في الصباح على شروق الشمس تجمعت القبيله كلها حريم ورجاجيل لاجل مبارزت قسور وجواس الي يناظروا بعض بتحدي ورفعوا سيوفهم يتبارزوا
ناظرتهم شما ببرود والتفت تتسحب من التجمع مبتعده لصخره تسندت عليها وماعاد قدرت تمشي بسبب رجلها تنهدت بخفه ورفعت راسها وابتسمت : ليه تتبعوني
جسار رفع حاجب : وكاد تاخذيها فرصه والكل منشغل وتهجي مالك امان
شما بسخريه : لو ان رجلي تسمح لي ماقدرتوا عليا مير كنتوا تشجعوا جواس
محمود ميل فمه : الرابح تعرفينه لاجل كذا تركتي المبارزه
شما ضحكة بخفه : الحياه تمزح معي وتبيني اضحك لها بعد ياثقل دمها
بندر تنهد وبحنيه : ترى جواس رجال مامنه اثنين مير لو تعرفينه زين
شما هزت راسها : قول اعرسي لاجل تعرسون صحيح
ضحك كنان بخفه : اي والله ان جواس واقف لنا بالبلعوم
ضحكة شما بخفه وهمست : وشلون ارد قبيلتكم بعد الي صار
جسار عقد حواجبه : بسبب الهواش او جدتي مزنه
شما بهدوء : انا تربية بين رجاجيل ابوي جدي واخوي واعمامي وعيالهم ماقضيت وقت كثير مع حريم عماني لاجل ابوي ماكان يتركني اغيب عن عينه ولو شوي لاجل كذا لساني حد وطبعي عنيد وقويه عكس حريمكم الرقيقات وبعد جدي كبرني على جميع افراد القبيله لاجل كذا اذا الحق عندي ما احترم كبير وهذا الشي وكاد يسبب مشاكل كثيره بيني وبين الجده مزنه
كنان بحزن : مير ماقصروا كبروا بنيه عن عشره رجاجيل
بندر تبسم : البنات بعد مابيقصرون معاك لو تبي شي تلاقيهن قربك
هزت شما راسها برضى : صادق بذي حتى اني تمنيت اصير قريبتهم
محمود رفع حاجب : زين ياخيه بتنزفي هنا لجواس او بقبيلتنا
شما ميلة فمها ( طبعاً بقبيلتكم لي رائي مير هنا وضاح بايعني بتراب ) : بقبيلتكم ماعاد ودي اقعد هنا
قرب منهم عوض بخيله : شما جواس فاز بالمبارزه تعالي الكل منتظرك
وقفت شما وارتعش جسمها بخوف : يصير اهرب الحين
ضحك بندر بخفه : لا ابد تحركي قدامي ترى جواس مايعض
ناظرته شما بطرف عين : مير يده ماتقصر
،
بمجلس الشيخ وضاح اجتمعوا فيه الشيخ وضاح وحرمته وعيالهم واحفادهم وجواس واعمامه
دخلت شما وجسار ، بندر ، محمود ، كنان ، عوض
والبنات كانوا منتظرينها قرب المجلس ودخلوا معاها
خوله ، مها ، عهد
الشيخ وضاح عاقد حواجبه : جواس الي كسب المنازله
شما بهدوء : وين المملك اجل
الشيخ وضاح : الحين يوصل اقعدي انتي وجواس قدامي
تحركت شما بهدوء تعرج وقعدت قدام الشيخ ورغم هدوئها الخارجي الا انها ترجف من داخل
وقف جواس قربها وقعد وناظرها وبداخله نار
دخل المملك وقعد على يمين الشيخ وضاح واخذ يكتب شروط شما بورقة الملكه
المملك : جواس كهلان بن غازي تقبل يولدي بشروط شما الثلاثه وتصير حليلتك على سنة الله ورسوله
جواس رجف قلبه وعقد حواجبه من شعوره الي يقهره وبحده : اقبل ياعمي
المملك : شما جراح بن وقاص تقبلي بجواس يابنتي
شما بلعة غصه مريره وبصوت مرتجف طغت نبرة البكاء بيه : ايه اقبل بجواس
التفت جواس يناظر الدمعه العالقه برمش عيونها بضيق
المملك : وش هو المهر
الشيخ وضاح : جواس مهر شما
قاطعته شما : المهر انه لي سند وعزوه وظهر وكتف ابو واخو وصديق مابي شي اكثر من كذا
رفع جواس حاجب وهمس لها : ليه كل ذا قليل
رفع جواس صوت وبحه : انا لك كل الي تبين
المملك : حد من اهلها واهل جواس يقعدون قربهم والشهود وراء
وقف ظافر وقعد قرب جواس وراح بندر خلفه
شما بحده : خالي صقر قربي وخلفي عوض مابي غيرهم
وقف صقر بفرحه وقعد قربهم وعوض قعد قرب بندر
المملك : جواس وشما موافقين انتم راضيين على ملكتهم
ظافر بهدوء : اي الله يوفقهم
صقر تبسم : اي الله يسعدهم
المملك : الشهود شاهدين على شروط شما والمهر وموافقة جواس
بندر تبسم : اي اشهد على شروط شما والمهر والموافقه
عوض بهدوء حزين لاجل قسور : اشهد على شروط شما والمهر والموافقه
عطاهم المملك الورقه واخذها جواس بصم ومررها لشما الي ارتجفت يدها بقوه
ضمت شما على يدينها تهدي رجفتها وبهمس : ساعدني
اخذ جواس كفها وبصمها وضم كفها بكفه ومرر الورقه للشهود
ناظرته شما وتلاقت عيونهم ، عيون جواس الحاده وعيون شما الباكيه ، اثبتت لهم نظراتهم ان كل شخص مايبي الثاني ترك جواس كفها والتفت شما عنه
المملك : مبروك ياعيالي الله يسعدكم ويرزكم الذريه الصالحه
وقفت شما بهدوء وضمها صقر بحنيه وطبع قبله بجبينها وهمس لها : مبروك يابنتي
انهارت شما بضعف وتمنت لو كان جراح ابوها الي بارك لها وغطت وجهها بكفوفها تشاهق وتبكي
شدها جواس لصدره وحملها وطلع من المجلس حطها على خيله ونط وانطلق لحدود القبيله
ظافر بهدوء : الكل يجهز لما يردون بنتحرك لقبيلتنا
،
وقف جواس خيله بطرف الوادي وضم شما الي ماوقفت شهقاتها وبكائها وتمنى بذي اللحظه جواس يخبيها بصدره وينسيها كل شي مير لاجل منو تبكي لاجل خطيبها او لاجل قسور تنهد جواس وبانزعاج : ليه ياشما تبكين لاجل منهو
دفنت شما راسها بصدره ومن بين شهقاتها والوجع بنبرتها : و وشلوو ون تزو وجت و وابوي ما وصاك و وشلون وشدا اد ما ا اخذ بكفي و وعطااك و وشلون وجدي ما حذرك تـ تزعلني
بلع جواس غصه ( ضلمتك بتفكيري انا وين وانتي وين ياشما ) ضمها جواس اكثر وشد عليها : شداد وصلك لي ياشما واحنا رايحين الحين لعمي جراح وجدي وقاص بيوصوني عليك مير بطريقتهم لاتخافي
شما شدت قبضاتها على ثوب جواس ووصلة لنقطة عدم التحمل ماعاد تقدر تكابر بكت وبكت وارتفع صوتها وصورهم تنعاد واهم يندفعوا للموت لاجلها شما بضعف رفعت راسها من صدر جواس العريض : ليييه يموتوا لاجلي ليييه كلههههم يموتوا وابقى انا ليييه ماتركوني اموت وعاشوا حياتهم ونسوني
قبض جواس كفه بقوه لكن ما باليد حيله مستحيل تنسى الي صار او يغير الماضي همس جواس : وشلون تموتي ياشما وشلون تتركينا وكاد الموت اهون من فقدك
نزلت شما راسها وتحس بالذبول ورده وانقطفة من البستان وحان وقت ذبولها
رفع جواس راسها وناظرها بحده : بتنهاري الحين ياشما بعد ماوقفتي بوجههم بعد ما اشعلتي الشك والفضول وين القوه الي رباك بها وقاص وين ثبات جراح الي علمك وين برود شداد الي رافقك من بطن ليلى ماتعلمتي منهم شي بتنهاري الحين وتذبلي على الاقل اثبتي لوضاح انك على حق وان وصية ليلى لها سبب
ناظرته شما ناظرت عيونه وهمست لحالها ( معقول انك ياجواس سندي معقول انك بتصير لي قبيله بدال الي فقدتها وتعوض مكان كل الي رحل ) مسحت شما دموعها وهزت راسها : مستحيل انهار لين افهم وشهو سبب وصية امي وليه وضاح ماعان قبيلتنا
ميل جواس فمه بهدوء : اجل دليني ياشما طريق قبيلتكم
ابتعدت شما عن صدره والتفت بقعدتها وصار ظهرها ملاصق صدر جواس اخذت اللجام وانطلقة لقبيلتها ويدين جواس تطوق خصرها النحيل
لين وصلت شما لقبيلتها ووقفت الخيل تناظر بغرابه وين الجثث والدم
همس لها جواس : وضاح رسل الي يدفنوا اهل القبيله بعد الي صار
نزلت شما عن الخيل تناظر بجنون : وشلووون وين ابوي وجدي واهلي
نط جواس عن خيله وقرب منها ومسك كفها : يقول انهم في المرعى
اخذها جواس لين وصل للمرعى وتركته شما وانطلقت تجري تناظر القبور والذكريات تمر امامها مثل شريط ينعاد وبهمس : يبه جدي عماني ياكل اهلي وقبيلتي ترى شداد بعد تركني ومات وانا لين انتقم من ساري برد لكم حيه او ميته مير برد لكم
قعدت شما تناظر القبور ونزلت دموعها الاخيره : يبه تراني بخير وترى ياجدي ملكت اليوم على جواس تراه اهو بعد حفيد الشيخ غازي ايييه ياعماني علومه زينه واهل قبيلته يفتخرون به
قعد جواس قربها بهدوء : شما بامانتي اوعدكم مايلمس حد شعره منها غير على جثتي
وقفت شما وتبسمت من بين دموعها : خلكم رجاجيل تتكلمون مع بعض وانا بجمع اغراضي
راحت شما وعيونها تتامل القبيله وكل مكان بيه ذكرى سعيده
تنهد جواس بحزن : وشلون ياخالي جراح ماتعلم شما عني وشلون ماتكلمت وعلمت ٢٠ سنه وما ادري ان خالتي ليلى عندها توام ليه وش ذنبي انا بوضاح
عقد جواس حواجبه : وانت ياشيخ وقاص وش الماضي الي دفنته معاك عن وضاح وزوجته وشلون يكون متزوج بغير وضحه ووين عيالهم وش الماضي الاسود الي تخفونه وشلون اتاكد من شكي وين الاقي حد يعلمني عن الي صار الحين
وقف جواس متضايق بعد ما شما زرعت بداخله الشك عن موت امه ( للاسف اندفن الي يعرفون السالفه وما مستحيل يكون ابوي وجدي يدرون ان امي ماتت مقتوله وماسووى شي مير شلون لييه ياشما زرعتي بي شك بعد ما اندفن الماضي مع جدك )
رفع جواس راسه بشموخ : جراح بنتك حرمتي رضت او لا ماني بتاركها رغم كل شي واي شي يجيني منها بتبقى بقربي ولو كنت ادري بيها كنت اخذتها منكم ترى
،
وقفت شما قرب فراش جدها وابتسمت : ياكم نمت هنا مرات ومرات بحضنك ياجدي
تنهدت وقربت من زاوية الخيمة ورفعت السجاد وحفرت بيدينها لين طلعت قربة مي هزتها وابتسمت : كل الي جمعته ياجدي بيموت بيه ساري وعياله
اخذتها شما وطلعت لخيمة ابوها جراح تتامل المكان الفوضوي تبسمت بهدوء واخذت غترة ابوها تضمها : السموحه يبه مارتبت خيمتك يالغالي
لفت الغتره على راسها مثل الرجال وقربت من فراش ابوها رفعت المخده تدور على خنجر وتفاجئة بورقه قربه اخذت الخنجر وحطته بخصرها واخذت الورقه فتحتها وطلعت لضوء الشمس تقراء زين وبين سطور الورقه رجفت يدينها بصدمه
شد جواس الورقه من بين يديها مستغرب ملامحها الي تغيرت : شما وش ذي وين لقيتيها
شما ارمشت بصدمه : شلون
فتح جواس الورقه : ( شداد شما ادري بترجعون مير كل شي بيكون تغير مابتلاقوا اهل او اصدقاء مير ركزوا بالي بقوله اهم شي الحين لاتروحوا لوضاح ابد والحقيقه الي لازم تعرفونها طويله مقدر اكتبها مير روحوا للجبل الي قرب الوادي وباتجاه الغرب بتلاقوا مغاره يعيش بيها رجال صديقي انتم قولوا انكم عيال جراح وليلى واهوا بيحكي لكم كل شي وترى عمكم طارق بقبيلة الشيخ همدان مير حاولوا توصلونه قبل يتسرع بفعل شي ولاتخيبوا الظن تراكم قد كل الصعاب وانا وابوي واخواني نفتخر فيكم استودعتكم الله ياعيالي )
ناظرها جواس ( وكاد علوم امي بعد يدري بها ذا الرجال مير منهو وشلون يدري بكل شي ) نطق جواس بهدوء : شما تعالي نرد
شما بهدوء والدموع بعيونها : باقي اغراضي ماجمعتهم انتظر شوي
اخذت شما الورقه من يد جواس وراحت وجواس خلفها لين خيمتها دخلت شما تاملت المكان وتنهدت بحزن قربت من صندوق واخذت تجمع الثياب لغطاء كبير
ناظرت شما غترة ابوها بيوم عرسه وبداخلها ثياب امها بعرسها رفعت حاجب وميلت راسها
،
قاعد جواس على صخره منتظر شما والافكار تلعب بيه وش سبب موت امه معقول حد يعلم بشي وماخبروه مير اتذكر ان جثة امي كانت بخير مابيها جرح وشلون اجل
طلعت شما من الخيمه تناظر جواس مبتسمه ورفع جواس عيونه يناظرها وانبهر من جمالها ورجف قلبه
ابتسمت شما ودارت قدام جواس وبسعاده : جوااس شلون كذا حلوه
تاملها جواس وعيونه تتامل بملامحها من عيونها المكحله وحواجبها المرتبه الى النقش بجبينها وذقنها من ثم انفها الصغير وشفايفها الصغيره والمنتفخه وحاطه حمره عليهم وانتقل لشعرها الطووويل المنسدل بنعومه لركبها وثوبها الاحمر الضيق من الصدر والخصر والواسع من تحت مميز بتطريزه الذهبي وبياضها الملفت والذهب المزينها من شعرها لخلخال قدمها
كل ذي التفاصيل شبت النار بصدر جواس الي اعترف لحاله بحبها مير عدم تقبلها لها يزيد النار الي بصدره تنهد جواس وعيونه مافارقتها : ليه
شما عقدة حواجبها بغرابه : وشو ليه ذول حقت عرس امي واليوم عرسي بعد
جواس بسخريه : ليه ماوافقتي على قسور وتركتينا نتبارز
شما ناظرت عيونه علها تفهم منه شي ونطقت : القوي بيساعدني انتقم
قربت شما من جواس ومدت يدها له بغتره مبين اثار الزمن الي مرت به : ابوي كان مرتدي ذي بيوم عرسه بعد لو انك ترتديها تسوي بي معروف ما انساه
اخذ جواس الغتره وباعد غترته وحط غترة ابوها جراح وناظرها : نروح
تبسمت شما لها بامتنان ورفعت كفها تتلمس الغتره على راسه وبهدوء : جراح ليلى مايموتوا وانا حيه ابد
جواس مسك كفها وعقد حواجبه : لاتروحي بعيد حنا جواس وشما لاتعيشي بالماضي
حدت شما عيونه وشدت كفها ( حتى اللحظه الحلوه الي اعيشها شايفها زياده علي ) رفعت الغطاء ولفته عليها لاجل مايبين منها شي وببرود : انتهيت
تحرك جواس بغضب واخذ اغراضها وصفر لخيله الي جاه يركض حط الاغراض وربطهم وقربت شما وحملها وحطها على خيله ونط وضرب الخيل منطلق بقوه وكل تفكيره ( اجل ياشما تبيني اساعدك مو اكثر لكن مثل ما اعطيك باخذ مافيه شي بدون مقابل )
تنهدت شما بضيق ( وشو ياجواس كنت تشجعني بكلامك وشو له عصبت الحين وكاد ماتبين مير لاجل شداد وصاك قبل يموت لاجل كذا متحملني )
وصل جواس بخيله لقبيلة الشيخ وضاح على غروب الشمس نط من خيله وحمل شما ودخل مجلس الشيخ
اشر جواس للشباب يطلعوا وانسحبوا بثواني
نزل شما من بين يديه وشد عنها الغطاء الكبير والكل انصدم بجمالها مير وضاح عيونه تعلقت بيها
تملك وضحة الغضب والمشهد ينعاد عليها للمره الثالثه وبصراخ : وش لابسه وتو قبيلتك ماتت وانتي متزينه منتي مصدقه اعرستي ياقليلة الحياء
جواس صرخ بحده : محد يرفع صوته على حرمتي وتسوي الي تبيه بكيفها
صقر والدموع لمعت بعيونه : ليلى بنتك طلعت ازين منك بثوبك
شما بسخريه : اقول ياوضحة وش معصبك لذي الدرجه
ناظرتها وضحة بحقد رجعة الزمن : الله لايبارك بك ولايهنيك ابد يابنت ليلى
ظافر بحدة : وش ذا الكلام ماهو مقبول ابد
شما دارت بثوبها واهي تضحك : ليه ياوضحة وش ذكرك به الثوب وش الي ماهو عاجبك ببنت ليلى
فز خالد والي ماتحمل تصرفات شما ضد امه الا ان جواس وقف امامه ومسكة بقوه وبتهديد : اكسر يدك لانويت وانسى من انت
جابر وقف بغضب : ماعاد لنا هنا شي تعالوا نروح كود نوصل
دف جواس خالد بقوه وغطاء شما وحملها وطلع والشيخ وضاح تلعب به الذكرى القديمه
انطلق جابر وظافر والشباب بخيولهم لين طلعوا من القبيله ووقف الجميع
همست شما لجواس : الوادي وانا بدلكم مير محد يطلع اي صوت
جواس ناظرهم : بندخل الوادي وشما تدلنا مير لاتطلعون اي صوت بداخل الوادي
اخذت شما اللجام من جواس الي ترك لها اللجام وضمها بقوه تارك راسه على كتفها رغم رجفتها الا انه شد عليها اكثر وهمس : ركزي بالطريق الشمس غابت
