مهرتي🔞

البارت 29

#مهرتي_29
عندما ينظر لي اشعر وكأنه يعتذر عن كل احزاني

***

_  بعد مراح زهير حتئ يحضر الكعده ام هارون اخذت عبودي ابن هارون ورجعت للبيت لان  ثراء بقت عند حور هيه وعدنان ضلت تسولف ويه حور الي كانت تعبانه مرة تغمض مره تفتح مره تون من الوجع بس تحملت تريد تريد تعرف شصار بغيابها بالبيت

ثراء ،، بعد كلبي شكالت روحج من طكوج اويلي عليج

_  ابتسمت الها حور بتعب وكالت بتعب الحمد الله

ثراء ،، ارتاحي حبيبه ارتاحي من ترجعين للبيت ان شاء الله تسولفين شلون هيج طكوج الميخافون الله بس ولا يهمج
والله غير ابو فهد خلاهم يحبون نعل

حور ،،  شلون

ثراء ،، لج حبيبه غير عبالك طير مذبوح هيج هيج يفرفخ  تفرفح ضل  يلوب فزع ارجال السلف راحو جابوهم بذاك اليل مثل الغنم مربطه اخذ هاذا الي طكج غير صالخ جلده بالعكال يكلك اهله ماعارفينه الشيخ مشوها من جتل

حور ،، تميم

ثراء ،،  خايبه كولي ابو فهد لو شيخ شنو تميم مايصح

حور ،، ممم كملي

ثراء ،، وين وصلنه هاا اي عاد الشيخ ابو فهد انطاهم
مهله 12 ساعه يجيبون عمامهم ويجون حتئ يكعدون للحك والله اليوم يكسر ضهورهم

حور ،، وليش الشرطه مااخذتهم مو صار الحادث كدام الامن

ثراء ،،  لج حبيبه هاي قضيه عشائريه ياقانون هاذا الي جاي تحجين بي هنا حكم العشائر فوك الكل

حور ،،  ممم شكو ماكو بالبيت الشرقيه نيوز شخبارها

ثراء ،، مااشوف تلفزيون مالي خلكه

حور ،،  اقصد ام عداي

ثراء ،، هههه صدك عاد شرقيه نيوز تجيب وتدرم ماسكتت

حور ،،  شتكول

ثراء ،،  حبيبه شلج بحجيها الي يوجع الراس الشيخ تحلف بيها كال الها اذا سمعت حجايه طالعه حتئ لو من فرخ
انتي المسؤله عاد هيه كضت السانها بس بعد هيه متعوده شيسكتها المهم انتي طنشيها حبيبه ادمي جبير مخرفنه

حور ،، اي

_  بهل اثناء دخلت هدئ هل بنت كارثه حجة بلا مقدمات

                                         

             
                   

هدئ ،، يلا دكتورة لازم ترتاحين تعالي ام عبد نكعد انه وياج برئ نسولف اريد اسئلج شخاله الوجهج صاير يضوي ماشاء الله

_ ثراء صدكت رفعت ايدها لزمت وجها وابتسمت بخجل
وكامت حتئ تطلع وياها حتئ يسولفن برئ هدئ غمزة
الحور وطلعت بمعنئ ارتاحي ضلن كاعدات برئ يقصن
سوالف وحور صدك نامت لان تعبانه