فزت شما عن الارض متحمله الالم وجرت للجرف اخذت خيل جواس السريع وانطلقت تسابق الرياح باتجاه الوادي تحت نظرات جواس الي نط للارض عله يوصلها ولكن شما راحت عليه
جرى للجرف وانقهر على خيله وناظر خيل عمه واخذه : وكاد مالحق عليها بيك مير تحرك
انطلق جواس وجبر وكنعان يناظرون بخوووف
كنعان ناظر جبر بغضب : وش بلاني ربي به عندك خيل
جبر هز راسه بـ لا : ماعندي وشلون الحين
ضرب كنعان الصخره بقوه وبغضب : شلووون انت عايش بدون خيل من وين يجيك الزاد والمي
صمت جبر وبحزن : مايفيد الغضب الحين وش الحل
شد كنعان الشال عن راسه بعصبيه يناظر الصحراء : ماعندي غير اجري لقبيلتنا
جبر بتردد ناظر كنعان من ثم تنهد بياس : روح انت
تركه كنعان وانطلق تحت ضوء القمر متجه للقبيله
،
وقف جواس خيله على تل في الوادي وبحيره : وين رحتي ياشما قبيلتك او للعجوز وضاح
قبض كفه بغضب وكل المشاعر متملكه منه ( خوف - انتقام - غضب - حقد - تساؤلات ) حرك خيله بعد تفكير عميق متمني يكون فعلاً فاهم شما وتفكيرها ووين راحت ومايخيب ظنه وقلبه والي يعتقد انه حافظ كل شي فيها
،
في قبيلة الشيخ غازي وقفت شما الخيل ونطت عنه وانطلقت لخيمة جواس
اخذت تدور وترمي الاغراض بعجل قبل يصيدها حد لين لقت جربة المي الي دفنتها تحت الرمل وكانت من خيمة جدها وقاص وذكرياته واتجهت للاسهم والقوس الي اخذتهم من قبيلتها كذكرى وجمعتهم بشال جواس واخذتهم للخيل على اطراف ضوء الفجر ونطت للخيل وشدت الخيل وانصدمت بعنان واقف قدامها يناظرها
شما هزت راسها بغضب : الا انت ياعنان ليتني ماقابلتك
عنان بصدمه : بتهربين من جواس
شما بحده : جواس منتظرني بحدود القبيله بروح لقبيلتي واذا منت مصدق ناظر الخيمة ودور على جواس
ضربت شما على الخيل وانطلقت
عنان ميل فمه بسخريه وصرخ واهو يجري بين الخيام : ياجدي اصحوووا شما هجت اصحى ياعمي كهلان
فز الجميع بخوووف وكل واحد طلع من خيمته يناظر وش يقول عنان
الشيخ غازي بصراخ : اااهجد وعلمني وش جرى
عنان والدراما الف : شما شما ياجدي اخذت اغراضها وهجت بخيل جواس وهددتني بالسيف
ظافر بغضب : انت رجال تخاف من حرمه وتتركها تهج
كهلان بصدمه : ليه هجت وين جواس
عنان هز كتوفه : مادري عنه
انطلق كهلان يجري لخيمة جواس وانصدم ببعثرت الخيمه وجواس ماهو موجود
حمد بسخريه : ليكون تهاوشوا وشما اذبحته وادفنته وهجت
جسار صرخ بغضب : ابلع لسانك حمد
جابر عاقد حواجبه : جسار بندر محمود كنان لحقوا وراء شما لاتتركوها وكاد وراها شي كايد وجواس مايدري عنها
انطلق الاربعه للخيول علهم يلحقون على شما
وقفت عليا بصوت مرتفع : كنعااان ياعمي وينه ماهو قربي الليله ذي ابد ومالقيته من غروب الشمس للحين
الشيخ غازي بغضب : وش جرى وين اختفى جواس وكنعان عنان حمد بدر تلفوا القبيله وتدورون عنهم
راحوا الثلاثه وجابر يفكر : ياعمي وكاد صار شي وحنا نيام
ظافر بعصبيه : وش الي بيصير ومايصحونا
جابر رفع حاجب : وكاد وصل شما مرسول من عمها طارق وانطلقت له
كهلان بتفكير : ووينه جواس شلون ترك شما تروح
جابر تنهد : دامه خيل جواس وكاد منتظرها بحدود القبيله مع المرسول
ظافر بحده : وليه مايصحينا جواس وتركنا نيام
هز الشيخ غازي راسه بقلق : الخواف ان شما اسرقت خيل جواس لاجل محد بيقدر يلحق عليها اما جواس وكنعان وكاد علومهم كايد
كهلان بقلق : والحل بنقعد كذا منتظرين
وقفت الجده مزنه قربهم : قلت لكم ان شما بتجيب المصايب لجواس ومحد صدقني مير الحين ماعندنا غير نقعد وننتظر تعالوا للمجلس نقعد لين تجينا علوم
ناظروا بعض وتبعوها بترقب للي بيصير
،
وقف جبر خيله بغضب قرب الجبل الاحمر ونط من عليه وانطلق للمغاره يصارخ بغضب : اصحى واسمعني زين اقسم بالله ان اذيت شما او لمستها بسؤ اني لك عدو
صحى وكل الي معاه في المغاره فزوا يناظروا
تبسم بسخريه ومفتح عين ومغمض عين : ليه الدم حن
صرخ جبر بحده : سااااااري الا بنت ليلى لاتقاربها
ساري تنهد وناظره ببرود : وانا مايشفي غليل الا بنت ليلى
جبر قرب منه ومسك ياقته يوقفه : على جثتي ياخوي
ميل فمه ساري ببسمه ومن ثم ضحك بخفه : ماهي مشكله سلم على خواتي اجل او اقول لاتروح لحالك خذ معك بنت ليلى تونسك وتلتم عائلة جراح
ناظره جبر بصدمه واتباع ساري اخذوه بالقوه وربطوه لعمود تحت مراقبة ساري
ساري رفع حاجب : غلقوا فمه ودي انام بهدؤ
وامتد ساري على فراشه وغمض عيونه ببرود
،
وصل جواس للقبيله وانطلق لخيمته بأمل نط من خيله وجرى وانصدم ببعثرة الخيمه شتت عيونه بضيق : وش اخذتي ياشما وش كنت مخفيه عني ولاجله رديتي
دخل كهلان يناظره بقلق : جواااس انت بخير
ناظره جواس وباين الخوف بعيونه : شما وينها
كهلان هز راسها : عنان لقاها ماخذه اغراض وهجت بخيلك مير انت
قاطعه جواس بسرعه : وش خذت مادرى
وصل عنان وبدر وحمد ينادوا : جواس الكل منتظرك
ترك جواس ابوه وطلع لعنان وشده : ماشفت وش اخذت شما ولوين راحت ماقالت شي
عنان بلع ريقه بخوف يتذكر : ااا اييه سيفها مربوط بخصرها ومرتديه قوس والاسهم مربوطين بشالك وحاطتهم امامها وبعد جرة مي حول خصرها
ارمش جواس يجمع الاحداث ( سيفها والخنجر ماتفارقهم ابد القوس والاسهم ماتخطي هدفها فيهم مير جرة المي وكاد ذي الجرة الي ماتركتني اشرب منها وكانت خايفه مير وش بداخلها لدرجة ادفنتها لاجل تخفيها ، شما رايحه لساري للجبل الاحمر للموت )
انطلق جواس يجري متجاهل ندائهم
وقف في المرعى وراح للخيول واخذ خيل مدربه ويعتبره خيله الثاني ونط وانطلق فيه يسابق الريح ودقات قلبه تقهره بخوفها
،
جسار وبندر ومحمود وكنان مادروا لوين راحت شما واحتاروا والصدمه كانت كنعان المتبهذل من الجري وميت عطش
كنعان ويالله ينطق : جواس شما وينهم
جسار بغضب : شما هجت بخيل جواس ياعمي
كعنان بصدمه : وشوو شما ردت للقبيله وجواس وينه
محمود عقد حواجبه : ماندري انت وجواس مختفيين
بندر يناظر خاله : وين كنت ياخالي وش جرى
محمود بتفكير : شما وجواس كانوا معاك
كنان بغضب : ماهو وقته تسألون تعال يبه نرد للقبيله ترتاح وحنا نشوف وش جرى
نط كنعان لخيل ولده وانطلقوا للقبيله تحت صدمت كنعان برجوع شما وروحتها مره ثانيه
( اغدرتي بجواس ياشما وهدفك ماهو الوادي او ذيك القبايل هدفك ساري ماغيره )
