في الصباح راحوا البنات المرعى لاجل تتنقى كلثوم وبدور ذبايح احتفالاً بملكة جواس وشما
وقفت خيول الشباب الي جمعتهم الصدفه بالبنات
كلثوم تبسمت : صبحكم الله بالخير وشلون كانت ملكة جواس وشما من شهد عليهم
جسار رفع حاجب : متلهفه لاجل تسألي عن شما واهي نايمه عندك
اشجان بفضول : جسار ماهو وقتك شما مجننتني رافضه تتكلم وش صار
ضحك بندر بخفه : انا شاهد على ملكتهم
بدور عقدة حواجبها : وش مهرها ماعندها شروط
محمود غمز لها : لا ماتبي شي من جواس غير انه يكون سند لها
نجلا شهقت بخفه : ليكون سوى بها وضاح شي ووافقت على جواس بدون اي شي لاجل ترد معاه
كنان تنهد : لا اتركوا عنكم شما المهم جواس ملك وفكنا والحين الدور علينا
كلثوم تمسكت بيد كنان بفرحه : بذمتك ياخوي ومتى بينزفوا جواس وشما
كنان عقد حواجبه بنذاله : كلثوووم وجع فرحانه اكثر من جسار ترى
توسعت عيون كلثوم بصدمه واحراج : وجع اناا فرحانه لاجل شماا وجوااس
ضحك جسار بخفه : كناان محنا مثلك كل همنا نعرس مير الله يعين نجلا
نجلا بلعت ريقها : ماني معرسه غير بعد اخواني
محمود تبسم : كفو عليك يانجلا عين العقل
كنان بصدمه : نجلا وش تقولين
بندر ضحك : راحت عليك ياكنان لاتحاول
قرب منهم بدر وحمد وعنان بخيولهم
عنان رفع حاجب : ايييه والكبار يدورون عنكم
حمد بنذاله : ماصدقوا جواس تملك يحتفلون
محمود رفع حاجب : انتم زفونا بلا حسد
عنان هز راسه بسخريه : للاسف عندي لكم علوم تكسر الخشوم
كنان بخوف : الا علومك ياعنان مانبيها ياخوي انقلع
بدر تبسم : اجل اسمع مني شما مابتنزف لجواس بتقعد بخيمة البنات لين ينتهي حزنها
حمد ضحك : بمعنى توووكم على الحمااس والفرحه مطولين انتم
بندر بضيق : وش ذا العلم وكاد مخطيين انت وياه
جسار عقد حواجبه : شما ذي متى ينتهي حزنها
،
صحت شما على صوت جواس الي يناديها من برى الخيمة تلفتت حولينها ومالقت البنات : وكاد طولت بالنوم دون احس
جواس بحده : شما ووجع نايمه للحين
شما رفعت صوتها بغضب : تعبانه وش تبي
جواس بصبر قبض كفه : زين اطلعي القبيلها كلها قاعده تسمع اصواتنا
ارتفعت شما من نومتها وقعدت بارهاق : مابه حد من البنات ادخل
دخل جواس الخيمه وناظرها ردت تمتد بخمول
قرب منها جواس بقلق وقعد قربها : تعبانه فيك شي
شما بهمس وعيونها مغمضه : لا مير مابي حيل
باعد جواس خصل شعرها من على وجهها وتلمس جبينها ورفع حاجب : دامك بخير اقعدي زين كلميني
شما فتحت عيونها تناظره بطرف عين : وش تبي جواس قلت لك مابي حيل اقعد
جواس ميل فمه بسخريه : عسى خير ياحرمتي وش تبي اسوي لاجلك اغطيك او اجيب لك مي
تنهدت شما وابتسمت : الله ياجواس لو انك حنين وتبتسم مع شجاعتك بكون اسعد حرمه مير الحلم شي والواقع شي اللهم لا اعتراض
تبسم جواس بسخريه ( اجل انا ماني حنون معاك وانتي اول حرمه اتعامل معاها بحياتي ) رفع جواس صوته بحده : فزي لما اقعد معاك فاهمه
فزت شما من صرخته وقعدت تناظره بخوف وشعرها منتثر حولينها بثوب النوم الي بدون اكمام وصدره واسع وتمسح على عيونها من اثار النوم مثل الطفله
عقد جواس حواجبه لاجل مايبتسم على منظرها : اسمعيني زين اليوم بتصير حفله بمناسبة الملكه لاجل القبيله تدري انك صرتي حرمتي فاهمه
شما عقدة حواجبها : مير اليوم وكاد عمي يوصل ماهو زين نحتفل
جواس رفع حاجب : يصير الحفل حفلين ملكتك وفرحتك بعمك زين
شما بغضب : جوااس شلون تقرر دون تعلمني قبل تتكلم
جواس بحده : ليه اعلمك انتي تمشي وراء شوري
شما رفعت يدها بتهديد : مير ماهو بكيفك
مسك جواس يدها مقاطع تهديدها وشدها لحضنه ورفع حاجب : يدك ماترتفع قدامي لاجل ماتنكسر وانتي الحين حرمتي والي اقوله يصير فاهمه يابنت جراح
ارتعش جسم شما واهي بحضنه بثوب النوم الناعم ويده تطوق خصرها والثانيه على ذراعها الابيض الناعم وبتلعثم من شدة التوتر : زين اتركني واطلع من خيمة البنات مايصير تقعد هنا
ميل جواس فمه بخبث على رجفتها وتوترها وقرب وجهه منها اكثر : تراني قلت لجدي توك حزينه على قبيلتك وزفتنا تتاجل مير بغير رائيي
دفته شما وابتعدت عنه تناظره بقوه : جواااس قلت انك تملكت علي لاجل تساعدني ماهو اكثر مير ان قربت مني ياجواس والله لتندم
وقف جواس يناظرها من فوق لتحت : انتي تخليني اندم ليه وش تقدري عليه
بلعت شما ريقها تناظره بحده : صحيح ماني قادره عليك مير قادره على حالي
حد جواس عيونه عليها : جنيتي
اخذت شما خنجرها ورفعته بسرعه لرقبتها : والله ياجواس ان اذبح حالي وارتاح واريحك
قرب جواس بهدوء ماسك اعصابه : نزلي الخنجر
شما رفعت راسه وشدت الخنجر على رقبتها : اطلع ياجواس من الخيمه
قبض جواس كفه بقوه وهز راسه : زين بطلع لين يرد لك عقلك ونتفاهم ياشما
طلع جواس من الخيمه وتنهدت شما براحه ( ابفهم ليه خايف علي مع انه مايقصر معاي وكاد مايبيني اموت لاجل وصية شداد اااه ياخوي مالقيت غير ذا توصيه ماكن به حد ثاني قربك غير جواس اف ياحظي الي مايزين ابد ) حطت شما الخنجر وغيرت ثيابها ولمت شعرها وتلثمت وطلعت من الخيمه تمشي بهدوء تدور على البنات
جواس من خلفها بحده : على وين
فزت شما تناظره بخوف : انت من وين طلعت
جواس بسخريه : منتظرك
قعدت شما بالارض وتناظره بهدوء : زين انزل وقول وش تبي ماودي تاخذني بخيلك
جواس بسخريه : ليه ماقدر اخذك مثلا اذا قعدتي
شما تبسمت بتحدي وقبضت بكفها حفنة رمل دون يحس جواس بيها : لا ماتقدر
نط جواس من خيله وقرب منها لين انحنا لاجل يشيلها
رمت شما على وجهه حفنة الرمل ودخل بعيونه وتراجع لوراء اما شما فزت وجرت للخيل تعرج ونطت عليه وانطلقت بيها تدور البنات
جواس ويمسح على عيونه لاجل يطلع الرمل وبغضب بصوت مرتفع : والله ياشما اني كاسر يدك وبتشوفين
،
في المرعى عند البنات والشباب
محمود تنهد : وكاد حزن شما يطول فاقده قبيله بكبرها
بدور بحزن : لاتلوموها ترى صعبه تنزف وبعد ساري للحين منتقمت منه وطفت نار قلبها
كنان : مير وش ذنبنا حنا نرتبط بيهم لزوم نتكلم
نجلا هزت راسها : وكاد شما توافق تنزف لو بدون حفل
اشجان تبسمت : هذي شما على ذكرها جتنا
جسار حد عيونه : خيل جواس وش صار
وقفت شما الخيل قربهم بقوه وشتت عيونها على الجميع : منو ينتخي منكم
بندر بعتب : وش مسويه لجواس ذي المره ماتعقلي انتي
وصل جواس بخيل وتفاجئ بالجميع : وش ذا الاجتماع
حمد بسخريه : فرحانين يتكلمون عن ملكتهم مايدروا بالي صار
جواس تبسم ورفع حاجب : وش صار ماصار شي والكبار يتكلمون عنهم بعد
كنان بفرحه : الله يسعدك ياجواس شفتوا شلون علومكم مخطيه
عنان بنذاله : ماهي مخطيه مير ياجواس اذا املكوا وانزفوا شما وين تروووح
شما تبسمت : لا مابيعرسووون جواس قال لين ينتهي حزني
جسار بحده : ومتى ينتهي حزنك ياحرمة اخوي
شما ناظرته بنذاله : وكاد يطول سنه او اكثر تراها قبيله كامله انفنت
محمود بصدمة : ليه سنه وشو له سنه ياخيه
ضحك جواس وناظر شما : تمزح حرمتي معاكم
شما تحركت بالخيل بهدوء : وش تبي ياجواس بروح مع البنات اجهز الذبايح معاهم
جواس تلمس عيونه وعقد حواجبه : ماودك ياحرمتي تاخذيني لابو مازن تتطمني عني
جسار بصدمه : جواس وش صاب عيونك شما وش مسويه
شما بلعة ريقها : كلثووم خذي خطيبك عني انا وجواس نتفاهم حرمه ورجلها
كلثوم تبسمت : جسار كلامها صحيح جواس وحرمته يتفاهمون ماعلينا منهم
جواس قرب خيله من شما : اجل تعالي ياحرمتي نتفاهم بعيد عنهم ازين
شما تبسمت وبرقه : جوااس مير انا يضيق حالي من مجلس الطبيب وريحة الاعشاب خذ اخوك وروحوا
جواس رفع حاجب : مير ودي اتكلم معاك شوي ومنه نتطمن على رجلك
شما بلعة ريقها وماعندها اعذار : بروح بذا الخيل وش له نروح بنفس الخيل
جواس قرب منها ومد يده : مير ماشوف زين لزوم تاخذي عني اللجام
عضت شما على شفايفها : تراه خيلك نط انت لقربي
نط جواس لوراها وانطلقت شما بالخيل
اما جواس ضم خصرها وحط راسه على كتفها
شما بغضب : جوااس وشو له تعاملني بحب قدامهم ليه نمثل عليهم
جواس ضغط على خصرها وبحده : ماهو زين اخذك من شعرك قدامهم ياعروس واذا جدي بيرفض يملكهم بسببك بغير قراري وباخذك خيمتي واليوم قبل بكره
شما عقدة حواجبها بالم : وجع اترك خصري وش ذنبي
جواس بهمس من قرب اذنها : ذنبك مايغتفر خليك هاديه لاجل ماجن عليك
وقفت شما الخيل قرب مجلس ابو مازن بدون اي كلمه ونزلت قبل جواس
نط جواس ونادى ابو مازن ودخلوا المجلس وقعدت شما بهدوء بعيد عن جواس
جواس وعينه عليها : تفقد قدمها بالاول ياعمي اشوفها صارت بخير وعافيه
تبسم ابو مازن وقعد يتفقد قدمها : اشلونك يابنتي عسى بتقعدي بقبيلتنا
جواس ميل فمه : افاا ياعمي ماوصلتك العلوم تراها صارت حرمتي
ابو مازن بفرحه : الف مبروك ياعيالي الله يسعدكم لا اوصيك ياجواس عليها
جواس بسخريه : وصها علي ياعمي تراها راميه رمل على عيوني
وقف ابو مازن وقرب من جواس يتفقد عيونه بقلق بعد ماتطمن على قدم شما وتنهد : زين عيونك ماتاذت وكاد الرمل كان ناعم مامنه خوف مير ياشما ماينفع كذا
شما ابد ماناظرتهم او تكلمت
جواس تبسم : ناظر ياعمي يازينها بالعة لسانها
ابو مازن ضحك بخفه : يجيك يوم ياجواس تتمنا تسمع صوتها ياولدي
جواس باستنكار : افكر اقطعه لها لاجل ماتتكلم ابد وش تقول انت ياعمي وكاد انهبلت لاجل اتمنى اسمع صوتها
ابو مازن وقف بعد ماغسل عيون جواس : توها عروس ياولدي دلعها شوي
وقف جواس وقرب منها وشدها توقف : والله ياعمي الدلع واهي كل واحد من صوب
ابو مازن تبسم : اذا مالاق الدلع على بنت جراح على منو يلوق اجل
جواس تنهد : حفيدت مروض الخيل يبي لها حد يروضها ياعمي السموحه اتعبناك معانا مير وكاد تشوفنا كل يوم
ضحك ابو مازن : حياااكم الله مير بشي خفيف لاتتمادو
طلع جواس يشد شما خلفه ووقف قرب الخيل يناظرها بغرابه : عسى خير
رفعت شما راسها تناظره بغضب لكن انصدمت من الي طلع من وراء خيمة الطبيب يجري ناحيتهم بسيفه
شدت شما خنجر امها وابوها من مخباهم ودفت جواس وصدت ضربت الرجال المتلثم بغتره
