وقار الغريب

🦅_6_

﷽

وقَار_الغريب
. حوراء السعيدي

التصويت قبل القراءة+ رأيكم بين الفقرات
+ مُتابعة لـ حسابي hawraalsaidi

قناة التلگرام 📌 Harahir

حسابي الانستا 📌
Instagram hawraalsaidi

<______________________>

لحظة إنتهاء العاصفة
لن تتذكر كيف تدبرت أمرك لتنجو
ولن تُدرك هل انتهت العاصفة أم لا..؟!
ستكون مُتيقنًا من أمر واحد فقط
حين تخرج من العاصفة لن تعود
الشخص نفسهُ الذي دخلها .

. وَهج .

بقيت اباوع بوجه البنات الي تصنمن من الصوت
بلعت ريگ بخوف ابني يصرخ بصوت مفرفح صوت مو طبيعي
عفته يلعب ويا بنت أكرم بالصالة ركضت الداخل البيت
وكلي رهبة خوف عليّ دخلت للصالة ماموجود صوت صريخه
جاي من المطبخ دخلت للمطبخ وفرفحت روحي وياه
من شفته واگع بالأرض والطباخ مشتغل الـ مي الحار واگع عليّ
رجله وأيده مصلوخات صلخ المنظر چان مرعب من شفت الجلد كله ذايب .

ركضت رفعته من الأرض طلعت من المطبخ اركض بي
صارن بوچهي صرخت صفا بخوف وعيونها اتشخصت عليّ مرعوبه
يصيحن ورايَّ ، طلع زيد من الديوان يمشي علىٰ عگازه
صاح  مارديت الكلام انبلع اريد انقذ ابني الصوت صرخته
طالع من أعماق قلبه ، طلعت للشارع العام ادور علىٰ سيارة
شخطت سيارة گدامي نزل الجامه اتبسمرت بمكاني
من شفته نفسه هذا ابو الكمامه عيونه بارزه شهل من قوة لونهم .

عيونه نزلت علىٰ سَند ، أشرلي اصعد من خوفي ورهبتي
علىٰ ابني بسرعة صعدت عقلي ماله مجال يفكر بشي
وَهج : الله يخليك مسسستشفى بسرررعة
هز براسه بدون ماينطق
طول الطريق ساكت وابني يزيد بصراخه ودموعه
تنزل مثل الشلال ، وعلىٰ دموعه دموعي تنزل اشهگ وياه .

حچيت بنبرة توسل
_ استعجل الله يخليك استعجل ابني انتهىٰ
عيوني شددت
تركيزها علىٰ هيئته صاحب " وقَار غريب "
النص ساعة وصلنا يم المستشفى نزلت تاركه ورايَّ الباب مفتوح
قبل لا ادخل للمستشفى درت بس مالحگت شخط سيارته
وطلع دخلت اركض للمستشفى شرحتلهم حالته أخذوا مني
بقيت واگفه انتظر أحد يطلع ويطمني عنه باوعت النفسي
ماجايبه لا جهاز ولا فلوس هسه شلون ياربي افتر بالممر انتظر

حد مامر وقت طلع الدكتور وسمحلي ادخل جوا يمهم
معالجينه ، عيونه صايرة دم سودا عليَّ بس شافني بچه وياج
سَند : ماما
أتقربت اله لزمت ايده الي ما بيها شي بستها
وَهج : روحـهاا
الدكتور : من بعد اذنچ ممكن شويَّ
هزيت براسي رحتله گعد علىٰ مكتبة حط أيده جوا حنگه .