#مهرتي_ج2 ثم يأتي من يحمل لك الحُب في قلبه وقوله و فعله
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
_ حور مضئ ؏ زواجي فتره رجعت الشغلي لانو خلصت اجازتي وبفضل تميم صار كل شيئ مثالي مثلا موعد دوامي صار من ساعه سبعه اصبح لحد ساعه اثنين ضهر ثابت باستثناء الحالات الخاصه كنت قبل اعاني من المواصلات يعني الحجي يوم يجي ويوم لا واحيانا اروح ويه شيخ وغالبا عداي يوصلني حاليا ارتحت لانو تميم كلف سلمان بهل شُـغل صار مسؤل عن كل شيئ يخصني يعني وين اروح لازم هوه وياي مو بس بالدوام حتئ اذا طلعنا اني وتميم هوه ويانا وان كانو رجال شيخ موجودين هوه ميفارقني ابدا من اطلع باب البيت احد ماارجع ادخل ليش هل تشديد مااعرف حتئ اذا اطلب حاجه لازم تتفتش قبل لا تدخل الي بذات بعد ما تزوجة تميم وحتئ نظام الامن و الكامرات بالبيت سلمان مسؤل عنها حسب معرفة اليوم گ العاده كعدت متااخره لانو شيخ خلص اليل يترومس هل كلمه تعلمتها من دكتوره زينب المهم هو يترومس واني الي انخبص اصبح لانو اتاخر ؏ دوامي اكعد متااخره ونوم قليل فااقضي نهار متنرفزه _ كانت حور نايمه بحضن تميم حست ؏ صوت المنبه لكن كل ماتريد تكوم يشد حضنه عليها ميخليها تكوم وهوه يمثل النوم وهيه ممصدكه لانو نعسانه وجه الفجر نامو اخر شيئ اجاها اتصال ؏ تلفونها هنا هوه صار يكعد بيها بعد مااخذ المقسوم بوسه ؏ شمه تميم ،، حوري حبيبي تلفونج _ كانت غاطه بحضنه شعرها منثور مثل خيوط ذهب وجها محمر اثر نوم شفايفها وارمه شكلها حيل مغري تقرب عليها اخذ نفس وهمس قرب اذنها تميم ،، حور اذا ماتكوميين راح اقفص عليج وعلي _ كانت تتكاسل لكن من سمعت كلامه وحركاته الي بدت تجرا طفرت من السرير مثل طفله وقفت ؏ بعد متر تباوعله بغضب مصطنع هوه ضل صافن عليها بعدها همس تميم ،، ماشاء الله _ من سمعته ارتخت اعصابها وخدودها وردة من الخجل تركته يباوع واتجهت ؏ الدريسنج روم وهيه مبتسمه ومتوتره من نظراته الها لانو تعرف هل نظرات فيها كم هائل من الحب والهيام ولذت لعشق حاولت تصحصح لانو هيه متااخره اصلا بسرعه خذت اخذت فستان مرتب بنصل مع ستره طلعت جنطه و اسكربينه خلتهم ؏ صفحه وطلعت اتجهة للحمام نص ساعه غسلت وجففت شعرها وطلعت بالبرنص باوعتله نايم ؏ بطنه وخال المخده ؏ راسه ابتسمت ؏ حركته
راحت لبست ملابسها وطلعت مستعجله لفت شعرها كله كعكه فوضويه وخلت شويت مرطب شفه وماسكرا اخر شيئ العطر اخذت دزدان الي في المستمسكات خلته بجنطه الي اختارتها لبست ساعتها باوعت ساعه تشير للثامنه صباحاآ يعني حاليا بدا الدوام بالمستشفى وهيه بعدها بالبيت قلبت اعيونها بقلت حيله ولبست برجلها باوعتله لساته ؏ وضعيته تقربت منه بسرعه باسته ؏ كتفه العاري حس عليها رفع راسه باوعلها بعيون ساهيا لو عليه يحبسها بهل غرفه لاخر يوم بحياتها لانو طمعان فيها ويتمنئ بس هوه يشوفها ويشم هل عطر لكن بالاخر مايكدر هاي حياتها اسستها قبل لا تعرفه اصلا ابتسمت اله وطلعت محد حجة شيئ كل واحد منهم يحاول يجمع شتات نفسه اول مطلعت من الغرفه صارت هدئ بوجها شايله فهد تقربت من فهد بوسته وحجة وهيه تااشر ؏ المطبخ قصدها صار ؏ ريوك كل يوم هيه تسوي الهم الريوك اليوم راحت عليها نومه هدئ ،، لا تهتمين حليتها _ سوتلها حور حركه قلب باايدها تعبر عن امتنانها من صديقتها الي دائما تغطي عليها ورجعت حجة حور ،، اليوم احجي ويه المدير ؏ مود رجعتج للشغل هدئ ،، اي عفيه لانو ابنج بعد شويه ويخبلني _ ضحكت وطلعت ومن حسن حضها مصادفت احد من الي يغثوها وصلت السياره كان سلمان ينتظرها هزت راسها اله گ سلام وصعدت بالمقعد الخلفي وهوه يسوق انطلقو ؏ المستشفى اول مطلعو باب القصر رن جهازها باوعتله زينب ابتسمت و ردت عليها حور ،، صباحو زينب ،، ولج حور وينج الدنيا كايمه كاعده حور ،، هياتني ؏ الباب المستشفى دقائق واني عندج شكوو ياساتر من صبح زينب ،، عبير مجازه واني ؏ العمليات والصاله تايها حور ،، هياتني وصلت ولا يهمج حياتي غطي علي لحد مااوصل اوك يلاا باي زينب ،، تمام يلا انتظرج باي _ سدت تلفون باوعت ؏ سلمان كان رافع حاجبه بستنكار لانو كذبت ؏ دكتورة وكالت الها وصلنا وهمه بعد نص ساعه ميصلون يعرف راح تطلب منه يطير حتئ توصل بسرعه وفعلا هاذا الي صار من باوعتله بنظره تعني تصرف انطلق بااقسئ سرعه وهيه صارت تراجع تقارير كم مريضه عدها لحد ماوصلت اول ماوقف سياره نزلت مستعجله وهاذي مشكله بالنسبة السلمان لان لازم يطبك السياره وينزل وياها هاذي قواعد شغله لكن هل بنت دائما تكسر كل القواعد ولا تبالي اضطر يترك سياره بمكان غلط وينزل بسرعه وراها دخلها المستشفى ورجع لكه شرطة واكفين يم سياره لان مخالفه اضطر يقدم الهم تبرير لان مايريد يسوي مشاكل وهوه العايل راح صف سياره ورجع وقف وياهم يعرفو صار شهر هنا بس القانون يطبق ؏ جميع وهوه متفهم هل امر
