﷽
وقَار_الغريب
. حوراء السعيدي
التصويت قبل القراءة+ رأيكم بين الفقرات
+ مُتابعة لـ حسابي hawraalsaidi
قناة التلگرام 📌 Harahir
حسابي الانستا 📌
Instagram: hawraalsaidi
<___________________________>
بـ حكمة الحاكم ونبل القائد
بقلبها وشجاعة بطلها
تمتزج صفاتها لتحيك منها ثوب الكبرياء
وتعتلي منصة التفرد
متجددة من رماد الأسى والكبوات
منارة تضيء أفاق الظلام
وميدان لكُل معركة كرامة
تنتصر فيه بكُل فخر وعنفوان
نقطة النهاية ..
. وَهج .
ط
طلعت من سلسلة أفكاري علىٰ سحبة معصم ايدي رفعت
راسي شفته عميد الدين ، حطني وره ظهره حاميني
من مجموعة هل الوحوش أصحاب الجبروت الطاغي
عميد الدين : حَبيبي أنتَ إذا ما عندك فكرة عن القانون
انا انطيك الفكرة و اوضحها الك ليش تبقىٰ تجر وتعر بالسالفة .
بشار : قانون شنووو..؟!
أتقدم وارث وگف بصف عميد الدين وآدم بصفه من الجهة الثانية
بحيث طوقونا من الناحيتين ، وأكرم وزيد صايرين وره بشار
عميد الدين : راح أجبر نفسي احترمك لأنك دايس بساط بيتي
وما راح اهينك أكثر ، بَس هنه چم حچاية تسمعهن زين
وتفهمهن وبعدها تطلع من هذا البيت وما اشوف چهرتك گدامي .
الباشا : أنتَ منوو..؟!
عميد الدين : خيالهاا
_ خيال منوو
_ ما يخصك
التفت الباشا الـ جدي الواگف يباوعلنه
_ حجي عزام احنا جايين نحچي وياك مو ويا غيرك
عزام : حفيدي هذا ، ودامني ادري بي مايحچي غير الصح فـ مخوله علىٰ كلشي .
اتجاهلهم بشار اجه يريد يتقرب مني دفعه وارث مايخلي يوصل الي
بشار : أشوفه لمرة وحدة وبعدها ما اتشوفيني گدامچ
وَهج : مو نفسك ما ردته ولا حتىٰ باوعت بوچهه ليش هسه جاي اتطالب بي
بلع ريگه ونظراته ندم بَس مايشفعله يمي هذا الشي
بشار : مو اتريدين أوقع تعهد..؟!
وَهج : أي .
_ موافق اوقعلچ بَس أشوفه مرة وحدة
رفعت انظاري الكل انظارهم متوجهه ناحيتي
عميد الدين : اتوقع التعهد بالاول وبأوراق قانونية تثبت
تنازلك عنه وبعدها أتشوفة شنو رأيج وَهج..؟!
هزيت براسي منطيه موافقتي
بشار : أشوفه هسه وباچر كلشي نخلصه وَهج لا تقسين هيچ .
أنت تقرأ
وقار الغريب
Actionعَالم مظلم مغمور بالغموض حكاية خطت ورُسمت بالوان الغموض والخفية سَنشاهد التقاء روحين للتصدي للماضي الأليم والمواجهة مع التحديات الجادية هل ستجد الحياة طريقها للتجديد والتغير ؟ أم ستبقى هَناك صورة مألوفه للألم والوحدة .. بقلم _ حوراء السعيدي لا ا...
