البارت٢٣
هلوو حبايبي
***
كيف يبدا الحب وكيف ينتهي
" يبدا بنظرة وينتهي بابتسامة ^_^
***
_ دائما الهدوء يخوفني ضليت افكر معقوله سلام عقل
وخلص تركني بحالي اي يجوز لان تزوجة وصار عندي ضهر
يحميني اذا مو سلام هم اهله اكيد ميقبلون علئ نفسهم
بالاخر صرت وحدة منهم اصلا متحمله كل هل بهذله
بس حتئ اخلص من سلام لان اذا وكعت باايده اكيد مراح
يرحمني اعرفه كلش زين رمشت عدت مرات احاول
استوعب العاصفه الي هبت ؏ راسي باوعتله
وكف ويرعد خير اللهم اجعله خير
زهير ،، شنو هاذا اسلوبج هااا انتي ماتستحين
_ ضلت اباوعله انتضرة يكمل كلامه بس لا سكت خازرني
اني كل عقلي كلت هاي هيه تذكر سالفه الصبح من تعاركنه
بسيارة تقرب عليه وغلني باصبعه براسي رجعت ليورة
؏ بالك مو اصبح درنفيس زرف راسي كتله
حور ،، اووي شبيك شنو صاير
زهير ،، اسمعي ولج دكتورة مكديه ماتفرق عندي مفهوم
ماطولج بهاذا البيت حالج حال نسوان تشتغلين مو تاكلين
وتمشين بوزج وتصعدين الغرفتج غصب عليج تشتغلين
_ اهووو هاي لغوة ام عداي الي ماتخلص
باوعتله بتعب كتله
حور ،، يعني شنو اسوي مثلا انضف وراكم لو اوكف
نادل ؏ روسكم
زهير ،، لا عيني شلون تكفين انتي دكتورة حور ام ال..
توكف تخدم رجلها وعيالها لا ميصير احنه نخدمج دكتورة
حور ،، زهير اني زوجتك ترئ حتئ اذا ماكو علاقه بينا
كدام الناس اني محسوبه عليك ميصير ياهو اليجي يدفعك عليه
زهير ،، انجبي شيافتني عربانه بس تصرفج مو اخلاقي
حور ،، ترئ اني داما اساعدهم وحتئ طبختلهم شسوي
اني ممتعوده ؏ نظامكم انطيني وقت ؏ الاقل لحد ماارتب حياتي واستقر وبعدها اخصص وقت للبيت
زهير ،، مفهمت
حور ،، اقصد لحد مااتعود واشوف دوامي شلون راح يكون
وشكد عندي وقت فراغ اقسمه جزء ارتاح وجزء للبيت
زهير ،، انزلي ساعدي رغد وحدها بالمطبخ
ثراء مريضه وامي وام عداي كاعدات كومي
حور ،، لوو تذبحني هنا ماانزل هسه عود يكلن صعد رجلها
نزلها بالقوه حتئ تشتغل مووو تريد تشمت هذول بيه
_ اني حجيت هل كلام هوة سحبني من اذراعي ؏ بالك
متحمل رد يضربني دفعته وحجيت بغضب
حور ،، دير بالك تمد ايدك عليه مره ثانيا مفهوم اني مو جاهله ولا سجين عندك
أنت تقرأ
مهرتي🔞
أدب نسائياصيحن اخ يا گلبي #وجر حاي واعتن بالوكت گوه #وجر رحاي جروح الناس تتشافه #وجرحاي تنزف من فقدت اعزاز اليه
