شمس : تفضلو يمنا تغدو
البنات : لا غير مرة
شمس :تمام نزلت من السيارة بس اريد ادخل للبيت حس حرارتي فوق الاربعين من الخجل و الارتباك اني من النوع الانطوائية جدا مااحب اختلط و نور خلتني بهيج موقف مع عمها ماجنت اكدر ارفع راسي جان مخلي المراية عليه اشكد استحيت بس صدك عمو قيصر حلو.
المهم رحت غيرت ملابسي تغديت صليت رحت انام شوية ارتاح تمددت اجه ابالي عيون قيصر اشكد عيونه حلوات و تحسه كله هيبة و شخصية بس ليش يباوع عليه بحقد. بعد مااعرف اشكد يلا كدرت انام.
قيصر؛ وصلنا للبيت واني بس افكر بيها المهم كلت حوراء جيبيلي الغداء لجناحي الخاص طلعت للغرفة وكفت كدام المراية اباوع لنفسي و ابتسم تذكرتها اشون حلوه و بريئة شكد خجولة وتذكرت اشون تزل راسها من اباوع عليها و فجأة تذكرت زهراء الخانتني هي هم جانت بالبداية هيج تخجل من تشوفني بس بعدين طلعت تخوني وية اقرب صديق الي من تذكرت خيانتها فار دمي و عصبت بشكل و كرهان كل بنات العالم بسببها هي هم جانت تلبس قناع البراءة من تشوفني بس اني بالبداية ماارتاحيتلها مااعرف ليش وافقت ارتبط بيها و بالاخير طلعت وحدة رخيصة. المهم استغفرت ربي و رحت صليت و اتغديت و كعدت اتصفح بالفون.
و راحت ايام و اجت الايام من الدوام للبيت و من البيت للدوام و هيج مكضينها.
بيوم جنت راجع من الدوام مريت من يم المدرسة فجأة شفت شمس طلعت ويه البنات رجف گلبي حاولت مااهتملها بس مو بيدي ظليت اباوع عليها من بعيد بس لبسها ابدد مايعجبني صحيح مو مغري بس رجلينها طالعات و ما لابسة حجاب
المهم رجعت للبيت و البنات رجعن من الدوام الدنيا جانت مغرب صحت على حوراء
حوراء تعالي صعدي لغرفتي اريد احجي وياج بموضوع مهم
حوراء : تمام عمو حبيبي
قيصر : صعدت فوك عالجناح و تمددت بالهول عالقنفة اتصفح عالموبايل شوية واجت حوراء
حوراء : ها عمو ردتني
قيصر : اي عمو تفضلي اريد احجي وياج بموضوع مهم جنت اكدر احجي ويه نور بهذا الموضوع كون هي صديقتها بس لا اريد احجي وياج انتي لان انتي واعيه و تفتهمين.
حوراء : احجي عمو اشصاير
قيصر: مصاير شي عمو لاتخافين بس هاي بنت خالتج ام علي شنو اسمها؟
حوراء : اسمها شمس اشبيها
قيصر : اي هي حاولي تحجين وياها تغير طريقة لبسها و تتحجب هسه كلنا اهلها راضين ميخالف و اهل المنطقة يعرفوها مصلاوية بس عالاقل كدام بيت جدج كاظم احتراما الهم شنو طابة طالعة لبيتهم بهيج شكل حاولي تفهمينها بطريقتج.
حوراء : تمام عمو راح احاول احجي وياها و لوما اعرفك ماتثق بالبنات جان كلت تغار عليها بس اعرف غيور و ماتقبل بالغلط مو لشي ثاني.
قيصر : ها احم اي نعم حاولي تخليها تتغير تمام؟
حوراء : تمام عمو بس والله رغم هي لبسها مو مثلنا بس والله محترمة و خلوقة بشكل.
قيصر : اعرف والله خلوقة لأبعد حد
حوراء : ها عمو كلت شي
قيصر : لا عمو انتي روحي ارتاحي هسه و مثل ماكتلج فهميها ولا تكلي انو اني النبهتج عليها تمام؟
حوراء : تمام عمو.
و مشى اليوم عادي و بعطلة نهاية الأسبوع خالتو عبير خابرتنا كالت تعالو يمنا مسويه جلسة بنات 😅 رحنا لبيت جدو الخميس بالليل و نسوان خوالي هناك و شمس اجت هم و كلنا التمينا سوالف و ضحك. تذكرت كلام عمو قيصر كلت اشون هسه افاتح شمس بالموضوع.
حوراء : شمس بس تعالي شوية عندي موضوع وياج
شمس : تمام حبيبي كولي. طلعنا للحديقة بيت جدو كلش جبير و حديقتهم كلش جبيرة كمنا نتمشى بيها.
حوراء :شمس راح اكلج شي بس مو تزعلين او تضوجين مني اعتبريني اختج الجبيرة.
شمس : اوك حبي كولي
حوراء : شوفي اني بكل حياتي مشايفة بنية باخلاقج و تربيتج انتي بنية خلوقة و مؤدبة و واعية بس لو شوية تحاولين تغيرين من طريقة لبسج هو صح مابيها اي شي لبسج بس انتي تعرفين مجتمعنا مايرحم و اتمنى ماتضوجين من كلامي اني احجي لمصلحتج والله.
شمس : لا حياتي مااضوج اني هم اريد اغير من نفسي شوية لان كبرت واني اصلي و اصوم بس يرادلي وقت حتى اتعود شوية شوية حالياً كاعده احاول.
حوراء : فدوه للواعية
شمس : فدوه الج حبي
كملنا سهر و كالعادة حوراء و خالتو عبير راحو يحجون وحدهم و احنا كلنا نمنا يوم الجمعة هم بقينا ابيت جدو لليل رجعنا كل وحده لبيتها و مشت الايام اني صرت شوية شوية اغير من لبسي صرت البس بدلات طويلة و مستورة و شوية شوية صرت البس فساتين طويلة بس الحجاب اريد تكون على قناعة تامة
و صرت ماالبس قصير للمدرسة ابد.
قيصر : مشت الايام واني احاول ماافكر بشمس لكن من يجيبون طاريها افكر بيها غصب عني وارجع احاول اضغط على نفسي حتى ماانخدع مرة ثانية من علاقتي الأولى.
يوم من الايام جنت بالبيت جان باقي من اجازتي يومين صديقي خابرني!!
تفاعلو مع القصة حبايبي ♥️
