اتمنى تدعموني حتى استمر بتنزيل البارتات الباقية 🌹 نور : اشونك عمو حبيبي قيصر : هلا عمو نور : عمو بس عندي طلب يمك قيصر : أأمريني حبيبتي نور: لاتجي تنزل هسه عالبيت عالمغرب تعال قيصر : ليش نور : وصيت على كم شغله و اريدك اتجيبهم الي ومااريد اشيل منية احد ثاني غيرك قيصر : افهم من كلامج هسه تشيلين منيتي 😂 نور : لا عمو غير انت حبيبي امون عليك قيصر : زين وين اجيبهن انطيني العنوان نور : انت هسه ابقى بالمركز شوية و ادزلك العنوان عالمغربية عيج علما يجهزولي الطلبية قيصر : تمام تأمرين أمر ست نور و سديت الخط. من يوم الاستشهد بيها ابوهم حلفت انو ماارفضلهم طلب و خصوصي نور من استشهد ابوها جانت كلش صغيرة و تعلقت بيه كلش لهسبب اعتبرها مثل بنتي. المهم انتظرت للمغرب نور بعدها مادزتلي العنوان خابرتها قيصر : الو ها عمو شو مدزيتيلي العنوان نور : عمو اني اسفه لغيت الطلبية و خليتك تنتظر تعال عالبيت حبيبي قيصر : ليش لغيتيها شنو جان حتى اجيبلج اني نور : لا عمو شغلات بنات باجر طلعنا للمول عود اشتريها تعال يلا لاتتأخر راح نتعشا قيصر : ان شاء الله طلعت من المركز توجهت للبيت الطريق تقريباً ساعة اكثر لان كلش ازدحامات و مغربية وصلت للبيت بعد العشاء البيت هدوء كلش دخلت لصاله طافين الاضواء اول مافتت شغلو الاضواء. الكل : سنة حلوه ياجميل سنة حلوه ياجميل سنة حلوه سنة حلوه سنة حلوه ياجميل هييييي الكل يصفك قيصر : اني مااحب هاي السوالف ابدد بس هاي اول مرة يسولي عيد ميلاد و كل العائلة جانت فرحانه ماردت اخرب فرحتهم ولج نور هاي خطتج جانت مو اخرتيني حتى تسويلي مفاجأة نور : اكيد يااحلى عمو روح غير ملابسك و تعال قيصر : كلش جان هوسه و الجهال كلت عليمن هو منو اكو خليني بهاي الملابس نور : عراحتك تعال قطع الكيكة قيصر : شنو هاي سوالف مال زعاطيط نور : عمو لخاطري حوراء : يلا عمو لاتخرب علينا التعب كله قيصر : زين يابه امري لله اجيت اقطع الكيكة حوراء : عمو اتمنى امنية اكثر شي تريده يصير و طفي الشمعة بعدين قطع الكيكة قيصر : غمضت عيوني كلت الحمد لله عندي كلشي اريد رب العالمين يدلني راحت بالي وين. اول مافتحت عيني شفت ملاك على هيئة بشر كدامي هي اول وحده وكع عيني عليها اول مافتحت عيوني انصدمت. بقيت صافن شنو هذا اكيد اني احلم شنو هالجمال كله. قاطع تفكيري صوت نور نور : عمو احم قطع الكيكة قيصر : احم اي صار. ارتبكت من شفتها مااعرف ليش. اني و طولي و هيبتي تجي وحده ام شبر ونص هيج تسوي بيه ياربي اشكاعد يصير ويايه. المهم قطعت الكيكة و وزعوها و الكل عايدني حتى عبير هم عبير : كل عام وانت بخير اخويه ان شاء الله العمر كله قيصر : وانتي بخير اختي رحم الله والديج. بقت بس شمس شمس : من كالو قيصر اجه طفو كل الاضواء و من دخل للبيت شغلو الاضواء انصدمت شنو من جمال و هيبة هذا جان لابس عسكري و شايل جنطته طالع كلش حلو بس هو ماشافني لان جان هوسه كامو يغنون و كالو يقطع الكيكة و يتمنى امنية. الكل كعد عالقنفات بس احنا بقينا يعني البنات اني و حوراء و نور و الجهال. جان مغمض عيونه واني صافنه عليي اشكد هيبة و رجولي و شهم فجأة فتح عيونه بقى صافن عليه لحدما نور كالته يطفي الشمعة و يقطع الكيكة. المهم الكل عايده بس بقيت اني و جان يباوع عليه من بعيد صالتهم جبيرة و الكل جان ملتهي. حوراء و خالتو عبير اجو عليه عبير : شمس شو ما عايتي روحي عايدي عيب دفعتني اني كل جسمي صار قطع من نار. رحت شوية شوية قيصر : باوعت عليها شفتها عبير و حوراء واكفات يمها و عبير حجت وياها و هيج دفعتها من ايدها هي اجت عليه بس اشون بخطوات بطيئة كلش كلما تتقرب احس گلبي يزيد دكاته لحدما وصلت يمي جانت لابسه فستان اخضر . 👇شكل شمس
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و حاطه شال على راسها صحيح كل شعرها تبين بس هاي خطوة زينه يعني عدها نية تتحجب و هاي اول مرة اشوف عليها الشال يامحمد اشكد طالعة حلوه منزله راسها واني اباوع على كلشي بيها ياربي شنو هذا النور اليطلع من وجهها و خجلانة و خدودها حمر صايرات ماخلت عقل براسي من جمالها. قيصر : اشونج شمس من كلت اسمها هي مباشرة رفعت راسها و اجت عينها بعيني. احس ماخلت دم بجسمي عيونها كلش حلوات مغريات بشكل بقينا صافنين واحد يباوع عالثاني بودي اعرف اكو احد بگلبج احجيها بيني و بين نفسي اسأل عيونها مااعرف ليش ردت اعرف اذا اكو احد بحياتها و بس مجرد التفكير بهذا الشي اشتعلت نار. شمس : زينه الحمدلله كل عام وانت بخير عمو قيصر قيصر : وانتي بألف خير اشكد صوتها ناعم و هادئ. صافن بوجهها و هي خجلت نزلت راسها ياربي اشكد حلوه من تخجل اشكد بريئة وعيت على نفسي على صوت نور. نور : ها عمو اشبيك صافن 😉 قيصر : خزرتها نور نور : عمو حبيبي اتشاقه وياك شمس : اني جمدت بمكاني احس گلبي راح يطلع من مكانه هيج صافن عليه مااكدر ارفع راسي مرتبكة كلش لحدما اجت نور انقذتني. ورحت وياها. بس كلما تجي عيني على قيصر اشوفه يباوع عليه انزل عيوني و احاول مااباوع عليي بس ارجع نفس الشي خارج ارادتي عيوني تدور عليي. قيصر : الكل متونس و فرحان واني بداخلي بركان و اتصارع ويه نفسي احاول امنع نفسي منها بس مااكدر احاول مااباوع عليها بس مو بيدي اباوع على حركاتها اشكد هادئة و عفوية و من تبتسم تشكد بالكاع. استغفرت ربي و صعدت فوك حتى مااخليها تسيطر عليه احاول بكل الطرق اسيطر على مشاعري بقيت افتر بالغرفة اجي و اروح صرت بركان من الغضب ياربي مااريد اتعلق بيها مااريدها تسيطر على مشاعري اني مااثق بالبنات و منو هي اصلاً حتى هيج افكر بيها و مااكدر اقاوم نفسي من اشوفها.
