وقار الغريب

🦅_13_

﷽

وقَار_الغريب
. حوراء السعيدي

التصويت قبل القراءة+ رأيكم بين الفقرات
+ مُتابعة لـ حسابي hawraalsaidi

قناة التلگرام 📌 Harahir

حسابي الانستا 📌
Instagram: hawraalsaidi

<___________________________>

" أرجو القراءة بتركيز لأجلكم "

" ‏هَلي شهگات گلبي كُلها مِنكم ."

. ريم .

بعد ما راحن البنات يم عميد الدين بقيت بمكاني
بعدها طلعت يم جدي گعدت وخالة سلمى تلوب أتريد تعرف ابنها وين
عزام : زيد اتصل بأخوك
زيد : ياهوا بيهم اثنين حاليًا مفقودين
عاط بي جدي
عزام : شووووف وارررث وذاك سهلة انا اعلمنه يرجع مو مايرجع
اتصل زيد بـ وارث بَس مايجاوبه رجع يتصل فتح خط .

زيد : وينك يمعود صدگ جذب طلعت وبعـ...
بعده مامكمل كلامه
وسكت يبلعم ولون وجهه انخطف سده وعلامات الصدمة محتلته
سلمى : شگااالك شبيكككك يمةة
بدون وعي گال
زيد : وارث ضاربته سيارة
شهگت ايدي علىٰ حلگي بخوف عيوني متجحظه
وخالة سلمى صرخت وتصيح وليدي مات
و علىٰ أثر صراخها
دخلوا عميد الدين والبنات ورهبة الخوف بوجوهم .

عميد الدين : شبيكم شكووو يمةةة
وگف جدي گوا موازن روحه
عزام : اخوك صاير وياه حادث
_ منوو اخوي..؟!
_ وارث
ضل الكل بحالة صدمة طلعوا اخوانه يركضون وجدي وراهم
واشتغل النوح والطم ماينطون مجال نفهم ، امي ونادية
لا زمات الخالة سلمى اتخبلتتت وتصيح ابني راح .

ركضت الـ وَهج
ريم : عفية وَهجج خلينه نروح للمستشفى
وَهج : شلون انروح ومانندل المستشفى ولا نعرف شي وماكو أحد يوصلنا
دخل خالي أشرف يباوع بأستغراب علىٰ البيت وشلون انقلب
أشرف : خير ان شاء الله
وَهج : وارث صاير وياه حادث
_ بيا مستشفى
_ ما ادري طلعوا عميد الدين وجدي وزيد رايحين اله
طلع هو هم يخابر بيهم بقينه وحدنه .

سلمى : گـلبي چان حاسنيي ابنييي صايرله شي اخخ يايمةةة
نجاة : گولي يا الله أنتِ انسانة مؤمنة مايصير اتسوين هيچ بنفسچ
جرت ساعة بعد ساعة وماكو اي خبر عنهم نزلت شذى
من فوگ واكيد صار عندها علم بكلشي اتقربت يم وَهج مبتسمةة
بشماته وصوتها مسموع الي لأن قريبة منهن گالت الـ وَهج بهمس .

شذى : هذهِ حووبتي شفتي حوبة المظلوم ماتروح خالي ببلاش
وَهج : تروحين منا لا هسه اخلي الحوبه مال المظلوم تكسر ظهرچ كسررر
شذى : عساكم بلوعه اكبر من هل اللوعه
وَهج : إذا تحجين بعد حرف زايد تعرفين شسوي اتكفي الشر وروحي منا .