وقار الغريب

🦅_43_

﷽

وقَار_الغريب
. حوراء السعيدي

التصويت قبل القراءة+ رأيكم بين الفقرات
+ مُتابعة لـ حسابي hawraalsaidi

قناة التلگرام 📌 Harahir

حسابي الانستا 📌
Instagram: hawraalsaidi

<___________________________>

عِندما اراك سأقولُ لكَ بِكُل لَهفة عراقية
" هلا بسنين العُمر "
سأحتضُنَك و أهمسُ في إذنَك
" تچوه گلبي بفرگتك يبعد كل هَلي "
و ايضًا سأحتضِنُك بِكُل حَنان عراقي
و اقولُ لَك
" يمة حضينك ردلي عُمر ضاع من سنيني "

. صفا .

الكل صافن شلون جدي أتغيرت ملامحه
و هوَ
يباوع الـ زيد بينما زيد شگد جانت ملامحه متغيرة
وتحسه عنده شي بس حالياً طبيعية
عزام : منو عباس..؟!
زيد : صديقي
عزام : شني علاقته بـ بنت كوثر ليش تسئلك عنه أنتَ بالذات
زيد : المفروض هذا السؤال أمها أتجاوبه .

دار جدي ولازال جهاز زيد بأيده وجه سؤاله
الـ كوثر
عزام : ولج كوثر ، عندج جواب للسؤال .
بلعت ريگها وملامح التوتر أعتلت وجها
زيد : تحجين أنتِ لو أني احجي .
بقت ساكتة وبنتها أنتهت من يمي أنمرد گلبي عليها هاي أتصير بنتها الثانية .

وارث : احجي زيد .
اخذ جهازه من جدي وبدأ أيسولف .
زيد : قبل لا احجي اگول شغلة وحدة ، هالبنيه إلي
گدامكم شريفة ومابيها أي شي ، و أي علاقة ماتربطني بيها
و للأسف هيَّ بنت كوثر ، لأن وحدة مثلها ماتستاهل أم مثلها .

عباس يحبها وهيَّ نفس الحالة ، أكثر من مرة أمه أتروح
تخطبها وست كوثر ترفضهم ، ليش..؟! لأن حالته المادية علىٰ گده
فـ هو منطيها رقمي إذا أيصير شي و هوَ ماموجود تتصل بيَّ
مرات يتأخر بشغلة لو أيصيرله ظرف يضل بالها تراسلني
أو تخابرني وگد السؤال وياها گدامك كلشي جدي وشفته .

الولد صارله يومين أمه بالمستشفى ومايگدر يجاوبها كل ساعة
اليوم كله مامجاوبها خابرتني تسئلني عنه أشوفه إلها
بس وهيَّ أتخابر لكفها هل الحيوان إلي واگف گدامكم
واجوا هنا يريدون يذبونها براسي ودام كوثر عندها فكرة
عن كلشي من قبل ف واضح شنو إلي ابالها بس يبقى حلم بحسرتج يتحقق .