عند الغدير اجتمعن البنات اشجان ، كلثوم ، بدور ، نجلا ، وصديقاتهم هند ، هنوف ، غروب
كلثوم رفعت حاجب : ماتوقعت جواس يضربها بسيفه
اشجان تنهدت : اجل يتركها تروح لساري وعياله صاحيه انتي
هند حاطة كفها على خدها : ياعزتي لها وشلون متحمله كل ذا
نجلان بحزن : والله ان قصيدها عن الرجال ذبح قلبي
بدور بفضول : تتوقعون وش يقرب لها الرجال والي بموت فضول له وش بتقول شما لما تصحى بعد سوات جواس
الهنوف تبسمت : قولي وش تقول الجوهره وعيونها امس طالعه على جواس رايح جاي بشما وبحضنه بعد
بدور بشماته : ليت جواس يحب شما ويترك الجوهره تنحرق بغرورها
اشجان عقدة حواجبها : بدوور وش ذا الكلام لاتسمعك جدتي مزنه تكسر بخاطرك بعد
غروب بهدوء : اقول بنات لو بقت شما بالقبيله وشلون ومالها رجال محرم لها
كلثوم بحده : وش مالها رجال ذي تبتقى بخيمتنا
غروب هزت راسها : اقصد طالما مالها اهل لزوم يكون لها زوج فهمتي
هند تنهدت : البنيه وين وحنا وين ما اقول غير الله يكون بعونها الضعيفه
قربت الجوهرة منهن وبغرور : اشجان وين جواس
نجلا بسخريه : وصى على شما وراح الوادي
ضحكة بدور : الجوهرة للحين نايمه ماتدري وش صار
الجوهرة بحده : ادري الرجال مات وذي شما متى تنقلع
كلثوم بمثل الحده : جواس منعها تنقلع وبتبقى هنا
اشجان ناظرتهن بعتب : الجوهرة وكاد جدتي مزنه تنتظرك بخيمتها
راحت الجوهرة بقهر ( يتشمتون فيني ياعساهم للحريق الي تحرقهم مع شما ذي )
غروب رفعت حواجبها : الله يستر مبين الشر بعيونها
اشجان بغضب : عجبنا او ماعجبنا الجوهرة خطيبت جواس فهمتوا او لا
،
في الوادي الاخضر والي كله تلال وقف جواس على تله يدور بعيونه عن رجاجيل قبيلته الي راحوا الوادي يتدربون على القوس ويتصيدون
محمود رفع حاجب : مبين الهدوء على الوادي وكاد مابه حد اليوم
جواس بحده : وشلون مابة حد وين مازن و زياد والبقيه
بندر ميل فمه : وش رايك ياجواس ننقسم وندور عليهم
جسار هز راسه : لزوم مانفترق مير الخوف ان احدى القبايل ماخذتهم
كنان تنهد : تعالوا نتحرك لايضيع الوقت بالكلام
تحرك الخمسه بخيولهم يدورون على رجاجيل قبيلتهم بقلق وخوف يكون صابهم شي
وقف رجال بخيل على تله مرتفعه يناظرهم بحده : من انتم ياعرب
ناظرة جواس وميل راسه : وكاد انت قسور صحيح
قسور عقد حواجبه : اي انت جواس حياااك ربي كان تدور على رجاجيل قبيلتك تراهم ضيوفنا
جواس : وش حالهم ياقسور
قسور ناظر للبعيد : متصاوبين وواحد منهم مات ودفناه
جسار عقد حواجبه : ليه مابلغتوا قبيلتنا ورسلتوا مرسول
قسور بصدمه : ماوصلكم مرسول ، ترى رسلنا للقبايل كلها من حولنا
جواس بغرابه : ليه ماتدرون انهم من قبيلتنا لاجل ترسلوا للقبايل كلها
قسور تنهد : لا ياجواس ادري انهم من قبيلتك مير السالفه طويله تعالوا قبيلتنا تتطمنوا على الرجاجيل ويحكي لك جدي وضاح السالفه
حس جواس بشي كايد وحركوا خيولهم متبعين قسور لقبيلة الشيخ وضاح
وبمجلس الشيخ وضاح دخل جواس المجلس مع قسور واقترب من جده الشيخ وضاح باحترام يسلم عليه : وش حالك ياجدي عساك بخير
هز الشيخ وضاح راسه بحزن : وشلون اكون بخير ياولدي بعد الي صار
جواس عقد حواجبه : وش صار ياجدي عسى خير
الشيخ وضاح بغرابه : ماوصلكم مرسول ياولدي يعلمكم الاخبار
جواس هز راسه : ما جانا حد ياجدي طمن وش صار
الشيخ وضاح بحزن : قبيلة الشيخ وقاص انغزت ومات كل الي بالقبيله
جواس بصدمه : وشلون وقبيلة الشيخ وقاص قويه
الشيخ وضاح : ساري ، ساري ياولدي صار قوي بالحيل وكثروا اتباعه
جواس بغضب : لزوم نحط له حد قبل يتطاول علينا
الشيخ وضاح بضعف : الي يهمني الحين احفادي مادري وين راحوا
جواس ناظره بغرابه : احفادك ، منهم احفادك
الشيخ وضاح ولمعت عيونه بحزن : عيال ليلى بنتي ياجواس التوام
قسور بغضب : رجاجيل قبيلتك ناظروا حرمه ورجال يهربون من الوادي وعيال ساري يتبعوهم مير اتواجهوا معاهم
جواس وعيون شما لمعت بعقله وجسمه انتفض : شما
الشيخ وضاح ناظره بامل : ايه ياولدي اسمها شما
جواس بصدمه : شما بنت خالتي ليلى اهي ماغيرها الي انقذتها وشلووون وخالتي ليلى ماتت وماعندها اطفال وش ذا الهرج ياجدي
الشيخ وضاح اخذ نفس عميق : يوم عايشه ماتت وشفت خالتك ليلى كانت حامل بشهرها الاول وكانت حامل بتوام شما وشداد
جواس غمض عيونه وبهدوء : شداد الي دفنته الفجر ولد خالتي ليلى
قسور توسعت عيونه بصدمه : شدااد مات وشما وشلونها
هز جواس راسه يستوعب الاحداث : بخير اهي بقبيلتي
قسور بحده : والله ان ساري بيدفع الثمن الحيواان
جواس ناظر جده وضاح : ليه انا ما ادري بشي ياجدي
الشيخ وضاح مسح دموعه وبلع الغصه : بعد موت عايشة ، ليلى حملتني السبب في موت عايشة وقاطعتنا لكن جراح زوجها زارني بعد سبعه شهور من موت عايشه يبلغني ان ليلى ماتت واهي تولد بالتوام واخر كلمه قالتها يقطع صلت عيالها عني وقال جراح انه بينفذ وصيتها وهذا اخر لقاء مير اني كنت ارسل مراسيل يطمنوني عن شما وشداد لاجل كذا ماكلمتك وبعد شما وشداد رافضين يعترفوا بحد من قبيلتي او حد يقرب لامهم ليلى يعني بيرفضوك انت بعد
بلع جواس كمية حقائق صادمه ونطق : لاجل كذا مالجى شداد لكم رغم انكم اقرب لهم وفضل يموت واهو ينزف
قسور عاقد حواجبه : لزوم ناخذ شما باقرب وقت ساري يدور عليها
جواس هز راسه يستوعب اكثر : ليه يبيها لانها قدرت تهرب منه
الشيخ وضاح هز راسه : شما واهي صغيره خذاها وقاص مع كل احفاده للوادي يعلمهم القنص مير شما كانت تحب القوس وتعرف تقنص بيه ولما لمحت شي يتحرك بين الحشايش رفعت القوس وصوبت مير انها قنصت طفله مو ارنب كانت بنت ساري بعمر سنتين ولما لقى ساري بنته ذابحها سهم شما الي كانت واقفه تبي تاخذ سهمها كان يبي يقتلها مير وقاص صوبه بسهم بعينه واخذ شما وباقي احفاده ورد القبيله وبعد كل ذي السنوات نسى الكل السالفه الا ساري مانسى
جواس بسخريه : لو اني سمحت لشما ترحل الفجر وما منعتها وش كان بيصير ، كنت تركت بنت خالتي للموت
هز الشيخ وضاح راسه بحزن : ادري اني غلطان مير ليه ماوصلكم المرسول
قسور بحده : وكاد ساري له يد بذا الموضوع يبي يتوكد ان شما عندنا او اهربت
جواس تنهد ورأسه المه من الاحداث الي تصير ومن الي اكتشف الحين : وشلون بتاخذوا شما وماتبيكم
دخل صقر المجلس وتبسم : حيا الله الغالي نورت
فز جواس يسلم : يحييك ربي ياخالي منور بوجودك وش حالك عساك بخير
هز صقر راسه : بخير جعلك بخير عسى عندك علوم عن توام ليلى
ميل جواس راسه : توني ادري والعتب عليكم مير ان شما عندي وشداد الله يرحمه دفنته الفجر
صقر بحزن : وكاد امي بتنجن لو تسمع بموت شداد ، راشد وخالد ملزمين قربها من سمعت بالي صار
جواس نزل راسه انشغلت عنكم وماعاد ازورها وكاد ماخذه بخاطرها مني
الجده وضحه دخلت مع راشد وخالد ناظرت جواس بشموخ ورفعت حاجب : اي شايله بخاطري منك مير اسامحك يوم اشوفك
فز لها جواس يضمها بحنان : السموحه ياجده ادري مقصر مير انشغلت بالقبيله
راشد ناظر جواس بامل : عسى عندك علوم زينه
قعد جواس مع الجده وضحه وتبسم : شما عندي عمرها طويل
تبسمت الجده وضحه : ايييه ليلى عطتهم عمرها
جواس مسك كفها : وشداد عطى عمره لشما بعد
ناظرته الجده وضحه وتنهدت : مالحقت اشوف ولد ليلى
ضمها جواس بحنان : يومه ياجده مانقدر نعترض القدر
راشد عقد حواجبه : ليه ماجبت شما معك
جواس بسخريه : تو ادري انها بنت خالتي الحين
خالد بحده : اجل لزوم اخذها قبل يدري ساري عنها
جواس رفع حاجب : وشلون وماتبيكم
خالد بعصبيه : غصب عنها مالها غيرنا الحين
الشيخ وضاح : مانقدر نجبرها ياولدي لزوم نفكر بحل
الجده وضحه هزة راسه وميلة فمها ببسمه : جواس شما ماتدري بقربك لها
جواس تبسم : لا ماتدري اذا انا توي ادري عنها
الجده وضحه : اجل وصي الجميع محد يعلمها
جواس عقد حواجبه : ليه واهي رافضه تقعد بقبيلتي دون تعلم اني اقرب لها
الجده وضحه تبسمت : عندي حل مير ياجواس انك خاطب والشرع حلل اربع ترى
الشيخ وضاح عقد حواجبه : مير ياوضحه البنيه توها فاقده قبيله
الجده وضحه هزت راسها : مالها الا ذا الحل هاه ياجواس بتدق صدرك
قسور والي فهم قاطعهم بحده : لا ياجده انا ودي بشما حليله لي
انصدم جواس ورفع راسه يناظر قسور بحده : شما ماتبي حد من قبيلة الشيخ وضاح وشلون يعني بتجبرها
الجده وضحه بغضب : اسكتوا واسمعوني زين جواس بيتملك شما
