مهرتي🔞

البارت 35

#مهرتي_35
***
لم يعد لي الرغبة بوصف مابداخلي لاحد
***
_ كعدت الصبح بدلت وطلعت الشغلي مالي خلك حتئ ريوك ماسويت باجي مسويه وصلني الحجي اول ماوصلت تلكتني دكتوره زينب حيل حبابه تجي تكعد يمي ونسولف
لكن بشكل عام مااحجيلها شيئ خاص تشاقه وحتئ دكتوره
عبير هم خوش بنيه بس تغار شويه رغم هيه حليوه لكن الحلو بيها تحجي ماتضم اليوم كنت كاعده رحت اخذت قهوة جاهزة وصعدت كعدت اشرب واني افكر بحالة تميم
بهل اثناء دخلت زينب تنافخ وتسوي حركات اشمئزاز
من شافتني سكتت وكالت
زينب ،، هاي شبي الحلو مالنا عابس
حور ،، هلو زينب
زينب ،، ممم شبيج اليوم مو علئ بعضج
حور ،، ماكو شيئ حبي عادي
زينب ،، لا لا اكو احجي خففي
حور ،، مشاكل عائليه
زينب ،، اهوو. هاي متخلص ؏ بالي عنج قصه جديدة
حور ،، هههه لا
_ بهل اثناء دخلت عبير
عبير ،، هلاوو وييييع لعبت روحي
زينب ،، هههه شكوو هلاوو ويع
عبير ،، لج عيني ميتفاهمون لو مادكتور انور يمكن يضربني
زينب ،، يضربج ماعنده مانع نو وكفو الدكتورة حور
بالباب وبسلاح لا ؏ بالج مخابيل هذول
عبير ،، عزة اخاف من اطلع يطكوني يمه يمه راح يوكف قلبي
زينب ،، بلا درامه تعالو نروح ناكول
حور ،، مالي نفس روحو انتو
زينب ،، بلا اعتراض رست نص ساعه يلا حبابات اذا اطلع وحدي زوجي يتخبل حور زوجك مايغار عليج اني موتني غيرة انتي لو عنده يخليج بقفص
حور ،، ههه لا ميغار عادي
_ شااحجي شااكول الهن مااعرف رحنا كعدنا بالكافتيريا
اني كل صح كاعده وياهم بس عقلي بغير مكان هاي عبير عبالك طفله سوالفها تموت ضحك وزينب كذالك مااعرف هم طبيعين واني المعقده خلصنا رجعنا كل وحدة ؏
شغلها نحن ثلاثه كل يوم وحدة بالعمليات واثنين بصاله
وضعي بشغل كلش استقر ومرتاحه خلص اليوم اجه الحجي رجعني للبيت صار يومين مرحت ؏ تميم مالي خلك
اشوفه يتعذب رجعت للبيت الجو جلو بي بروده

استغربت الوضع كانت البيت متروس ناس نسوان وزلم لاول مرة اشوف رجال بصاله سلمت وفاتت وهم يباعون لحد نص اليل والبيت هوسه هيه من دخلة للغرفه بعد مطلعت الثاني يوم كعدت الفجر بعد الصلاة كامت توجهة
للاستقبال فتحت الباب وباوعت شافته نايم ؏ جربايه وشخص ثاني نايم ؏ الارض تقربت عرفته عداي اطمنت باوعت كيس الدرار متروس اخذت قفازات لبستهم و غيرته وشالت الوسخ راحت ذبته ورجعت رفعت الغطر فتح عيونه بس محجة اصلا من غيرت الكيس حس عليها
_ لان الاصابه قريبه ؏ المثانه مايكدر يكوم خالين اله كيس
واصل للارض من طارف فتحه وتغيرة هيه ماتستنكف بالاخر متعوده ؏ هيج امور يعني تشوف هيج حالات وغالبا تمسكه بايدها تفحص اذا اضطر الامر
_ رفعت الغطئ وبطارف اصابعها فتحت اشاش كان وسخ لان الجرح كثير ناز باوعتله باالم كامت جابت الاسعافات الشاش والادوات فتحت الجرح الي بصدرة توجع غمض عيونه و يئن بالم مااهتمت صارت تعقم بي وهوة جسمه مصلب باوعتله وحجة تريد تلهي وهاذي احد الحيل الي يستخدمها الاطباء حتئ يشتتون عقل المريض
حور ،، مكنت اعرف انو مهتم لهل درجة بالرياضه
_ تقصد عضلات صدره
عداي ،، احم احم
حور ،، تعال ساعدني عداي ميقبل اعقم جروحه
_ عداي رفع راسه شاف تميم مبتسم من شافه يباوع كله
تميم ،، لتدخل عداي
عداي ،، اعتبروني مموجود
حور ،، عفيه
تميم ،، خلصتي
حور ،، لا دقيقه شخلصت بعدني مبدأت
_ راحت جابت كاسه وبطل سيروم فتحته خلته بالكاسه ؏ طبله اخذت شاش نكعته ومسحت الاماكن الي حول جروح نضفته بعدها عقمتهم وخلت الزكه ولفته زين
حور ،، هاي خلصنه عليك العافيه
تميم ،، عاشت ايدج
حور ،، تدلل ياحلوو لا تخلي احد يعرف اني دكتورتك
لحد مطيب اوك
عداي ،، بعد اخوج عنده ابده ماتضربيها اله فرد مره
تميم ،، انجب عداي
حور ،، وينها
_ راحت تكلب بالعلاج وتميم تخبل ميقبل اخذتها
وصارت تقرأ بيها حجة بالانكليزية
حور ،، Shut up in the vein