هلا راح ابلش بهاي القصة هي قصة حقيقية لكن مع شوية تعديلات، اتمنى تعجبكم 🤗
القصة تحجي عن بنت اسمها شمس مع ضابط قيصر
هلاو اني اسمي شمس عمري ١٥ سنة صف ثالث متوسط ماما اسمها رفل عمرها ٣٧ سنة من بغداد و بابا اسمه محمد عمره ٤٢ سنة من الموصل عندي اخوان ثنين علي عمره ١٩ مرحلة اولى كلية هندسة طبية و احمد عمره ١٨ سنة سادس إعدادي
ماما و بابا تعرفو على بعض بالكلية بابا جان يداوم ابغداد هندسة نفط تعرف على ماما و حبو بعض و تزوجو.
شرط جدو جان انو يبقى بغداد و مايرجع للموصل
بالبدابة اهل بابا ماوافقو بس بعدين موافقين لخاطر بابا
تزوجو ابغداد و سكنو عد اهل ماما سنة علما تخرجو و اجرو بيت بس التعين مالتهم طول اكثر من سنة و جابو اخوي علي فأضطر بابا انو يرجع للموصل بسبب المعيشة و الايجار
اهل بابا ناس متمكنين عدهم مخازن اقمشة تجار يبيعون بالجملة للمحلات يعني حالتهم الماديه كلش زينة فبابا قرر انو يرجع لشغلهم بالموصل و جان عنده بيت بأسمه بالموصل فراح عالموصل و سكن هناك بعدها بسنة صار عدهم طفل ثاني اخوي احمد استقرو بالموصل و مشت الايام بعد ثلاث سنين اني نورت الكوكب 🙊سموني شمس لان بنت عمي اسمها قمر اكبر مني بشهرين فسموني على اسمها شمس اني جنت المدللة عد اهل بابا و ماما طالعة على عماتي بيضة و عيوني ملونه بحيث من نروج بغداد بيت جدو يكلولي اجت الروسية 😂
مشت الايام و صار سقوط الموصل قبل سقوط الموصل بأيام احنا طلعنا لان أصدقاء بابا كلوله تره اكو تحركات يجوز الموصل تسقط بأي لحظة اخذ عائلتك واطلع منا.
فعلاً بابا صفة كل المخازن و عمامي كذلك ثنيناتهم راحو على تركيا بس ماما ماقبلت احنا نطلع كالت نروح بغداد رحنا على بيت عمتي بالدهوك عماتي ثنين متزوجات وحده ساكنة بدهوك و الثانية بالموصل رحنا على دهوك بقينا يمهم اكثر من شهر قضينا شهر رمضان هناك و بعد رمضان الموصل سقطت صار النزوح و هاي ماما جانت كلش خايفة علينا كالت لازم نروح للجنوب الوضع مايطمن مامرتاحة فبابا قرر انو نروح لبغداد لبيت جدو مناك رحنا على اربيل من اربيل طلعنا السليمانية وبعدها على بغداد مباشرة متنا من التعب و الطريق ازدحامات و نزوح و بهدلة بطلوع الروح وصلنا لبغداد بالسيطرة جانو يوكفون الناس للتفتيش يطلبون الجناسي فقط الحشد و الجيش وصلنا لسيطرة كامو يسألون بابا و كلوله عالجناسي جانو مجموعة من الجنود من ضمنهم اكو واحد ضخم جان واكف بنصهم ملثم شاف جنسية بابا نزل اللثمة مالة و سلم على بابا
كله اشونك ابو علي بابا ماعرفة بالبداية
كله اطبك على صفحة انزل ارتاح شوية
فعلا بابا طبك السيارة ماما كالت منو هذا بابا كال مااعرفه هسه خل اشوفه نزل بابا هو و اخوي علي سلمو عليه جانو واكفين مسافة عنا و الولد ظهره علينا ماشفت وجهه
طولت بالمقدمة اعرف بس البارتات الجاية ناررررر ♥️
