وقفن البنات يناظروا المربوطين بشماته
كلثوم تبسمت : ايييه والله انكم تستحقون اجل تنشروا العلوم عن شما
بدر بغضب : وانا وش لي بشما ترى ماسويت شي ولاعلمت حد
نجلا تنهدت : والله المهم الحين ان جواس ماجاكم كان بدال مايربطكم على العمود بيمدكم بمجلس ابو مازن
حمد عقد حواجبه : والله زين عمي جانا مير الي بفهمه شلون ذبحتهم شما
عنان ضحك بخفه : شفتها بعيوني اغدرت الي يبارز جواس واذبحته والثاني صوبته بالسهم الي انجرح بيه جواس وسرعتها صدمتني بالقوس
بدر بحده : وتضحك على حظك مير انا وش ذنبي ابتلي معاك
عنان بسخريه : يقولوا الصديق وقت الضيق
بدر بانزعاج : مير كل وقتك ضيق مابه فرج
تنهدت اشجان : انتووا وييين وحنا وييين الخوف على شما يغدر بيها حد من اهل عامر او اهل عمر
بدور تبسمت : كان ود جواس يتحمل عنها مير منقل العلوم خرب كل شي
عنان رفع حواجبه : وانا وش ذنبي كنت خايف عليهم مادريت انهم عامر وعمر
نجلا بخجل : ماتوقعت جواس يحب حرمه بيوم
كلثوم ميلت فمها بحالميه : تراهم يحبون مير يخفون بقلوبهم
عنان بسخريه بعد ما لمح جسار وبندر جايين : لاتلمحي على جسار ياكلثوم
كلثوم ضربته بكتفه : وش يدريك انت بحبه مير ماهو لازوم يقول لك
جسار تبسم : صادقه كلثوم وترى اذا ماقص جواس لسانك بقصه انا
بلعة كلثوم ريقها والتفت تناظر جسار بصدمه : جسار
حمد بنذاله : عسى خير جسار تستقوي على عنان وهو صادق تراك تعامل كلثوم مثل ماجدي يعامل جدتي
بدر رفع حاجب يتماشى معاهم : ايييه ودي افهم وش تهوى كلثوم بيك وانت ماعندك عند جدي
انقهرت كلثوم وتركتهم وراحت تجري اما جسار ناظرهم بحده ومن بين اسنانه : اشوف من بيعطيكم مي او طعام
ضرب جسار على خيله وانطلق يجري خلف كلثوم
ناظرتهم اشجان بغضب : انتوا ماتستحوا وش تبون من اخواني وحريمهم ماغير تنكدون عليهم
عنان يمثل الصدمه : اصلا حنا مانتكلم على اخوانك القاسيين وبس
بدر بخباثه : مثلاً عندك اخوي بندر الي انتي شرق واهو غرب ومايدري وين ربي حاطك اهم ماعليه يملاء بطنه وقعدته مع اخوانك وترى بيتاثر منهم حيل
رفعت اشجان يدها بتهديد : والله ثم والله اني اعلم عنكم جواس وبتشوفون
تركتهم اشجان وراحت بغضب تحت نظرات بندر المصدوم من خباثتهم
حمد تنهد : ايييه انت وشلون متحمل عصبيتها ذي يابندر ترى باقي سنه وتصير نسخه من جواس وجسار
بندر بتهديد : ترى منتم صاحيين ناويين تخربونها علينا مير والله ثم والله ان علومكم توصل جدي غازي
حرك بندر خيله وانطلق يدور على اشجان
نجلا ناظرتهم بحزن : ليه تسوون كذا وش بتستفيدون
عنان رفع حاجب : يشكرون الله علينا الحين يجرون يراضونهن
بدور قربت من بدر ومسكت شعره بقوه : تراك تكلمت عن اخوك وحرمته وان صار بينهم شي اني كاسره راسك قبل حد يطولك
ناظر حمد بدر المتالم وابتسم : اقول بدور وينه اخوي عنك ماتلاحظينه مختفي وصاير يقعد عند الغدير
ناظرته بدور والشر يطل من عيونها : حمد تسكت او تنال مايناله بدر
حمد تنهد : والله احذرك ترى محمود متغير من فتره وملازم الغدير لو تبي روحي واتاكدي
نجلا بغضب : حمممد وش تتكلم تشكك باخوك
عنان رفع حاجب : اييييه وان كان اخوه تراه قال الصدق وانتم عاد بكيفكم تصدقون
حمد ناظر بدور : وبصراحه تراك الغلطانه بدور ، اخوي عاشق ولهان وانتي تصديه دايم وكاد بيشوف له مزيونه قرب الغدير يتغزل بيها
توسعت عيون بدور ولمعت بعيونها الدموع وبصوت باكي صرخت : كذاااابين
قرب محمود منهم والي استمع للي قالونه عنه ، ناظر بدور وميل فمه ببسمه حلوه : بدور واثقه بي
بدر يمثل الغضب : لاتلعب على اختي مثل ذيك البنت بذي البسمه
قربت بدور من اخوها وعضته بذراعه بقوه تحت صرخت بدر المتالم وتركته وقبل تروح وقفها محمود بخيله ومد يده : تعالي لاتهتمي لهم
التفت بدور عنه الا انه مال بصدره تحت وضمها ورفعها لقربه وناظرهم ببرود : مردوده مير بطريقتنا صبركم بس
انطلق محمود بخيله يضم بدور لصدره الي ضمته تبكي
بدر وسع عيونه بصدمه : الحمااااار وشلووون ماخذ اختي الززززفت وتوه ما ملك عليها
نجلا ناظرتهم بشماته : اخوي وحرمته وش لك انت
بدر بعصبيه : حرمت عيشته توه خاطبها الزفت
عنان تبسم : وينه كنان يانجلا تراه حقت حريم ومعروف بحنيته والشهامه الي عنده
نجلا كتفت يدينها : قديمه ذي تو صارت على بدور ماعندكم شي جديد
حمد تنهد : والله يانجيله انك هبله وكنان يلعب من وراك
نجلا برقه : المهم انه مرتاح فديت قلبه
انصدم الثلاثه من رد نجلا الي عطتهم ظهرها رايحه تتغنى ببيت قصيد ( لايهمك كل ماقاله العذال عنا
لك مكان مايطوله واشي وعاذل هنا ) <قلبها>
حمد بصدمه : ذي اختي ام دميعه
ارمش عنان : ذي الي قلت انها اسهل وحده
بدر بغضب : ترى عضتني بدور وكاد الدم طلع وصدعت من شد شعري وانتم ماجاكم شي
تنهد عنان : حظك وش تبي اسوي يعني
حمد بضجر : جوعاااان عطشاااان
،
وقف جسار خيله امام كلثوم ومد يده : تعالي نتكلم شوي
ناظرت كلثوم لبعيد تكابر دموعها : وكاد انك مشغول روح
جسار حد عيونه : كلثوم وش صار بتصدقينهم وتزعلين
ناظرته كلثوم والدموع نزلت من عيونها : يابرووودك ياجسار اشلون ابتليت بحبك
نزل جسار عن خيله وقرب منها : كلثوم تنزل دموعك بسببي انا
كلثوم ضربت صدره بقبضتها : معاك انا قويه مير معاك بعد انا ضعيفه
تبسم جسار وشدها لصدره وقبلها من خلف اللثام وهمس : دموعك ذي سهام تصوب قلبي ترى مشكلتي ياكلثوم لاشفتك ما اقدر اتحمل بعدك عني واكتفي بشوفتك لاجل كذا اشغل حالي عنك
ضمته كلثوم بقوه دافنه راسها بصدره ( ويلوموني فيك )
،
وقف محمود خيله قرب صخره عند الغدير ونزل من الخيل حامل بدور ومبتسم قعد قرب صخره وبدور بحضنه وضمها مسند ظهرها على صدره
بدور بلعة ريقها وبتوتر : محمود مايصير كذا
ترك محمود خصرها وهمس : اذا ماتبيني روحي ترى تركت خصرك
بدور بغضب دون تتحرك : وش ذا الحكم وشلون ما ابيك صاحي انت
تبسم محمود بهدوء : ناظري الغروب واسندي ظهرك ترى قلبي بيطلع من صدري من كثر مايدق لك تعبان حيل يابدور خلك قربي شوي
تسند محمود على الصخره وبلعت بدور ريقها ناظرت للغروب وسندت ظهرها على صدر محمود وببحه ناعمه : ياخوفي اني بحلم وبصحى
ضمها محمود يستنشق عطرها : حلم او حقيقه دامك قربي لا تروحي
،
اما عند بندر الي تبع اشجان بهدوء دون تحس للتله وقعد قريب منها يتنصت
اشجان بغضب : اففف وش ذا الحال متى تنتهي المشاكل ونعيش ببساطه شما وجواس من ناحيه والثلاثه الهبل من ناحيه وبندر كله منه ماغير مقابل عيال عماني واخواني وانا تاركني وراه حتى الكل ملاحظ اااف
رمت اشجان حجر لبعيد : لو انه يدري بس شلون يرتعش قلبي لاجله ولاجل صوته مير وكاد ماتدري يابندر بي ادري اني مثل اخواني ما ابين مير ان قلبي يرجف والله انه يرجف لاجلك
بندر همس من وراها : توي ادري ان قلبك يرجف لي يانبض قلبي ودقاته
فزت اشجان تناظره بصدمه وتوتر : وش جابك انت شلون
تبسم بندر وغمز لها : حسيت بيك زعلانه وقلت ارافقك مير ماتوقعت اسمع اعترافك
شتت اشجان عيونها والتفت تروح الا ان بندر مسك يدها وشدها وضمها من خلفها وبهمس : لاتروحي خلك قربي شوي ترى اذا قلبك يرجف لي فقلبي ماينبض غير قربك
ارتعشت اشجان وبتلعثم : انا ماني الا لك وين اروح وكلي لك
تبسم بندر ولفها له وضمها بقوه : بذبح جوااس لو ما ياخذ شما الليله
،
فتحت شما عيونها ووجه جواس امامها تاملته بهدوء وتنهدت ( حيرتني ياجواس وش تبي انت بضبط ) حاولت شما تتسحب من قربه بهدوء واخذت الشيله واللثمه وناظرت المكان : معقول نمت وماحسية بشي شلون اخذني جواس لخيمته ونزع عني الشيله والبرقع وشلون نمت لذي الدرجه
طلعت شما من الخيمه تناظر غروب الشمس : غربت الشمس وين الاقي البنات الحين
وقف الشيخ غازي وحرمته مزنه وعياله قربها
الشيخ غازي : وين رايحه يابنتي وتاركه جواس
شما نزلت راسها بحياء : جواس نايم ياجدي قلت اروح للبنات اخذ اغراضي
كهلان عقد حواجبه : مير انا قلت للبنات يودون اغراضك لخيمة جواس شما بغرابه : محد جاني ابد
جابر عقد حواجبه بشك : وين اختفى الجميع حتى الشباب ماله حس بالقبيله
كنعان ضحك بخفه : ليكون يحتفلون بانتقال شما لخيمة جواس
ظافر بحده : وش ذي العلوم ياخوي وكاد جنوا
الشيخ غازي من بين اسنانه : كهلان ظافر كنعان جابر تدورون على عيالكم وان لقيتوهم مع البنات اربطوهم مع عنان وحمد وبدر
الجده مزنه وعيونها على شما بحده : روحي لمي اغراضك وانا بقعد مع جواس لين تردي
جابر بهدوء : شما تعالي يابنتي اوصلك بطريقي
راحت شما مع جابر ومستغربه نظرات الجده الحاده لها
تنهدت شما وناظرت جابر وابتسمت : احس معاك اني قرب ابوي مشكور ياعمي على حنيتك
جابر تبسم وضمها بحنيه : لو انك تناديني يبه بيكون فخر لي ببنت مثلك
شما هزت راسها بفرحه : نعمه كبيره انك تصير ابوي بعد ماتيتمت
قطع عليهم صوت ضحك كنان وناظروا بعض بغرابه
شما بصدمه : من الخيمه
قرب جابر وشما من باب الخيمه وفتحوا الباب شوي وانصدموا بكنان الي يلعب بشعر نجلا ويضحك عليها
جابر دخل الخيمه وبغضب : وجع وش تسوون هنا كنااان يالحيواان وش جابك خيمة البنات
فز كنان ونجلا يناظروا بعض
شما تبسمت باحراج : ممكن تطلعون ودي نجلا تساعدني الم اغراضي جدي وجدتي منتظريني
قرب جابر وشد كنان من ياقته وطلعوا من الخيمه
ضمت نجلا شما بخوف : ياويل حاالي والله ان ابوي ومحمود بيذبحوني
شما بهدوء : انتي خليك هنا ولاتطلعي من الخيمه وانا جدي منتظرني بالم ثيابي
،
في خيمة جواس
الشيخ غازي بغضب : قليلين الحياء والله ثم والله اني رابطهم وماني سامح لحد يعطيهم شي
الجده مزنه : هدي اشوي لين نتوكد
الشيخ غازي بعصبيه : اجل هذول هم الي اتفاخر بيهم مسودين الوجوه
صحى جواس وناظرهم بغرابه : حيااكم وش صار
تلفت جواس يدور شما بعيونه وعقد حواجبه
الشيخ غازي : عيال عمانك واخوك ماله حس ولا البنات وكاد انهم مع بعض مستغلين فرصة انشغالنا قليلين الحياء
جواس بحده : وين شمااا
الجده مزنه بحده : مايصير لها شي خاف على حالك
جواس رفع حاجب : وش تقصدين يمه مزنه
الجده مزنه ناظرته : هذي هي مايصيبها شي ابد رغم كل شي وانت من قابلتها ماغير تزور مجلس ابو مازن
الشيخ غازي بحده : مززنه ناسيه انه كاسر رجلها
الجده مزنه بغضب : مير من جتنا وجواس ماعاد زارته العافيه كله منها حتى قبيلتها ماتت كلها بسببها واهي ماصابها شي
صرخ جواس بقوه : يكفي وهذي اخر مره اسمع ذا الكلام عن حررررمتي
دخلت شما بهدوء وناظرت الشيخ وابتسمت : جدي ترى عمي جابر لقى كنان بخيمة البنات اهو ونجلا مير لاتعصب عمي جابر قام بالواجب
فز الشيخ غازي بغضب : ايييه هذي اخر تربيتي لهم مير والله اني جالدهم قليلين الحياء
قربت شما من جواس الي يناظرها ومتامل ملامحها وتبسمت : شلون جرحك الحين ياجواس
هز جواس راسه بهدوء : بخير ماعليك بروح مع جدي
ناظر جواس الجده مزنه وعقد حواجبه : تعالي معاي
هزت شما راسها ووقفت ووقف جواس ومسك كفها وناظر الجده مزنه : عن اذنك يمه مزنه وانتي صاحبة المكان
هزت الجده مزنه راسها بهدوء وناظرت للبعيد
وطلع الشيخ غازي وجواس وشما ونطوا على الخيول
وكانت شما امام جواس الي ترك لها اللجام ومسك خصرها وهمس : ليه صحيتي وطلعتي من الخيمه وماصحيتيني
شما عقدة حواجبها وخصرها المها : جوااس قلت ترتاح وغير كذا جدي غازي قال اروح واهو و الجده مزنه بيقعدوا قربك لين ارد
جواس بحده : انتي ماتفهمين لو لقاك حد من اهل عامر او اهل عمر قتلوك
شما وببحة بكاء : مير اني ند لهم جميع
الشيخ غازي صرخ بغضب : جواااس وكاد انت بعد لزوم اربطك قربهم
ترك جواس خصرها وميل فمه ( انتي ماتبكين مني تبكين من الي سمعتي ياشما )
وصلوا لساحة العقاب وتفاجاء الشيخ غازي ببندر وكنان مربوطين الشيخ بعصبيه : ياقليلين الحيا سود الله وجيهكم انت وياه كنعان ميل فمه : هدي حالك يبه بنعاقبهم مثل ماتبي
جواس بحده : بننندر وجع وين اشجان ياحمار
بندر ضحك بخفه : شجن بخير تركها خالي كنعان ترد لخيمة البنات
وصل ظافر يشد خلفه جسار بغضب : وقف قرب العمود ياقليل الحياء
شما ضحكت بخفه وبشماته : اييه جسار بعد ماتوقعتك ياخوي تنربط بيوم
ناظرها جسار بحده : وش جابك انتي
بندر ضحك : الا زين ان جسار مربوط معانا
كنان بسخريه : صدق ان الزمن دوار وين كلثوم ياجسار
جواس بحده : وش صابكم انتم قلعتوا الحياء مره وحده
كنان تبسم : حرمتك قدامك ياخوي وشلون بتحس بينا
ناظرته شما بغضب : وش دخلني ترى توني بخيمة البنات
وصل كهلان يجر محمود وراه بغضب ناظر المربوطين وانصدم بالجميع
كنعان تبسم : ايييه عيالنا مربوطين مابقى الا جواس
الشيخ غازي بعصبيه : لو ان ماهو تعبان كان ربطته معاهم
حواس عقد حواجبه : ليه ياجدي وش مسوي انا
الشيخ غازي بحده : انت ادرى بسواياك
شما تبسمت : مابه شي ياجدي تراه خدش مو جرح
جواس بحده : ابلعي لسانك فاهمة
جابر بهدوء : ياعمي العيال كلهم مربوطين مايصير
كنعان هز راسه : يبه جواس اعرس وشما صارت بخيمته والشباب ماعادو صغار
ظافر بغضب : خل نعرس لهم يبه بدال الفضيحة ذي
الشيخ غازي تنهد بغضب : لين نجهز لهم خيم نعرس لهم مير لو اجتمعوا مره ثانيه اعرست للبنات على شباب القبيله
جسار بعصبيه : وش ذي العلوم ياجدي
كهلان بحده : اسكت يالعاقل الكبير اجل ذي سوايا رجاجيل ماتستحون
الشيخ غازي رفع حاجب : كنعان ماتفكهم الحين خلهم كذا بدون مي شوي
هز كنعان راسه : تامر يبه
