺨﻦ ﺑﺲ ﻣﻦ ﺗﻘﺮﺑﺖ ﻟﻠﺠﺪﺭ ﺑﻲ ﺣﻴﺔ ﻭ ﺍﻟﻠﻪ ﻭ ﺣﻖ ﺍﻟﻘﺮﺍﻥ ﺷﻔﺖ ﻫﻴﭽﻲ
ﻓﺪﻋﺔ : ﻳﺎ ﻳﻤﺔ ﺩﻫﺮ ﻓﺮﻫﻦ ﻫﺎﻻﻣﻬﺎﺕ ﺍﻟﺴﺤﻮﺭﺓ ﺗﻠﮕﻴﻬﻦ ﻣﺸﺮﺑﺎﺗﺔ ﻟﺤﺪ ﻣﺎ ﺍﻟﻠﻪ ﮔﺎﻳﻠﻠﻬﻦ ﺑﺲ
ﺍﺩﻳﺎﻥ : ﻭ ﻫﺴﺔ ﺷﻮﻥ
ﻓﺪﻋﺔ : ﺷﻨﺴﻮﻱ ﭼﺎ ﺍﻧﺘﻲ ﻓﺎﻫﻴﺔ ﺧﻠﻴﺘﻴﻬﻦ ﻳﺴﺘﻔﺤﻠﻦ ﺑﻲ ﻭﺟﻬﺞ ﺍﺻﻔﺮ ﺧﺎﻳﻔﺔ ﻋﻠﻴﻪ ﻭ ﮔﺒﻞ ﺷﻮﺍﻱ ﺗﮕﻠﻴﻠﻲ ﻣﺎ ﺍﺣﺒﻨﺔ
ﮔﻤﺖ ﻣﻨﻬﺎ ﺭﺣﺖ ﻏﺴﻠﺖ ﻭﺟﻬﻲ ﻭ ﺻﻌﺪﺕ ﻓﻮﮒ ﻣﺎﺩﺭﻱ ﺍﺟﺎﻧﻲ ﺷﻲ ﺷﻌﻮﺭ ﺍﺭﻳﺪ ﺍﻓﺘﺢ ﺑﺎﺏ ﻏﺮﻓﺘﻬﻢ ﺍﺩﺭﻱ ﺑﺮﻭﺣﻲ ﺍﻧﻘﻬﺮﺭ ﺑﺲ ﻣﺎﻋﺮﻑ ﻟﻴﺸﺶ ﺍﺟﺘﻨﻲ ﻫﺎﻱ ﺍﻟﺠﺮﺋﺔ
ﻓﺘﺤﺖ ﺍﻟﺒﺎﺏ ﻋﻠﻰ ﻛﻴﻒ ﻫﻮ ﭼﺎﻥ ﻣﺨﻠﻲ ﺍﻳﺪﺓ ﻋﻠﻰ ﻋﻴﻮﻧﺔ ﮔﺒﻞ ﺷﺎﻝ ﺍﻳﺪﺓ ﻳﺮﺭﺭﺑﻲ ﻋﻠﻰ ﺍﻟﻔﺸﻠﺔ ﺍﻧﻲ ﻭﻳﺎ ﻣﺘﺠﻤﻌﻨﺔ ﺑﺲ ﺍﻟﻔﺸﻠﺔ
ﻫﻲ ﻣﺎﻛﻮ ﻳﻤﺔ ﻧﺎﻳﻤﺔ ﺑﺎﻟﮕﺎﻉ ﺑﺎﻭﻋﺘﻠﺔ ﺭﻓﻌﻠﻲ ﺍﻳﺪﺓ ﻋﻮﺩ ﺗﻌﺎﻱ ﺑﺲ ﺷﻜﻠﺔ ﻣﺘﻐﻴﺮﺭﺭ ﺗﻌﺒﺎﺍﻥ ﻭ ﻳﻘﻬﺮﺭﺭﺭ ﻭﻳﻦ ﺫﻳﭻ ﺍﻟﻬﻴﺒﺔ
ﺳﺪﻳﺖ ﺍﻟﺒﺎﺏ ﻭ ﺩﺭﺕ ﻭﺟﻬﻲ ﺍﺭﻳﺪ ﺍﺭﺟﻊ ﻟﻐﺮﻓﺘﻲ ﺑﺲ ﻣﺎ ﮔﺪﺭﺕ ﻣﻮ ﺑﻴﺪﻱ ﺭﺟﻌﺖ ﻓﺘﺤﺖ ﻏﺮﻓﺘﻬﻢ ﻭ ﺭﺣﺖ ﻳﻤﺔ
ﺍﺑﻮ ﻓﻬﺪ : ﺍﺩﻳﺎﺍﻥ ﻣﺨﻨﻮﮒ ﻣﺨﻨﻮﮒ
ﺍﺩﻳﺎﻥ : ﺷﻮﻥ ﺷﺴﻮﻳﻠﻚ
ﺍﺑﻮ ﻓﻬﺪ : ﻣﻮ ﻛﺎﻓﻲ ﻣﺎ ﺍﺷﺘﻔﻰ ﻏﻠﻴﻠﭻ
ﺍﺩﻳﺎﻥ : ﻻ
ﺍﺑﻮ ﻓﻬﺪ : ﻭ ﺣﮓ ﺭﺑﭻ ﻫﺎﻱ ﻧﻮﻣﺘﻬﺔ ﻣﻦ ﻳﻮﻡ ﺍﻟﺰﻭﺍﺝ ﻟﺴﺔ
ﺍﺩﻳﺎﻥ : ﻭﻋﻮﺩ ﺍﺻﺪﮒ
ﺍﺑﻮ ﻓﻬﺪ : ﻭ ﺣﻖ ﺗﺮﺍﺍﺏ ﺍﻣﻲ
.. ﺳﺤﺒﻨﻲ ﻣﻦ ﺍﻳﺪﻱ ﻧﻤﺖ ﺻﺪﺭﺓ ﻭ ﮔﻤﺖ ﺍﺑﭽﻲ
ﺍﺑﻮ ﻓﻬﺪ : ﺍﺧﺨﺨﺨﺦ ﻭﺍﻟﻠﻪ ﺩﻓﻌﺖ ﺛﻤﻦ ﺩﻣﻮﻋﭻ ﻏﺎﻟﻲ
.. ﺣﺴﻴﺘﺔ ﺻﺎﻳﺮﺓ ﻭﻳﺎ ﺷﻐﻠﺔ ﺑﺲ ﻣﻴﮕﺪﺭ ﻳﮕﻮﻝ ﻭ ﺍﺗﻌﺠﺒﺖ ﻋﻠﻰ ﻫﺎﻱ ﻧﺎﻳﻤﺔ ﻭ ﺗﺸﻮﺧﺮ ﻏﺴﻞ ﺍﻱ ﻭﺍﻟﻠﻪ ﻉ ﮔﻮﻟﺖ ﻓﺪﻋﺔ
ﻃﺒﻌﻲ ﻣﻮ ﺧﺒﻴﺜﺔ ﺑﺲ ﻣﻨﺘﻈﺮﺗﻬﺔ ﺗﮕﻌﺪ ﻋﻠﻤﻮﺩ ﺗﺸﻮﻓﻨﻲ ﺑﻐﺮﻓﺘﻬﺔ ﻫﻢً ﺳﻮﻭﻧﻲ ﺧﺒﻴﺜﺔ ﺍﻧﻲ ﺷﻌﻠﻴﺔ ﻭ ﻫﻮ ﻣﺮﺗﺎﺡ ﻟﻠﺸﻐﻠﺔ ﻻ ﮔﺎﻝ ﻛﻮﻣﻲ ﻭ ﻻ ﺷﻲ
ﺍﺩﻳﺎﻥ : ﻋﺎﻗﺒﺘﻨﻲ ﺑﺸﻲ ﺭﺍﺡ ﻳﺒﻘﻰ ﻭﻳﺎﻱ ﻃﻮﻝ ﺍﻟﻌﻤﺮ
ﺍﺑﻮ ﻓﻬﺪ : ﺍﻋﺘﺒﺮﻳﻬﺎ ﺣﺎﻳﻂ ﻭ ﻣﻮﺟﻮﺩ ﺍﺫﺍ ﮔﺮﺑﺖ ﻳﻤﻬﺎ ﺷﺘﺴﻮﻳﻦ ﺳﻮﻱ
ﺍﺩﻳﺎﻥ : ﺑﺲ ﺍﻧﻲ ﻣﺎ ﺍﺭﻳﺪﻫﺎ
ﺍﺑﻮ ﻓﻬﺪ : ﺗﻬﻮﻭﻥ ﻭﺩﺍﻋﺘﭻ
ﺍﺩﻳﺎﻥ : ﻭ ﺍﺫﺍ ﻛﻌﺪﺕ ﻭ ﻟﻜﺘﻨﻲ ﻫﻨﺎ
ﺍﺑﻮ ﻓﻬﺪ : ﺧﺘﻮﻟﻲ ﺍﻧﻲ ﮔﺒﻞ ﻻ ﺍﺧﻄﺒﻬﺎ ﮔﺘﻠﻬﺎ ﺗﺘﺤﻤﻠﻴﻦ ﺍﻟﺘﺸﻮﻓﻴﻨﺔ ﻭ ﻭﺍﻓﻘﺖ
ﺍﺩﻳﺎﻥ : ﻭ ﺍﻟﻄﻔﻞ
ﺍﺑﻮ ﻓﻬﺪ : ﺗﺮﺩﻳﻦ ﺗﺮﺑﻲ ﺍﻧﺘﻲ
ﺍﺩﻳﺎﻥ : ﻻ ﺷﻨﻮ ﻏﻴﺮ ﺍﺑﻨﻬﺎ
... ﺟﺮ ﺣﺴﺮﺓ ﻭ ﺳﺤﺒﻨﻲ ﺍﻟﺔ ﺣﻴﻞ ﭼﻨﺖ ﻧﻌﺴﺎﻧﺔ ﻧﻤﺖ
ﻓﺘﺤﺖ ﻋﻴﻮﻧﻲ ﺷﻔﺖ ﺍﻓﺮﺍﺡ ﺗﻬﺰ ﺑﺄﻳﺪﻱ ﻭ ﺗﺤﭽﻲ ﺑﺼﻮﺕ ﻧﺎﺻﻲ
ﺍﻓﺮﺍﺡ : ﺷﻌﻨﺪﺝ ﻫﻨﺎ ﻳﻞ ﺑﻼ ﻛﺮﺍﻣﺔ ﺍﻣﺸﻲ ﻃﻠﻌﻲ ﺑﺮﺓ
... ﺣﻀﻨﺘﺔ ﺣﻴﻞ ﻫﻮ ﮔﻌﺪ ﻣﺎ ﺭﻓﻌﺖ ﺭﺍﺳﻲ ﺑﺲ ﺳﻤﻌﺘﺔ ﻳﺤﭽﻲ
ﺍﺑﻮ ﻓﻬﺪ : ﺷﻌﺪﺝ ﻭﺍﻛﻔﺔ
ﺍﻓﺮﺍﺡ : ﺷﻴﺦ ﻣﺎ ﻳﺼﻴﺮ ﻫﻴﺞ ﻭﺍﻟﻠﻪ
ﺍﺑﻮ ﻓﻬﺪ : ﻃﻠﻌﻲ ﻭ ﺳﺪﻱ ﺍﻟﺒﺎﺏ
.. ﻃﻠﻌﺖ ﻭ ﺍﻧﻲ ﺳﻮﻳﺖ ﺭﻭﺣﻲ ﻧﺎﻳﻤﺔ ﻫﻮ ﻳﺒﻮﺱ ﺑﺮﺍﺳﻲ
ﻣﺎﻓﺮﺣﺎﻧﺔ ﻣﻦ ﺭﺟﻊ ﺳﺎﻟﻢ ﻣﺎﺑﻲ ﺷﻲ ﺑﮕﺪ ﻣﺎ ﻓﺮﺣﺎﻧﺔ ﻣﻦ ﺍﺷﻮﻑ
ﺍﻓﺮﺍﺡ ﺗﺘﻔﺸﻞ
ﻣﺎﻝ ﻳﻬﺪﻧﻲ ﻭ ﻳﻄﻠﮕﻨﻲ ﻣﻴﻄﻠﮓ ﺍﺿﻞ ﺍﺑﺎﻭﻉ ﻭ ﺍﻗﻬﺮ ﺑﺮﻭﺣﻲ ﻟﻴﺶ ﺧﻮﺏ ﺍﻧﻲ ﺍﻗﻬﺮﻫﺎ ﻫﻲ ﻛﻠﻬﺎ ﻋﻠﻰ ﺑﻌﻀﻬﺎ ﺍﻓﺮﺍﺡ
ﻭﺧﺮﺕ ﻣﻦ ﻳﻤﺔ ﻫﻮ ﮔﺎﻋﺪ
ﺍﺑﻮ ﻓﻬﺪ : ﺻﺢ ﺍﻟﻨﻮﻡ
.. ﻫﺰﻳﺖ ﺭﺍﺳﻲ ﻭ ﺭﺩﺕ ﺍﻃﻠﻊ
ﺍﺑﻮ ﻓﻬﺪ : ﺗﻌﺎﻱ ﺳﻨﺪﻳﻨﻲ
.. ﺭﺟﻌﺖ ﻟﺰﻣﺖ ﺍﻳﺪﺓ ﻭ ﻧﺰﻟﺘﺔ
ﻓﺪﻋﺔ : ﻳﺎ ﻫﻼ ﺑﻬﺎﻟﺼﺒﺎﺡ
ﺍﺑﻮ ﻓﻬﺪ : ﻫﻼ ﺑﻴﭻ
.. ﻛﻌﺪ ﻭ ﻓﺪﻋﺔ ﺭﺍﺣﺖ ﺟﺎﺑﺖ ﻗﺮﺁﻥ ﺿﻠﺖ ﺗﻘﺮﺍ ﻋﻠﻰ ﺭﺍﺳﺔ ﻫﻮ ﻳﮕﻠﻠﻬﺔ ﺷﻜﻮ
ﻓﺪﻋﺔ : ﻣﺎﻟﻚ ﻏﺮﺽ ﺍﺭﻳﺪ ﺍﺧﺮﺏ ﺳﻮﺍﻟﻒ ﻓﺪ ﻧﺎﺱ
... ﻛﻤﻠﻮ ﺭﻳﻮﮒ ﻭ ﺍﻧﮕﻠﺐ ﺍﻟﺒﻴﺖ ﺗﻨﻈﻴﻒ ﻻﻥ ﺍﻟﻴﻮﻡ ﻋﺰﻳﻤﺔ ﻫﻮ ﮔﺎﻋﺪ ﺑﺎﻟﺼﺎﻟﺔ ﻳﻠﻌﺐ ﺑﺎﻟﺘﻠﻴﻔﻮﻥ ﻭ ﻳﺴﻮﻟﻒ ﻭﻱ ﻓﺪﻋﺔ
ﺍﻧﻲ ﻧﻀﻔﺖ ﺍﻟﻤﻄﺒﺦ ﻭ ﺍﺟﺔ ﺯﻳﺪ ﺟﺎﻳﺐ ﻣﺴﻮﺍﮒ ﻭ ﺍﺟﺘﻲ ﻫﻴﻔﺎﺀ ﺗﺴﺎﻋﺪﻫﻦ ﺻﻌﺪﺕ ﺑﺪﻟﺖ ﻭ ﺣﻄﻴﺖ ﻣﻜﻴﺎﺝ ﻭ ﻋﺪﻟﻠﺖ ﺍﻟﺸﺎﻝ ﻭ ﻧﺰﻟﺖ
ﻫﻮ ﮔﺎﻋﺪ ﺑﺎﻟﺪﻳﻮﺍﻥ ﻻﻥ ﺑﺪﻭ ﻳﺠﻮﻥ ﺍﻟﺸﻴﻮﺥ ﻭ ﺑﻴﻮﺕ ﻋﻤﻬﻢ ﻭ ﺍﻟﺠﻴﺮﺍﻥ ﻫﻮ ﻳﻤﻜﻦ ﻧﺺ ﺍﻟﺒﺼﺮﺓ ﺍﺟﺘﻲ ﺑﺎﻟﺒﻴﺖ
ﻟﺤﺪ ﺍﻟﻠﻴﻞ ﺍﻟﺒﻴﺖ ﻣﺎ ﻓﺮﻍ ﻧﺎﺱ ﻭ ﻳﺎ ﺷﻴﺦ ﺍﻟﻴﺠﻲ ﺟﺎﻳﺐ ﻭﻳﺎ ﻃﻠﻲ ﺍﺩﺭﻱ ﻭﻳﻦ ﺍﻛﻮ ﻃﻠﻲ ﻫﺪﻳﺔ ﺻﺪﮒ ﺗﭽﺬﺑﻮﻥ
ﺍﻟﺴﺎﻋﺔ ﺑﺎﻟﺘﺴﻌﺔ ﺑﻘﻮ ﺑﺲ ﮔﺮﺍﻳﺒﻬﻢ ﻫﻮ ﻃﺐ ﻟﻠﺼﺎﻟﺔ ﻭ ﮔﺎﻣﻦ ﻳﺴﻠﻤﻦ ﻋﻠﻴﻪ ﻭﺣﺪﺓ ﻭ ﺣﺪﺓ ﺍﺷﺮﻟﻲ ﺑﻌﻴﻮﻧﻲ ﺗﻌﺎﻱ ﺭﺣﺖ ﻳﻤﺔ
ﺍﺑﻮ ﻓﻬﺪ : ﻛﻌﺪﻱ ﻟﺘﺸﺘﻐﻠﻴﻦ ﻛﺎﻓﻲ
.. ﺷﻔﺘﻬﻦ ﻭﺍﻛﻔﺎﺕ ﻳﺒﺎﻭﻋﻦ ﻛﻌﺪﺕ ﻳﻤﺔ ﺣﻂ ﺍﻳﺪﺓ ﻋﻠﻰ ﭼﺘﻔﻲ
ﺍﻓﺮﺍﺡ : ﮔﻮﻣﻲ ﺍﺩﻳﺎﻥ ﺻﺒﻲ ﭼﺎﻱ
.. ﺗﻘﺮﺏ ﻳﻢ ﺍﺫﺍﻧﻲ
ﺍﺑﻮ ﻓﻬﺪ : ﻟﺘﮕﻮﻣﻴﻦ ﻣﺎﻟﭻ ﺩﺧﻞ ﺑﻴﻬﺎ
ﺍﺩﻳﺎﻥ : ﻫﺴﺔ ﻟﻮ ﺗﻤﻮﺕ ﮔﺒﺎﻟﻲ ﻫﻢ ﻣﺎ ﺍﮔﻮﻡ
ﺍﺑﻮ ﻓﻬﺪ : ﻫﻬﻬﻬﻬﻬﻪ ﮔﻮﻳﺔ
ﺍﺑﻮ ﻓﻬﺪ : ﺍﻓﺮﺍﺡ ﺳﺘﻜﺎﻥ ﭼﺎﻱ ﻣﻦ ﻳﻤﭻ
ﺿﺮﻏﺎﻡ : ﻭﻋﻠﻲ ﺩﮔﻴﻨﺎﻫﻢ ﺩﮒ ﻟﮕﻴﻨﺎﻫﻢ ﺧﺎﺗﻠﻴﻦ ﻫﻢ ﻭ ﺍﻟﻨﺴﻮﺍﻥ ﺑﻐﺮﻓﺔ
ﺍﺑﻮ ﻓﻬﺪ : ﻛﻔﻮﻭ ﻣﻦ ﺷﻮﺍﺭﺑﻜﻢ
ﺳﻼﻡ : ﺗﺪﻟﻞ ﺍﺑﻮ ﻓﻬﺪ ﭼﻢ ﺷﻴﺦ ﻋﺪﻧﺔ
ﺯﻳﺪ : ﮔﻮ ** ﻳﺪ ﺧﻨﻴﺜﺎﺕ ﻫﻢ ﺍﺛﻨﻴﻦ ﻭ ﺿﺎﺭﺑﻲ ﻏﺪﺭ
ﺳﺠﺎﺩ : ﻏﻴﺮ ﺿﺤﻜﺖ ﻣﻦ ﺷﻔﺘﻬﻢ ﺷﻠﻮﻥ ﻃﻠﻌﻮ ﻣﻦ ﺑﻴﻮﺗﻬﻢ ﻋﺒﺎﻟﻲ ﻟﻴﻤﻮﻧﺘﻴﻦ ﻃﻠﻌﺖ ﻭﺟﻮﻫﻢ ﺻﻔﺮ
ﺿﺮﻏﺎﻡ : ﻫﻬﻬﻬﻬﻬﻬﻬﻬﻪ ﺧﺮﺏ ﺑﻴﻚ ﺳﺠﺎﺩ ﺑﺲ ﺍﻧﺘﺔ ﺍﺑﻮ ﻓﻬﺪ ﺗﺼﺪﮒ ﺗﭽﺬﺏ ﺗﻨﺰﻝ ﻣﻦ ﺳﻴﺎﺭﺗﻚ ﻭ ﺗﺪﺭﻱ ﺑﻬﺬﺍ ﺍﻟﺴﺎ ** ﻏﺪﺍﺭ
ﺍﺑﻮ ﻓﻬﺪ : ﻋﺒﺎﻟﻲ ﺻﺎﺭ ﺯﻟﻤﺔ ﺷﻮ ﻭﮔﻔﺖ ﻭﻳﺎ ﺑﺎﻟﺤﺪﻳﻘﺔ ﻣﺎﺣﺴﻴﺖ ﻏﻴﺮ ﻃﻠﻘﺔ ﺑﭽﺘﻔﻲ
ﺯﻳﺪ : ﻫﻮ ﻋﻼﺀ ﺍﻟﺼﻐﻴﺮ ﺻﻮﺑﻚ
ﺍﺑﻮ ﻓﻬﺪ : ﻫﻮ ﻣﺎﺩﺍﻡ ﺍﺣﭽﻲ ﻭﻱ ﻭﻻﺀ ﺍﻛﻴﺪ ﺍﻟﻀﺮﺑﻨﻲ ﻋﻼﺀ
ﺳﻼﻡ : ﻫﻬﻬﻬﻬﻬﻬﻪ ﺯﻳﺪ ﺻﺪﮒ ﺷﻠﻚ ﺑﻬﺎﻱ
.. ﺷﺎﻭﺭﺗﺔ
ﺍﺩﻳﺎﻥ : ﻧﻌﺴﺖ ﺭﺍﺡ ﺍﺻﻌﺪ
ﺍﺑﻮ ﻓﻬﺪ : ﺻﻌﺪﻱ ﻫﺴﺔ ﺍﺻﻌﺪ ﻭﺭﺍﺝ
ﺍﻡ ﺳﻼﻡ : ﺻﺪﮒ ﺧﺎﻟﺔ ﻣﻦ ﮔﺒﻞ ﺍﺭﺩ ﺍﺳﺌﻠﭻ ﻫﺎﻱ ﺍﻟﺜﻴﺎﺏ ﻣﻨﻴﻦ ﺗﺎﺧﺬﻳﻬﻦ
ﺍﺩﻳﺎﻥ : ﻧﺺ ﻣﻦ ﺍﻟﺴﻨﺘﺮ ﻭ ﻧﺺ ﻣﻦ ﺗﺮﻛﻴﺎ
ﺍﻡ ﺳﻼﻡ : ﻫﺎ ﺑﺎﻟﻌﺎﻓﻴﺔ ﺧﺎﻟﺔ
.. ﻋﻔﺘﻬﻢ ﻭ ﺻﻌﺪﺕ ﺳﺒﺤﺖ ﻭ ﻣﺸﻄﺖ ﺷﻌﺮﻱ ﻭ ﺍﺟﻴﺖ ﺍﻧﺎﻡ ﺩﺧﻞ ﻫﻮَ ﻻﺯﻣﺘﺔ ﺍﻓﺮﺍﺡ ﻭﻫﻲ ﺗﺨﺰﺭ
ﻃﻠﻌﺖ ﻭ ﺳﺪﺕ ﺍﻟﺒﺎﺏ ..
ﺍﺑﻮ ﻓﻬﺪ : ﻧﺰﻋﻴﻨﻲ ﺍﻟﺪﺷﺪﺍﺷﺔ
.. ﻧﺰﻋﺘﺔ ﻭ ﻧﺎﻡ ﻋﻠﻰ ﺍﻟﭽﺮﺑﺎﻳﺔ ﺑﺲ ﻳﻮﻥ ﻣﻦ ﺍﻻﻟﻢ
ﻣﺪﻟﻲ ﺍﻳﺪﺓ ﺍﻟﺜﺎﻧﻴﺔ ﺑﺲ ﻣﺎ ﻧﻤﺖ ﻋﻠﻴﻬﺎ ﻧﻤﺖ ﻋﻠﻰ ﺍﻟﻤﺨﺪﺓ
ﺍﺑﻮ ﻓﻬﺪ : ﺍﺧﺨﺨﺨﺨﺨﺦ ﻳﺎﺑﺔ
... ﺭﻓﻌﺖ ﺭﺍﺳﻲ .. ﺷﻨﻮ ﺷﺒﻴﻚ
ﺍﺑﻮ ﻓﻬﺪ : ﻣﺎ ﺑﻴﺔ ﺑﺲ ﻏﻄﻴﻨﻲ
.. ﻏﻄﻴﺘﺔ ﻭ ﻭ ﺳﺤﺐ ﺭﺍﺳﻲ ﻋﻠﻰ ﺻﺪﺭﺓ ﻭ ﻋﺪﻝ ﺍﻟﻐﻄﺔ ﻣﻦ ﻳﻤﻲ
ﻭ ﺍﻧﻄﺎﻧﻲ ﺗﻠﻴﻔﻮﻧﺔ
ﺍﺑﻮ ﻓﻬﺪ : ﻓﺘﺤﻲ ﺍﻟﺮﻣﺰ
ﺍﺩﻳﺎﻥ : ﺷﻜﺪ ﺍﻟﺮﻣﺰ
ﺍﺑﻮ ﻓﻬﺪ : 1976
.. ﻫﺎﻱ ﻣﻮﺍﻟﻴﺪﺓ ﺍﻋﺮﻓﻬﺎ ﻓﺘﺤﺘﺔ ﺍﻧﻔﺘﺢ
ﺍﺑﻮ ﻓﻬﺪ : ﺧﻠﻲ ﻳﻤﭻ ﺑﻴﻦ ﻣﺎ ﺍﺻﻴﺮ ﺯﻳﻦ ﻭ ﺍﺟﻴﺒﻠﭻ ﻭﺍﺣﺪ
.. ﺩﺧﻠﺖ ﻋﻠﻰ ﺍﻟﻴﻮﺗﻴﻮﺏ ﭼﻨﺖ ﺿﺎﻳﺠﺔ ﻣﻦ ﻣﻘﻄﻊ ﻟﻤﻘﻄﻊ ﻭ ﻫﻮ ﻳﺒﺎﻭﻉ ﻭﻳﺎﻱ ﻣﺎ ﺣﭽﺔ ﺷﻲ ﻧﻌﺴﺖ ﺣﻄﻴﺘﺔ ﻋﻠﻰ ﺍﻟﺸﺤﻦ ﻭ ﻧﻤﺖ ﺿﻞ ﻳﺒﻮﺱ ﺑﻮﺟﻬﻲ
ﺣﺮﺭﺭﺭﺕ ﺍﻓﺴﺮ ﻫﺬﺍ ﺍﻻﻧﺴﺎﻥ
ﻭﺣﺶ ؟ ﺣﻨﻴﻦ ؟ ﻳﺤﺒﻨﻲ ؟ ﻳﻜﺮﻫﻨﻲ ؟
ﺷﻮ ﺳﺎﻋﺔ ﻳﺬﻟﻨﻲ ﺳﺎﻋﺔ ﻳﺨﻠﻴﻨﻲ ﻓﻮﮒ ﺍﻟﻜُﻞ
ﺳﺎﻋﺔ ﻳﺤﺒﺴﻨﻲ ﻭ ﺳﺎﻋﺔ ﻳﺨﻴﺮﻧﻲ ﻭﻳﻦ ﻳﺎﺧﺬﻧﻲ
ﻣﺮﺓ ﻳﺤﺮﻣﻨﻲ ﻭ ﻣﺮﺓ ﻳﺪﻟﻠﻨﻲ
ﻻ ﺍﻧﻲ ﺑﻴﺔ ﺧﻴﺮ ﻭ ﺍﻛﺪﺭ ﺍﻛﺮﻫﺔ ﻭ ﺍﻋﻮﻓﺔ ﺻﻌﺐ ﻣﺎﮔﺪﺭ
ﺍﻭﻝ ﺍﻧﺴﺎﻥ ﺣﺒﻴﺘﺔ ﻣﺎ ﻋﺎﻳﺸﺔ ﻗﺼﺔ ﺣﺐ ﻗﺒﻞ ﺣﺘﻰ ﺗﺼﻴﺮ ﻋﻨﺪﻱ ﺧﺒﺮﺓ
.. ﻣﺸﺖ ﺍﻻﻳﺎﻡ ﻭ ﺻﺎﺭ ﺯﻳﻦ ﻭ ﺷﺎﻟﻮ ﺍﻟﺨﻴﺎﻁ ﺑﺲ ﮔﺎﻟﻮﻟﺔ ﻣﺪﺓ 3 ﺍﺷﻬﺮ ﻣﺘﺸﻴﻞ ﺍﻱ ﺛﮕﻞ ﻭ ﻻ ﺗﺤﺮﻛﻬﺎ ﻫﻮﺍﻱ
ﻋﻼﻗﺘﻲ ﻭﻳﺎ ﻻ ﻫﻲ ﺯﻳﻨﺔ ﻭ ﻻ ﻣﻮ ﺯﻳﻨﺔ
ﺍﺑﺪﺩ ﻣﺎ ﺩﺧﻞ ﻟﻐﺮﻓﺔ ﺍﻓﺮﺍﺡ ﺑﻌﺪ ﻭ ﻻ ﻳﮕﻠﻠﻬﺎ ﻋﻠﻰ ﺷﻲ ﻭﻫﻲ ﻣﻦ ﺗﻠﮕﺎﻧﻲ ﺑﻤﻜﺎﻥ ﺍﻧﻲ ﻭﻳﺎﻫﺎ ﻭﺣﺪﻧﺔ ﺗﻄﻴﺤﻠﻲ ﺩﮒ ﺭﺯﺍﻳﻞ ﻭ ﺍﻧﻲ ﻫﻢ ﻣﺎ ﺍﻗﺼﺮ ﻭﻳﺎﻫﺎ
ﺑﺲ ﻫﻢ ﺑﻌﺪﺓ ﮔﻠﺒﻲ ﺷﺎﻳﻞ ﻋﻠﻴﻪ
ﺯﻫﺮﺍﺀ ﻭ ﺣﻮﺭﺍﺀ ﻳﺠﻦ ﺑﻴﻦ ﻓﺘﺮﺓ ﻭ ﻓﺘﺮﺓ ﺯﻫﺮﺍﺀ ﺯﻳﻨﺔ ﺑﺲ ﺣﻮﺭﺍﺀ ﺣﻴﺔ ﺗﺬﺏ ﺳﻤﻬﺎ ﻭ ﺗﺮﻭﺡ
... ﺟﻨﺖ ﮔﺎﻋﺪﺓ ﺑﺎﻟﻠﻴﻞ ﻳﻢ ﻓﺪﻋﺔ ﻭ ﺑﺸﺮﻯ ﻭﺭﺍ ﺷﻮﻳﺔ ﻧﺰﻟﻦ ﻣﻦ ﻓﻮﮒ ﺍﻓﺮﺍﺡ ﻭ ﺳﻠﻴﻤﺔ ﻳﺘﻤﻀﺤﻜﻦ ﻃﺐ ﺯﻳﺪ ﻭ ﺍﻟﺤﺠﻲ ﻭ ﺍﺑﻮ ﺳﺮﺍﺏ
ﻭ ﻫﻮ ﻭﺭﺍ ﺷﻮﻳﺔ ﺍﺟﺔ ﺑﻴﺪﺓ ﻋﻼﮔﺘﻴﻦ ﺍﻧﻄﺎﻧﻴﺎﻫﻦ
ﺍﺑﻮ ﻓﻬﺪ : ﺻﻌﺪﻳﻬﻦ ﻻ ﻳﮕﻮﻣﻦ ﻳﺎﻛﻠﻨﭻ ﻫﺴﺔ
ﺍﺩﻳﺎﻥ : ﻃﺒﻬﻦ ﻣﺮﺭﺭﺽ
ﺍﺑﻮ ﻓﻬﺪ : ﻓﻼ ﺗﮕﻌﺪﻳﻦ ﺭﺍﺣﺔ
.. ﺍﺧﺬﺗﻬﻦ ﻭ ﺻﻌﺪﺕ ﻭﺣﺪﺓ ﺗﻠﻴﻔﻮﻥ ﻭ ﺍﻟﺜﺎﻧﻴﺔ ﺣﻠﻮﻳﺎﺕ ﻗﻔﻠﺖ ﺍﻟﻐﺮﻓﺔ ﻭ ﻧﺰﻟﺖ ﺍﺟﺘﻲ ﺍﻓﺮﺍﺡ ﻣﻦ ﺍﻟﻤﻄﺒﺦ ﻣﺴﻮﻳﺔ ﻛﺎﺳﺎﺕ ﺟَﻠﻲ ﻗﺪﻣﺘﻠﻬﻢ ﻭ ﻣﺎ ﺍﻧﻄﺘﻨﻲ ﻭ ﺍﻟﮕﺒﺮ ﻟﻠﺤﻴﺔ
ﻓﺪﻋﺔ : ﭼﺎ ﻟﻴﺶ ﻋﮕﺒﺘﻲ ﺍﺩﻳﺎﻥ
ﺍﻓﺮﺍﺡ : ﻳﺎ ﻣﺎﺩﺭﻱ ﻣﻮ ﻣﺴﻮﻳﺔ ﻋﻠﻰ ﺍﻟﻌﺪﺩ
ﺍﺑﻮ ﻓﻬﺪ : ﺭﻭﺣﻲ ﺟﻴﺒﻲ ﺧﺎﺷﻮﮔﺔ ﻭﺗﻌﺎﻱ ﺍﻛﻠﻲ ﻭﻳﺎﻱ
... ﻭﺍﻟﻠﻪ ﺍﻧﻲ ﻣﺎﺭﻳﺪ ﺑﺲ ﺑﻌﻨﺎﺩﻫﺎ ﺍﻻ ﺍﻛﻞ ﻫﻬﻬﻪ
ﺍﺩﻳﺎﻥ : ﺷﻨﻮ ﻫﺎﻱ ﻟﻴﺶ ﺣﺎﻁ ﺣﻤﺮﺓ
ﺍﺑﻮ ﻓﻬﺪ : ﺍﺷﺘﻌﻠﻮﻭﻭ ﺑﺲ ﻻ ﺍﻧﺼﺒﻎ ﺣﻠﮕﻲ
ﻓﺪﻋﺔ : ﺯﻟﻢ ﺍﺧﺮ ﻭﻛﺖ ﻣﺸﻮﺭﺑﺔ ﻭ ﻣﺤﻤﺮﺓ
ﻛﺎﻣﻮ ﻳﻀﺤﻜﻮﻥ ..
ﺻﻌﺪﺕ ﻓﻮﻙ ﻫﻮ ﻭﺭﺍ ﺷﻮﻳﺔ ﺻﻌﺪ ﺳﺒﺢ ﻭ ﻃﻠﻊ ﻓﺘﺢ ﺍﻟﺘﻠﻴﻔﻮﻥ ﻭﺿﻞ ﻣﺎﻋﺮﻑ ﺷﻴﺴﻮﻱ ﺑﻲ ﻓﺘﺤﺖ ﺍﻟﺘﻠﻔﺰﻳﻮﻥ
ﺍﺑﻮ ﻓﻬﺪ : ﻳﺎﺑﺔ ﺍﺩﻳﺎﻥ ﻫﺬﺍ ﺗﻠﻴﻔﻮﻧﭻ ﺍﻧﻲ ﻣﺎ ﺭﺍﺡ ﺍﺫﻛﺮﭺ ﻟﻮ ﺍﺿﻮﺟﭻ ﺑﺲ ﺍﻧﺘﻲ ﺻﺎﺭﻟﺞ ﻫﻮﺍﻱ ﻛﺎﻋﺪﺓ ﻳﻤﻲ ﻳﻌﻨﻲ ﺍﻟﻤﻔﺮﻭﺽ ﺗﻌﺮﻓﻴﻦ ﻃﺒﻌﻲ
ﺍﻟﺸﻐﻠﺔ ﻣﻦ ﺗﺪﺭﻳﻦ ﺑﻴﻬﺎ ﻏﻠﻂ ﻻ ﺗﺴﻮﻳﻬﺎ
ﺍﻧﺎ ﻭﺣﺶ ﺍﻧﺎ ﻫﻤﺠﻲ ﻣﺎ ﺍﻓﺘﻬﻢ ﻣﻮ ﻣﺜﻘﻒ ﻫﺬﺍ ﺍﻧﺎ ﻭ ﻫﺬﺍ ﺍﻟﻠﻪ ﺑﻼﭺ ﺑﻴﺔ ﻻ ﺗﻐﺜﻴﻨﻲ ﺣﺘﻰ ﻣﺎ ﺍﻋﺬﺑﭻ ﻭ ﺍﻧﺎ ﻣﻦ ﺍﻋﺬﺑﭻ ﺍﺩﺭﻱ ﺑﺮﻭﺣﻲ ﻳﺠﻲ ﻳﻮﻡ
ﻭﺍﺭﺟﻊ ﺍﺩﻭﺭ ﺭﺿﺎﭺ
ﺍﻟﺸﻐﻠﺔ ﺍﻟﻤﺎ ﻣﺘﺄﻛﺪﺓ ﻣﻨﻬﺎ ﺳﺌﻠﻴﻨﻲ ﻋﻠﻴﻬﺎ ﻣﻮ ﻣﻦ ﺍﻟﮕﻔﭻ ﺗﻄﻠﻌﻴﻦ ﻏﻠﻄﺎﻧﺔ ﻭ ﺍﻧﺎ ﺍﺑﻮ ﺍﻟﺼﻮﭺ
ﻫﺴﺔ ﻟﺰﻣﻲ ﻭﺍﺣﺪ ﻣﻦ ﺍﻟﺸﺎﺭﻉ ﮔﻠﻴﻠﺔ ﺍﻛﻮ ﺭﺟﺎﻝ ﻟﮕﺔ ﻣﺮﺗﺔ ﺗﺮﺍﺳﻞ ﺑﺪﻭﻥ ﻋﻠﻤﺔ ﺭﺍﺡ ﻳﮕﻠﺞ ﺫﺑﺤﻬﺎ ﺣﻼﻝ ﻑ ﻳﺎﺑﻮﻳﺔ ﻫﺬﺍ ﻏﻠﻂ ﺗﻌﺎﻗﺒﺘﻲ ﻋﻠﻴﻪ ﻭ ﺗﻌﻠﻤﺘﻲ ﻣﻨﺔ
ﻭ ﺍﻥ ﺷﺎﺀ ﺍﻟﻠﻪ ﻣﺎﺗﻨﻌﺎﺩ ﻭ ﻣﺘﺄﻛﺪ ﻣﺘﻨﻌﺎﺩ
ﺍﺩﻳﺎﻥ : ﻭﻣﺎ ﺍﺭﻳﺪ ﺍﻓﺮﺍﺡ
ﺍﺑﻮ ﻓﻬﺪ : ﻭﭺ ﻳﺎﺑﺔ ﺷﭽﻠﺒﺘﻲ ﺑﻴﻬﺎ ﻫﺎﻱ ﻣﻮ ﻣﻦ ﺑﺎﺏ ﺍﻟﺒﻴﺖ ﻟﺤﻀﻨﭻ ﺭﺍﻳﺤﻠﻬﺎ ﺍﻧﺎ
ﺍﺩﻳﺎﻥ : ﻟﻌﺪ ﺷﻨﻮ ﺧﻠﻴﺘﻬﺎ ﺗﻐﻴﺮ ﺩﻳﻜﻮﺭ ﺍﻟﺒﻴﺖ
ﺍﺑﻮ ﻓﻬﺪ : ﻣﻌﺎﺟﺒﭻ ﺑﺎﭼﺮ ﺍﺧﺬﭺ ﻭ ﺍﺛﺜﻲ ﺍﻟﺒﻴﺖ ﻋﻠﻰ ﺫﻭﻗﭻ
ﺑﻌﺪ ﺗﺄﻣﺮﻳﻦ ﺑﺸﻲ
ﺍﺩﻳﺎﻥ : ﻻ
ﺍﺑﻮ ﻓﻬﺪ : ﺍﺫﺍ ﺳﺎﻓﺮﺕ ﺗﺮﺣﻴﻦ ﻭﻳﺎﻱ
ﺍﺩﻳﺎﻥ : ﻻ
ﺍﺑﻮ ﻓﻬﺪ : ﺑﻜﻴﻔﭻ
ﺍﺩﻳﺎﻥ : ﭼﺬﺏ ﺍﺭﻭﺡ
ﺍﺑﻮ ﻓﻬﺪ : ﻫﻬﻬﻬﻬﻪ ﻓﺪ ﺍﺳﺒﻮﻉ ﻭ ﻧﺮﻭﺡ ﻟﺪﺑﻲ
ﺍﺩﻳﺎﻥ : ﺗﺒﺎﻭﻉ ﻟﻮ ﺍﻃﻔﻲ
ﺍﺑﻮ ﻓﻬﺪ : ﺭﺍﺡ ﺗﻨﺎﻣﻴﻦ
ﺍﺩﻳﺎﻥ : ﺍﻱ ﻟﻴﺶ
ﺍﺑﻮ ﻓﻬﺪ : ﻻ ﻳﺎﺑﺔ ﺳﻼﻣﺘﭻ ﻧﺎﻣﻲ
... ﺍﺩﺭﻱ ﺑﻲ ﺷﻴﻘﺼﺪ ﺑﺲ ﺧﻠﻲ ﻫﻴﭻ ﻫﻮ ﺻﺎﺭ ﺷﻬﺮ ﻣﻦ ﺗﺼﺎﻟﺤﻨﺔ ﺍﻧﺎﻡ ﻳﻤﺔ ﻭ ﻳﻠﻤﺤﻠﻲ ﺻﺎﺭ ﻓﺘﺮﺓ ﺑﺲ ﺳﻮﻳﺖ ﺭﻭﺣﻲ ﻣﺎﺩﺭﻱ ﺷﻴﻘﺼﺪ ﻭ ﻗﺒﻠﻬﺎ ﺷﻬﺮ ﻭ ﻧﺺ ﺍﻧﻲ ﻣﺎ ﺍﺣﭽﻲ ﻭﻳﺎ
ﻭ ﺍﺳﻤﻌﺔ ﻳﻀﻞ ﻳﺸﻤﺮ ﺣﺴﺮﺍﺕ ﺑﺲ ﺧﻠﻲ ﻳﺘﺤﺴﺮ ﺍﺣﺴﻦ
ﺟﻨﺖ ﻣﻐﻤﻀﺔ ﻋﻴﻮﻧﻲ ﻭ ﻧﺎﻳﻤﺔ ﻋﻠﻰ ﺍﻳﺪﺓ ..
ﺍﺑﻮ ﻓﻬﺪ : ﺗﺮﻯ ﻫﺎﻱ ﻣﺎ ﺻﺎﻳﺮﺓ
ﺍﺩﻳﺎﻥ : ﺷﻜﻮ
ﺍﺑﻮ ﻓﻬﺪ : ﻻ ﺍﻃﻴﻚ ﻭ ﻻ ﺍﺧﻠﻲ ﺭﺣﻤﺔ ﺍﻟﻠﻪ ﺗﻨﺰﻝ ﻋﻠﻴﻚ
ﺍﺩﻳﺎﻥ : ﺷﻨﻮ
ﺍﺑﻮ ﻓﻬﺪ : ﻋﻮﺩ ﻳﻌﻨﻲ ﻫﺴﺔ ﺍﻧﺘﻲ ﻓﻘﻴﺮﺓ
ﺍﺩﻳﺎﻥ : ﺷﻨﻮ ﻣﺎ ﺟﺎﻱ ﺍﻓﻬﻢ ﺗﺮﻯ
ﺍﺑﻮ ﻓﻬﺪ : ﻧﺎﻣﻲ ﻧﺎﻣﻲ ﺧﻠﻴﻨﺔ ﻋﻠﻰ ﺍﻟﺒﻮﺱ ﻣﺎﺑﻲ ﺷﻲ ﻫﻢ ﺭﺣﻤﺔ
.. ﻫﻨﺎ ﻣﺎ ﺗﺤﻤﻠﺖ ﻃﮕﻴﺘﻬﺎ ﺿﺤﻜﺔ ﻭ ﻫﻮ ﻫﻢ ﮔﺎﻡ ﻳﻀﺤﻚ
_____________________________
البارت ٤٥
#المتمرد_والصغيره