﷽
وقَار_الغريب
. حوراء السعيدي
التصويت قبل القراءة+ رأيكم بين الفقرات
+ مُتابعة لـ حسابي
قناة التلگرام 📌 Harahir
حسابي الانستا 📌
Instagram: hawraalsaidi
<___________________________>
لا تنسون تفاعلكم حبيباتي 🦅
كيف أُخْفي الذي قدْ بات يَسْكُنني
والْعيْنُ مُبْدِيَةٌ والْقَلْبُ مُعْتَرِفُ .
. وَهج .
رب العالمين ينطي أصعب المعارك لأقوى جنوده
وگضيت عمري أدخل بمعركة أطلع منها أرجع أدخل بالثانية
دموعي تنزل بـ زحَام ( كثرة ) وگفت بمكاني سحبت نفس
مو اني إلي تعض الأيد الي أنمدت إلها بيوم من الايام وحمتها هيَّ و أبنها
ولا اني الأم إلي تنطي ضناها بسهولة .
مسحت دموعي وأني أردد بكلمة وحدة بداخلي
إلي هيَّ " راح أنقذك عميد الدين"
باوعت للأتصال بعده موجود بشار ، ويحاول يحجي ويايَّ
بعد ما صوتي أختفى منه الثواني معدودة .
بشار : وينج وَهج..؟! .
وَهج : أسمعك
بشار : وين رحتي..؟! بيج شي .
كانت نبرة أهتمام منه بَس أكيد نبرة كاذبة مُزيفة
وَهج : خليني أفكر ذني اليومين و أرجعلك خبر .
_ أنتِ تحبينه
_ أحب منو..؟!
_ عميد الدين .
صفنت بسؤاله ، أخاف أجاوب ويأذي هذا واحد حقير وسافل أردفت بعدم أهتمام
_ لا
_ شمبقيج وياه معناها
_ شي ما يخصك .
طبكت الخط بوجهه ، گعدت رجليَّ ماتن رفعت راسي للسماء
مختنگة كأنما شخص جاي يخنگ بيَّ رجعت دموعي تسللت من جديد
شلون أنقذه هسه..؟! أختار أبني إلي ربيته بماي عيوني
لو أختار عميد الدين إلي صار سلاية بعيون كل شخص يحاول يتقرب إلي .
فتحت جهازي ، طلعت رقم ظافر ، حتى النفس أحسه يرجف
أتصلت وكلي أمل ينطيني حل للي أني بي بس خاب أملي
من الجهاز يطلع مغلق ، ما اگدر اخاطر بحياة باقي أخوان عميد الدين
كافي آدم إلي أدمر بسبب أبوي ، وخلى أمه تتصرف غلط
ولو ما متلاحگة اختي چان راحت بيها وأدمرت .
طلعت رونق حالها مو أحسن من حالي أو بالأحرى حالنا كله أتدهور
رونق : شتسوين گاعدة هنا وَهج..؟!
ذبيت حسرة والله الحسرة إلي أنذبها وأحنا بهيج وضع تحسها تأذي صدرگ .
وَهج : بشار أتصل عليَّ .
أنت تقرأ
وقار الغريب
Acciónعَالم مظلم مغمور بالغموض حكاية خطت ورُسمت بالوان الغموض والخفية سَنشاهد التقاء روحين للتصدي للماضي الأليم والمواجهة مع التحديات الجادية هل ستجد الحياة طريقها للتجديد والتغير ؟ أم ستبقى هَناك صورة مألوفه للألم والوحدة .. بقلم _ حوراء السعيدي لا ا...
