قيصر : دفعتني و ضربتني راشدي و طلعت من الغرفة ركض. انصدمت وعيت على نفسي اني اشسويت.
ليش هيج تصرفت وياها جان المفروض اسيطر على نفسي هسه اكيد اخذت عني نظرة محلوه.
شمس : طلعت من الغرفة كرهانة نفسي و كرهته شمفكرني حضرته اشوكت مايريد يبوسني و من اسأله عن السبب يكلي لا تسأليني. شفت نور و اني نازلة من الدرج.
نور : اشبيج شمس ليش تبجين
شمس : انتي انجبي و كله بسببج تعمدتي تخليني وحدي بالغرفة. عفتها و نزلت.
رحت لخالة عبير. الكل شافوني اشبيج نور ليش باجية؟
شمس : لا ماكو شي بس كنت فوك اني و نور ننظف و زحلكت.
خالة عبير كومي نرجع البيت الوقت تأخر.
بس اريد اطلع من بيتهم اختنكت اني كل حياتي ماحجيت ويه ولد غريب من كنا بالموصل و لحد الان. يجي هذا هيج يتقرب مني و يتجاوز حدوده.
ام عباس : اشبيج ماما شمس خاف تأذيتي ناخذج للمستشفى شو وجهج اصفر.
شمس : لا خالة حبيبتي مابيه شي بس اريد اروح البيت تعبانة شوية.
طلعنا من بيتهم اني و خالة عبير امير هو الاخذنا.
امير : حبيبتي انتي تعالي كعدي يمي.
عبير : لا عيب شنو اكعد يمك
امير : هو شنو العيب ليش منو راح يشوفنا بهالليل.
عبير : تمام
خالتو عبير صعدت كدام ويه امير و اني صعدت وره. طول الطريق دموعي مانشفت اتذكره اول ماتقرب مني و من باسني و من سألت عن السبب كلي ماعندي جواب يعني يتسلى بيه. كلما اتذكر هالشي ابجي بعد اكثر. ادحك على خالة عبير و امير اشون ماسكين ايد بعض و أمير يبوس ايدها غمضت عيوني و سحبت حسرة احس گلبي يوجعني المهم وصلني للبيت اول نزلت.
شمس : شكراً عمو امير.
امير : العفو شموسه
عبير : تصبحين على خير خالتو ديري بالج على نفسج.
شمس : وانتي من اهل الخير حبيبتي.
عبير : امير تعمدت اول شي توصل شمس مو.
امير : الصراحة اي.
سقت السيارة و وكفت شوية بعيد عن بيت عبير بمكان ظلمة شوية و ماكو طير البشر بالشارع فارغ تماما ساعة ب ١٢ و نص بالليل.
عبير : امير ليش وكفت هنا.
أمير : مسكت ايدها و بستها. اشوكت راح ترحمين بيه انتي.
