هذا البارت قد لايناسب بعض الاعمار
اتمنى تدعموني 🙏
قيصر : اني موافق اذا حوراء موافقة.
امير : تمام حبيبي
دخلت للاستقبال كتلهم لازم اخذ رأي العائلة من رخصتكم
امير : رحت للهول وكفت يم باب الاستقبال المطل عالهول صحت البنات ام عباس خوية
ام عباس : ها خوية امير كول
امير :صيحيلي حوراء ابو علي و الجماعة جاين يخطبوها لعلي
حوراء : اجيت نعم عمو بس اشكد مستحية.
امير : حوراء حبيبتي الجماعة جايلج خطابة لعلي شنو رأيج انتي
حوراء : عمو الشور شورك
امير : يعني موافقة لو لا
حوراء : عمو بكيفك انت
امير : بابا احجي موافقة لو لا
شمس : گرصتها لج كولي اي
حوراء : اي موافقة.
قرو الفاتحة و النسوان كامت تهلهل جنت راح اطير من الفرح. كالو الخميس الجاي الخطوبة و العقد
علي : من امير صاح لحوراء جنت ميت من الخوف لا ترفض لان كلش تخاف من عمام ابوها. و من كالت موافقة ماصدكت لوما رجال طول و عرض جان بجيت من الفرح بالكوة مسكت دموعي 😅
قرينا الفاتحة و قررنا الخميس القادم الخطوبة و العقد.. طلعنا من بيتهم و اردت اشوف حوراء مشتاقتلها موت
طلعو النسوان لمحتها وراهم ياربي اشكد حليانة. خالتي ام عباس اجت سلمت عليه بستها من راسها.
رجعنا للبيت طاير من الفرح.
شموس جيبيلي عشاء ميت من الجوع
شمس : 😏😏 مو خاف ماتشتهي لان صارلك كم يوم ماتشتهي تاكل.
احمد : هههههه اي والله ابوس عيونج على هذا الحجي
علي : اشبيكم انتو احترمو لاتنسون اني اخوكم الجبير
شمس : 😊😊 من عيوني حبيبي احضرلك احلى عشاء
علي : سالمات عيونج حبيبي.
شمس : الله لايحرمني منكم و حضنت علي و احمد.
✅ تسريع الاحداث ✅
صار يوم الأربعاء و بيتنا مخبوص باجر خطوبة علي الكل يحضر اني اشتريت فستان لونه بيجي كلش بسيط و ناعم شويه قصير و خالتو عبير هم زتت الاسود و اشترت فستان اخضر و نسوان خوالي هم
صار اليل متنا من التعب و التحضير و روحة السوك مااعرف اشون نمت....
كعدت الصبح على صوت ماما
شفت الساعة 9 ونص طفرت من مكاني رحت خالتو عبير كعدي ساعة 10 موعدنا ساعة 11 عد ام الصالون كعدنا تريكنا خابرت حوراء.
شمس : هلو حبي راح نجي عليج مستعدة.
حوراء : اي حبيبي
رحنا على حوراء اخذناها و رحنا لصالون جهزتها طلعت عبالج لعابة طلعت كلش حلوه تجنننن 😍
شكل حوراء 👇
