اصيحن اخ يا گلبي #وجر حاي
واعتن بالوكت گوه #وجر رحاي
جروح الناس تتشافه #وجرحاي
تنزف من فقدت اعزاز اليه
كاعدين بصالة الانتظار الي تابعة الغرفة العمليات الكل كاعد علئ نار ليش لا هاذا اول حفيد للشيخ حازم ام هارون حرم الشيخ حازم وابنه هارون الجبير الي منتظر اول طفل اله وعمامه تميم الوسطاني و زهير
الي علئ حده كلهم واكفين نص ساعه وطلعت الدكتورة وجها احمر وعركانه تنافخ شكلها طالعه من حرب مو من صالة الولادة تمشي بسرعه طلع وراها واحد اعتقد احد طبيب وكفها حجة وياها بتوسل
سليم .. دكتورة حور رجائا اخر مريضه رجائا ماكو غيرج سويها واطلعي مانعرف شنسوي اذا تركتيها
_ وكفت تباوعله بغضب خلت اديها بجيوبها وحجة برود رغم الغضب وتعب الي واضح عليها جان صوتها ناصي وتحجي بهدوء يعني مسيطرة علئ نفسه كالتله
حور ،، سليم ترئ اني بشر كلش تعبت من صبح لسه رجليه صارو ميشيلوني شلون يعني خل نفسك مكاني راح اعتزل الطب بسببكم ميصير هيج والله كتلني جوع من صبح لسه لكمه مخاله بحلكي ارحموني عفيه
سليم .. مو جبت الج غدا ليش مااكلتي
دكتورة حور ،، مااكدر اكل واني بصاله تلعب نفسي
_ جانت تحجي مامنتبهئ علئ العيون الي فصلتها تفصال لابسه خف طبي ابيض ملابس الاطباء الخضر
قميص ربع ردن وبجامه مخصرات علئ جسمها
رغم هيه رشيقه وطويله بيضه مثل الكيمر معصبه
راسها بكاب وردي شعرها ملفوف لونه اشقر ملفوف
لابسه نظارة طبيه تخبل عليها شفايفها كبار ورديه
وانفها صغير عيونها مواضحات زين لان لابسه نظارة رقبتها طويله شفافه شكلها ملفت للنظر ملتهيه تحجي هيه وهاذا الي اسمه سليم بس الواضح عليها
غير عنوديه رفضت وفض قاطع انو ترجع للصاله شكد حاول وياها مقبلت عافته ومشت فاتت من يمنه تمشي تسوي حركات تدل علئ انزعاجها خاله اديها بجيوب قميصها وسماعه علئ ركبتها مشايفه ابعد من خشمها واضح عليها الغرور لكن بصراحة يلوك الها تخطتنه وفاتت هنا سمعت امي صاحت عليها
ام هارون ،، دكتورة عيوني
_ اني هنا فار دمي من سمعت امي تصيح متاكد
راح تجاهلها للحجيه لان الواضح عليها حيل شايفه
نفسها وعنوديه تقربت علئ امي امشي بسرعه
كلت اذا تجاهلتها وماردت عليها اكلب المستشفى
علئ راسها لشوف شحاسبه نفسها هيه خلكت دكتورة
اكدر بتلفون واحد اطيح حضها بس تفاجئة من الي صار قبل لا اصل شفتها وكفت والتفتت علئ امي باابتسامه فاتره تخفي غضبها عجيب امر هل انسانه عبالك عدها انفصام بشخصيه طلعت ايدها ورفعت النضارة من عيونها وتقربت باوعت الامي وحجة
دكتورة حور ،، نعم حجيه تفضلي
أنت تقرأ
مهرتي🔞
Chick-Litاصيحن اخ يا گلبي #وجر حاي واعتن بالوكت گوه #وجر رحاي جروح الناس تتشافه #وجرحاي تنزف من فقدت اعزاز اليه
