وقار الغريب

🦅_17_

﷽

وقَار_الغريب
. حوراء السعيدي

التصويت قبل القراءة+ رأيكم بين الفقرات
+ مُتابعة لـ حسابي hawraalsaidi

قناة التلگرام 📌 Harahir

حسابي الانستا 📌
Instagram: hawraalsaidi

<___________________________>

روحٌ فـي زحمة الحياة
ظلال العوز تلفـح وجها
عزيمتها شمس لا تغرب
أنها قوة في ثوب الرأفة
في حنايا الفقر
قلبها معبد صلابة وصبر
تستقي القوة من صدىٰ المسؤولية
تتقاطر مـن جبيـنها قصائد الكدح
تنبض كفوفها بـ خرائط الحياة القاسية المُرتسمة عليها تفترش الارض
تنسج من العدم وشاح عزّها ︎
تسلم دعـاءً يتسـلل بين الغُمام
تغـذي الافـواه الجائعة بـ خبـز ممـزوج
بـ الدمـع ورحيـق العـطاء
كُل ليلة تغفو علىٰ حلم
بـ أن الفجـر المُنتضـر لـن يبـخل .

. اسراء .

نهضت من مكاني علىٰ دفرة اجت بخاصرتي شاغت روحي الربها
وگفت لأزمة مكان الضربة مغمضة عيوني بألم أجاني صوتها
المقرف ونفس الكلام بكل مرة أسمعه بس اتأخر بالنوم
ميسون : خافنج عبالچ ببيت الخلفوووچ لو گاعدتلي بفندق
أنتِ هنا عبده يمنا ، يله جهزي نفسچ السيارة تنتظر .

رگعت الباب وطلعت فتحت عيوني أسحب بالنفس گوا
دارت عيوني علىٰ أخواني الصغار الواگفين هم مبدلين نزلت دموعي
ماتنزل دموع من عيوني ينزل دم وقهر واني أشوف
أخواني المايتجاوز عمرهم عشر سنوات
مشغلينهم نفس الشغل شغلنه نجدي بالشوارع.

وكل هذا سببه امي باعتنه الناس ماكو شي اسمه الرحمه بحياتهم
أباوعلهم الشمس حارگتهم حرك بشرتهم تعبانة
گعدت بمكاني
واعاتب امي الي شمرتنا هالشمرة وبعد ماسئلت عنه
دائماً چنت أسمع من ابوي الأم حنونه الأم ماتعوف ضناها بَس كل هذا ما شفته عند امي

اجوني اثنينهم گعدوا بصفي من الجهتين يمسحون بدموعي
أسامة : لا تبچين والله بس اصير چبير اله اخذچ ونطلع منا .
رد الثاني الساند راسه علىٰ كتفي
أصيل : اي اي اسراء حبابه لا تبچين
حضنتهم الصدري ابچي بصمت مختنكة ياحنيتكم خايفة لا بيوم يحرموني منكم .