هذا البارت بيها كلمات ماتناسب كل الاعمار.
اتمنى تدعموني حتى اكمل 😊
شمس : جنت واكفه صافنه على صورة قيصر مااحس الا واحد همس بأذني بصوت شبه نايم على شنو صافنه خفت كلش انداريت بسرعة ردت اوكع مسكني من خصري و شدني اله جسمه طبك بجسمي عرفت هذا عمو قيصر بس ماباوعت عليي لان ماجان لابس قميص. و ايديه اجت على صدره حاولت اوخر بس هو مسكني قوي
قيصر : جنت بالحمام سمعت اكو صوت بالغرفة شوية و اختفى الصوت. مااخذت ملابسي للحمام لبست بس البنطرون مالتي و اخذت المنشفه انشف جسمي بي طلعت من الحمام ردت ادخل للغرفة يم الباب انصدمت 😳 شمس!!
معقولة اني احلم شفت ملاك على هيئة بشر واكف بالغرفة اول ماشفتها گلبي كام يدك بسرعة شفتها راحت تجاه صورتي هي مشايفتني بس اني اشوفها جهة من وجهها تبين ياربي اشكد حلوه انتجيت عالباب و صافن عليها اشكد حلوه شعرها الطويل طالع من الشال و لابسة فستان ضيك على جسمها و قمصله طويله جسمها كلش حلو و مغري طولها كلش حلو تقريباً ١٦٠ او ١٥٩ هيج اباوع عليها اشون صافنه على صورتي واني صافن عليها بودي اروح اضمها بين احضاني. شفتها ابتسمت و هي تباوع لصورتي. تعدلت بوكفتي معقولة تباوع لصورتي و مبتسمة كلش فرحت عبالك ملكت الدنيا خليت ايدي على گلبي راح يطلع من مكانه غمضت عيوني واحجي ويه نفسي قيصر انت؟ انت تحبها؟ اي اي قيصر انت تحب انت تحب شمس فتحت عيوني و رجلية هي ودتني الها. ماجنت لابس شحاطة او شي لهسبب ما انتبهت من اجيت قربت منها و كفت بظهرها قربت منها كلش دنكت عليها ريحتها سطرتني غمضت عيوني واشتم بيها راح تخبلني هاي البنية دنكت عليها بعد اكثر و همست بأذنها واني خدران. كتلها على شنو صافنه هي خافت واندارت بسرعة رادت توكع مسكتها من خصرها و شديتها الي قبل لا توكع جسمها طبك بجسمي و ايديها على صدري كلش خجلت حسيت بيها لان ماجنت لابس قميص. اباوع عليها تريد توخر و منزله راسها ياربي اشكد حلوه. تحاول تفك نفسها تدفع بيه بهدوء.
شمس : ع عمو عمو قيصر ممكن توخر.
قيصر : هي تحجي و منزله راسها واني غارق بجمالها و خجلها. ياربي اشكد حلوه و ناعمه ضايعه بحضني اني طولي ١٩٠ هي طولها مناسب بس يمكن اني طويل زايد 😅.
اباوع عليها اشون تتنفس و مرتبكة و تريد تفك نفسها. كتلها اهدي حتى افكج
هي ثبتت بس بعدها منزله راسها و ايدها على ايدي واني ايدي على خصرها و الثانية رفعت بيها راسها. خليت ايدي جوه حنجها و رفعت راسها. سبحانك يا إلهي شنو من جمال هذا أثناء مارفعت راسها وكع الشال منها بس هي ابد مارفعت عينها اباوع عليها كتلها باعي عليه ماباوعت بس ترجف و تتنفس بسرعة. دنكت عليها واني شبه خدران من جمالها و قربها مني صحتلها بأسمها. شمس هي مباشرة رفعت عيونها و اجت عينها بعيني. يامحمد اشكد عيونها حلوات عبالك بيهن سحر ارتبكت كلش من عيونها و صرت نار اباوع لكلشي بيها عيونها خدودها الحمر من الخجل و حلكها بودي اطلع دم منها و جسمها اليرجف و اشون تتنفس و صدرها تنزل و تصعد. كالت بصوت خافت كلش. م مم ممكن تتركني شعلتني بنبرة صوتها فقدت عليها. كتلها شمس اعتذر بعد مااتحمل اكثر شديتها الي بعد اكثر و خليت ايدي وره راسها غمضت عيوني و اخذت شفايفها هي قاومتني و دفعتني اول ماسويت هاي الحركة بس اني اقوى منها و هي قصيرة ضايعة بحضني ماكدرت توخرني اخذت شفايفها بين شفايفي هدءت و حسيت بثقل جسمها استسلمت الي بستها بكل حب و حنية اخذتها من شفتها الفوك و نزلت على شفتها الجوانية بودي مااوخر عنها طعم شفايفها ترد الروح ناعمة كلش حسيت بشي بكل حياتي محسيته تجاه احد من كثر مامشاعري جانت قوية بلحضتها دمعتي نزلت من قوة مشاعري واني مغمض عيوني بعدت عنها و خليت گصتي على گصتها واتنفس بسرعة فتحت عيوني اباوع عليها اشون خدرانه مغمضه عيونها و تتنفس بصعوبة شلت راسي على گصتها مسحت دمعتي بس بعدها بحضني هي فتحت عيونها واني خدران عالاخير بودي الزمن توكف هنانه اريدها هيج يمي دائماً بحضني. كلتلي بصوت ناصي كلش. كالت ل ليش هيج ليش هيج سويت. اباوع على عيونها الذبلانه و الدموع بيها ماجان عندي جواب بذيج اللحظة مشاعري و شغفي بيها هي الجانت تتحكم بيه دنكت عليها و اني اريد اخذ شفايفها مرة ثانية كتلها لا تسأليني ليش ماعندي جواب و نزلت حتى ابوسها مرة ثانية هي مباشرة دفعتني و ضربتني راشدي و دموعها نزلت انصدمت من ردة فعلها و طلعت من الغرفة ركض.
البارتات الجاية نار في نار 🔥
