﷽
وقَار_الغريب
. حوراء السعيدي
التصويت قبل القراءة+ رأيكم بين الفقرات
+ مُتابعة لـ حسابي hawraalsaidi
قناة التلگرام 📌 Harahir
حسابي الانستا 📌
Instagram: hawraalsaidi
<___________________________>
الهَيبة ثوب مفَصل ولايگ عَليك
وَ الكفوْ ألغيرك
أبدًا مَنگولها
يا معلمهُم علىٰ مَعنىٰ الشِموخ
أنتَ تاج المرجَلة
وَ مسؤؤلها
ألمعالي حقها منك تغار
منهو غير چفوفك يطولها ؟ المواقف
دَيه بِعناق الرِجال
يروح صاحِبها ويضَل مَفعولها .
. وَهج .
بقيت جامدة بمكاني ، ما همني شي غير شغلتين
الاولى ما أريد يغلطون بحق أمهم ، أنسانة خطأت وأعترفت بغلطها
كلنا بشر ونخطأ ما معصومين عن الخطأ الثانية عميد الدين
نظراته أذتني من سمع كلام آدم إلي فاقد بأعصابه .
رفعت عيوني الـ عميد الدين إلي عيونه علىٰ أمه متجحظه بصدمة
وحق كل شخص ينصدم إلي يعرف باجي سلمى مستحيل
يتخيل اتأذي نمله من طيبة گلبها ، بس للأسف اكو من دفعها وخلاها ترتكب هيج خطأ .
خطى بخطوات أتجاه أمه ، لزمت گلبي ركضت گدامه صرت گباله مانعته يوصل الها
وَهج : عميد الدين كلشي اله مبرر وتوضيح لا تستعجل
عميد الدين : بَس خلي احچي وياهاا
وَهج : نشرح كلشي تمام بدون تسرع وعصبيةة .
هز براسه وعلامات الصدمة بعدها مرسومة علىٰ وجهه
عميد الدين : تگدرين أتفهمينه الموضوع
وَهج : أكيد .
بقيت أباوع للكل عيونهم ناحيتي ينتظرون الشرح مالتي
مسحت وجهي بس عيون آدم وعميد الدين
ما أنشالت عن أمهم
آدم يعاتبها بعيونه الي لامعه بدموعه بدون ماينزلن .
وَهج : أول ما راح آدم يتعالج ، صفا أتمرضت وجان الغريب
بالموضوع اختي صحتها كل يوم أتسوء وبس نايمة وتحس بنحول
حتى أحسها من احجي وياها فاصلة بغير عالم من گد التأثير إلي بيها
بس جنت مفكرة بسب وضعها ، بيوم گاعدين اني وعميد الدين
بالصالة اجت باجي سلمى گعدت يمنه ومن رادت تطلع
وگعت منها علبة بس ما ركزنه وياها مال شنو بالضبط .
أنت تقرأ
وقار الغريب
Actionعَالم مظلم مغمور بالغموض حكاية خطت ورُسمت بالوان الغموض والخفية سَنشاهد التقاء روحين للتصدي للماضي الأليم والمواجهة مع التحديات الجادية هل ستجد الحياة طريقها للتجديد والتغير ؟ أم ستبقى هَناك صورة مألوفه للألم والوحدة .. بقلم _ حوراء السعيدي لا ا...
