مر اليوم وجواس مو طايق حد وشما داهمتها الحمى طوال اليوم وماتهذي غير بالي صار لقبيلتها
ظافر عصب على ولده حمد لما سمع بالي صار لجواس مير اجل عقابه لين يشفا
بقت منيره ومهره والبنات عند شما طوال اليوم
،
في صباح اليوم التالي صحت شما بهدوء تحس بدوار حركت ركبتها شوي وابتسمت باقي قدمها ناظرت حولها تفاجئت بالنايمين قربها منيره ، مهره ، اشجان ، كلثوم ، نجلا ، بدور
لفت شعرها وتشيلت واخذت لثمه ماتدري لمن هي وتلثمت ووقفت بهدوء داست على قدمها وغمضت عيونها بالم لكنها كابرت وطلعت من الخيمه تبسمت بخفه على ضوء الشمس الخافت للصباح
مازن رفع حاجب بغرابه : انتي شما شلون تدوسي على رجلك وتوك ماتعافيتي
ناظرته شما بهدوء اول مره تشوف ذا : من انت
مازن قرب لها ومد لها جربة المي : انا مازن ولد الطبيب وين رايحه بذا الوقت
اخذت شما جربة المي والتفتت عنه تشرب لانها عطشانه وجوعانه من ثم ناظرته : لو انك تعطيني خيلك مابدوس على رجلي
مازن ضحك بخفه : لاجل تهربي ، لوين بتروحي وماتعرفين حد هنا
شما ناظرت للبعيد : اخوي بين رمال ذي القبيله
صمت مازن يفكر الا ان شما مشت ببطى تعرج وقفها مازن وتنهد : انتظري
راح مازن ورد بخيله : تقدرين تصعدين عليها
مسحت شما على عنق الخيل بهدوء من ثم داست بقدمها البخير وصعدت
مازن مسك لجام الخيل ورفع حواجبه : للضمان تو ما اعرفك زين السموحه
ابتسمت شما وهزت راسها بهدوء ومشى مازن بالخيل للمقبره الي تحتضن شداد
،
دخلت الجده مزنه مجلس ابو مازن تناظر بهدوء وبصوت عالي بعد ماتفاجئت باختفاء شما : اصحن لابارك الله بكن وين شمااااا
فز الكل قاعد يتلفت بصدمه ، منيره : كانت نايمه قربي
الجده مزنه بحده : وشلون ماحسيتي بيها وكاد هربت
مهره فزت بخوف : وكاد ماتقدر من رجلها الحين ندور عليها ونلاقيها
نجلا بلعت ريقها بخوف : مالقيت لثمتي كانت هنا
الجده مزنه ضربت الارض بعصاتها : لابارك الله بكن
طلع الكل ومابقى غير بدور ونجلا
بدور تنهدت : خلك هنا بروح اجيب لك لثمه
راحت بدور ونجلا قعدت والدموع تملاء عيونها وبهمس : ليتك اخذتي حقت كلثوم وش معنى خذتي حقتي
،
بمجلس الشيخ غازي الي مجتمع فيه رجاجيل العايله يفطرون بهدوء
دخلت بدور تجري تناظر الجميع بخوف
جابر عقد حواجبه : بدور وش صار يابنتي
بدور بلعت ريقها : شما ، شما اهربت مالقيناها
كهلان بصدمه : وشو وشلون هربت وانتن قربها
بدور بخوف : صحينا مالقيناها وخالاتي والبنات يدورون مير محد لقاها
فز جواس منطلق بخيله وخلفه الجميع تمسكت بدور بيد كنان وهمست له : كنان ترى شما اخذت لثمت نجلا وجدتي عصبت وتركناها بمجلس الطبيب
كنان عقد حواجبه : ليه تتركيها يابدور بدون لثمه بمجلس ابو مازن
هزت بدور كتوفه : وش اسوي نسيتها وانا ادور على شما
راح كنان لخيله يجري لمجلس ابو مازن قبل ماحد يروح له وقف بسرعه ودخل لقى نجلا قاعده تبكي قرب لها بحنان : نجيله ليه تبكي
نجلا وحانيه راسها بين ركبها : شما اخذت لثمتي وجدتي عصبت حيل
كنان تبسم : زين عصبت جدتي ولا جن جواس عليك خذي غترتي تلثمي بيها
رفعت نجلا راسها تناظره بعيون باكيه : محمود مادرى
كنان توسعت بسمته على ملامحها الباكيه : لا محد درى تلثمي وتعالي بسرعه
،
راح جواس للغدير من ثم للمرعى واتجه لحدود القبيله يسال اذا حد طلع
غمض عيونه بغضب وتذكر لما قالت له ( ماتوا عزوتي )
فتح عيونه ورمش بهدوء : قبر شداد شلون نسيت
انطلق جواس بخيله لقبر شداد مير مالقى حد نط من خيله وتلمس رمال القبر لقاه مبلول همس جواس : كانت هنا وكاد ترد لمجلس ابو مازن
انطلق جواس يسابق الرياح مير وصل ومالقاها رمى غترته
بجنون وتبعثر شعره الطويل لكتوفه حوليه
جسار بهدوء : الي يحرسون حدود القبيله يقولون ماطلعت
محمود رفع حاجب : حد راح قبر شداد اخوها
جواس مسح على شعره الي بعثرته الرياح : كانت هناك قبل اوصل لقيت قبر شداد مبلول مير وين بتروح بعدها
قرب منهم كنان يجري بخيله وبفرحه : لقيناها ياجواس
جواس ناظره ومتوعد بيها : وينها وين لقيتها
كنان ميل فمه ببسمه وناظر محمود : بخيمة البنات كانت تغير ثيابها
محمود حد عيونه : وش وداك هناك ياكنان
كنان رفع حواجبه : شما اخذت لثمت نجلا والكل راح وتركها بمجلس ابو مازن
جسار تبسم : وانت يالشهم رحت اخذتها لخيمة البنات
كنان هز راسه : اي تراها خطيبتي لاتناظرون كذا
محمود بحده : وجع خطيبتك ماهو حليلتك
تركهم جواس متبسم وانطلق لخيمة البنات وقف خيله ولقى بندر قدامه
بندر ضحك : كان جدي متوقع وطلب مني انتظرك واقول لك تروح للمجلس
جواس بسخريه : اشوف الشيخ يخاف عليها مني وكاد حاسبني ساري
بندر غمز له : لا يدري انك جواس مير سواياك تدري بيها
وصل جسار ومحمود وكنان
بندر بسخريه : قدامي للشيخ جدي منتظركم
،
شما باحراج : السموحه يانجلا مير ماتوقعت تقلبون القبيله لاجلي
كلثوم بغضب : والله ذي المره كنتي بتنذبحين لو اهربتي
اشجان بهدوء : شما ليه ماصحيتي معك حد وشلون طلعتي وحدك
بدور عقدت حواجبها : الا شما شلون دستي على رجلك كل ذي المسافه وبعد ماضعتي وتوك ماتعرفين القبيله
شما تبسمت : مامشيت وماكنت وحدي لقيت مازن عند باب الخيمه ووداني بخيله
نجلا وسعت عيونها : الله يستر عليك يامازن وكاد جواس يذبحه
شما بانزعاج من طاري جواس : ودي اغير ثيابي وبعد ودي كحل لعيوني
ناظرنها البنات بصدمه وبصوت واحد : كحل
شما بهدوء : لو اني بوفي لقبيلتي ماكفاهم عمري كله مير العزاء ثلاثه ايام وابوي دوم يمدحني لما احط الكحل وبعد جدي وقاص كان يتغزل بي وكاد ودهم احطه بعد
بدور ابتسمت بحنيه : لزوم تبقي قويه لاجلهم لاتضعفي ابد خلك كذا
اشجان قربت من شما ومدت لها ثوب اخضر بنقوش ذهبيه : وكاد يليق بك
كلثوم تبسمت : ارتديه وتعالي اكحل عيونك تشوقت اشوف الكحل بعيونك
اخذت شما الثوب وراحت لخلف الحاجز تغير ثوبها
بمجلس الشيخ غازي الي جمع كل رجاجيل القبيله بمجلسه وكل الحريم واقفات قرب باب المجلس
قربت شما مستغربه التجمع الي صاير
شما بهمس لاشجان : ليه القبيله كلها متجمعه
اشجان تبسمت : الحين تدرين ليه مير انتي ماتستحين من التجمعات صحيح
قرب بندر وعيونه على اشجان : اشلونك شجن
اشجان استحت : بخير ، جدي منتظرك
بندر تنهد : اي متى جواس يفكنا تعالي ياشما وقفي عند باب المجلس مير لاتدخلين زين
شما بصدمه : ليه والمجلس يملاه الرجاجيل صاحي انت
بندر رفع حاجب : جدي منتظر تعالي عجلي
ناظرت شما للبنات : اروح وحدي مابتجون
كلثوم تبسمت : والله ودي مير جسار بيذبحني
بندر ضرب راسها : اذبحك قبله يامهبوله شما امشي قدامي
مشت شما بخوف تفكر ( معقول وضاح العجوز منتظرني داخل والقبيله تستقبله ) تعمقت شما بتفكيرها مواصله المشي اما بندر انصدم لما تخطته لداخل المجلس
الا ان جواس فز ومسكها من يدها وشدها وراه ووقف عند باب المجلس وهمس بحده : كنتي تسلمين بعد
شدت شما يدها بحده وقدمها المتها لما داست عليها بقوه بسببه
الشيخ غازي بصوت مرتفع : كل القبيله تسمع ذي شما وبتصير واحده من بناتي زين
ابو جواد من كبار القبيله : بنت منهو ياشما ومن اي قبيله
شما بفخر رفعت راسها : انا حفيدت مروض الخيل انا شما بنت جراح ولد الشيخ وقاص
بصوت قوي من خلف شما : والنعم ببنت عمتي حفيدت الشيخ وضاح
