اخواني و ابوية نزلو من السيارة و راحو ويه هذا الضابط وكفو بعيد عن السيارة مسافة كامو يحجون و هذا الولد جاب ماي لبابا و اخوتي احنا جنا تعبانين كلش تعب الطريق و خوف و ماما حالتها دهورت و اختنكت واني ماعرفت شسوي نزلت من السيارة ركض صحت على بابا من بعيد اجو جابو ماي لماما و هذا الولد هم اجه وياهم اني من الخوف و التعب و من خوفي على ماما ماشفت وجهه بس اسمع صوته صوت رجولي صوته يخبل ما اهتميتله و بس ابجي ماما شربت ماي و كالت نزلوني اكعد بالفي المكيف خنكني ماما نزلت من السيارة واني نزلت بعدها هذا الضابط جان واكف يم باب السيارة و بابا لزم ايد ماما و نزلها اني نزلت بعدها اول مانزلت اجه عيني على هذا الولد الضابط جان لابس نظارات شمسية اول ماشافني نزع النظارات و طاحت عيوني بعينه عيونه سود وحادة و كله رجوله مزين لحيته و بس باقي شواربه و محلق شعره امريكي لحظة باوعت عليي و نزلت عيوني هو ظل يباوع عليه بنظرات ماافتهمته بالبداية انصدم بعدين باوعلي بنظرة حقد المهم عفته و نزلت رحت يم ماما علما هدءت شوية بابا كال لازم نروح و كل هذا الحجي ماطول نص ساعة و مشينا مناك توجهنا لبيت جدو بس عيون ذاك الولد ظل بالي و حرت ليش هيج بحقد ظل يباوع عليه. شكل قيصر 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
قيصر : خلي اعرفكم على نفسي اني اسمي قيصر عمري ٢٩ سنة ملازم أول بالجيش العراقي فرقة الرد السريع عندي خوان ثلاثة الجبير ابو عباس جان ظابط بس استشهد سنة ٢٠٠٨ و الاصغر منه اسمه أمير مامتزوج عمره ٣٠ سنة مهندس معماري و متعين واني اصغر واحد و عندي خوات ثلاثة كلهن متزوجات و متعينات احنا عائلتنا منفتحين لكن بحدود معين يعني مامانعين النسوان من الدراسة و الدوام لا. بأثناء دخول داعش للعراق جان الوضع الامني كلش معقد و اجنا امر انو نتوزع عالسيطرات الخارجية للعاصمة بغداد و السيطرات جانت كلش ازدحامات و نزوح و سيارات و تفتيش وكل يومية على هذا المود بيوم جان الدنيا عصر وكفت سيارة جكسارة اخر موديل بالسيطرة و الولد طلبو جنسيت السايق و الي وياه جانو عائلة الولد انطوني جنسية السائق عرفته مباشرة هذا ابو علي نسيب عمو كاظم ابو جواد والي يصير عم ابو عباس يعني ام عباس اخت ام علي. المهم ابو علي ماعرفني لحدما نزلت اللثمة سلمت عليه وهاي و قمت بالواجب الحمد لله بس جان مبين كلش تعبان و وياه ولده ثنين و عائلة وكفنا بصفحة نزلو من السيارة بس عائلته بقت الولد جابولهم ماي و ماقصرو فجأة اجه صوت بنية من السيارة صوتها كلش جان ناعم و طفولي كالت بابا تعال ماما تخربطت كلنا رحنا اني ماباوعت عليها ولا باوعت للسيارة عائلة و خصوصية ماحبيت ادخل صحيح همه ناس منفتحين كلش بس محترمين وناس مؤدبين انطو ماي لأم علي و كالت اريد انزل من السيارة تريد تكعد بالفي نزلت من السيارة اني جنت قريب من سيارتهم من نزلت اني نزلت راسي هي مشت و من رفعت راسي انصدمت شفت ملاك على هيئة بشر نزلت من السيارة سبحان الخالق نزعت النظارة حتى اشوف هي حقيقية لو اني اتخيل اول مرة بحياتي اشوف هيج بنية جميلة رغم التعب و الخوف البعيونها لكن سبحانك ياالهي آيه من الجمال بس لبسها ابد ماعجبني جانت لابسة فستان نص ردن و قصير شوية وما لابسة حجاب ضجت حيل من طريقة لبسها بس مبينه مؤدبة باوعتلي و نزلت راسها اني خزرتها بسبب لبسها مشت من يمي اني عيوني ظلت عليها بس هي جانت تحاول تظم نفسها من الشباب مبينة انطوائية المهم ارتاحو شوية كلت لأبو علي عمي هنا مو آمان العائلة صحيح سيطرة و كذا بس بأي وقت يصير تعرض شي كتله عمي ادز الولد وياك يتخذوك لبيتنا كال مشكور عمي ماتقصر بس نروح للحجي ام علي تريد تروح لبيت اهلها والله راحو بس هاي البنية بقت ابالي عيونها تسحر و شعرها الطويل يموت صحيت من تفكيري اني مو هيج اني مااثق بالبنات كرهت نفسي من فكرت بالبنية. عند شمس : وصلنا لبيت جدو و استقبلونا خوالي هادي مدير مدرسة الاعدادية و خالو رضا دكتور طب بيطري و خالو جواد اكبر واحد هذا ضابط بالجيش عميد ماجان موجود و خوالي ثلاثتهم متزوجين و كل واحد كاعد بيت وحده وعندي خالات ثنين زينب ام عباس و خالة عبير اصغر عنقود بالعائلة عمرها ٢٣ سنة طب عام مرحلة رابعة. استقبلونا بيت جدو على بجي ماما و بيبي و خاله عبير و نسوان خوالي 😅 دخلنا للبيت. المهم مرت الايام و الاشهر بابا كال خل ناخذ بيت وحدنا مايصير نكعد ويه بيت اهلج و اني ان شاء الله راح ابدي شغلي واشوف اذا الله سهل بلكت افتح محل هنا ابغداد والله و مشت الايام وكل يومين ثلاثة بيت خالتي ام عباس جانو يجون علينا عدها بنات ثنين حوراء ١٧ سنة صف سادس و نور ١٥ سنة نجحت من الثالث و عباس كلية مرحلة ثانية. بين فترة و فترة جانو يجون علينا و نتونس اني و البنات جانت صعبة عليه العيشة ابغداد بالبداية لان تركت مدرستي بالموصل و صديقاتي و بيتنا بس بعدين تعودت بيوم جنت كاعد بالباب بيت جدو وضايجة اباوع للاطفال يلعبون بالشارع جنت لابسة تراكسود اسود و فالة شعري 👇
