وقار الغريب

🦅_8_

﷽

وقَار_الغريب
. حوراء السعيدي

التصويت قبل القراءة+ رأيكم بين الفقرات
+ مُتابعة لـ حسابي hawraalsaidi

قناة التلگرام 📌 Harahir

حسابي الانستا 📌
Instagram: hawraalsaidi

<___________________________>

لمهَ عَجايز عالنعَش گَسراتي مٍن يلتمِن .

. وَهج .

إِبْتِئَاس ، حَسْرَة ، جَزَع ، تَعَاسَة ، إِسْتِياء  إِضْطِرابات ، گادت تفقد عقلي
سَند : شوفي ماما صرت زين
رفعت راسي اباوع لجروحه ، الحمدلله العلاج جاب نتائج
وبدأ يتقشر الجلد الميت بَس ماناسيتها الشذى
أخذته لحضني لأمته
وَهج : أن شاء الله كم يوم واتطيب علىٰ الاخير .

سَند : ماما تدرين شغلة
وَهج : لا وين ادري انتظرك تحچيلي الشغلة
ضحك وبرزت اسنانه الناعمة
_ تذكرين من گليتلچ عمو اشترالي وگالي سلملي علىٰ امك
_ أي أتذكر شبيّ
_ هوَ هنا
_ قصدك عمو آدم
هز براسه بـ لا ورجع يكمل

_ لا مو عمو آدم
_ چـاا منو..؟!
_ هذا عمو الجديد الي اجه هنا
رفع راسه لسقف الغرفة مثل الي يفكر الثواني گال وخلاني بنص حيرة
_ ايي هسه اگدر الفظ اسمه " عميد الدين"  .

_ عميد الدين..؟!
هز راسه بـ اي وگفت ارفع بشعري وأفكاري صارت
تضرب أخماس باسدادس ، مثل ماتوقعت هل الشخص
مو فارغ وراه شي ويوم بعد يوم جاي ينثبت كلشي عليّ
بكل مرة ادرس كل نظراتهم البعض وحركاتهم استنتج شي واحد
هو وراها اسرار والغاز حتىٰ نظرته الباجي نادية بيوم مارجع هنا .

_ سَند ابقىٰ هنا ماما عندي شغلة اكملها واجيك
_ خلي اطلع حبابه ماما
_ لا ممنوع تطلع جاي يشتغلون بغرفة عمو وارث وهوسة
اكمل واجيك اني اطلعك اتفقنا قرة عيني..؟!
_ اتفقنا
بعثرت شعره اضحك مو ولد مصيبة لبست حجاب وطلعت .

أتلفت بالبيت ماشفته وهوستهم جايه من فوگ بغرفة وارث
صعدت شفتهم كلهم متجمعين ماعدا أكرم الي تجمعاته
احيانًا وياهم قليلة بسبب شغلة وخفاراته بالمستشفى
وگفت يم الباب ، يشتغلون بالغرفة الجابوها وارث وجهه
مايگصه السيف ، عميد الدين يشتغل بتركيبها وآدم وزيد يساعدونه .

عميد الدين : ارگد يُبا شمالك
زيد : شمسوي هذا آدم مايلزم عدل
لازم الأدوات الخاصة بايده رفع راسه يباوع الوارث الگاعد بعيد عنهم
_ وارث
انتبه اله يباوعله بحزن
وارث : هااا عميد الدين
_ شني خوية
انضم الگعدتهم ، ويجر بهالحسرات من يمي اتأذيت علىٰ وضعه
_ ضايع ولكم ضايع ما جاي اندل دربي تايهه حرت مابين الاحبها ومابين الصارت أمانة عندي .