وقار الغريب

🦅_33_

﷽

وقَار_الغريب
. حوراء السعيدي

التصويت قبل القراءة+ رأيكم بين الفقرات
+ مُتابعة لـ حسابي

قناة التلگرام 📌 Harahir

حسابي الانستا 📌
Instagram: hawraalsaidi

<___________________________>

هذهِ الصَلابة بِشكل ما
لم تَكن سِوى أسلوب مُقاوَمة ..

. وَهج .

رمشت عدة رمشات بعيوني أستوعب كلامه إلي نطقة جرة وحدة
بعده لازم أيديَّ وعيونه تناظرلي بلهفه منتظر جوابي
سحبت وحدة من أيديَّ غطيت فهمي اخفي أبتسامتي وسعادتي
ما أدري إذا هذا حلم لو واقع فعلاً جاي أعيشه

عميد الدين : أم سَند وين صفنتي حجيت شي غلط..؟!
وَهج : أني مو بحلم مو..؟!
عميد الدين : حقيقة
وَهج : أنطيني مجال أفهم .
هز براسه ساكت وتحسه عايش بـ لحضة قلق وخوف أكثر مني .

_ عُمدة
_ أي أي أسمعج يمعودة مو گـلبي راح يوگف
_ يااا .
مال براسه يباوعلي
_ وداعت اليااا إلي يحبها گـلبي بَس منج
_ قبل جوابي ألك ممكن اسئلك كم سؤال
_ أتفضلي .

_ شلون صار هذا الشي
_ شنو..؟!
_ احم.. يعني حبيتني
_ أتريدين الصدگ ولا أبالي چنتي حتى من أتزوجنا
هدفي چان حمايتج و أساعدج ، بَس ما أدري صارت بعد
وگتلج مو كل المشاعر نگدر أنسيطر عليها انا ما أجبرج علىٰ شي
بس خليها أبالج لو ما متأكد منج تبادليني نفس المشاعر
مستحيل اخطي هيج خطوة وَهج غلطت مرة ما أرجع أعيد غلطي بالماضي غلطي أذاني .

_ يمكن تعلق..؟!
_ هههههههه يُبا گدامج واحد عمره بالثلاثينات يعرف يميز بين التعلق والحُب
_ و دُنيا الله يرحمها
_ الله يرحمها يبقى ذكرى احترامها ، البنيه ماحبتني
بقيت محافظ علىٰ ذكراها واحترامها إذا أذكرها ،
فـ أذكرها بالخير سرنا انا وياها بس الچ طلعته بالنسبة الأهلي
لليوم عبالهم دُنيا حبيتني قبل وهيَّ هم جانت صغيرة من اخذتها
المهم ما أطولها عليج البنيه تخطيتها راحت الرحمة الله
ما أريد احچي عنها أكثر وإذا أريد أذكرها أذكرها بالزين والرحمة .

رفعت أيدي جوا حنكي أباوعله طولت نظراتنا البعض
أني وعميد الدين مو صغار ونگول مانعرف نتأخذ قرارتنا
أو ندخل شخص بينا ، واعين علىٰ أفعالنا ، طبطب علىٰ أيدي الي لازمها
_ خايفة غاليتي
_ اني كلش أثق بيك عميد الدين و متأكدة
ما تحچي شي إلا وأنتَ فاهمة ومتأكد منه .