قرب الجبل الاحمر وصلت شما محتميه خلف صخره تراقب المكان بحذر على ضوء الفجر وانصدمت بشوفت خالها جبر مربوط للعمود وقربه ثلاثه رجال يحرسونه
قعدت بحذر وطلعت جربة المي واخذت الاسهم تبل روؤسهم الحديديه بالسم الي جمعه جدها وقاص للجربه من الافاعي والعقارب
جهزت اول سهم واخذت القوس ومستعده لاي حد يظهر ساري او عياله وبهمس : والله ان موتكم على يدي
ابتسمت بشر لما طل ساري وقرب من جبر المربوط شدت شما السهم وعيونها تناظر ساري بحقد وبهمس : مووت
وصوبت بقوه وصابت ظهر ساري اخذت الاسهم وارتدت القوس واخذت الجربه حول خصرها ونطت فوق الخيل وانطلقت وافراد العصابه وضرغام وعايض انطلقوا خلفها خوفاً على الزعيم اما قصاص قعد قرب ابوه ونادى الطبيب
،
وصل جواس للجبل الاحمر وناظر المكان بحالة ارتباك والكل رايح جاي وانصدم بـ خاله جبر مربوط للعمود
جواس بخوف : وينك ياشما وكاد صار شي مير ياليت ماهو انتي السبب وتهورتي
والصدمه الي وقفت قلب جواس واهو يناظر عايض يشد خيله وراد للجبل الاحمر
تصنم جواس وارمش يستوعب شما مسكوها قبض كفه بقوه وقبل يفز مسك حد كتفه ورماه للارض وحط السيف برقبته
،
وصل كنعان للقبيله لمجلس الشيخ وقعد قدامهم بجديه : وينه جواس وشما
كهلان عقد حواجبه وقلبه متوجس للخطر : جواس راح خلف شما وش صاير
كنعان حط يدينه على راسه بقهر : جواس وشما يدرون بكل شي ورايحين لساري ينتقمون منه
فز الشيخ غازي بصدمه : وش يدرون عنه
كنعان بغضب : يدرون ان عايشه ماتت قتل ويدرون ان ليلى اختها ويدرون ان وضحة سبب كل شي
ظافر بصدمه : وشلون درى جواس عن امه
كنعان تنهد : جراح وصى بنته تروح لمغاره وبتلاقي رجالي يحكي لها كل شي والصدمه ان الرجال ذا جبر
كهلان توسعت عيونه بصدمه : جبر ولد وضاح ماغيره وشلوووون الكل يدري بموت عايشه ومحد تكلم وشلووون عايشه تموت مقتوله وانا حي للحين دون انتقم
جابر فز يناظرهم بعصبيه : ماهو وقته الهرج جواس وشما رايحين لساري وحدهم
مسك جسار سيفه وانطلق وخلفه الشباب دون ينتظرون حد وانطلق معاهم جابر
الشيخ غازي ارمش وهز راسه بخوف : لحقوا وردوا بجواس متعاافي
انطلق كهلان وكنعان وظافر والحريم والبنات خايفات
الجده مزنه بسخريه : وش بقت شما ما
قاطعها الشيخ غازي بغضب : ليه تحملينها كل شي الحقيقه بتظهر بشما او بدونها مير هذا عتب كهلان وسمعتيه واهو مستعجل انتظري جواس لين يجينا ويدري اننا سكتنا مثل وضاح
،
عند شما الي قاعده خلف صخره تناظر بغضب للرجال المتلثم بغترته والي شدها من خيلها لخيله وتخفى بمغاره صغيره بحجر كبير وبحده : من انت
ضحك بخفه وقرب منها وشد لثمتها : ودك اتركك لساري
تجمدت شما بسماع صوته وبهمس : راشد
نزع راشد الشال عن راسه و وجهه الي غطاه وبسخريه : اي راشد وين رايحه ياشما انهبلتي انتي رايحه لساري
شما نزلت دموعها وتبسمت بخفه : تصدق اني فرحانه بشوفتك لاول مره بحياتي
ضحك راشد وهز راسه : لذي الدرجه كرهتيني
شما تنهدت تمسح دموعها : لاتنسى وش كنت تسوي بي
تاملها راشد بحب وشد انفها : اسالي حالك وش تسوين بكل مره اهاوشك
شما رفعت حاجب بانزعاج : ماكنت اسوي شي
راشد تغيرت ملامحه للجديه وبحده : وين اختفيتي طول ذي الفتره ليه ماجيتينا لقبيلة الشيخ همدان
شما ناظرت للبعيد : هربت انا وشداد لين تخطينا الوادي مير عايض الحيوان صاب شداد بسهم ولقاني رجال شهم اخذني انا وشداد لقبيلته مير شداد مات ماقدرنا نلحق
نزلت دمعه شما : او بالحقيقه جواس كذب شداد مات بوقتها مير لاجل ياخذني قبيلته قال نودي شداد الطبيب
راشد عقد حواجبه : منهو جواس ياشما من اي قبيله
شما مسحت دموعها وتنهدت : جواس الي تملكة عليه لاجل رفض يتركني لوضاح العجوز مير انصدمت اليوم انه ولد خالتي عايشة
راشد قعد قربها ورفع حاجب : جواس بن كهلان ولد الشيخ غازي تملك عليك
هزت شما راسها بهدوء وناظرته : اي مير انه تركني بخيمة البنات مير اهو كذب ليه ماقال انه ولد خالتي
راشد بحده : شمااا لاجل كذا تركتيه ورحتي لساري
ناظرته شما باستنكار : راشد اقول لك كذب
راشد بعصبيه : دامك ماتبيه لاجل كذا تقولين له يوديك لقبيلة الشيخ همدان ماهو تهجين
شما بلعت ريقها ( اااف ماهو وقته تعصب لاجل جواس الكذاب ) وبغرابه : راشد ماوصل عمي طارق مرسول من قبيلة الشيخ غازي
راشد هز راسه بالرفض : لا ليه الشيخ غازي رسل حد
شما بحقد : ساري الحيوان وكاد امسك المرسول
راشد ناظرها بتفكير ( وشلون اردك للشيخ غازي اااف ليتك بقيتي عندهم كم يوم بعد ) : ووش مسويه لاجل يتبعوك عيال ساري واتباعهم
شما بغرور : صوبت ساري بسهم بظهره
راشد ضرب راسها : صاحيه انتي وش مسويه ترى السهم ماهو قاتله مير بيحقد عليك اكثر
شما رفعت حاجب بغضب : ماهو سهم عادي تراه مسموم من جربة جدي وقاص
راشد انصدم ومن ثم ضحك بخفه : انتقمتي والله منتي هينه مير عياله بينجنوا
شما ناظرت للاسهم : مير الاسهم كثير ولابد تصيدهم
وقف راشد وشدها من ذراعها : تعالي بوديك لقبيلة الشيخ غازي
شما وتحاول تشد ذراعها : ماني راده تراني هجيت دون اعلم حد
راشد بغضب : شما ترها قبيلتي بعد الي انفنت وانتي يكفي سممتي ساري اتركي عياله لي وردي
قاطعته شما بحده : ماني راده لهم بروح معاك لعمي طارق ونرد لقبيلتنا
راشد توتر : لا منتي رايحه لقبيلة الشيخ همدان بتردين لقبيلة رجلك
احتارت شما معاه شلون تقنعه وببحة بكاء : زين مير ترى جواس يهاوشني وبعد مره كسر رجلي وغيرها كثير
قرب راشد لها ومسك كتوفها بغضب : وشووو مهبول هو ليه يهاوشك والله اني اكسر يديه
نزلت دمعه حاره من عيون شما وضمها راشد : لا تبكي والله محد يطول شعره منك وانا حي
اخذها راشد للخيل ونط عليه ونطت شما وراه وتمسكت فيه وحرك راشد الخيل بقلق خوفاً حد يلمحه من اتباع ساري لين لمح حد خلف صخره كبيره رافع يده
انطلق راشد وشما حاطه راسها بظهره بتعب ونوم وارهاق
وقف راشد خيله خلف الصخره : اقول ياولد الخال منهو ذا الرجال
تحرك خيل راشد شوي وفز جواس وشد شما من الخيل بقوه : من انت اشلون تاخذها معاك
اما شما صحت بخوف من شدة جواس والخوووف ان جواس معصب وبالم : جواااس اتركني
ترك جواس ذراعها ومسك رقبتها بقوه : هجيتي ياشما
راشد نط من خيله ولكم جواس بقوه وبغضب : اكسر يدك وراسك وشلون تعامل شما كذا يالحيوان
وجواس راح باله بعيد وقعدوا يتهاوشون
اما صاحب العيون الي تعلقت بشما بصدمه اقترب منها بهدوء وشما طايحه بالارض بتعب قعد امامها وبهمس حنون : شما
رفعت شما راسها وناظرته بغرابه عيون الرجال مألوفه وقريبه منها حيل مير ( تنهدت بغضب ) : من انت
نزل لثام الغتره وابتسم : كبرتي ونسيتيني
دف جواس راشد بقوه واهم يتهاوشون وقرب من الرجال وشده ولكمه بقوه لكن صرخت شما المصدومه اوقفته : هزااااع
