#مهرتي_45
اشياء بسيطة جدا قادرة علئ صنع الفرح بداخلي
***
_ حور تركت ليلا تجمع بااغراضها وطلعت كلش خايفه
من القادم عندي شعور مرعب بداخلي توجهة
الغرفتي اريد بس اقفل الباب ؏ نفسي وارتاح من كل
هل بشر كنت افكر انو صار عدهم ولد صارو عائله
بالكت يعتقني واخلص منه صار العكس اوف
كعدت كدام المرايه اباوع الروحي شنو ذنبي اني مااعرف
حتئ احزن علئ نفسي زهير دمرني قلب حياتي قلب
احس نفسي صرت انسانه ثانيه مو حور القديمه كانت
رغم كل شيئ عدها امل انو يجي يوم وتلكي رجال
الي راح ينتشلها من اضيم وينسيها كل الي عاشته من اليتم
والحزن والالم والمعامله السيئه من سلام بس شنو صار
دخلت روحي بدوامه حتئ الامل الي كنت متمسكه
في احسه صار سراب لكن اهم شيئ حاليا بالنسبة الي
ارجع الدوامي ؏ الاقل اطلع اشوف بشر احضئ بالاحترام
الي استحقه بعيد عن هل اوادم الي عدهم اني مجرد چنه
بالبيت حالي حال ليلا و ثراء ورغد اني مو مثلهم
ليش حتئ اكون اني وياهم نفس الكفه اني جاهدت
تجي ايام انسئ نفسي بين الكتب حتئ اكل مااسوي
النفسي اخاف اضيع الوقت نسيت العالم وعشت
بعزله اني والكتب والقهوة لحد ماوصلت لهل مرحله
شلون اكون مثل نسائهم واقبل اترك شغلي واكعد بالبيت
مستحيل تحملت سلام وقرفه وضيمه والجوع والسهر
والتعب حتئ اوصل لهل مرحله مو حتئ اصير ممرضه
السلام وخادمه عنده
كمت وكفت وباوعت النفسي بكل نرجسيه رفعت حاجبي
بثقه كنت وحدي وماخفت هسه اخاف واني بوسط
عائله شكبرها شكدها بوجودهم زهير مستحيل يااذيني
اعرف كلهم راح يكفون بوجها بالاخص شيخ الله
جابه اليه مثل درع احسه مختلف مو مثل اخوته
شخصيته كلش تعجبني ياريت زهير مثله كلمته مفروضه
هادئ وغيور ؏ اهله بصراحه احسد الي راح تكون زوجته
واتمنئ تكون مراة تستحقه وانسانه طيبه مثله
لان صدقا انسان مختلف بااخلاقه العاليه وتصرفاته النبيله
احيانا احسه يشبه عمو كريم نفس تصرفات
؏ كل حال مالي شغل وياه او ويا غيرة مصيبتي زهير
اتمنئ مايكوم يخبث وياي بعد ماطلق ليلا
مااكدر اكون زوجة اله كرهته مااكدر اتقبله بالاول
كنت احاول لكن بعد الي صار مستحيل بالكت يزوج
خلي يزوج المهم معلي بيه هوة يكول بس ابقي
ماعليه بيج ولو هاذا ماعنده كلمه
توجهة الغرفه ملابسي اخذت تشيرت وبجامه ورحت
غسلت وطلعت جففت شعري اخذت منوم عشر رحت دخلة
بسرسري عشر دقائق ونمت محسيت غير الصبح ؏ صوت
العصافير احلا شيئ بهل غرفه انو فيها شباك
كبير ؏ الحديقه الخلفيه اصبح يجنن المنظر من ابقئ
بغرفتي اضل كاعده واباوع الجام عاكس اخذ راحتي
عندي كراسي خاص كلش مريح وكدامه طاوله خالته
كدام شباك هاذا مكاني المفضل لو اضل كاعده هنا
كل عمري ماامل اقرأ انام اباوع للمنظر اغلب الاحيان
يوم او يومين مااطلع من الغرفه لو انام لو اكعد هنا
متعوده ؏ الوحدة والعزله ومااعرف ليش من ادخل
غرفتي احس الصوت يصير بعيد رغم غرفتي قريبه
؏ صاله لكن مااسمع اصواتهم الئ اذا صوت عالي كلش
او يدكون الباب عليه يلا اسمع صرت اشك هل غرفه عازله للصوت بس شلون مااعرف
كمت غسلت وجهي ورحت للثلاجة اخذت قوطية قهوة
مالي خلك تطلع من غرفتي فتحت البردات الله المنظر يجنن كعدت بمكاني المفضل ؏ الكرسي المريح رفعت
رجليه ؏ طبله وصرت اشرب قهوتي اباوع اكو رجال يشتغل
بالحديقه من الصبح تذكرت حديقة القصر مالتي
كمت جبت الحاسبه وكعدت فتحتها دخلت ؏ الكامرات
الي بالحديقه عمر ربطهن اليه ؏ حاسبتي صرت
اكدر اشوف حديقتي شوكت مااريد واقرب الكامرة اباوع
لكل شجيره موجودة كانت نظيفه وتزهي ابتسمت
بحزن دكتور كان يحبها وباجي همات وايلا اغلب وقتها
تلعب بالحديقه مكدرت اتحمل كل هل ذكريات احس عيوني صارو نار قفلت الحاسبه واسترخيت اباوع للحديقه
والرجال الي يشتغل كان اكو وياه شباب مااعرف شيسون
كمت وكفت حتئ اشوف جايسون شفتهم شايلين
سنادين بيها شجيرات ورجال يحفر بالارض
ضليت صافنه بهل اثناء شفت الشيخ من الصبح وهوة بكامل اناقته احب الزي العربي احس ينطي هيبه للرجل
كلش يعجبني لبس تميم زهير نادرا مايلبس مثل تميم
اغلب الاحيان يلبس رسمي وبالبيت تراك او دشداشه
نص ردن تميم كله دشداشات خليجيه والشماغ ؏ راسه
انتبهت عليه يااشر للرجال ينطي تعليمات مااسمع شيكلون
تقربو ؏ شباك صارو كلش قريبين صوتهم ينسمع
تميم ،، ابو علي بعد عمك اريدن هاي البكحه ( المنطقه)
تشكلها ورد من هاذا جايبه
ابو علي ،، تامر شيخ
تميم ،، وغادي تخلي هاي شجيرات الجهنميه
بكل ركن وحده والثيل لا تخلي يمد برئ المقرنص مااريد
يجتل الوردات
ابو علي ،، امرك شيخ وهاي شجرة
_ كان يقصد شجرة نبك صايرة بالركن
تميم ،، هاي اتركها بس لا تخليها تهوش
ابو علي ،، صار
تميم ،، ابو علي اريدن هل مكان دوم نظيف ويزهي
ابو علي ،، اعرف شيخ چاغير وجهتك
أنت تقرأ
مهرتي🔞
ChickLitاصيحن اخ يا گلبي #وجر حاي واعتن بالوكت گوه #وجر رحاي جروح الناس تتشافه #وجرحاي تنزف من فقدت اعزاز اليه
