مهرتي🔞

البارت 46

#مهرتي_46
كان صعب جدا ان اراك غريب قريب الئ هاذا الحد..

_ حور هل فتره كلش صعبه عليه شكد فكرت شكد حاولت
اتقبل علاقتي بزهير ماكدرت كل مااكول لازم اسامحه
اتذكر سوالفه المكسره الي متخلص خيانه ضرب ذله زواجه ابنه و اتصالاته كدامي يخابر صديقاته شنو الي مسواه بيه
مخله بقلبي ذرة حنيه عليه مااكدر اتقبله نفسيتي
حيل تعبت حتئ اكلي صار قليل لان ارجع من الدوام
مباشرتا الغرفتي مرات اخذ فهد عندي احبه احس هوة
مضلوم مثلي ماله ذنب بكل الي صار حيل تعلقت بي
صرت من ارجع من دوام اخذه من باجي يبقئ عندي
للمغرب نضل اني وياه وقت طويل اوكله العبه توه ينتبه
حتئ صرت احجي وياه اشكيله وهوة صافن بوجهي
واني كل عقلي احجي وابجي اشكيله وصلة لهل مرحله
بسبب زهير وتسلطه باوعت دنيا ضلمت كمت غيرت ملابسي رتبت نفسي فهد ؏ سرير يباوع رجت عليه
حور ،، فهدوي حبيبي يلا خلينا نروح نشوف بيبي
اكيد شتاقتلك يم يم شلون رحيه طيبه اووف
_ تبوس بي وهوة حليوة وابيض مدبدب شالته وطلعت
دخلت للصاله الكل موجود سلمت وكعدت
حجيله ،، هلا بالكاطعه هلا حبوبه شمالج ماتنشافين
چااهاذا مو بيتج ماطلعين ويااخياتج جعدين تفضين خلكج
حور ،، مالي خلك بيبي اعذريني
ام هارون ،، ياا شمالج حبوبه جنج العافيه رجلج يدور عليج بعد ماكو تختل تقفلين دارج وترحين جار رجلج
قبل ساكته اكولن هذيج الثوله يمه هساع مامش احد يمه
وانتي مريته حكه عليج وهوة تعافه ويريد مراة تداري
_ حور بهت لوني واني اسمع باجي تحجي الكل يسمع كلامها مااكدر ادافع عن نفسي باوعت ؏ زهير هادئ
بلعت ريك ورجعت باوعت للشيخ اريد واحد ينتشلني
من هل مأزق مااكدر اضل ويه زهير بغرفه وحدة اموت
والله اموت ضليت صافنه لحد ماصار فهد يبجي
باوعتله بحزن وكمت خليته بحضن باجي وطلعت
احس نفسي اختنكت اوف يانار قلبي شراح اسوي
مااريدة لازم اطلع منا بااسرع وقت رجعت للمطبخ
شفت ثراء ورغد يحضرن العشئ وكفت وياهن اشتغل بلا
روح راحن فرشن سفره وصارن ينقلن الاكل خلصنا
اخذت قوطية ببسي ورحت كعدت يم بيبي بس شنو احس
نفسي مخنوكه الهوئ قل باوعت للكل كلها تاكل وتسولف
وتضحك الئ اني الدنيا اسودة بعيني خفت لا زهير يستغل
الفرصه وياخذني الغرفته رغم هل شيئ راح يصير اذا
مو اليوم باجر بس مااعرف ليش اريد اتاخر مااكلت شيئ
ابدا بس اخوط بشوربه بعدها ذبيت الملعقه وكمت

لان احس راح اختنق طلعت توجهة للحديقه الخلفيه للبيت الي ورئ شباك غرفتي اكو كرسي ونافوره كعدت وصرت ابجي بحركة هنا ميحد يشوفني بس غرفتي والغرفه الي فوك غرفتي يطلن ؏ هل حديقه مااعرف غرفة منو هاي الي فوك غرفتي لان الطابق الثاني بي كثير غرف بس شباك
واحد يطل ؏ هل حديقه باوعتله الغرفه ضلمه مسدود
اخذت راحتي ضليت ابجي واحجي بهدوء نسيت نفسي مااعرف شكد ضليت ؏ هل وضعيه
لحد ماسمعت صوت ورايه خفت كمت وكفت صرت اني وياه وجه بوجه هوة هم من شافني تفاجئ مثلي دنك
رجعت كعدت خليت اديه ؏ وجهي ماهمني وجوده نار بصدري اريد اصرخ بعلو صوتي بس كرامتي متسمح
تميم ،، حور شمالج بويا شسوين هنا نص اليل
_ حور رفعت راسي شفت وجها ممتعض و صاك اسنانه
يمكن لان كعدت بالحديقه مالته بس لان اعرف محد يجي هنا اجيت ابدر نار قلبي ابجي براحتي كتله
حور ،، اسفه مااقصد ازعجك بس عجبني اكعد هنا لان هدوء اعرف هل حديقه الك بس ماكنت اضن انو ممكن تجي بهيج وقت لهنا راح روح
_ قبل لا اكوم كال
تميم ،، لا بوياا ؏ حسابج الف حديقه بس اخافن عليج
الكاع مفتوحه والحيوانات والدبيب ( الحشرات ) اخافن تتاذين
_ باوعتله ورجعت كعدت اخذت نفس عميق وحجيت واني اكف بدموعي نسيت نفسي ونسيت الي كدامي هوة شيخ
والكل يحسبله الف حساب
حور ،، مااعتقد اكو شيئ يكدر يااذيني اكثر منكم
انتو دمرتوني اني دامووت من وراكم انتو ذبحتوني الله ينتقم منكم ان شاء الله حوبت اليتيم متتخطئ اخوك
اذا الئ خاطر عند زب العالمين ان شاء الله ماطول ؏ زهير
_ باوعلها تميم طابك حواجبه وكعد مقابيها ؏ الكرسي بعد متر ونص تقريبا وهيه مستمره تحجي وتبجي
تميم ،، ليش بويا تدعين حرام منو وشنو الي صاير
بلغيني واني احلها الج
حور ،، بعد مااتحمل مااكدر اعيش ويه زهير تعبت كلش تعبت انسان متوحش اذاني كلش مخله شيئ مسواه بيه
اريد اطلق ابوس ايدك ياشيخ طلقني منه انت تكدر فدوة
اروحلك طلقني
تميم ،، لا تحجين هيج لا تتوسلين فهميني شنو السالفه
حور ،، السالفه كلها تعرفها اني انخدعت بااخوك عبالي
رجال وكد الحمل طلع للاسف مايصلح يكون زوج الي
شفت منه اشكال الضيم والتعذيب من ازوج خلصت منه
بس هسه رجع يتقرب مني واني ماتكدر اعيش وياه
اكرها لا تفهمني غلط ياشيخ اني كرهته من كسرني وطعن
بيه بدل مايحتويني ويطيب جروحي كرهته من جاب عشيقته بنت اليل ضره اليه كرهته من خلف منها كرهته
من ضربني واني ايام محبوسه كرهته من هددني بسجن
كرهته من حاول يعتدي عليه اكثر من مرة ماضل اله مكان بقلبي مااريده شلون اخلص منه هاا شلون اموت نفسي
مضل كدامي غير اموت نفسي