#مهرتي_55
***
ومااجمل ان تبتسمي وترقصي حين يضن
الجميع انك ستبكين ياعزيزتي
***
_ كل شيئ صار بسرعه حجيت حتئ بلا ماافكر
بس كنت اريد اقهرهم كلهم مثل ما قهروني رحت طحت
بكبيرهم لانو اعرف بهل حركة راح احرك قلوبهم
اولهم ام عداي وبتها وبعدها باجي الي بجذب مكلفت
نفسها وحجة بذات من اجه تميم وسئل شكو تكله
ماكو شيئ وليدي هااا شلون ماكو شيئ والحجي
الي كالته ام عداي عليه كدامك مو تهمتني بشرفي شلون
ماكو شيئ لذالك فكرت بسرعه افضل مااسوي مشكله
وهاذا يهد وهاذا يرد وبالاخر كل شيئ مااحصل
كلت هاذا هوة احرك قلوبهم بهل حركه
واني مو غبيه لدرجة ماالاحض اهتمامه وخوفه عليه
واول وتالي اني اتزوج قابل ابقئ عزبه ومافي زوج افضل
من تميم بالنسبة الي واذا احد كال مراة اخوه
لا حبيبي اسمحلي شوكت صرت مراة اخوه اني لساتني بنت
وزهير ماكدر يلمسني يعني من هل ناحيه راسي بارد
واذا ؏ كلام الناس اخر همي بصراحه لانو محد راح
يهتم لمشاعري متت عدلة وصدقا اني محتاجه لشخص
مثل تميم حتئ يحميني من الحياة لذالك ابدا مامتندمه
؏ هل قرار بالعكس كلش متحمسه للقادم
_ حور من حجيت هيج من كلت للشيخ
حور ،، من رخصتج باجي شيخ اني موافقه ازوجك
اذا لسه العرض قائم لكن بعد حول المرحوم اذا تقبل
واليوم يكون العقد اني كلش محتاجتك
_ حور من حجيت هيج صار هدوء اباوع عليهم واحد صافن
بوجه الثاني وتميم صافن بوجهي ابتسمت ؏ شكلهم
مااعرف ليش مصدومين تميم من شافني مبتسمه رفع حاجه بلع ريكه وباوع العداي الي بادله نفس الحركة
ام هارون ،، شيخ هل بنت شجاعد تهذي
ام عداي ،، انه شكلت ياام هارون مكتلج هاي مصيبه
تميم ،، حور انتي تحجين صدك
حور ،، اي اذا لساتك اريد نزوج اني موافقه
_ كام وكف وهوة متوتر وجها صار احمر بسبب
كلام امه ومراة عمه باوعلهم وكال
تميم ،، اليوم بعد صلاة العشا اعقد ؏ حور
حضرو كل شيئ عداااي هاي شغلتك
عداي ،، تامر ياشيخ اعتبر كل شيئ تم
_ طلع تميم من الصاله توجه للمكتب وحور توجهة
الغرفتها اول مادخلة للغرفه غطت وجها بكفوف اديها
وصارت ترجف احساس غريب جدا توتر خوف خجل
اخذت مدة ربع ساعه بعدها اخذت نفس عميق ورفعت
راسها بحركة نرجسيه وابتسمت تقدمت للمرايا باوعت النفسها وكشرت مو عاجبها شكلها
حور ،، ويعع شنو هل اهمال هاذا شكل عروس بالله
+
_ حور تركت مشاعري واحاسيسي وكل شيئ بداخلي وحبيت اعيش الحضه اني حيل تعذبت كافي لهنا وبس
ر
حت اخذت تلفون واتصلت ؏ الكوافيره جابه اكون باافضل حال حالي حال اي عروس بعقدها مو ارملة اخوو
حور ،، الوو ميرا
ميرا ،، اهلا دكتورة امر خدمه
حور ،، اريد اجي للمركز عنايه كامله
ميرا ،، كل الهلا بيج يكلبي الكل ؏ حسابج
حور ،، تسلميلي يلا ساعه اني عندج
ميرا ،، انتظرج
_ حور رجعت طلعت رقمه واتصلت عليه واني من داخلي ارجف لكن امثل القوه
عند تميم
من دخل المكتبه كعد ضل صافن يحاول يستوعب الي صار حقيقه لو حلم معقوله مهرته راح تصير اله واليوم بهل سرعه فرك وجها وضحك ضل يباوع من الشباك ؏ الحديقه وهوة يفكر شلون راح يصرف بذات وهوة بهل حاله بهل اثناء رن جهازة باوع للجهاز من شاف اسمها كل اعضائه رجفت فتح خط اجاه صوتها الي يعشقه
حور ،، تميم
تميم ،، عيونه
_ سكتت مبتسمه ثواني عضت ؏ شفتها بعدها حجة
حاولت تكون طبيعيه
حور ،، راح اطلع عندي شغله اخلصها وارجع
تميم ،، وين رايحه حور اخاف عليج وانتي وجعانه
حور ،، رايحة ؏ مركز تجميل عندي حجز اليوم
تميم ،، براحتج بويا لكن سلمان راح يكون السائق
والمرافق الج من اليوم تكدرين تثقين بي
حور ،، تمام لعد كله عشر دقائق ونطلع لان ماعندي رقمه
تميم ،، شلون صارت رجلج
حور ،، كلش تااذيني بس مو مشكله
تميم ،، چاليش طلعين بويا وانتي بهل حاله ارتاحي مو لازم
حور ،، لعد شلون مو عروس غير ارتب نفسي
تميم ،، حور شو انه مامصدك
حور ،، ولا اني يلاا راح اتااخر اشوفك باليل
تميم ،، ماشي انتظرج لا تتاخرين
أنت تقرأ
مهرتي🔞
ChickLitاصيحن اخ يا گلبي #وجر حاي واعتن بالوكت گوه #وجر رحاي جروح الناس تتشافه #وجرحاي تنزف من فقدت اعزاز اليه
