مهرتي🔞

البارت 39

#مهرتي_39

***

البلم تخلص معزتة  بجرف ذاك الصوب😉

***
_ انطلق عمر واني عيني ؏ البيت الي عشت بي ستة اشهر
صح ماطلعت ولا تعرفت ؏ الاقارب ولا شاركت بالمناسبات
ولا اقمت علاقات كنت منعزله بس رغم ذالك عندي
هنا ناس قلبي تعلق بيهم احس انفاسي ثقلت واني افكر
انو هاذا هوة لهنا وخلصة قصتي مع هل عائله
حاولت اسيطر ؏ دموعي مكدرت خانتني ونزلت بغزاره
عمر وهدئ يحجون وياي واني احس نار صارت تشتعل بمعدتي وشد بصدري يعني تشنك اعرف علتي شنو بس حاب اعيش الالم لكن بالاخر مكدرت اقاوم باوعت ؏ عمر
حور ،، عمر اوكف حباب اوكف
_ بسرعه طبك سيارة ؏ رصيف نزلت اركض ؏ رصيف كعدت ثنيت وصرت اتقيئ كل شيئ بمعدتي الخاليه اصلا مااكله شيئ بس العصارة حلكي صار مر علقم احس عيوني طلعت من مكانها هدئ واكفه شايله بطل ماء والولد يحجون وياي واني احس روحي داتطلع
سلمان ،، دكتورة
_ رفعت راسي اباوعله ماالي خلك احجي
سلمان ،، خلينا ناخذها لاقرب مستشفى هنا
عمر ،، يلا حور كومي
_ مد ايده يريد يكومني رفعتله ايدي وكمت سترتي توسخة نزعتها اخذتها هدئ غسلت وجهي وشربت ماي
احس باالم مو طبيعي اعضائي تتقطع رجعت للسيارة كوة امشي وهم يباعون اشرت العمر يمشي
عمر ،، مابقئ شيئ ونوصل اقرب مركز تحملي حور
هدئ ،، اوف ادري ليش هيج شبيج هاي من ضرب
مال هاذا الحيوان كسر باايده كون عمر هاذي المنطقه اكيد اكو مستوصف نزل منا اسئل
عمر ،، اي هدئ شبيك خبصتيني
هدئ ،، عشتو اني شكلت
عمر ،، هاا دكتورة
حور ،، ممم
عمر ،، يلا دقائق
_ هدئ اباوع عليها شفايف بيض والوجه شاحب ورايحه فاقده راسها يهتز ويه المطبات دخلنه المنطقه سئلنا ؏ المستوصف كالو اي قريب اطلعو كبل بوجهكم
دخلنا للمنطقه وبعد الف فرة وصلنا نزلت اباوع مكان قذر
متهالك سئلنا ؏ طبيب المسؤل كالو طالع وكاعد بداله ممرض يعني اني اعلئ منه باوعت الحور هيه واعيه بس روحها مايعه سلمان وعمر واكفين كتلها يتكرضمون لان ماكو طبيب
هدئ ،، حور ماكو طبيب شسوي
_ حجت بصوت متالم وهيه تون كوه فاتحه عيونعا

حور ،، 30 ملغ مورفين فقط
هدئ ،، هاا اي صدك فورا
هدئ ،، سمعت دكتورة شكالت 30 ملغ مورفين بسرعه
_ الحمد الله كان موجود وهاي قدرة قادر لان متصورت
موجود اي علاج هنا يمكن بس براسيتول وديتول
جاب الابرة اخذتها منه وطلعتهم حقنتها بعدها طلبت من عمر يجيب الها عصير حتئ تتوازن عدها الطاقه
راح جاب النا واجه نص ساعه باوعت حور نامت عزة هاي
شلون طلعت كتله
هدئ ،، نامت
عمر ،، يمعوده لازم نوصل مضل وكت ورانا طريق
هدئ ،، تعال عمر شيلها للسيارة ماكو غير حل
عمر ،، تمام يلا
_ دخل عمر شلناها اني وياه صعدت ليورئ خليت راسها بحضني ومددتها ؏ الكشن سلمان صعد ويانا بصدر يحجي بتلفون عرفت يحجي ويالشيخ شبسرعه كاله مااعرف
بس هوة اكيد دزه ويانا حتئ يعرف اخبارها
وصلنا بغداد ساعه ثلاثه العصر حيل تاخرنا بسبب حالت حور كعدت بس حيل تعبانه باوعتلها كوه تفتح كالت
حور ،، شنو صار وين نحن
هدئ ،، مصار شيئ عمري راح نصل
سلمان ،، دكتورة ردي ؏ تلفونج والي يرحم والديج