#مهرتي_52
هلو حبايبي
***
انا لست مجرد عابر انا الروايه بااكملها.....
_ حور يكلون الصمت اقسئ مراحل اليأس هاذا حالي حاليا
مااعرف شااحجي ولا شلون اصرف كاعده بغرفتي
صار خمسه واربعين يوم اريد استوعب الي صار مااكدر
كل الي يدور براسي انو اني خطر ؏ الناس الي يحبوني ودليل كل شخص يقترب مني يموت
صرت خاف باوعت الفهد نام يمي ؏ سريري وخطر ؏ بالي
انو ممكن اخسره مجرد خطرت الفكره بعقلي
صرت ارجف كلها الئ فهد اموت الله شاهد انتهي هاذا طفل
من يوم صار روحي تعلقت بي واليوم اني اوعده
وعد يافهد مااعوفك للابد ومعزتك من معزت روحي
لو نعيش سوئ لو نموت سوئ انت اخر امل بالنسبة الي
_ حضنته وضلت صافنه تفكر دخلت هدئ
هدئ ،، صباح الخير شلونج اليوم
حور ،، صباح النور يعني انتبهي ؏ فهد لحد مااغسل
هدئ ،، اخذي راحتج راح اخذه اغيرله واريكه
حور ،، لا خلي هنا لا تاخذي هنا سوي
هدئ ،، ماشي
_ دخلت للحمام غسلت وطلعت فاتت ؏ غرفة الملابس
لبست فستان كحلي نص ساق درانه تحت العكس طالع
يجنن عليها يعكس بياضها وكفت شففت شعرها بالمنشفه
ماشغلة شسوار حتئ فهد ليخاف بهل اثناء صوت ام
عداي شال البيت
هدئ ،، اسم الله شكوو
_ حور وجها انخطف مو ناقصه هبطه جديدة كعدت
؏ الكرسي كدام المرايا اطرافها ترجف
هدئ ،، شبيج صفريتي عزه ماكو شيئ هاي ام عداي
هيه دوم شالشه البيت هسه اشوف لتخافين
_ طلعت هدئ وحور كامت راحت ؏ سرير خلت فهد بحضنها وكعدت دقائق ورجعة هدئ
هدئ ،، مو كتلج ماكو
حور ،، لعد شنو هل صوت
هدئ ،، رايحة افهم شنو السالفه واجيج
حور ،، تمام
_طلعت هدئ راحت تستفسر علاقتها بسلوئ قويه
هدئ ،، سلوئ هاي شكو
سلوئ ،، خايبه اسمعي
_ كعدت تسولف الها كل شيئ صار
قبل نص ساعه
_ ام هارون نايمه بغرفتها لحد الان ماكدرت تجاوز فاجعة
موت ابنها كل ساع يرتفع ضغطها و حجيله تقرأ قران رقيه
بغرفتها وساكته واخواتها كل يوم تجي وحده يمها
_ دخل عدنان يصيح ؏ امه من شافها كال الامه
عدنان ،، يمه اجاكم ضيوف
ابو عداي ،، فوتهم وليدي للاستقبال
عدنان ،، دشو روحي شوفيهم
ام عداي ،، رايحه
_ دخلت ام عداي سلمت وكعدت كانو اهل رقيه جاين
شوي ونزلت رقيه مبوشه كون مازالت بالعده شكلها تعرف بيهم جاين كعدت يم امها وجدتها الكبيره وزوجة عمها
بعد ماسلمت عليهن
ام رقيه ،، شلونج بنيتي
رقية ،، الحمد الله يمه
_ هيه من تحجي صوتها عالي وخشن شويه عكس شكلها
ناعمه كصيره ومتروسه ملامحها طبيعيه عيونها بنيه
وسط بشرتها حنطيه بس شمس مشوحتها شوي شعرها
بني خفيف لكن شيئ ؏ شيئ مهضومه مثل اي بنت عاديه
من بنات الريف طبعا مو عبالكم هذن الي كل نهار
يصورن سنابات وينشرن ؏ اساس عايشات بالريف
لا هنا النسوان تختلف كل الزراعه عليهن وقطف الاثمار
وتنضيف المزارع والبساتين كله ؏ نسوان كل يوم
يطلعن من صبح للضهر يلا يرجعن للبيت دك شغل
والشمس تشوح بيهن هذن بنات الريف الاصيلات حالهن حال الزلم لا ويشتغلن اكثر من زلم كون الزراعه مصدر
عيشتهم كلها تشتغل كبار اصغار رقيه كانت احد هذول
البنات كون اهلها ناس بسطاء وعيشتهم ؏ الفلاحه
مثل اغلب العوائل الريفيه هنا حتئ بيت الشيخ اغلب ثرواهم من زراعه لكن شغلهم يختلف لان هم ملاليج وعدهم فلح تشتغل يعني ينطون الارض للفلاح يزرعها وينطيهم حصه من الحاصل ماعدهم مراة تطلع تشتغل بزراعه وكذا لا كله فلح هاذا شغل هارون
نرجع الام عداي
ام عداي ،، خير حبيبه اشوف بحلكج حجي
ام رقيه ،، اعذرينه ام عداي بس احنه جاين قاصدين الشيخ
والشيخه عدنا جلمتين الزوم انحجيهن
ام عداي ،، وصلتي الحين انده ام هارون
_ كامت ام عداي صاحت ؏ ام هارون الي عيونها
وارمه ضغطها مرتفع من القهر ؏ ابنها مكسورة خاطر
طبت سلمت وكعدت
ام عداي ،، هاي ام هارون كدامج احجي خيرج ام جاسم
أنت تقرأ
مهرتي🔞
Чиклитاصيحن اخ يا گلبي #وجر حاي واعتن بالوكت گوه #وجر رحاي جروح الناس تتشافه #وجرحاي تنزف من فقدت اعزاز اليه
