منا هذا البارت مشاعر قيصر راح تسيطر عليي 😍
قيصر : تمنيت اشوف شمس مشتاقتلها كلش عيني جانت على باب المطبخ لحدما دخلنا للاستقبال
كملو كلشي و صار وقت العشاء الناس كلها تعشت و راحت على بيوتها بقو بس ام عباس و بناتها و ام علي و شمس.
ام عباس : الو قيصر
قيصر : ها خويه
ام عباس: خويه انتضر لاتروح هسه خل البنات يساعدونهم شويه واخذهم و روح للبيت اني ابقى عد الحجية اليوم
قيصر : تمام خويهمن تخلصون اتضلو عليه اني بالحديقة.
ابو باقر و ابو علي و هادي و رضا و الولد دخلنا للاستقبال. كعدنا نسولف و ابو باقر كام يحجيلي تعرف ذاك الضابط و سوالف. شويه و ردت ادخن كتلهم من رخصتكم اريد اطلع برة ادخن جارة. ابو باقر : اخذ راحتك قيصر البيت بيتك بعد اخوك.
قيصر : طلعت للحديقة ادخن باوعت للمطبخ تمنيت شمس تطلع حتى اشوفها. ماكو انداريت كلت خاف نسوان عيب.
شمس : الكل رح بس بقينا احنا البنات نعزل البيت.
عبير : وحده بيكم خل تروح تزت الزاله بالحاوية
شمس: انطيني خالتو هسه اني و حوراء نروح
حوراء : لج مو تشوفيني كاعدة اعزل المواعين روحي وحدج
شمس : البيت جبير اخاف وحدي بعدين الحاويات ورة الحديقة و ضلمة
حوراء : عليمن تخافين هسه شفت الولد كاعدين بالحديقة
شمس : طلعت دااخذ العلاكات للحاوية شفت واحد بالحديقة واكف اطمأنيت بس ماعرفته منو هو و ماشافني رحت من وره سياج الحديقة وصلت للحاويات جانت ظلمة بس ضوء القمر طالع يعني اكدر اشوف دربي انداريت حتى اروح سمعت صوت ورايه خفت كلش ركضت دارجع كلت اختصر الطريق اروح من الحديقة للمطبخ سمعت الصوت مرة ثانية خفت كلش كلت لا خل اندار لازم اقاوم خوفي حتى ميسيطر عليه واني اباوع ليوره و امشي ميته من الخوف ردت اصعد اول درج للحديقة طخيت بواحد ضخم كلش صرخت و ردت انهزم هو شالني من وره وحط ايده على حلكي و ايد على خصري و رجليه مو عالكاع اني بقيت اصيح و هو حاط ايده على حلكي قرب و حجه بأذني و كلي اشششش لا تخافين اني قيصر واني مااشوفه ظهري عليي مااشوف وجهه.
قيصر : اثاء ماادخن بالحديقة حسيت اكو حركة وره سياج الحديقة رحت حتى اتأكد من شفتها شمس المكان جان ظلمه بس مو كلش يعني كدرت اعرفها شفتها فزعت و ركضت ناحية الدرج يمكن خافت رحت عليها داجيبها اول ما نزلت من الدرج طخت بيه صيحت و ندات ليوره رادت تنهزم شلتها من ظهرها خليت ايدي على حلكها و ايدي الثانية على بطنها جانت تتنفس بسرعه و تصيح وتحاول تفك نفسها قربت من اذنها و كتلها اشششش لاتخافين اني قيصر. اول ماكتلها هيج سكتت بس ظلت تناغي و تتنفس بسرعة جانت مفزوعة حطيت وجهي على شعرها و اشتم بيها اوووووف شنو هالريحة احجي بيني و بين نفسي. كتلها راح اشيل ايدي لاتصيحين تمام. هزت راسها بمعنى اي.
نزلتها و شلت ايدي اندارت عليه و جانت كلش خايفه و دموعها تنزل قربت منها و مسحت دموعها لاتخافين اني اسف اذا خوفتج.
شمس : ل ل لا اني اني ماخفت منك اجه صوت يم يم هذا يم الحاوية فخفت.
قيصر : هي تحجي واني صافن عليها شنو من جمال هذا ياربي اشكد حليانه و كبرانه و تحجي مثل الطفل المفزوع كتلها
قيصر : ششش اني يمج لاتخافين شلت ايدي مره ثانية و مسحت دموعها هي رفعت عينها و باوعتلي ماخلت حيل بيه صحيح ظلمة بس ضوء القمر كلش عالي جان بحيث اشوفها كلش واضح بقيت صافن عليها و هي تباوعلي و عيونها كلها دموع و موشها اشكد طوال و ثخان و حواجبها وجهها الناعم حلكها جنها كرز. فقدت عليها و هي بقت دموعها تنزل تباوع عليه و تبجي بدون صوت ولا حركة بس دمعتها تنزل واني بقيت صامت مااكدر احجي شي هاي اول مرة تكون قريبة مني لهدرجة مسحت دموعها و دنكت عليها كلش ردت ابوسها بس قاومت نفسي من قربت عليها هي غمضت شعلتني بعد اكثر غمضت عيوني و بست راسها فتره يلا بعدت عنها واني اتنفس بسرعة و گلبي راح يطلع من مكانه و احسها بأنفاسها واشون صدرها ترتفع و تنزل و ارتباكها ماكدرت اتحمل نزلت عليها على شفايفها دبوسها هي مباشرة دفعتني و ركضت ماخلتني ابوسها. صحيت على نفسي كعدت بمكاني رجليه ماتشيلني بعد اني بأصعب المعارك ماخفت تجي هاي الطفلة هيج تسوي بيه ماتبقي حيل بجسمي كعدت عالدرج و اتذكرها.
