وقار الغريب

🦅_38_

﷽

وقَار_الغريب
. حوراء السعيدي

التصويت قبل القراءة+ رأيكم بين الفقرات
+ مُتابعة لـ حسابي hawraalsaidi

قناة التلگرام 📌 Harahir

حسابي الانستا 📌
Instagram: hawraalsaidi

<___________________________>

حبيياتي لا تنسون تفاعلكم لأن البارتين إلي مرن ماكو استحقاق البرتوت 🦅

آنة رِدتَك ثَلج و تِطَفي هَالنار
صِرت جَمرة و تِزيد النار بيَّ .

. اسراء .

أخر شخص ممكن أفكر أرجع أشوفه هيَّ هاي الإنسانة " أمي"
أختفت أبتسامة الفرح من وجهي مجرد عيوني شافتها
اسراء : أنتِ..؟!
چانت حيل متغيرة مو نفسها أمي إلي عافتنه أني و أخواني
متغيرة ، و متغير كلشي بيها ، واگفة ولا كأنما بنتها إلي گدامها تباوعلي ببرود .

بلعت ريگ كتفت أيديَّ ببعض أبتسمت بوجها
اسراء : أهلاً وسهلاً زمان علىٰ هذا الوجه .
أردفت بنبرة ما بيها شي يدل هيَّ مشتاقتلي لو
متلهفة إلي نبرة چانت عادية بس أذت گلبي .
مها : شلونج
اسراء : بنص الخير ، شنو منين طالعة الشمس اليوم..؟! .

دارت عيوني علىٰ ظافر الواگف بصف جدي وآدم
و عميد الدين هم واگفين بجهة ، رجعت عيوني مثبته علىٰ ظافر
أبتسمتلي عيونه ، دنك راسه لأن الكل موجود
رجعت لأمي
" يا ناري گـلبي منها شيطيفيها..؟! "

حچى جدي موجه كلامه إلها
عزام : وهاي اسراء هسه صارت گدامج أنسمعج .
رفعت راسها ولا يگلك مسوية شي ، أتقربت إلي
بخطوات إلى أن وصلت گدامي ، نزلت دموعها بس
لا مستحيل اصدگ هالدموع ، دموع كاذبة ، خادعة .

اسراء : حبابه بدون تمثيل صدگيني شبعت من هالأفلام
مها : أسمعيني اسراء
اسراء : يله أسمعج ، بَس لا تمثلين خليج بحقيقتج علمود أگدر أصدگج .
مها : لا تظنين إلي أيد بموت أخوانج .

هنا ما گدرت أتحمل ذكرتني بأصعب و أقوا جرح مر عليَّ بحياتي
غمضت عيوني ، محررة سيل الدموع إلي چان متجمع بعيوني
_ أخوانج..؟! ليش تستنكفين تگولين ولدي
_ ما اقصـ..
قاطعت كلامها .
_ بَس أي حقج أنتِ وين تعبتي عليهم وين شفتيهم
يكبرون گدام عيونج ما ألومج من تگولين أخوانج مو ولدي .