I Got My Bad Side Awakened After Rebirth[ဘာသာျပန္]

Chapter 24

[Unicode]

တိုက်ခိုက်ရေးကွင်းထဲလို့ လင်းဖန်ဝင်လာတာကို မြင်လိုက်သည့် လုံတစ်ယောက် မယုံကြည်နိုင်ဖြစ်သွားလေသည်။

'ကားဝယ်ဖို့အတွက် ပြီးခဲ့တဲ့လက မစ္စတာကျားသစ်ဆီကနေ ယွမ်၅၀၀၀၀ ချေးခဲ့မိတယ် ဒီနေ့အထိ ငါသူ့ကိုပြန်မဆပ်နိုင်သေးဘူး ဒါပေမယ့် ဒီကောင်လေးကတော့ ယွမ်၁သိန်းကို ပေါ့ပေါ့ပါးပါးလောင်းကြေးအနေနဲ့ ထပ်လိုက်တယ် ချီးပဲ ချမ်းသာပြီး အသုံးအဖြုန်းကြီးလိုက်တာ ကြည့်ရတာ ချမ်းသာတဲ့မိသားစုကမဟုတ်ရင် အဆင့်အတန်းမြင့်လူတန်းစားကနေ ဆင်းသက်လာတာပြီးတော့ မလုပ်ဖူးတဲ့အရာတွေကို စမ်းလုပ်ကြည့်ချင်နေတဲ့သူ ဖြစ်လောက်တယ်'
လုံက တွေးလိုက်လေသည်။

ကွင်းထဲသို့ လင်းဖန်ရောက်သွားပြီးနောက် တည်ငြိမ်အေးဆေးသွားလေသည်။

"‌ဒီကောင်လေးကြည့်ရတာ ပျော့ညံ့တဲ့ပုံပဲ မစ္စတာကျားသစ်မှန်မှ မှန်ပါ့မလား"

"ငါသဘောမတူဘူး ဒီကောင်လေးကြည့်ရတာ လုံချီကို အနိုင်တိုက်နိုင်မယ့်ပုံလည်း မပေါ်ဘူး"

"ဟေ့‌ကောင်တွေ ငါဒီကိုလာတာ တစ်ဖက်သက်လူရိုက်ပွဲကို ကြည့်ဖို့မဟုတ်ဘူး မင်းတို့ငါ့ကိုပိုက်ဆံပြန်မအမ်းရင် နောက်တစ်ပွဲကြည့်ဖို့ အဆင်မပြေဘူး"

ပရိတ်သတ်တွေအကုန် ဆူညံပွက်လောရိုက်နေကြသည်။

သူတို့၏ ရိုင်းစိုင်းကြမ်းကြုတ်သောစကားများက လင်းဖန်ကို နားကန်းလုနီးပါးဖြစ်သွားစေသည်။သူသည် သူ့ပြိုင်ဖက်အား အပေါ်အောက် စုံဆန်ကြည့်လိုက်ကာ ပြောလိုက်သည်။
"ခင်ဗျားကြည့်ရတာ တော်မယ့်ပုံပဲ"

သူ၏ပြိုင်ဖက်ဖြစ်သော လုံချီသည် အရပ်မရှည်သော်လည်း သန်မာကာ ပြိုင်ပွဲများကို အနိုင်ရရှိထားသည်။ ပိုအရေးကြီးတာက လူသတ်ချင်စိတ်အပြည့်ဖြင့် တောက်ပနေသော သူ၏မျက်လုံးများပင်။ မြေအောက် တရားမဝင်ကြိုးဝိုင်းပွဲများ၌ နိုင်ပွဲပေါင်းများစွာ ရရှိထားသူ ပီသပေသည်။

လင်းဖန်သည် သူ့ပြိုင်ဖက်အပေါ် စိတ်ကျေနပ်မှုရှိသည်။

သို့သော်လည်း သူ့ပြိုင်ဖက်ကတော့ လင်းဖန်အား စိုက်ကြည့်လိုက်ကာ,
"မင်းကတော့ အားနည်းလွန်းတယ် အားနည်းလွန်းလို့ တိုက်ရမှာတောင် ပျင်းတယ် အဲ့ဒါကြောင့် ကောင်လေး မင်းကိုငါ အခွင့်အရေးတစ်ခုပေးမယ် မင်းအခုဒူးထောက်ပြီး ရှုံးကြောင်းဝန်ခံမယ်ဆိုရင် အသက်ရှင်ခွင့်ပေးမယ်"