منو هي أصلاً حتى هيج افكر بيها و مااكدر اقاوم نفسي من اشوفها
وكفت عالمراية عيوني صارت قطعة من نار اني اشكاعد اسوي لازم اسيطر على نفسي قررت ماافكر بيها بعد دخلت للحمام سبحت و طلعت لبست ملابسي واني صورتها متروح من بالي طلعت للبلكون و كمت ادخن احس راسي راح ينفجر شوية و شفتهم طلعو اباوع عليها من فوك تضحك و تسولف ويه البنات من شفتها گلبي لهف الها مرة ثانية ظليت اباوع عليها و مبتسم حركاتها كلش حلوه و ضحكتها تموت رفعت راسها فوك شافتني ظلت تباوع عليه و مبتسمه و البنات ملتهيات بادلتها الابتسامة بس حرت ليش هيج ابتسمت من شافتني المهم انتبهت لنفسي و دخلت للغرفة مباشرة اني مااريد اي بنت تدخل گلبي مااريد تسيطر عليه عصبت مرة ثانية و جان اكو مزهرية كزاز بالغرفة شلتها و ركعتها بالحايط بس اريد افرغ عصبيتي و كمت اغلط على زهراء الخانتني حقيرة خاينة من وراج كمت اكره كل البنات من وراج صرت عصبي و مااتحمل اي شي كعدت بالكاع و الهث من العصبية استغفرت ربي خلتني اغلط عليها تعوذت من الشيطان هدءت شويه. و تذكرت شمس من شافتني ابتسمت بقيت افكر ليش ابتسمتلي معقوله معجبيه بيه لا مستحيل كلت خل اكوم اصلي احسن طلعت كل الافكار من راسي و كمت عالصلاة.
شمس : وزعو الكيكة و الحلويات و ونسة و ضحك شفت قيصر طلع فوك و بعد مانزل ضجت كلش مااعرف ليش عبالج مضيعة شي عيني جانت عالدرج و خالتو عبير اختفت ماادري وين راحت اني بقيت ويه البنات ساعدتهم شوية و كملنا شوية و اجت خاله عبير
شمس : هاي وين جنتي مختفية
عبير : بأرتباك هنانه اشبيج مو جنت وياكم بالصالة.
شمس : عرفت تضم شي مالحيت عليها
خالتو راح اخابر علي حتى يجي ياخذنا
خابرته و اجه طلعنا برة و حوشهم كبير كلش علما نوصل للباب الخارجي البنات بقو يسولفون و يضحكون وكفنا بالحديقة عادة النسوان بعد 😅
جنت اضحك على سوالف البنات بنظرة باوعت فوك شفت قيصر يباوع عليه من البلكون فرحت من شفته مااعرف ليش حسيت گلبي راح يوكف ابتسمت بشكل لا إرادي هو هم بادلني الابتسامة بس شويه و تغيرت ملامحه و دخل جوه. استغربت اشبي هذا. المهم طلعنا من بيتهم و انتبهت انو اكو نظرات بين اخويه علي و حوراء عفتهم على راحتهم بطبعي مااحشر نفسي بخصوصيات اي احد طلعنا وصلنا خالتو عبير للبيتهم و رحنا لبيتنا رحت غيرت ملابسي و وكفت عالمراية اباوع لنفسي بالمراية واتذكرت نظرات قيصر اشكد حلوه نظراته عيونه تموت كلها شهامه و غيرة و تذكرت من ابتسملي ابتسمت وحدي اشكد حلوه ابتسامته و اشكد هو حلو و هيبة شوية وانتبهت على نفسي اني اشكاعد يصير ويايه ليش هيج افكر اكيد هسه عنده كومة بنات و يبتسملهم بنفس الطريقة ..
مشت الايام و بدت الدوام و من البيت للدوام و من الدوام للبيت مرات اروح لبيت جدو و صرت مااشوف قيصر بعد. مرات جان يمر من يم المدرسة بس بعد ماكو مااشوفه.
قيصر : صرت قاسي جداً و حاولت مااهتم لمشاعري قررت اسيطر على نفسي انو مااشوفها بعد بس أكثر الاحيان اشتاقلها و اتمنى اشوفها بيوم جنت بالدوام امير اتصل عليه
امير : ابو قيصر الله يساعدك
قيصر : هلا خويه اشلونك
امير : قيصر الحجي كاظم انتقل الى رحمة الله حاول تجي راح ناخذه للنجف
قيصر : لا والله
امير : اي والله خطية الله يرحمه
قيصر : لا حول ولا قوة الا بالله العلي العظيم إنا لله وإنا إليه راجعون.
امير : حاول تجي هسه اني اجيبلك اجازة من الضابط مالتك
قيصر : تمام خويه جاي ان شاء الله مسافة الطريق.
شمس كملنا امتحانات النهائية و اخر امتحان رجعت للبيت ميتة من التعب و حارة تغديت صليت و رحت نمت شوية وكعدت على صوت ماما جانت تبجي و تصيح كعدت مثل المجنونة ها ماما شكو
ام علي : لج شمس جدج توفى
شمس : متنا من البجي و ركض رحنا لبيت جدو شفنا الناس كلها ملتمة و جابو من المستشفى حتى نودعه و ياخذونه لنجف متنا من البواجي خالتي و ماما و بيبيتي و خوالي و الكل
جدي جان كلش حنون بحيث كلش متعلق بينا احنا البنات اني و نور و حوراء يكول انتو عندي بمقام عبير و المنطقة كلها تحبه و معروف بكل بغداد رجال كريم.
ام علي : ولكم كلولي ليش ابوي هيج صار بي شنو سبب وفاته
الحجية : لج يمه جنا كاعدين نشرب جاي كلشي مابي فجأة كال احس صدري يوجعني و اختنك و اغمى عليي
ام علي : يمه سوده عليه يابه
ماما و خالاتي شكن وجهن من اللطم و البجي و حتى احنا البنات و نسوان خوالي و الكل.
المهم كالو لازم ناخذه نزوره و ندفنه
شالو البيبي و ماما و خالاتي و نسوان خوالي كطعو نفسهم من اللطم والبجي
اني جان صاير عندي مثل الهبطة اول مرة اشوف هيج شي.
اخذو لنجف و دفنو و سوو فاتحة كلش جبيرة و ناس تجيهم و ناس تروح جدو جان معروف مابقى احد مااجه عالفاتحة و هيج لاحد اسبوع و بيوم السبعة سوو ثواب كلش جبير و جابو طباخين طبخو للسابع صبو العشاء الزلم جانو برة بالفرع نصبولهم جادر و النسوان بالبيت واحنا جنا بالمطبخ ناخذ الاكل من الزلم و نخلي عالسفرة جوه لنسوان جنت واكفه نحول اكل المطبخ جان متروس نسوان أقرباء ماما و احنا البنات و نسوان خوالي. اجه واحد مايعجبني ابدد مبين مو راحة ظل صافن عليه اني رحت وره مرت خالي ختلت نفسي كلت هذا اشبي شويه و كال صيحو عبير
راحو صاحو خالتو عبير اجو كالو عبير تكول خل يروح منا لا والله هسه اخلي اخويه جواد يسحله هو كال كلشي مااريد بس صيحوها اريد اعزيها
ام باقر زوجة جواد : عبير لج كومي خاف يسويلنا مشكله هذا التافه.
عبير : هيج رأيج انتي
ام باقر : اي و اذا تجاوز حدوده وياج اني اعرف شنو احجي وياه.
عبير: اجيت تفضل اشرايد
سمير : اشونج بنت عمي
عبير : من الله بخير
سمير : البقية بحياتج
عبير : حياتك الباقية و انداريت حتى امشي لزم ايدي
سمير : بس لحظة وين رايحة
عبير؛ وخر ايدك ياحقر و نتلت ايدي منه
سمير : اشدعوه دكتورة عبير على كيفج
ام باقر : سمير روح منا لا هسه اصيح جواد اخلي يجي يطلعك سحل
أثناء ما تحجي ام باقر امير و قيصر و باقر و علي اجو جانو جايبين اكل
امير : سمعت ام باقر تحجي على سمير عرفت مسوي شي لعبير حجيت واني اباوع بعيونه
امير : اشكاعد يصير هنا
سمير باوع على عبير و كال هااا اجه حبيب القلب
عبير : ولك حقير هسه اني بيا حال وانت هيج تحجي اطلع منا فضحتنا.
امير دنكت عليي كلش و كتله تطلع منا لا اخلي الفاتحة تصير فاتحتين
قيصر : اهداء يخوي مايستاهل حسابه بعدين مو وقتها.
شمس : شفت كل الصار واني ميته من الخوف لا يتضاربون لان امير جان كلش معصب بحيث عروقه تبين و هو ضخم و هذا سمير الجكم مبين مثل العصفور كدامه بس اجه قيصر و حجه ويه امير و طلعهم بره ثنيناتهم. بس ماشفت وجهه.
قيصر : بفاتحة الحجي كاظم اخذت اجازة ثلاثة أيام و الرابع رحت للدوام و بعدها بيومين جان نزولي نزلت للبيت كالو بعد باجر بيت الحجي يسون ثواب يوم السابع مر اليوم عادي بس طول هاي الفتره كلها اني مانسيت شمس و تمنيت اشوفها هسه اشحالها حسب ما يحجون البنات نور و حوراء هي جانت كلش متعلقة ابيت جدها و بالحجي كاظم خاصةً بس حاولت ماافكر بيها احسن الي و الها. المهم مشى اليوم عادي و بيوم الثاني رحنا لبيت الحجي و كمت اساعد الولد اني و امير و عباس كمنا نساعدهم صار وقت العشاء خلينا الاكل لزلم و الشباب ماقصرو
جواد ابو باقر : امير بعد اخوك انتو اخذو الاكل جوه للنسوان انت و قيصر و يه الولد
امير : صار ابو باقر.
راح انزل كل البارتات خلال اليومين هاي 🌹
