جوتد ابو باقر : امير بعد اخوك انتو اخذو الاكل لنسوان انت و قيصر ويه الولد. لان هادي و رضا اصدقائهم جاين.
امير : صار ابر باقر
امير : قيصر تعال جيب الشباب خل يوكفون برا و يحولون الاكل و احنا ندخل جوا
قيصر؛ صار خويه.
دخلنا جوه اني و امير و باقر و علي و احمد و عباس و شباب المحله واكفين بره ينطونا اكل احنا نحول لنسوان.
امير : لاتدخلون جوه خاف اكو نسوان غربة من باب المطبخ انطو للبنات.
شو دخلنا للمطبخ سمعت ام باقر تحجي على سمير عرفت حاجي شي ويه عبير فرا دمي من شفته جان بودي اذبحه بمكانه لان اعرف حاط عينه على عبير من زمان و دائماً تكلي سمير يكول مااخليج تصيرين لغيري. صرت بركان من الغضب كتله اذا ماتطلع منا اخلي الفاتحة تصير فاتحتين قيصر هدائني شوية.
قيصر؛ خويه منا العالم عيب يجي يومه هذا و طلعتهم بره. لمحت شمس جانت واكفه وره البنات تجاهلتها و حاولت اسيطر على نفسي مااباوعلها ولا خليتها تشوفني. طلعت امير و هذا الحقير بره. و كملنا كلشي و راحت العالم بس أصدقاء تبو باقر بقو يمهوبالجادرالولد كالو تعالو نتعشى بالحديقة احنا ماجنا متعشين دخلنا جوه جنا هواي كمنا نتعشه شويه و دك تلفون أمير هو شاف الاسم اشرلي عرفت يريد يشوف عبير.
فتحت موضوع ويه الولد احاول الهيهم امير دخل جوه
امير : حنا نتعشى شويه و شفت عبير تتصل عليه اعرف هسه محتاجتني اكثر من كل الاوقات.
دخلت للبيت حوراء اخذتني من الباب الخارجي رحت وره البيت هم عدهم حديقة شفت عبير كاعده هناك و الكل جان ملتهي جوه عبير بس شافتني حضنتني و كامت تبجي من شفتها هيج حضنتها حيل و خليت راسها على صدري و كتلها ابجي حتى ترتاحين بجت كلش من شفتها هيج تبجي گلبي انعصر عليها مااريد اشوف دموعها كتلها كافي حبيبي لاتبجين مو گطعتي گلبي مااكدر اشوفج هيج
عبير : اني مو بعدني مصاير عمري ٢٤ و صرت يتيمة بابا جان صديقي كلش مااكدر على فراكه.
امير : كافي يروحي لعد اني وين رحت اني ابوج و زوجج و حبيبج و كلشي بالنسبة الج بعدين اشون جهال ابو عباس جانو اطفال من ابوهم استشهد ماشاء الله هسه كبرو و صارو بالجامعة.
عبير : امير لاتعوفتي فدوه خليك وياي.
امير : لازم اروح حبيبي الولد خاف يشكون بيه واني ماعندي هاي السوالف لقائات بالسر بس سويتها لخاطرج و ان شاء الله بعد الاربعين اجي اخطبج كافي تأجلين الموضوع علمود دوامج اني اوديج لدوام و ارجعج بنفسي.
عبير : اني مو علمود الروحة و الجية لا بس لان الطبية و يرادلها وقت كلش هواي واني هسه مرحلة خامسة باقيلي سنة وحده فمن هذا ااجل علما اتخرج و مابقى شي و اتخرج ان شاء الله
امير : يصير خير بعد الاربعين ان شاء الله. هسه دخلي جوه يلا اني هم راح اروح لزمت وجهها بين ايديه ومسحت دموعها فدوه اشكد وجهها ناعم قربت عليها كلش كتلها هاي اول مرة تكونين قريبة مني لهدرجة صارلي سنين منتظر هاي اللحظة بس مااكدر اسوي شي احتراماً للحجي هي هزت راسها بمعنى اي. بستها من راسها و هاي اول مرة ابوسها. كتلها دخلي جوه و عفتها و مشيت بعد مااكدر اسيطر على نفسي واني هيج قريب منها خفت لا اسوي شي و الوقت مو مناسب.
رحت للولد قيصر اول ماشافني اجه عليه
قيصر : شفته اجه بس مبين ابدد مو طبيعي رحتله ها خويه اشبيك
امير : قيصر بعد مااكدر ان شاء الله بعد اربعينية الحجي اجي اخطب.
قيصر : استحيت اسأله ليش هو صح فرق العمر بينا سنة وحده بس اني كلش احترمه واستحي منه لان هو من الصغر شال هم العائلة و جهال المرحوم اخوي و البيت فالكل يحسبله الف حساب. كتله خير ان شاء الله.
شمس : خالتو عبير كلش ضاجت من سمير و اهورت حالتها اخذناها اني و حوراء لغرفتها فوك كامت تصيح
عبير : فدوه حوراء خليني اشوفه محد يكدر يهديني هسه غيره هو.
شمس: استغربت على منو تحجي خالة عبير حوراء كالت لخالتو عبير انطيني موبايلج ادزله رساله دزت رساله. كتلهم اوكفو على منو تحجون
حوراء : عن عمو امير هو و خاله عبير يحبون بعض.
اني رغم الحزن بس فرحت انو يحبون بعض لايگين لبعض كلش. حوراء اخذتها جوه و شافت امير رجعت شفتها زينه.
شمس : خالتو اشون صرتي و بستها.
عبير : زينة حبيبتي لايظل بالج.
المهم خلصت العزيمة و الكل راح لبيته و مشت الايام و كالو باجر تطلع النتائج اني جنت مطمئنه لان اعرف نفسي. و يوم الثاني رحنا استلمنا النتائج اني و نور و طلعنا ثنيناتنا ناجحين الحمد لله و بمعدل عالي نجحنا لصف خامس اعدادي. و بيومها جان عيد ميلادي صار عمري ١٦ سنة بس مااحتفلنا لان جنا حزنانين على جدو
نور : الو عمو حبيبي اشلونك
قيصر : هلا بالغالية اشلونج
نور : تمام الحمد لله ابشرك نجحت.
قيصر : الله يبشرج بالخير عمري الف مبروك.
نور :الله يبارك بيك.
قيصر : اي؟ ردت اعرف شمس نجحت لو لا بس ماسألتها.
نور :شنو اي؟ ها نسيت اكلك شمس هم نجحت
قيصر : من كالت هيج گلبي انشرح فرحت كلش كتلها ها الف مبروك الها.
نور : الله يبارك بيك عمو راح اوصللها تبريكاتك. و سديت الخط قبل لايحجي.
قيصر : هاي خبلة راح تفضحني..
شمس :المغرب جنت كاعده ابيت جدو نور اتصلت عليه.
نور : الو هلو شمس اشونج
شمس : هلا حبيبي اشونج
نور : زينه الحمدلله اكو جماعة يباركولج على نجاحج
شمس : منو؟
نور : عمو قيصر
شمس : انصدمت 😳
نور : الو ويايه
شمس : ها اي وياج الله يبارك بيي شكراً
نور : اممم يلا حبي مبين مشغولة
شمس : سديت الخط واني مصدومة معقولة باركلي و معقولة هو الكايل لنور انو توصلي تبريكاته بقى ابالي.
و مشت
الايام اجه اربعينية جدو و كلنا قبله بيوم بدينا بالشغل. عزمو هواي ناس
و بيبي كالت لخالو هادي خابر على بيت اختك ام عباس واعزمهم كليتهم
هادي : صار حجية
هادي : الو سلام عليكم قيصر
قيصر : وعليكم السلام ابو محمد اشلونك
هادي : بخير الحمد لله باجر ان شاء الله معزومين يمنا اربعينية الوالد الله يرحمه تعالو من وكت وجيبو البنات وياكم حتى يساعدون النسوان بالبيت.
قيصر : ان شاء الله ابو محمد صار بعيني.
كلت للكل باجر معزومين ابيت ابو باقر مسوين أربعينية الحجي
الكل ان شاء الله نروح. و ام عباس من هسه راحت هي و نور
صار اليوم الثاني اخذنا الحجية و حوراء و رحنا دخلت لبيتهم تمنيت اشوف شمس مشتاقتلها كلش عيني جانت على باب المطبخ لحدما دخلنا للاستقبال بعدين كلت اني اشكاعد اسوي لا مستحيل لو مانتشارف احسن.
تفاعلو حبايب البارت الجاي ناررر ❤️🔥
