مهرتي🔞

البارت 50

#مهرتي_50
لا تستهين باامراة جرح كبريائها

_كاشخه ؏ حبايه ونص وتنتظر الزفه مالت زوجها

كانت لابسه فستان رمادي مرصع بحبات الكرستال الانيقه يعكس بياضها من الصدر ضيق لحد نهاية الخصر من تحت كلوش عريض لكن ذاب نفسه نص ساق من فتحت الصدر
؏ شكل قلب ردان تسعين نص ذراعها شعرها مفتوح
علئ طوله مسويته ويفي واصل لتحت خصرها
كل شيئ مخلت ؏ راسها شعرها الي مثل خيوط شمس يكفي لجذب كل العيون
ميك اب دخاني مع دمج بسيط احمر مناسب مع احمر شفاه الاحمر الدخاني تخم ماس كلش نازك عطر نفاذ لبست
خاتمها المميز الملفت للنظر وخلخالها المثير اسكربينه لون اسود باوعت النفسها برضئ باوعت للساعه مضل وقت راح يصلون تشكرت من الكوافيرة و طلعت من الغرفه تتمخطر البيت فارغ بس اكو صوت نسوان وزلم من المطبخ الحراري
هاذا يستخدمو بس لمن يكون في مناسبه
اثار فضولها اول مدخلت كان في كم زلمه تعرفهم من الحرس وياهم عداي من دخلت انطه اشارة للرجال يطلعون
وهوة دنك امه كانت تشرف ؏ طبخ ويمها كم مرة ضلن صافنات سلمت عاليهم وحجة بصوت رقيق لكن من غير تصنع ممهتمه للانظار
حور ،، عداي مو ؏ بالك تاخرو
عداي ،، لا خويا رايحين للمدينه حتئ يصورون ماتكلين غير وصلو
حور ،، تمام
_ رجعت للصالحه وهيه مو مرتاحه اخاف صار شيئ لان هيه محسبت حساب يتاخرون هل كد عبالها من بيت العروس البيتهم شغلة ساعه زمان ليش تااخرو اوف
اخاف يتخربط كدام الناس عززه بعينج حورر مصيبه
رغم انو الي يشوفها حاليا بهل منظر يحسدها ؏ جمالها واناقتها شكلها المميز شايله كميه من النزاكه والهدوء
والباقه لدرجة تلفت النظر لكن بداخلها حطام بداخلها
الان معارك طاحنه صريخ وجرحئ واموات وريحه نتنه
لكن شكلها الملائكي وهدوئها گ المقبره يخفي الف قصه
منو كال مامحترك قلبها حتئ اذا ماتحبه الزهير يكفي هيه
اختارته من بين اثنين مليار رجل بالعالم لحتئ يكون رجلها
شريك حياتها صح خذلها وكرهته لكن هيه دائما
كانت منتظره منه يصلح اغلاطه ويحتويها لكن هوة كان
دائما يوكع بغلط اكبر ويبعدها عنه بس هاذا مايعني
انو هوة اله الحق يجرح مشاعرها ويذلها كدام اهله وناسه
وهيه الكبيرة الجميله صاحبة المكانه الاجتماعية المرموقه
مو من حقه يهينها بهل طريقه اقسئ مراحل الالم
بالنسبة للمراة هوة انو تفضل عليها امراة ثانيه زهير

للاسف للمرة الثانيه يذبح حور ويعيشها نفس الالم
بالاول من تزوج ليلا وجابها حامل واليوم من تزوج رقيه
الي ماتصلح تكون شغاله عند حور حسب كلامها
هاذا كله وهيه ساكته لكن انو يجبرها تروح وياه
وتحضر العقد والزفه مالته او تستقبله هوة وزوجته لا
هاذا كثير عليها بالاخر هيه امراة حتئ لو كانت حجر
كسرها وجرحها وعيشها اصعب شعور بهاذي فعلته لذالك
شما سوي بي قليل وهوة الي بدا والبادي اظلم
خلي يشوف المراة اذا انجرح كبريائها شسوي تصير لبوه
مجروحه مو مجرد امراة بذات وهيه الذكيه الفاهمه
الي خلصت حياتها جزاره بطريقه راقيه گ دكتورة
طلعت من افكارها ؏ اصوات السيارات والديجي
كامت وكفت بثقه عدلت فستانها وتوجهة الغرفتها
كان في سله ذهبيه علئ شكل ورده مفتوحه بيها حماله
مزينه بالكرستال متروسه جكليت نوعيه فاخره طلبتها
خصيح حتئ تكون مناسبة ويه شكلها المميز وجمالها
اخذتها وطلعت من باب الصاله وكفت بالطرمه ارتفاع ثلاث درجات بهل اثناء دخلت السيارات مالها نهايه
والطلق صار مطر كوم شباب حلو نزلت حركو جو حرك اكيد هذول اصدقائه وزملائه ضلت واقفه ولا رف الها جفن طبكت سيارة العريس بعد كم متر والناس نزلت لكن اقسم
بالله بس الاعمئ ماضل صافن علئ هل تحفه النادره الي كدامهم بالاخص جماعة زهير اكلوها اكل بعيونهم اضافه
عداي كان وافف قريب عليها
ميكدر يسوي شيئ ميكدر يبعدها عن الانظار رغم يعرف
انو راح يتعاقب اشد ؏ ايد تميم لانو ماكدر يبعدها عن او يمنع عيون الناس عن النتظر لاغلئ شيئ ؏ قلب اخوه وصديقه واكف وجها محتقن حاير بهل مصيبه بهل اثناء
نزل زهير وهوة حتئ مشافها لان شكله كان مو بوعيه
ملابسه مخربطه عدنان يسوق كان القميص مفتحه
دكمه و جها عركان ويطوطح ترك العروس واجه حتئ يصعد
لكن عدنان نزل بسرعه ولزمه اخذه وعداي هم نزل بسرعه
وساعد اخوه حتئ ينقذون الموقف كدام الناس
وصلو يم باب السيارة فتحها عدنان لان زهير منتهي يحجي بصوت مسموع كوه يسكتون بي
زهير ،، وخرر لك ادب سزز عدااي جلب وخررر عاااا
_ عداي يباوع العدنان بستغراب رد عليه اخوه
عدنان ،، اسكت يخوي فضحنه كوة كاضي مااعرف شبي تخبل حتئ مرته عافها الشيخ كال تصرفو طببوه للبيت
قبل لا ننفضح لحد مانشوف شماله تسودن
عداي ،، يلااا بسرعه
_ نزلت العروس وهيه الي جلبت بي يدفع باايدها
بس عدنان لازمه حور صارت تهلهل وتطش جكليت
عليهم وهيه مبتسمه اجمل ابتسامه بالعالم حركاته
جذابه حتئ عداي نسه حالة زهير وابتسم علئ ضحكتها