رفعت شما راسها تناظره بغضب لكن انصدمت من الي طلع من وراء خيمة الطبيب يجري ناحيتهم بسيفه
شدت شما خنجر امها وابوها من مخباهم ودفت جواس وصدت ضربت الرجال المتلثم بغتره
انصدم جواس وشد سيفه يقاتل الرجال بعد مادف شما لخلفه بغضب
تلفتت شما : جوااس وكاد به حد مختبي
جواس بحده : خذي الخيل وروحي بسرعه
ناظرت شما للرجال الي طلع خنجر ويقاتل جواس بسيف وخنجر واقتربت منهم بشراسه وغدرته لما صد جواس ضربته وطعنته بسرعه بصدره
جواس ناظرها بغضب : قلت لك روحي
ناظرته شما بحده : وشلون اتركك وكاد معاه حد مستحيل يكون وحده
جواس رفع حاجب : ينقال عنك خايفه علي
شما حدة عيونه : مهبوول وكاد ذول اتباع ساري يدورون
قاطعها جواس بصراخ : شي مايعنيك اتباع ساري او غيرهم وانا موجود انا بحميك تفهمين
طلع الطبيب على صاراخهم وجرى يناظر الرجال ويتفقده وبصوت مرتفع : ماهو وقته ياجواس شما اذبحته
التفت جواس يناظر لمكان ماطلع منه الرجال وانصدم بالي ماسك القوس ومصوب باتجاههم
شد جواس شما لصدره وحاوطها الا ان السهم صوب ذراعه اليسرى
انصدمة شما من الي حصل وصرخ الطبيب بخوف على جواس وينادي لعل حد يسمعه
ابتعدت شما عن جواس والتفت تناظر الرجال الي رفع السهم مره ثانيه باتجاههم لاجل يصوبهم
ناظرت شما للقوس الي على خيل جواس وشدته وشدت السهم من على ذراع جواس ورفعته بسرعه تحت صرخت جواس الي خايف يصيبها سهم الرجال قبل تسوي شي الا ان شما اطلقت السهم ومالت للخلف راميه حالها للارض
تجاوزت الاسهم بعضها منطلقين الا ان سهم الرجال مر من فوق شما بدون ياذيها وسهم شما صاب بطن الرجال وطاح على الارض بدمه
جرى جواس لشما يتفقدها بخوف والدم مغطي ذراعه : شمااا تاذيتي صابك
ارتفعت شما تناظره بانتصار : مايقدر علي
مسك جواس شعرها بقوه : لو صابك السهم يامهبوله صاحيه انتي توقفين قدام الرجال وبيده قوس
شما بالم : جواااس شعري اتركني
ابو مازن عقد حواجبه بصدمه بعد ماكشف عن وجههم : جواااس ياولدي ترى ذولا عمر وعامر الي طردتهم من القبيله
جواس بحده : يستاهلون ماجاهم
ابو مازن بقلق : مير اهلهم وكاد مايسكتون على الي صار وكاد ينتقموا من شما
جواس بحده : انا الي ذبحتهم ياعمي
وقف جسار خيله بقوه بعد ماكان منطلق ونزل يناظر جواس بقلق : وش صار وش صاب ذراعك
جواس شد الغتره وربطها على ذراعه : جرح بسيط
ناظر جسار الرجال والقوس بيد شما : شماا ذول اتباع ساري جايين وراك
شما حدة عيونها : انت ليه حاقد علي كذا وكل شي يصيب جواس تلصقه بي
جسار بغضب : لان من لقاك جواس ماشاف خير
جواس صرخ بحده : جساااار روح علم جدي ان عامر وعمر ماتوا
تركهم جسار ونط على خيله بغضب وانطلق
وقفت شما وقبل تروح مسك جواس كفها : وين رايحه
شما عاقده حواجبها بغضب ويالله تتكلم : بنام
ناظرها جواس بهدواء وشدها معاه لمجلس الطبيب وقعد وشدها لقربه : نظفي يدي من الدم ابو مازن منشغل بهم
بلعة شما ريقها والدموع بدات تتجمع بعيونها : مير اخاف من منظر الدم
جواس اسند ظهره ورجع راسه لوراء : اجل اهزمي خوفك
ناظرته شما بغضب وضربت صدره بكفها : جواااس
جواس ومافتح عيونه : وشو
نزلت دموع شما وضربته مره ثانيه وثالثه بصدره وجواس ماتحرك او فتح عيونه
ارتفع صوت بكائها وتنهد جواس ويدري ان طيف قبيلتها الي انغزت ودمهم الي انتثر لاجلها يمر امامها
شدها جواس بهدوء لصدره وضمها وهمس : اشش لاتخافي ماني تاركك ولو بموت بذبحك قبل تغمض عيني ولا تقعدي دوني
وبعد شوي وقبل تهدئ شما من نوبة البكاء اقتحم المجلس الشيخ غازي وعياله واحفاده
الشيخ غازي بقلق : جواااس وش صابك
جواس ناظرهم عاقد حواجبه : مابي الا العافيه
تنهد كهلان : عنان يقول انهم صابوك وتاذيت وشما اذبحتهم بالحالها
جواس ناظر جسار : انا قلت لك تروح انت
جسار بغضب : الزفت عنان كان موجود وراح يعلم
جواس من بين اسنانه بحده : لاتلومني ياعمي لما اقص لسانه منقل العلوم ذا
كنعان هز راسه : لاتتعب حالك انا بقصه له
جابر قرب من شما يناظرها بقلق : انتي بخير يابنتي
ارمشت شما بعيونها الدامعه وطيف ابوها دايماً تناظره بوجه جابر نزلت دمعه حاره وهزت راسها : اي يبه
ابتسم جابر وضمها بحنيه يطمنها : لاتخافي حنا قربك محد بيلمس طرف من شعرك
رفع جواس حاجب : اقول عمي جابر روح انت وابوي وجدي لاهل عامر واهل عمر ووضحوا اني الي ذبحتهم
ابتسم جابر ولمح الي بعيون جواس وترك شما ووقف : تراهم عند عيالهم حزينين اشوي يستوعبوا الي صار ونتكلم ماهو زين نتحداهم بفخر انك ذابح عيالهم الحين
كنعان تبسم : شما شلون ذبحتيهم
جواس ابتسم بسخريه : تو اقول اني ذابحهم
كنعان ضحك بخفه : اي قدام العرب مير عندي فضول
جسار بحده : اتذكر انك قلتي ياشما ماتعرفين تستخدمي القوس مير شلون صوبتي الرجال دون تتاذي بذي السرعه
بلعة شما ريقها وببحه : تذكرته وقت الحاجه
ارتفعت الاصوات خارج مجلس الطبيب
ظافر بعصبيه : انجنوا ذول عيالهم ناويين شر وزعلانين لاجلهم الا زين ماتوا بذي النوايا
جابر بهدوء : ماهو وقته ذا الكلام ياظافر توهم حزينين تراهم عيالهم لزوم نهداء الحين لين يهدون
الشيخ غازي بغضب : كهلان جابر ظافر تعالوا معي كنعان خذ كنان وبندر ومحمود وجسار واربطوا الثلاثه بالعمد
كنعان : تامر يبه
راح كنعان والشباب معاه يدورون على عنان وحمد وبدر وراح الشيخ وعياله لاهل عامر واهل عمر
ناظر جواس شما الي ذبلت ملامحها وبان الحزن عليها
جواس بهدوء : اول مره تذبحي حد
هزت شما راسها بالنفي : ذبحت كثير يوم الغزو
جواس بجديه : اليوم بتنتقلي لخيمتي وبعد حفلة الملكه بتنزفين لخيمتي
شما التفت تناظره عاقده حواجبها
جواس حد عيونه : لاجل اتطمن انك بخير قربي
شما التفت عنه وناظرت للبعيد : مايصيبني شي مع البنات وانا ند للي يطول
جواس بغضب : شمااا الي اقوله يصير وترى ماني مقرب لك اذا هذا تفكيرك
شما ناظرته بعصبيه : جوواس لاتنسى شروطي وش الي تقوله بيصير
جواس مسك شعرها بقوه : ما اتذكر ان لك شرط تتخذي قرارات وانا اتبعك ترى ماعندك غير ثلاثه شروط نفذت الشرط الاول واخذتك قبيلتك ونفذت الشرط الثاني ونسيت ان فيه قبيله لوضاح العجوز باقي الثالث تنتقمي من ساري وبنفذه لاتخافي
شما ومتألمه : مير مهري كان تكون لي سند وظهر وعزوه تكون لي اهل الاب والاخ وانت وش تسوي كل شوي ماد يدك علي
تركها جواس بغضب : لو انك تفهمين ماصابك شي مير لسانك وعنادك بذبحك بسببهم
دخل ابو مازن يتفقد جرح جواس ويناظرهم بعتب : جواس وش تحس بيه ياولدي
جواس هز راسه : مابه شي كايد ياعمي
قعدت شما بهدوء ضامه ركبها لصدرها وعيون جواس مافارقتها بينما ابو مازن يتفقد جرح ذراعه
،
